1亚述王攻打犹大（王下18:13-18；赛36:1-3）
1אחרי הדברים והאמת האלה בא סנחריב מלך אשור ויבא ביהודה ויחן על הערים הבצרות ויאמר לבקעם אליו׃
2希西家见西拿基立有意攻打耶路撒冷，
2וירא יחזקיהו כי בא סנחריב ופניו למלחמה על ירושלם׃
3就与众领袖和众勇士商议，要把城外各道水泉堵塞，他们都赞同。
3ויועץ עם שריו וגבריו לסתום את מימי העינות אשר מחוץ לעיר ויעזרוהו׃
4于是有一大班人集合起来，堵塞了一切泉源和流通那地的溪流，他们说：“为什么要让亚述王得着充沛的水源呢？”
4ויקבצו עם רב ויסתמו את כל המעינות ואת הנחל השוטף בתוך הארץ לאמר למה יבואו מלכי אשור ומצאו מים רבים׃
5希西家发愤图强，重建所有拆毁了的城墙，墙上筑起瞭望楼，又建造一道外墙，并且巩固大卫城内的米罗，又制造了很多兵器和盾牌。
5ויתחזק ויבן את כל החומה הפרוצה ויעל על המגדלות ולחוצה החומה אחרת ויחזק את המלוא עיר דויד ויעש שלח לרב ומגנים׃
6他又委派军长统管众民，集合他们到城门的广场那里去见他；他鼓励他们说：
6ויתן שרי מלחמות על העם ויקבצם אליו אל רחוב שער העיר וידבר על לבבם לאמר׃
7“你们要坚强勇敢，不要因亚述王和他统领的大军惧怕惊慌；因为和我们同在的，比和他们同在的更多。
7חזקו ואמצו אל תיראו ואל תחתו מפני מלך אשור ומלפני כל ההמון אשר עמו כי עמנו רב מעמו׃
8和他们同在的，不过是人血肉的手臂；和我们同在的，却是耶和华我们的 神，他必帮助我们，为我们作战。”众民因犹大王希西家的话都得着鼓励了。
8עמו זרוע בשר ועמנו יהוה אלהינו לעזרנו ולהלחם מלחמתנו ויסמכו העם על דברי יחזקיהו מלך יהודה׃
9劝降的话（王下18:28-35；赛36:13-20）随后，亚述王西拿基立和他统领的全军攻打拉吉的时候，就差派他的臣仆到耶路撒冷来见犹大王希西家和所有在耶路撒冷的犹大人，说：
9אחר זה שלח סנחריב מלך אשור עבדיו ירושלימה והוא על לכיש וכל ממשלתו עמו על יחזקיהו מלך יהודה ועל כל יהודה אשר בירושלם לאמר׃
10“亚述王西拿基立这样说：‘你们现在还在耶路撒冷受困，你们可倚靠什么呢？
10כה אמר סנחריב מלך אשור על מה אתם בטחים וישבים במצור בירושלם׃
11希西家曾对你们说：耶和华我们的 神必拯救我们脱离亚述王的手。他不是迷惑你们，使你们因饥渴而死吗？
11הלא יחזקיהו מסית אתכם לתת אתכם למות ברעב ובצמא לאמר יהוה אלהינו יצילנו מכף מלך אשור׃
12这希西家不是曾经把耶和华的邱坛和祭坛除去，吩咐犹大和耶路撒冷的人说：你们要在一个坛前敬拜，要在它上面烧香吗？
12הלא הוא יחזקיהו הסיר את במתיו ואת מזבחתיו ויאמר ליהודה ולירושלם לאמר לפני מזבח אחד תשתחוו ועליו תקטירו׃
13我和我列祖向各地的民族所行的，你不知道吗？各地列国的神能拯救他们的国脱离我的手吗？
13הלא תדעו מה עשיתי אני ואבותי לכל עמי הארצות היכול יכלו אלהי גוי הארצות להציל את ארצם מידי׃
14我列祖消灭的那些国的众神，有哪一位能拯救自己的子民脱离我的手呢？难道你们的 神能拯救你们脱离我的手吗？
14מי בכל אלהי הגוים האלה אשר החרימו אבותי אשר יכול להציל את עמו מידי כי יוכל אלהיכם להציל אתכם מידי׃
15所以，你们现在不要让希西家欺骗、迷惑你们；你们也不要信他；因为无论哪一邦哪一国的神，都不能拯救自己的子民脱离我的手和我列祖的手，你们的神不是更不能拯救你们脱离我的手吗？’”
15ועתה אל ישיא אתכם חזקיהו ואל יסית אתכם כזאת ואל תאמינו לו כי לא יוכל כל אלוה כל גוי וממלכה להציל עמו מידי ומיד אבותי אף כי אלהיכם לא יצילו אתכם מידי׃
16西拿基立的臣仆还说了别的话毁谤耶和华 神和他的仆人希西家。
16ועוד דברו עבדיו על יהוה האלהים ועל יחזקיהו עבדו׃
17西拿基立又写信来辱骂耶和华以色列的 神，讥诮他说：“各地列国的神没有拯救它们的子民脱离我的手，希西家的神也照样不能拯救他的子民脱离我的手。”
