1示剑污辱底拿
1 Dina, Laya ize wayo kaŋ a hay Yakuba se fatta zama nga ma di laabo din ize wayey.
2当地的首长，希未人哈抹的儿子示剑，看见她，就拉住她，把她强奸，污辱了她。
2 Kala laabu koyo Hamor, Hibanca, a ize aru kaŋ maa Sekem di Dina. Kal a n'a sambu ka kani nd'a. A n'a hasara.
3示剑的心恋慕雅各的女儿底拿，他深爱这少女，就用甜言蜜语安慰她。
3 A fundo mo deeji Yakuba ize wayo Dina gaa, a ga ba wandiya. A na gomni sanni te wandiya se.
4示剑对他父亲哈抹说：“求你为我聘这女子为妻。”
4 Koyne, Sekem salaŋ nga baabo Hamor se ka ne: «Kala ni ma du ay se wandiyo wo, a ma ciya ay wande.»
5雅各听见示剑奸污了他的女儿底拿；但那时他的儿子正在田间看守他的牲畜，所以他没有作声，只等他们回来。
5 Yakuba maa baaru kaŋ a na nga izo wayo Dina hasara, a ize arey mo go almaney banda saajo ra. Yakuba binde na nga dangayyaŋ te hal i ma kaa.
6雅各的儿子为底拿雪耻示剑的父亲哈抹出来见雅各，要与他商议。
6 Sekem baaba Hamor binde faata ka koy Yakuba do zama nga ma saaware nd'a.
7雅各的儿子听见了这事，就从田间回来；各人都感到非常悲痛和忿怒，因为示剑在以色列中作了丑事，就是把雅各的女儿奸污了，这是不应该作的。
7 Yakuba izey mo, waato kaŋ i maa baaro, i kaa ka fun saajo ra. Alborey binde biney sara, i futu gumo. Zama Sekem na saamotaray goy te Israyla* ra, kaŋ a na Yakuba ize wayo sara, haŋ kaŋ mana hima i ma te.
8哈抹与他们商议说：“我儿子示剑的心依恋你们家的女儿，请你们把她给我的儿子为妻吧。
8 Hamor salaŋ i se ka ne: «Ay izo Sekem fundo ga laami araŋ ize wayo.
9你们与我们可以彼此结亲；你们可以把女儿嫁给我们，也可以娶我们的女儿为妻。
9 Ay g'araŋ ŋwaaray, w'a no nd'a a ma ciya a se wande. Araŋ ma hiiji iri gaa mo. Araŋ m'iri no araŋ ize wayey, araŋ ma sambu iri ize wayey.
10这样，你们可以与我们同住；这地就摆在你们面前，只管在其中居住，来往作买卖，购置产业吧。”
10 Araŋ ma goro iri banda. Laabo go araŋ jine. Araŋ ma goro a ra ka daymi te ka du arzaka a ra.»
11示剑对底拿的父亲和她的兄弟说：“但愿我得你们的喜悦，无论你们要什么，我必给你们。
11 Sekem ne Dina baabo d'a armey se: «Ay nya-izey, wa naŋ ay ma du gaakuri araŋ do. Haŋ kaŋ araŋ ga daŋ ay gaa kulu, ay g'a bana.
12任由你们向我要多重的聘金和多大的礼物，我必照你们所说的给你们，只要你们把这少女给我为妻就是了。”
12 Wa daŋ nooru nda nooyaŋey. Mate kulu kaŋ i baa d'a, ay g'a no mate kaŋ araŋ ga ci ay se d'a. Amma day, araŋ m'ay no wandiyo wo ay m'a hiiji.»
13雅各的众子，因为示剑奸污了他们的妹妹底拿，就用欺诈的话回答示剑和他父亲哈抹，
13 Yakuba izey binde tu Sekem da nga baaba Hamor se ka hiila sanni te i se, zama a n'i waymo Dina sara.
14对他们说：“我们不能把妹妹给一个没有受割礼的人为妻，因为那是我们的耻辱。
14 I ne i se: «Iri si hin ka woodin te, iri m'iri waymo no boro kaŋ si dambangu se, zama woodin haawi hari no iri se.
15只有一个条件，我们才可以答允你们，就是你们当中所有的男子都受割礼，像我们一样。
15 Amma woone hinne boŋ no iri ga yadda araŋ se: d'araŋ yadda ka ciya danga iri cine, sanda araŋ ra alboro kulu, i m'a dambangu.
