1為聖所奉獻（出35:4~9）耶和華對摩西說：
1 Rabbi salaŋ Musa se ka ne:
2“你要告訴以色列民，叫他們給我送禮物來，所有心裡樂意奉獻的人，你們就可以收下他們給我的禮物。
2 «Ma salaŋ Israyla izey se ka ne i ma nooyaŋ ta ka kande ay se. Ni m'ay nooyaŋo ta mo boro fo kulu kambe ra kaŋ bina n'a no.
3以下是你們要從他們收取的禮物：金、銀、銅、
3 Nooyaŋ kaŋ araŋ ga ta i gaa neeya: wura, da nzarfu, da guuru-say,
4藍色紫色朱紅色線、細麻、山羊毛、
4 da silli suudi da suniya nda iciray, da lin* baano taafeyaŋ mo, da hincin hamni taafeyaŋ,
5染紅的公羊皮、海狗皮、皂莢木、
5 da feeji kuuru kaŋ i cirandi, da hari-ra-hansi kuuruyaŋ, da jitti bundu,
6燈油、膏油的香料和焚香用的香料，
6 da ji mo fitilla kaariyaŋ se, da yaazey tuusuyaŋ jiyo se, da dugu mo haw kaano se.
7綠柱玉寶石和鑲嵌在以弗得和胸牌上的寶石。
7 Wa kande oniks* tondiyaŋ, da tondi waani-waani efod* kwaayo se, da gande daabiro mo se.
8他們要為我建造聖所，使我可以在他們中間居住。
8 I ma nangoray hanante te ay se, zama ay ma goro i game ra.
9按著我指示你建造會幕和一切器具的樣式，你們要照樣建造。
9 Deedando kaŋ ay ga cabe ni se kulu, Irikoy nangora deedando d'a jinayey kulu, yaadin no araŋ g'i te d'a.
10約櫃的做法（出37:1~9）“他們要用皂莢木做一個櫃，長一百一十公分，寬六十六公分，高六十六公分。
10 I ma sundurko te da jitti bundu kaŋ salleyaŋo ga to kambe kar hinka nda jare, a tafayyaŋo kambe kar fo da jare, a kuuyaŋo mo kambe kar fo da jare.
11你要用純金包櫃，內外都要包上；櫃上的四圍要做金邊。
11 I m'a daabu nda wura hanno, ni m'a daabu a ra hara d'a banda mo. Ni ma wura bonkunga te a se k'a windi.
12你要鑄造四個金環，安放在櫃的四腳上，兩個環在這邊，兩個環在那邊。
12 Ni ma wura korbay taaci soogu a se k'i daŋ a lokoto taaca ra, kambu woone gaa korbay hinka, kambu fa gaa mo korbay hinka.
13你要用皂莢木做幾根櫃槓，並要用金包裹起來。
13 Ni ma jitti bundu goobuyaŋ te mo, k'i daabu nda wura.
14你要把櫃槓穿在櫃旁的環中，以便用槓抬櫃。
14 Ni ma goobey daŋ korbayey funey ra sundurko kambey gaa, sundurko jareyaŋo se.
15櫃槓要常留在櫃的環中，不可抽出環外。
15 Goobey din mo, i ma goro sundurko korbay funey ra, i ma si i foobu ka kaa i ra.
16你要把我賜給你的法版放在櫃裡。
16 Ni ma seeda kaŋ ay ga ni no mo jisi sundurko ra.
17你要用純金做施恩座，長一百一十公分，寬六十六公分。
17 Ni ma sasabandiyaŋo do te da wura kaŋ ga hanan, kaŋ salleyaŋo kambe kar hinka nda jare no, a tafayyaŋo mo kambe kar fo da jare no.
18你要用黃金錘成兩個基路伯，放在施恩座的兩端。
18 Ni ma ciiti malayka himandi hinka te da wura, danay goy no ni g'i te d'a, sasabandiyaŋo do boŋ hinka gaa.
19這端做個基路伯，那端做個基路伯，二基路伯要與施恩座連在一起製造，在施恩座的兩端。
19 Kala ni ma ciiti malayka himandi fo te ne-haray boŋo gaa, ciiti malayka himandi fo mo ya-haray boŋo gaa. Ciiti malayka himandey mo ma fun sasabandiyaŋo do a boŋ hinka gaa.
20二基路伯要在上面展開雙翼，遮掩施恩座，基路伯的臉要彼此相對，他們的臉要朝著施恩座。
20 Ciiti malayka himandey mo ga ngey fatey salle beene ka sasabandiyaŋo do daabu nda ngey fatey. I moydumey ga care guna. Ciiti malayka himandey moydumey ma sasabandiyaŋo do haray guna.
21你要把施恩座安放在櫃頂，又要把我賜給你的法版放在櫃裡。
21 Ni ma sasabandiyaŋo do dake sundurko boŋ. Seeda kaŋ ay ga ni no mo, ni m'a jisi sundurko ra.
22我要在那裡和你相會，也要從施恩座上面，從二基路伯之間，告訴你一切我命令你傳給以色列人的事。
22 Noodin no ay ga kubay da nin, sasabandiyaŋo do se beene, ciiti malayka himandi hinka game ra kaŋ yaŋ go seeda daŋyaŋ sundurko boŋ, ay ga salaŋ ni se hay kulu boŋ kaŋ ay ga ni lordi* nd'a Israyla izey se.
