1祭司獻祭到了第八天，摩西把亞倫和他的兒子，以及以色列的眾長老都召了來；
1 A ciya mo jirbi ahakkanta hane, kala Musa na Haruna ce, nga nda nga izey, da Israyla arkusey mo.
2摩西對亞倫說：“你要取一頭公牛犢來作贖罪祭，一隻公綿羊作燔祭，兩樣都要沒有殘疾的；獻在耶和華的面前。
2 A ne Haruna se: «Ni ma yeej'ize fo suuban kalo ra, kaŋ ga te zunubi se sargay. Ma sambu feeji gaaru fo mo sargay summaare kaŋ i ga ton se kaŋ ihinka kulu laru si i gaa, k'i salle Rabbi jine.
3你也要告訴以色列人：你們要取一隻公山羊作贖罪祭，又取一頭一歲的牛犢和一隻一歲的綿羊羔作燔祭，兩樣都要沒有殘疾的；
3 Ni ma salaŋ Israyla izey se mo ka ne: ‹Araŋ ma hincin jindi fo suuban kaŋ ga te zunubi se sargay. Wa suuban mo handayze fo nda feej'ize fo, haraŋ wane yaŋ, kaŋ laru kulu si i gaa. Ngey mo ga te sargay summaare kaŋ i ga ton.
4又取一頭公牛和一隻公綿羊作平安祭，宰獻在耶和華面前；又取用油調和的素祭，因為今天耶和華要向你們顯現。”
4 Wa yeeji fo da feeji gaaru fo suuban saabuyaŋ sargay se, kaŋ i ga salle Rabbi jine. Wa sambu mo ŋwaari sargay kaŋ i ga diibi nda ji. Zama, hunkuna Rabbi ga bangay araŋ se.› »
5於是他們把摩西所吩咐的，帶到會幕前面；全體會眾都走近來，站在耶和華的面前。
5 I binde, hayey din kaŋ yaŋ Musa ci i se, i kand'ey kubayyaŋ hukumo jine. Jama kulu kaa ka maan ka kay Rabbi jine.
6摩西說：“這是耶和華吩咐你們的事，你們要照著行，耶和華的榮耀就要向你們顯現。”
6 Gaa no Musa ne: «Yaa no Rabbi ci ka ne araŋ ma te neeya, kaŋ a banda Rabbi darza ga bangay araŋ se.»
7然後摩西對亞倫說：“走到祭壇那裡，獻上你的贖罪祭和燔祭，為自己和人民贖罪；又獻上人民的供物，按著耶和華的吩咐，為他們贖罪。”
7 Musa ne Haruna se: «Ni ma kaa ka maan sargay feema do ka ni zunubi se sarga salle, woodin banda ni sargay summaara kaŋ i ga ton. Ni ga sasabandiyaŋ te ni boŋ se da ni jama mo se. Ni ma borey nooyaŋo mo salle, ka sasabandiyaŋ te i se, danga mate kaŋ Rabbi ci.»
8於是亞倫走近祭壇，宰殺那為自己獻的贖罪祭牛犢。
8 Yaadin no Haruna kaa ka maan sargay feema do ka zunubi se sarga handayzo kaŋ ga ti nga boŋ wano jinda kaa.
9亞倫的兒子奉上血，他就把手指蘸在血裡，抹在祭壇的四角上，把剩下的血倒在祭壇腳那裡；
9 Haruna izey na kuro salle a se. A na nga kambayze fo sufu kuro ra ka tuusu sargay feema hilley gaa. Kuro kaŋ cindi mo, a na mun feema tiksa gaa.
10贖罪祭牲的脂肪、腎和肝葉，他都焚燒在祭壇上，都是照著耶和華吩咐摩西的。
10 Amma maano da dumayzey, da taana kaŋ go ga haame daabu, kaŋ yaŋ i kaa zunubi se sarga gaa, a n'i ton sargay feema ra, danga mate kaŋ cine Rabbi ci Musa se.
