1“有残疾，或有什么缺点的牛羊，都不可献给耶和华你的 神，因为这是耶和华你的 神所憎恶的。
1 Ni ma si yeeji da feeji kaŋ gonda laru wala leebu kulu sarga Rabbi ni Irikoyo se, zama woodin ya fanta hari no Rabbi ni Irikoyo se.
2“在你中间，就是耶和华你的 神赐给你的任何一座城里，如果发现有人，无论是男是女，行耶和华你的 神眼中看为恶的事，违犯了他的约，
2 Ni kwaarey kulu kaŋ Rabbi ni Irikoy na ni no ra, danga i ma ne i na boro fo gar, da alboro no wala wayboro no, kaŋ na laala te Rabbi ni Irikoyo jine. A n'a sappa feeri,
3去事奉别的神，并且敬拜它们，敬拜太阳或月亮，或任何天象，是我耶和华没有吩咐的；
3 hal a koy ka may de-koy fooyaŋ se, ka sududu i se, wala wayna se, wala hando, wala beena ra marga, i afo kulu kaŋ ay mana ni lordi nd'a.
4有人告诉你，你也听见了，就要好好调查；如果确有这些事，真的在以色列中行了这可憎可厌的事；
4 D'i kande ni se woodin baaru, hala ni maa r'a, kala ni ma fintalyaŋ te da anniya. Hala day, cimi no haya din tabbat, i na fanta hari woodin dumi te Israyla ra,
5你就要把那个行了这恶事的男人或女人带出来，到城门那里去，用石头把他们打死。
5 kulu ni ma albora wala waybora kaŋ na hari laala din te kaa taray ni kwaara meyey gaa, albora wala waybora. Ni m'i catu-catu mo da tondiyaŋ hal i ma bu.
6凭着两个或三个见证人的口供，就可以把那该死的人处死；只是凭着一个见证人的口供，却不可以把人处死。
6 Seeda hinka wala ihinza sanni boŋ no i ga boro kaŋ ga hima ka bu din ciiti nda buuyaŋ. Amma seeda folloŋ sanni boŋ i ma si buuyaŋ ciiti dumbu a se.
7见证人要先下手，然后众民也下手，把他处死。这样，你就把那恶从你中间除掉。
7 Seedey kambey no ga jin ka dak'a gaa, waato din gaa no jama kulu kambey, hal i m'a wi. Woodin teeyaŋ gaa no araŋ ga laala kaa araŋ game ra.
8最高裁判“在你的城里如果有什么争讼的事：或是流血，或是诉讼，或是殴打，是你很难处决的案件，你就要起来，上到耶和华你的 神选择的地方，
8 Da ciiti sanni fo tun kaŋ ga gaabu hal a bisa nin, sanda kuri alhakku sanni, wala kalima sanni, wala karyaŋ sanni, sanda wo kaŋ yaŋ gonda kakaw tunandiyaŋ ni kwaara ra, kala ni ma tun ka ziji ka koy nango kaŋ Rabbi ni Irikoyo ga suuban.
9去见利未支派的祭司和当时的审判官，询问他们，他们就必指示你们怎样判断这案件。
9 Noodin ni ma alfagey da Lawitey da ciitikwa mo ceeci kaŋ go no jirbey din ra k'i hã. Ngey mo ga ni cabe mate kaŋ ni ga ciiti dumbu nd'a.
10你要照着他们从耶和华选择的那地方，向你指示的话去行；他们指教你的，你都要谨守遵行。
10 Ni ma te mo ciito kaŋ i dumbu ni se din sanno boŋ, wo kaŋ ni du noodin, nango kaŋ Rabbi ni Irikoyo ga suuban. Ni ma haggoy, ma te hay kulu kaŋ i na ni dondonandi boŋ.
