1做约柜（出25:10-22）
1 Bezaleyel na sundurko mo te da jitti bundu. A salleyaŋo kambe kar hinka nda jare no, a tafayyaŋo kambe kar fo da jare, a kuuyaŋo mo kambe kar fo da jare no.
2用纯金把柜里外都包裹了，替柜的四周做了金牙边，
2 A n'a daabu nda wura zalla a ra hara d'a banda mo. A na wura bonkunga te a se k'a windi.
3又铸造了四个金环，安放在柜的四脚上，这一边两个环，那一边两个环。
3 A na wura korbay taaci soogu a se k'i daŋ a lokoto taaca gaa, kambu woone gaa korbay hinka, ya-haray kambo gaa mo korbay hinka.
4又用皂荚木做了两根柜杠，包上黄金。
4 A na jitti bundu goobuyaŋ te mo k'i daabu nda wura.
5把杠穿在柜旁的环内，可以抬柜。
5 A na goobey daŋ korbayey funey ra sundurko kambey gaa, sundurko jareyaŋ se.
6又用纯金做施恩座，长一百一十公分，宽六十六公分。
6 A na sasabandiyaŋo do mo te da wura zalla, a salleyaŋo kambe kar hinka nda jare, a tafayyaŋo mo kambe kar fo da jare.
7又用黄金做了两个基路伯，是从施恩座的两端用锤锤成的；
7 A na ciiti malayka himandi hinka mo te da wura, danay goy no a n'i te d'a, sasabandiyaŋo do boŋ hinka gaa.
8这端一个基路伯，那端一个基路伯；他在施恩座的两端做了两个基路伯，和施恩座连在一起。
8 Ciiti malayka himandi fo go boŋ woone gaa, ciiti malayka himandi fo mo go ya-haray boŋo gaa. A na ciiti malayka himandey din te k'i kayandi sasabandiyaŋo do boŋ hinka gaa.
9两个基路伯高展着翅膀，用它们的翅膀遮掩着施恩座，它们的脸彼此相对；基路伯的脸都对着施恩座。
9 Ciiti malayka himandey din mo go ga ngey fatey salle beene ka sasabandiyaŋo do daabu nda ngey fatey. I moydumey go ga care guna. Ciiti malayka himandey moydumey go ga sasabandiyaŋo do haray guna.
10做桌子（出25:23-30）他又用皂荚木做了一张桌子，长八十八公分，宽四十四公分，高六十六公分。
10 A na taablo mo te da jitti bundu, a salleyaŋo kambe kar hinka, a tafayyaŋo kambe kar fo, a kayyaŋo mo kambe kar fo da jare no.
11用纯金把桌子包裹，替桌子的四周做了金牙边。
11 A n'a daabu nda wura zalla ka wura bonkunga te a se k'a windi.
12又替桌子的四周做了七十五公厘宽的框子；框子的四周又做了金牙边。
12 A n'a windi mo da me-jabu kaŋ tafayyaŋo kambe faata fo cine no. A na wura bonkunga te a se k'a windi.
13又替桌子铸造四个金环，把环子安放在桌子四脚的四角上。
13 A na wura korbay taaci soogu a se ka korbayey daŋ lokoto taaca din gaa kaŋ go a kanje taaca gaa.
14环子靠近框子，是穿杠的地方，可以抬桌子。
14 Me-jabo jarga no korbayey din bara, goobey nangey no taablo jareyaŋ se.
15又用皂荚木做了两根杠，用金子把杠包裹，可以抬桌子。
15 A na goobuyaŋ te da jitti bundu k'i daabu nda wura, taablo jareyaŋ se.
16又用纯金做桌子的器皿，就是盘子、碟子、碗和奠酒用的杯。
16 A na taablo boŋ jinayey te: a taasey, d'a kawrey, d'a kusey, d'a haŋ gaasey kaŋ i ga sooguyaŋ sargay te d'a. Wura zalla no a n'i te d'a.
