1耶和華對摩西說：“看哪，我使你在法老面前好像 神一樣；你哥哥亞倫要作你的先知。
1 Rabbi ne Musa se: «Guna, ay na ni daŋ Irikoy fo Firawna se: ni nya izo Haruna mo ga ciya ni annabo*.
2我吩咐你的一切，你都要說；你哥哥亞倫要告訴法老，法老就讓以色列人離開他的地。
2 Hay kulu kaŋ ay na ni lordi* nd'a, ni m'a ci. Ni nya izo Haruna mo ga salaŋ Firawna se ka ne a ma naŋ Israyla izey ma fun a laabo ra.
3我要使法老心硬，我也要在埃及地加增我的神蹟奇事。
3 Ay mo, ay ga Firawna bina sandandi, ay ga naŋ ay alaamey d'ay dambara goyey ma baa Misira laabo ra.
4可是法老不聽你們的話，我必下手擊打埃及；藉著嚴厲的刑罰把我的軍隊，我的人民以色列人，從埃及地領出來。
4 Amma Firawna si maa araŋ se bo. Ay g'ay kambe dake mo Misira boŋ, ay m'ay jama Israyla izey fattandi Misira laabo ra dubal-dubal, da ciiti beeri-beeri yaŋ.
5我向埃及伸手，把以色列人從他們中間領出來的時候，埃及人就必知道我是耶和華。”
5 Misirancey ga bay mo kaŋ ay no ga ti Rabbi, saaya kaŋ ay n'ay kamba salle Misira boŋ, ay na Israyla izey kaa i game ra mo.»
6摩西和亞倫這樣行了；耶和華怎樣吩咐摩西和亞倫，他們就照樣行了。
6 Yaadin mo no Musa nda Haruna te. Mate kaŋ cine Rabbi n'i lordi nd'a, yaadin no ngey mo te.
7摩西和亞倫與法老說話的時候，摩西八十歲，亞倫八十三歲。
7 Musa gonda jiiri wahakku, Haruna mo wahakku cindi hinza, saaya kaŋ i salaŋ Firawna se.
8以杖變蛇耶和華告訴摩西和亞倫說：
8 Rabbi salaŋ Musa nda Haruna se koyne ka ne:
9“如果法老告訴你們說：‘你們行件奇事吧’，你就要對亞倫說：‘拿你的手杖來，把它丟在法老面前，它就會變作蛇。’”
9 «Da Firawna salaŋ araŋ se ka ne: ‹Ma dambara hari fo cabe› kala ni ma ne Haruna se: ‹Sambu ni goobo k'a catu Firawna jine, zama a ma ciya gondi.› »
10摩西和亞倫就進到法老那裡，照著耶和華吩咐他們的行了；亞倫把手杖丟在法老和法老的臣僕面前，手杖就變了蛇。
10 Musa nda Haruna binde furo Firawna do ka te yaadin. Danga mate kaŋ Rabbi n'i lordi nd'a, Haruna na nga goobo catu Firawna nda nga bannyey jine. A bare ka te gondi mo.
11於是，法老也把智慧人和行法術的人召了來；他們本是埃及的術士，也用他們的巫術照樣行了。
11 Waato din gaa Firawna mo na laakalkooney da moodabalkoyey ce. Ngey mo, Misira ziimey na woodin te da ngey moodabaley.
12他們各人都丟下自己的手杖，手杖就變了蛇；亞倫的手杖卻吞了他們的手杖。
12 Zama i afo kulu na nga goobo catu. Ngey mo bare ka te gondiyaŋ. Amma Haruna goobo n'i goobey gon.
13法老心裡剛硬，不肯聽他們的話，就像耶和華所說的一樣。
13 Firawna binde bina sandi, a mana maa i sanno se mo, danga mate kaŋ cine Rabbi ci din.
14血災耶和華對摩西說：“法老心裡固執，拒絕讓人民離去。
14 Rabbi ne Musa se: «Firawna bina sandi, a wangu mo ka borey taŋ.
15明天早晨你要到法老那裡去。看哪，法老出來到水邊去的時候，你要站在河邊迎見他；那變過蛇的手杖，你要拿在手裡。
15 Ma koy Firawna do suba susubay. A go, a ga koy haro me gaa. Ni mo, ma kay isa me gaa zama ni ma kubay d'a. Goobo kaŋ bare ka te gondi, kala ni ma kond'a ni kambe ra.