11你要按着他们指教你的律法，和照着他们告诉你的判断去行；他们告诉你的话，你不可偏左或偏右。
11 Asariya sanno kaŋ i ga ni dondonandi boŋ, da ciito kaŋ i ga ci ni se boŋ, yaadin no ni ga te. Ni ma si kamba ka fay da ciito kaŋ i dumbu ka cabe ni se din, ka koy kambe ŋwaari, wala kambe wow haray.
12如果有人擅自行事，不听从祭司，就是侍立在那里事奉耶和华你的 神的，或是不听从审判官，那人就必须处死；这样，你就可以把这恶从以色列中肃清了。
12 Bora din mo kaŋ ga goy da farrati ka wangu ka hangan alfaga* kaŋ ga kay ka goy Rabbi ni Irikoyo jine din se, wala mo ciitikwa se, i ma bora din wi. Ni ma laala tuusu mo ka kaa Israyla ra.
13众民都会听见，而且惧怕，也不再擅自行事了。
13 Jama kulu ga maa, i ga humburu mo, i si ye ka goy da farrati koyne.
14立王的条例“你进了耶和华你的 神赐给你的地，占领了那地，居住在那里的时候，如果你说：‘我要立一位君王治理我，像我四围的列国一样。’
14 Waati kaŋ ni kaa ka furo laabo kaŋ Rabbi ni Irikoyo ga ni no din ra, ka du a mayray, ka goro a ra, hambara ni ga ne: «Ay ga bonkooni daŋ kaŋ g'ay may, mate kaŋ cine dumey kulu kaŋ go ay windanta gonda.»
15你总要立耶和华你的 神拣选的人作君王管理你；你要从你的兄弟中立一位作你的君王；不可立你的兄弟以外的人作王管理你。
15 Kulu daahir bora kaŋ Rabbi ni Irikoyo ga suuban din no ni ga daŋ ni bonkooni. Ni nya-izey game ra boro fo no ni ga daŋ ni bonkooni. I mana yadda ni se ni ma dumi waani boro daŋ kaŋ ga ni may, kaŋ manti ni nya-izo no.
16只是君王不可为自己加添马匹，也不可使人民回埃及去，为要加添马匹，因为耶和华曾经对你们说过：‘你们不可再回到那条路去。’
16 Kala day, a ma si bari boobo margu nga boŋ se, wala a ma si jama daŋ i ma ye Misira, zama nga ma du bari boobo se. Zama Rabbi jin ka ci araŋ se ka ne: «Araŋ si ye ka ye fonda din ra koyne.»
17他也不可为自己加添妃嫔，恐怕他的心偏离了耶和华；也不可为自己积蓄极多的金钱。
17 Woodin banda, a ma si wande boobo margu nga boŋ se, zama i ma s'a bina kambandi. A ma si nzarfu wala wura boobo margu nga boŋ se mo.
18“他登上了国位的时候，就要把利未支派的祭司面前的律法书，为自己抄录一份副本。
18 A ga ciya mo, waati kaŋ a ga goro nga koytaray karga boŋ, kal a ma asariya wo hantum tira fo ra, kaŋ ga saba nda wo kaŋ go alfagey da Lawitey jine.
19那份副本要常在他身边，他一生的年日都要诵读，好学习敬畏耶和华他的 神，谨守遵行这律法书上的一切话和这些律例。
19 A ma tira din jisi nga jarga ka caw a ra nga fundo jirbey kulu. Yaadin cine no a ga Rabbi nga Irikoyo humburkumay dondon d'a, a ma asariya wo sanney da hin sanney wo kulu haggoy, k'i te mo.
20这样，他的心就不会高傲，轻看自己的兄弟，也不会偏左偏右，离了这诫命；好使他和他的子孙在以色列中，在他的国位上，可以日子长久。”
20 A bina mo ma si fuusu da boŋbeeray nga nya-izey jine, hal a ga bare ka fay da lordo, ka koy kambe ŋwaari wala kambe wow haray. A aloomaro mo ga ku nga koytara ra, nga nda nga izey mo Israyla game ra.