1雅各下埃及以色列帶著他所有的一切起程，到了別是巴，就向他父親以撒的 神獻祭。
1 Israyla* binde na nga mayray haro kulu margu ka kaa Beyer-Seba. A na sargay* salle nga baabo Isaka wane Irikoyo se.
2 神在夜間的異象中對以色列說：“雅各，雅各。”雅各說：“我在這裡。”
2 Irikoy mo salaŋ Israyla se cin bangandi ra ka ne: «Yakuba! Yakuba!» Yakuba ne: «Ay neeya.»
3 神說：“我是 神，就是你父親的 神；你不要怕下埃及去，因為我必使你在那裡成為大國。
3 A ne: «Ay no Irikoy, ni baaba wane Irikoyo. Ma si humburu Misira koyyaŋ, zama ay ga naŋ ni ma ciya dumi bambata noodin.
4我要親自與你一同下到埃及去，也必把你帶上來。約瑟要親手合上你的眼給你送終。”
4 Ay ga koy ni banda Misira ra. Daahir mo, ay ga ye nda nin koyne, Yusufu ga ni moy mooru mo.»
5雅各就從別是巴起程。以色列的眾子，用法老為雅各送來的車輛，接載他們的父親雅各，以及他們的孩子和妻子。
5 Kala Yakuba tun Beyer-Seba. Israyla izey mo na ngey baabo Yakuba sambu, nga nda i izey d'i wandey mo, torkey ra kaŋ yaŋ Firawna samba i m'i sambu se.
6他們又帶著牲畜，和他們在迦南地所得的財物，來到埃及。這樣，雅各和他所有的子孫，都一同來了。
6 I na ngey almaney boy. I na ngey jinayey kaŋ yaŋ i du Kanaana laabo ra ku. I koy Misira, Yakuba nda nga banda kulu,
7雅各把他的眾兒子、孫子、女兒、孫女和他所有的後裔，都一同帶到埃及去了。
7 a ize arey d'a izey ize arey, a ize wayey d'a ize arey ize wayey, d'a banda kulu, a kand'ey nga banda Misira.
8雅各的子孫來到埃及的以色列人，就是雅各和他的子孫，名單記在下面：雅各的長子是流本。
8 Israyla izey kaŋ yaŋ kaa Misira ra, i maayey neeya, Yakuba nda nga izey: Ruben, Yakuba hay-jina.
9流本的兒子是哈諾、法路、希斯崙和迦米。
9 Ruben izey neeya: Hanoku, da Pallu, da Hezron, da Karmi.
10西緬的兒子是耶母利、雅憫、阿轄、雅斤、瑣轄和迦南女子所生的掃羅。
10 Simeyon izey mo ga ti: Yemuwel, da Yamin, da Ohad, da Yacin, da Zohar, da Sawul, Kanaana wayboro fo ize.
11利未的兒子是革順、哥轄和米拉利。
11 Lawi izey mo ga ti: Gerson, da Kohat, da Merari.
12猶大的兒子是珥、俄南、示拉、法勒斯和謝拉，但是珥和俄南都在迦南地死了。法勒斯的兒子是希斯倫和哈母勒。
12 Yahuda izey mo ga ti: Er, da Onan da, Sela, da Farisa, da Zera. Amma Er da Onan bu Kanaana laabo ra. Farisa izey mo: Hezron da Hamul.
13以薩迦的兒子是陀拉、普瓦、喲伯和伸崙。
13 Isakar izey mo ga ti: Tola, da Puba, da Ayuba, da Simron.
14西布倫的兒子是西烈、以倫和雅利。
14 Zabluna izey mo ga ti: Saredu, da Elon, da Yaleyel.
15以上這些人是利亞在巴旦．亞蘭給雅各生的兒子，另外還有女兒底拿。這些子孫一共三十三人。
15 Borey din kulu Laya izey no, kaŋ a hay Yakuba se Padan-Aram ra, ngey d'a ize wayo Dina. A izey kulu, alboro nda wayboro, boro waranza cindi hinza no.
16迦得的兒子是洗非芸、哈基、書尼、以斯本、以利、亞羅底和亞列利。
16 Gad izey mo ga ti: Zifiyon, da Haggi, da Suni, da Ezbon, da Er, da Arod, da Areli.
17亞設的兒子是音拿、亦施瓦、亦施韋和比利亞，還有他們的姊妹西拉。比利亞的兒子是希別和瑪結。
17 Aser izey mo ga ti: Imna, da Isba, da Isbi, da Beriya, d'i wayme Sera. Beriya izey mo ga ti: Heber da Malciyel.
18以上這些人是拉班給女兒利亞作婢女的悉帕給雅各生的子孫，一共十六人。
18 Zilpa kaŋ Laban no nga ize wayo Laya se, a izey nooya. Borey din no a hay Yakuba se, i boro way cindi iddu.
19雅各的妻子拉結，生了約瑟和便雅憫。
19 Rahila, Yakuba wando izey mo neeya: Yusufu da Benyamin.
20約瑟在埃及地生了瑪拿西和以法蓮，就是安城的祭司波提非拉的女兒亞西納給約瑟生的。
20 I na Manasse nda Ifraymu hay Yusufu se Misira laabo ra, Asenata, Alfa Potifera, kaŋ ga ti On wano, ize wayo no k'i hay a se.