17做灯台（出25:31-40）他用纯金做了一个灯台，他用锤锤成灯台；灯台的座和干，跟杯、球、花，都是连在一起的。
17 A na fitilla suntulo mo te da wura zalla. Danay goy no i na fitilla suntulo te d'a, danga a daba d'a jinda, d'a boosi me wiyantey, d'a boosi gunguney, d'a boosi me feerantey -- i kulu marganta a n'i te danay fo.
18灯台的两边伸出六个枝子，这一边有三个灯台枝子，那一边也有三个灯台枝子。
18 Kambe iddu no go ga salle a jinda gaa, kambe hinza fitilla suntulo kuray woone gaa, ihinza koyne fitilla suntulo ya-haray kura gaa.
19在这一个枝子有三个杯，形状好像杏花，有球、有花；在那一个枝子上也有三个杯，形状好像杏花，有球、有花。从灯台那里伸出来的六个枝子都是这样。
19 Boosi me wiyante danante hinza, danga amand* tuuri boosi cine yaŋ go kambe fo ra, da boosi gunguney, da boosi me feerantey. Boosi me wiyante danante hinza koyne, danga amand tuuri boosi cine yaŋ go kambe fo ra, da boosi gunguney, da boosi me feerantey. Yaadin no kambe iddo din kulu gaa, kaŋ yaŋ goono ga salle ka fun fitilla suntulo gaa.
20灯台上有四个杯，形状好像杏花，有球、有花；
20 Fitilla suntulo gaa mo boosi me wiyante taaci go no, danga amand tuuri boosi cine yaŋ, d'i boosi gunguney, d'i boosi me feerantey.
21从灯台伸出的每两个枝子以下都有一个球，灯台的六个枝子都是这样。
21 Boosi gunguni fo a kambe hinka cire, da boosi gunguni fo a kambe hinka cire, da boosi gunguni fo a kambe hinka cire koyne, kambe iddo se kaŋ yaŋ ga salle ka fun fitilla suntulo gaa.
22这些球和枝子都是连在一起的，全都是一块纯金锤成的。
22 I boosi gunguney d'i kambey, danay fo no i n'i te da wura zalla.
23又用纯金做灯台的七个灯盏、烛剪和蜡花盘碟。
23 Yaadin no a na fitilla iyya te d'a, d'a kambey d'a ziibi kuyaŋ taasey mo da wura zalla.
24他用了三十五公斤纯金做灯台和灯台的一切器具。
24 A na nga nda nga goy jinayey kulu te da wura zalla, kilo waytaaci cindi gu cine tiŋay.
25做香坛（出30:1-5）他用皂荚木做了一座香坛，长四十四公分，宽四十四公分，是正方形的，高八十八公分；坛的四角是与坛连在一起的。
25 A na dugu tonyaŋ feema te mo da jitti bundu, a salleyaŋo kambe kar fo, a tafayyaŋo mo kambe kar fo. Kambey kulu ga saba, a kayyaŋo mo kambe kar hinka. Nga nd'a hilley kulu jabuyaŋ fo no i go.
26又用纯金把坛包裹，坛顶、坛的四边和坛的四角都包裹，又替坛做了金牙边。
26 A n'a daabu nda wura zalla, beene nda casey a windanta kulu, nd'a hilley mo. A na bonkunga te da wura mo a windanta beene.
27又替坛做了两个金环，安放在牙边以下，坛的两侧，就是坛的两旁，作穿杠的地方，用来抬坛。
27 A na wura korbay hinka te a se bonkunga cire jabu hinka gaa, a casu hinka gaa, i ciya goobey daŋyaŋ do a jareyaŋ se.
28用皂荚木做了两根杠，用金包裹。
28 A n'a goobey mo te da jitti bundu k'i daabu nda wura.
29又按着制香料者的制法，制圣膏油以及芬芳的纯香。
29 A na ji hanante mo te tuusuyaŋ se da dugu hanante mo tonyaŋ se. A n'i te yaazi jinay teeko goyo cine.