23桌子的做法（出37:10~16）“你要用皂莢木做一張桌子，長八十八公分，寬四十四公分，高六十六公分。
23 Ni ma taabal te mo da jitti bundu, kaŋ salleyaŋo kambe kar hinka no, a tafayyaŋo kambe kar fo, a kayyaŋo mo kambe kar fo da jare no.
24你要用純金包桌子，桌子的四圍要做金邊。
24 Ni m'a daabu nda wura hanno ka wura bonkunga te a se k'a windi.
25你要給桌子的四圍做七十五公釐寬的框邊，框邊上的四圍要做金邊。
25 Ni m'a windi mo da me-jabu kaŋ tafayyaŋo kambe faata fo cine no. Ni ma bonkunga te a se da wura k'a windi.
26你要做四個金環，把金環安放在桌子的四角上，就是在桌子的四腳上。
26 Ni ma wura korbay taaci te a se ka korbayey daŋ lokoto taaca din ra kaŋ yaŋ go a kanje taaca gaa.
27環子要靠近框邊，用來穿桌槓，以便抬桌子。
27 Me-jabo jarga no korbayey ga bara, goobey nangey taablo jareyaŋ se.
28你要用皂莢木做幾根桌槓，又要用金包裹起來，桌子要用桌槓來抬。
28 Ni ma jitti bundu goobuyaŋ te k'i daabu nda wura taablo jareyaŋo se.
29你要做桌子上的盤子、碟子、酒杯和奠酒用的瓶，這些你要用純金製造。
29 Ni m'a taasey, d'a kawrey, d'a haŋ gaasey d'a kusey te da wura hanno, wo kaŋ yaŋ i ga sooguyaŋ sargay te d'ey.
30你又要在桌子上，在我面前，常常擺放陳設餅。
30 Ni ma jisiyaŋ buuru dake taablo boŋ ay jine waati kulu.
31燈臺的做法（出37:17~24）“你要用純金做一個燈臺，那燈臺你要用鎚錘成；燈臺的座、幹、杯、球、花，都要與燈臺連在一起。
31 Ni ma fitilla suntulo mo te da wura zalla. Danay goy no i ga fitilla suntulo te d'a, danga a daba, d'a jinda, d'a boosi me wiyantey, d'a boosi gunguney, d'a boosi me feerantey -- i kulu marganta ni m'a te danay fo.
32燈臺的兩邊伸出六個枝子；一邊有三個燈臺枝子，另一邊也有三個燈臺枝子。
32 Kambe iddu no ga salle a jinda gaa, kambe hinza fitilla suntulo kuray woone gaa, ihinza mo fitilla suntulo ya-haray kura gaa.
33在第一個枝子上有三個杯，形狀像杏花，有球、有花；在另外一個枝子也有三個杯，形狀像杏花，有球、有花。從燈臺伸出的六個枝子，都是這樣。
33 I ga te boosi me wiyante hinza dananteyaŋ danga amand* tuuri boosi cine, d'i boosi gunguney, d'i boosi me feerantey kambe fo gaa. Ma te boosi me wiyante hinza koyne dananteyaŋ danga amand tuuri boosi cine, d'i boosi gunguney, d'i boosi me feerantey kambe fa gaa. Yaadin no kambe iddo kulu gaa kaŋ yaŋ ga salle fitilla suntulo gaa.
34燈臺上有四個杯，形狀像杏花，有球、有花。
34 Fitilla suntulo gaa mo i ma te boosi me wiyante danante taaci, danga amand tuuri boosi cine, d'i boosi gunguney, d'i boosi me feerantey.
35每兩個枝子的下面有球和燈臺相連，從燈臺伸出來的六個枝子，都是這樣。
35 A ma bara boosi gunguni fo a kambe hinka cire, da boosi gunguni fo mo a kambe hinka cire koyne, da boosi gunguni fo a kambe hinka cire koyne, ngey kambe iddo se kaŋ yaŋ ga salle fitilla suntulo gaa.
36球和枝子都要與燈臺連在一起，都是從一塊純金錘成的。
36 I boosi gunguney d'i kambey, danay fo no ni g'i te d'a, wura zalla wane.
37你要做燈臺上的七個燈盞，這些燈盞要放在燈臺之上，使燈光照亮對面的地方。
37 Ni m'a fitilla iyye te. I m'a fitilley diyandi zama i ma te kaari a jine.
38燈臺上的燈剪和燈花盆，也是要純金做的。
38 Ni m'a kambo d'a ziibi kuyaŋ taasey mo te da wura zalla.
39要用三十五公斤純金做燈臺和一切器具。
39 I ma fitilla te, nga nda nga goy jinayey kulu, da wura zalla, kilo waytaaci cindi gu cine tiŋay.
40你要留心照著在山上指示你的樣式去做。”
40 Ma laakal mo k'i te i deedando boŋ kaŋ ay cabe ni se tondo ra.»