17וספרים כתב לחרף ליהוה אלהי ישראל ולאמר עליו לאמר כאלהי גוי הארצות אשר לא הצילו עמם מידי כן לא יציל אלהי יחזקיהו עמו מידי׃
18亚述王的臣仆用犹大语，向耶路撒冷城墙上的人民大声呼叫，要惊吓他们，使他们慌乱，好攻取那城。
18ויקראו בקול גדול יהודית על עם ירושלם אשר על החומה ליראם ולבהלם למען ילכדו את העיר׃
19他们论到耶路撒冷的 神，就好像世上万民的神一样，把他当作是人手所做的。
19וידברו אל אלהי ירושלם כעל אלהי עמי הארץ מעשה ידי האדם׃
20 神惩罚亚述王（王下19:35-37；赛37:36-38）希西家王和亚摩斯的儿子以赛亚先知为了这事祷告，向天呼求。
20ויתפלל יחזקיהו המלך וישעיהו בן אמוץ הנביא על זאת ויזעקו השמים׃
21耶和华就差派一位使者，进入亚述王的军营中，把所有英勇的战士、官长和将帅，尽都消灭了。亚述王满面羞愧返回本国去了。他进入自己的神庙的时候，他亲生的儿子在那里用刀把他杀了。
21וישלח יהוה מלאך ויכחד כל גבור חיל ונגיד ושר במחנה מלך אשור וישב בבשת פנים לארצו ויבא בית אלהיו ומיציאו מעיו שם הפילהו בחרב׃
22这样，耶和华拯救了希西家和耶路撒冷的居民，脱离了亚述王西拿基立的手，和其他仇敌的手，又使他们四境平安。
22ויושע יהוה את יחזקיהו ואת ישבי ירושלם מיד סנחריב מלך אשור ומיד כל וינהלם מסביב׃
23有很多人把供物带到耶路撒冷献给耶和华，又把很多宝物送给犹大王希西家；从此，希西家受到各国的尊重。
23ורבים מביאים מנחה ליהוה לירושלם ומגדנות ליחזקיהו מלך יהודה וינשא לעיני כל הגוים מאחרי כן׃
24希西家病危与康复（王下20:1-11；赛38:1-8、21-22）那时，希西家患病垂危，就祷告耶和华；耶和华应允了他，又赐他一个征兆。
24בימים ההם חלה יחזקיהו עד למות ויתפלל אל יהוה ויאמר לו ומופת נתן לו׃
25希西家却没有照着他蒙受的恩惠报答耶和华；因为他心高气傲，所以耶和华的忿怒临到他，以及犹大和耶路撒冷的人身上。
25ולא כגמל עליו השיב יחזקיהו כי גבה לבו ויהי עליו קצף ועל יהודה וירושלם׃
26但希西家因为自己心高气傲而谦卑下来，他和耶路撒冷的居民都谦卑下来，因此耶和华的忿怒，在希西家在世的日子，没有临到他们身上。
26ויכנע יחזקיהו בגבה לבו הוא וישבי ירושלם ולא בא עליהם קצף יהוה בימי יחזקיהו׃
27希西家之财富与尊荣（参王下20:12-15；赛39:1-4）希西家的财富甚多，尊荣极大；他为自己建造库房，收藏金银、宝石、香料、盾牌和各样的珍宝；
27ויהי ליחזקיהו עשר וכבוד הרבה מאד ואצרות עשה לו לכסף ולזהב ולאבן יקרה ולבשמים ולמגנים ולכל כלי חמדה׃
28又建造仓库，收藏五谷、新酒和油；又为各类牲畜盖棚栏、羊圈。
28ומסכנות לתבואת דגן ותירוש ויצהר וארות לכל בהמה ובהמה ועדרים לאורות׃
29他又为自己建造城镇，并且拥有大批牛羊牲口，因为 神赐给他极多的财物。
29וערים עשה לו ומקנה צאן ובקר לרב כי נתן לו אלהים רכוש רב מאד׃
30这希西家堵塞了基训泉上游的水，引水直下，流到大卫城的西边。希西家所行的一切事，尽都亨通。
30והוא יחזקיהו סתם את מוצא מימי גיחון העליון ויישרם למטה מערבה לעיר דויד ויצלח יחזקיהו בכל מעשהו׃
31唯有巴比伦王的使者奉派来见希西家，询问犹大地发生的奇事的时候， 神就离开了他，为要试验他，好知道他心中的一切。
31וכן במליצי שרי בבל המשלחים עליו לדרש המופת אשר היה בארץ עזבו האלהים לנסותו לדעת כל בלבבו׃
32希西家逝世（王下20:20-21）希西家其余的事迹和他的善行，都记在亚摩斯的儿子以赛亚先知的异象书上，以及犹大和以色列诸王记上。
32ויתר דברי יחזקיהו וחסדיו הנם כתובים בחזון ישעיהו בן אמוץ הנביא על ספר מלכי יהודה וישראל׃
33希西家和他的列祖同睡，埋葬在大卫子孙墓地的高层；他死的时候，犹大众人和耶路撒冷的居民都向他致敬。他的儿子玛拿西接续他作王。
33וישכב יחזקיהו עם אבתיו ויקברהו במעלה קברי בני דויד וכבוד עשו לו במותו כל יהודה וישבי ירושלם וימלך מנשה בנו תחתיו׃