11至於肉和皮，卻在營外用火燒掉。
11 Amma baso da kuuro, a n'i ton gata banda kal i te boosu.
12亞倫宰殺了燔祭牲，他的兒子把血遞給他，潑在祭壇的周圍。
12 Woodin banda a na sargay summaara kaŋ i ga ton jinda kaa. Haruna izey kande kuro a do hal a m'a say-say sargay feema windanta kulu gaa.
13他們跟著把燔祭牲一塊一塊連頭遞給他，焚燒在祭壇上。
13 I kande sargay summaara kaŋ i ga ton a do dumbari-dumbari, ngey da boŋo. A n'i ton sargay feema ra.
14亞倫又洗淨了內臟和腿，在祭壇的燔祭上焚燒。
14 A na teeley da cey nyun da hari k'i ton sargay summaara kaŋ i ga ton boŋ, wo kaŋ go feema ra.
15他把人民的供物獻上，又把那為人民作贖罪祭的公山羊牽來，宰殺了，獻為贖罪祭，和先前獻的一樣。
15 Woodin banda a kande jama nooyaŋey. A na zunubi se sargay hincino sambu kaŋ ga ti jama wano, k'a jinda kaa. A n'a salle zunubi sabbay se, mate kaŋ a jin ka te ijina din se.
16然後他按著規則獻上燔祭，
16 Gaa no a kande sargay summaara kaŋ i ga ton ka salle nga fonda boŋ.
17又獻上素祭，從其中取了滿滿的一把，在祭壇上焚燒。這是在早晨的燔祭以外的。
17 A na ŋwaari sarga salle ka tibi fo ton sargay feema ra, k'a tonton susubay sargay summaara kaŋ i ga ton gaa kaŋ go feema ra.
18亞倫又宰殺了那為人民作平安祭的公牛和公綿羊；亞倫的兒子把血遞給他，潑在祭壇的周圍。
18 A na yeejo jinda kaa, a na feeji gaaro jinda mo kaa. Saabuyaŋ sargayyaŋ no, kaŋ ga ti jama waney. Haruna izey kande kuro a do. Nga mo n'a say-say sargay feema windanta kulu gaa.
19他們又把公牛和公綿羊的脂肪、肥尾巴、遮蓋內臟的脂肪、兩個腎和肝葉，
19 I kande yeejo maano da feeji gaaro wane mo, kaŋ ga ti sunfa do maano, da gunda ra maano, da dumayzey da taana kaŋ ga haame daabu.
20都放在胸上，亞倫就把脂肪在祭壇上焚燒；
20 I na maano jisi ganda boŋ. Haruna mo na maano ton sargay feema ra.
21至於胸和右後腿，亞倫拿來作搖祭，在耶和華面前搖一搖；都是照著摩西吩咐的。
21 Amma ganda, nga nda kambe ŋwaari tanja Haruna n'i feeni k'i salle Rabbi jine, danga mate kaŋ Musa ci.
22亞倫向眾人舉起手，為他們祝福；他獻了贖罪祭、燔祭和平安祭，就下來。
22 Waato din gaa, Haruna na nga kambey salle jama do haray ka albarka gaara i se. Gaa no a zumbu ka fun sargay salleyaŋo do, zunubi se sarga da sargay summaara kaŋ i ga ton da saabuyaŋ sargay.
23摩西和亞倫進了會幕，出來就為眾人祝福；耶和華的榮耀向眾民顯現。
23 Musa da Haruna furo kubayyaŋ hukumo ra. Waato kaŋ i ye ka fatta, i na albarka gaara jama se mo, kala Rabbi darza bangay jama kulu se.
24有火從耶和華面前出來，燒盡了祭壇上的燔祭和脂肪；眾民看見了，就大聲歡呼，俯伏在地。
24 Danji mo firsi ka fun Rabbi jine ka sargay summaara kaŋ i ga ton ŋwa, nga nda maano. Waato kaŋ jama kulu di woodin, i kuuwa. I ye ganda ka gande biri mo.