16你要對法老說：‘耶和華希伯來人的 神差我到你這裡來，說：“讓我的人民離開這裡，好使他們可以在曠野事奉我”，你看，直到現在你還是不聽。
16 Ma ne a se: ‹Rabbi Irikoy, Ibraniyancey wano n'ay donton ni gaa. A ne: Ni m'ay borey taŋ zama i ma may ay se saajo ra. A go mo, hala sohõ ni mana maa.
17耶和華這樣說：“看哪，我要用我手裡的杖擊打河中的水，水就必變成血；因此你就知道我是耶和華。
17 Yaa no Rabbi ci: Yawo gaa no ni ga bay kaŋ ay ya Rabbi no: a go, goobo kaŋ go ay kambe ra wo, ay ga haro kaŋ go isa ra kar d'a, haro ga bare ka te kuri mo.
18河中的魚必死亡，河水也必發臭，埃及人就必厭惡喝這河裡的水。”’”
18 Hamisey kaŋ go isa ra mo ga bu. Isa haro ga fumbu, Misirancey mo ga isa haro haŋyaŋ fanta!› »
19耶和華對摩西說：“你要對亞倫說：‘拿你的手杖來，把你的手伸在埃及的眾水之上，就是在他們的江、河、池和所有水塘之上，使水都變成血。因此，在埃及全地，連木器石器中都必有血。’”
19 Rabbi ne Musa se koyne: «Ma ne Haruna se: ‹Sambu ni goobo ka ni kamba salle Misira harey boŋ: i goorey, d'i hari zurey, d'i gulley, d'i bangey kulu boŋ. I ma bare ka ciya kuri, hala kuri ma bara Misira laabo kulu ra, bundu jinay da tondi wane kulu ra.› »
20摩西和亞倫就這樣行了，就像耶和華所吩咐的；亞倫在法老面前和法老的臣僕面前舉起手杖，擊打河裡的水，河裡的水就都變了血。
20 Musa nda Haruna binde te yaadin, danga mate kaŋ Rabbi n'i lordi nd'a. A na goobo sambu, a na isa haro kar Firawna nda nga bannyey jine. Haro kulu mo kaŋ go isa ra ciya kuri.
21河裡的魚死了，河水發臭了，埃及人也不能喝這河裡的水了；在埃及，全地都有血。
21 Hamisey kaŋ yaŋ go isa ra bu. Isa binde fumbu hala Misirancey si hin ka isa haro haŋ. Kuri go Misira laabo kulu ra.
22埃及的術士也用他們的巫術這樣行了；可是法老卻心裡剛硬，不肯聽摩西和亞倫，就像耶和華所說的。
22 Misira ziimey mo na woodin te da ngey moodabaley, Firawna bina sandi mo koyne. A mana maa i se, danga mate kaŋ Rabbi ci.
23法老轉身回到宮裡去，也不把這事放在心上。
23 Firawna bare ka koy nga kwaara. A mana woodin saal nga bina ra.
24所有的埃及人都在河的周圍掘地，要得水喝，因為他們不能喝這河裡的水。
24 Misirancey kulu soobay ka fansi isa jabo gaa zama ngey ma du haŋyaŋ hari, zama i si hin ka isa haro haŋ.
25耶和華擊打尼羅河以後，滿了七天。
25 Kaŋ Rabbi na isa karyaŋ te banda, a to jirbi iyye.
26 Rabbi ne Musa se koyne: «Ma furo Firawna do ka ne a se: ‹Yaa no Rabbi ci: Ma fay d'ay borey, i ma fatta zama i ma may ay se.
27 Da ni wangu k'i taŋ mo, to! ay ga ni laabo kulu me-a-me kar da balancaw.
28 Isa ga to da balancaw*, kaŋ yaŋ ga kaaru ka furo ni windo ra da ni naŋ-kaniya ra da ni dima boŋ da ni bannyey windey ra nda ni borey boŋ da ni feemey ra nda buuru diibiyaŋ haro ra.
29 Balancawey ga kaaru ni gaahamo boŋ da ni borey boŋ da ni bannyey kulu waney boŋ.› »