21便雅憫的兒子是比拉、比結、亞實別、基拉、乃幔、以希、羅實、母平、戶平和亞勒。
21 Benyamin izey mo ga ti: Bela, da Beker, da Asbela, da Gera, da Naaman, da Ehi, da Ros, da Mupim, da Huppim, da Arda.
22以上這些人是拉結給雅各生的子孫，一共十四人。
22 Borey din no ga ti Rahila izey, kaŋ yaŋ a hay Yakuba se, i kulu boro way cindi taaci no.
23但的兒子是戶伸。
23 Dan ize ga ti: Husim.
24拿弗他利的兒子是雅薛、沽尼、耶色和示冷。
24 Naftali izey mo ga ti: Yazeyel, da Guni, da Yezer, da Sallum.
25以上這些人是拉班給女兒拉結作婢女的辟拉給雅各生的子孫，一共七人。
25 Bila kaŋ Laban na nga ize wayo Rahila no, a izey nooya. Borey din no a hay Yakuba se, i kulu, ngey boro iyye no.
26所有從雅各所生、與雅各一同來到埃及的人，除了他的兒婦之外，一共六十六人。
26 Borey kulu kaŋ yaŋ koy Yakuba banda Misira, borey kaŋ yaŋ fun a gaa, Yakuba izey wandey baa si, i kulu ngey boro waydu cindi iddu no.
27另外還有約瑟在埃及所生的兩個兒子。雅各家來到埃及的所有成員，一共七十人。
27 Yusufu izey kaŋ yaŋ i hay a se Misira ra mo, ngey boro hinka no. Yakuba windo borey kaŋ yaŋ koy Misira binde, i kulu marganta wayye no.
28約瑟到歌珊迎接父親雅各派猶大先到約瑟那裡去，請約瑟指教他去歌珊的路。於是他們來到歌珊地。
28 Yakuba na Yahuda donton nga jine a ma koy Yusufu do, zama nga ma fonda cabe a se nga jine hala Gosen. I kaa mo Gosen laabo ra.
29約瑟預備了車，上去歌珊迎接他的父親以色列。約瑟一看見他，就伏在他的頸項上，在他的頸項上哭了很久。
29 Yusufu mo na nga torka soola, a kaaru zama a ma nga baabo Israyla kubay Gosen. A binde to a do, a koli a jinda gaa ka hẽ a jinda gaa kal a gay.
30以色列對約瑟說：“這一次我看見了你的面，知道你還在，我死了也甘心。”
30 Israyla binde ne Yusufu se: «Sohõ naŋ ay ma bu, zama ay di ni moyduma, ni gonda fundi mo hala hõ.»
31約瑟對他的兄弟們和他的父家說：“我要上去告訴法老，對他說：‘我在迦南地的兄弟們和我的父家，都到我這裡來了。
31 Yusufu mo ne nga nya-izey da nga baabo banda se: «Kal ay ma koy ka ci Firawna se, ay ma ne a se: ‹Ay nya-izey d'ay baabo banda kaŋ yaŋ goro Kanaana laabo ra, a go, i kaa ay do.
32這些人都是牧羊人，以牧養牲畜為生。他們把自己的牛羊和一切所有的，都帶來了。’
32 Borey mo hawjiyaŋ no, zama za doŋ alman no i ga kuru. I kande mo ngey haw kurey da feejey da hay kulu kaŋ go i se.›
33法老召見你們的時候，如果問你們：‘你們是作甚麼的？’
33 A ga ciya mo, waato kaŋ Firawna g'araŋ ce ka ne: ‹Ifo ga ti araŋ goy?›
34你們就要回答：‘僕人們從幼年直到現在，都是以牧養牲畜為生。我們和我們的祖先都是一樣。’這樣，你們就可以住在歌珊地，因為埃及人厭惡所有牧羊的人。”
34 kala araŋ ma ne: ‹Ni bannyey wo, alman hawjiyaŋ no, za i go zanka hala ka kaa sohõ, iri nda iri kaayey.› Zama araŋ ma goro Gosen laabo ra. Zama hawji kulu ya fanta hari no Misirancey se.»