16我们就可以把女儿嫁给你们，也可以娶你们的女儿为妻；我们可以与你们同住，大家成为一族人。
16 Waato din gaa no iri g'araŋ no iri ize wayey, iri mo m'araŋ ize wayey hiiji. Iri ga goro araŋ banda mo, iri ma te kunda fo.
17但如果你们不肯听从我们受割礼，我就要把我们家的女儿带走了。”
17 Amma d'araŋ mana maa iri se, sanda i m'araŋ dambangu, kal iri m'iri waymo sambu k'iri diraw te.»
18哈抹和他儿子示剑觉得他们的提议很好。
18 I sanno binde kaan Hamor da Hamor izo Sekem se.
19那少年就立刻照着去作，因为他喜爱雅各的女儿；他在他父亲的全家中又是最受尊敬的。
19 Arwaso mana muray muraado din se mo, zama a goono ga farhã da Yakuba ize wayo. Sekem gonda beeray mo nga dumo kulu jine.
20哈抹和他儿子示剑来到自己的城的门口，对城里的人说：
20 Kala Hamor da nga izo Sekem koy ngey kwaara me gaa. I saaware nda ngey kwaara borey ka ne:
21“这些人与我们和平相处，不如让他们在这地居住，来往作买卖吧。这地两边都很宽阔，可以容纳他们；我们可以娶他们的女儿为妻，也可以把我们的女儿嫁给他们。
21 «Iri nda borey wo gonda baani goray. Iri binde ma te mate kaŋ i ga goro iri laabo ra, i ma day da neera te a ra. Zama a go, laabo ga beeri, a ga wasa i se. Iri m'i ize wayey sambu, iri m'i no mo iri ize wayey.
22但是只有一个条件，这些人才应允与我们同住，大家成为一族人，就是我们中间所有的男子都受割礼，好像他们受了割礼一样。
22 Woone hinne no ga naŋ borey din ma yadda ka goro iri banda, iri ma te kunda fo: kala nda i n'iri alboro fo kulu dambangu, mate kaŋ ngey din dambangukoyyaŋ no.
23这样他们的牲畜、财产和所有的牲口，不都要归我们所有吗？只要我们应允他们的条件，他们就与我们同住了。”
23 I alman kayna nda alman beerey, d'i arzaka kulu, manti i ga ciya iri wane yaŋ bo? Kala day iri ma yadda i se, ngey mo ga goro iri banda.»
24所有从城门出入的人，都听从了哈抹和他儿子示剑的话。于是，所有从城门出入的男子，都受了割礼。
24 Boro kulu kaŋ ga fatta kwaara meyo gaa maa Hamor da nga izo Sekem sanno se. I na alborey kulu dambangu, ngey kaŋ yaŋ ga fatta a kwaara me gaa kulu.
25到了第三天，他们正在疼痛的时候，雅各的两个儿子，就是底拿的哥哥西缅和利未拿着刀剑，趁着他们想不到的时候，进了那城，把所有的男子都杀了。
25 A ciya mo, zaari hinzanta hane, saaya kaŋ borey go ga maa doori, kala Yakuba ize hinka tun, Simeyon da Lawi, Dina armey. I kulu na ngey takuba sambu, i furo kwaara ra kaŋ miila ngey go laakal kanay ra, ka alborey kulu wi.
26又用刀剑杀了哈抹和他儿子示剑，然后从示剑的家里把底拿带走。
26 I na Hamor da nga izo Sekem wi da takuba. I na Dina sambu Sekem windo ra ka dira.
27雅各的儿子因为他们的妹妹被人奸污了，就来到被杀的人那里，抢掠那城，
27 Kala Yakuba izey kaa borey kaŋ yaŋ i wi yaŋ din gaa ka kwaara say, zama i n'i waymo sara.
28夺去他们的羊群、牛群和驴，以及城里和田间所有的，
28 I na feeji nda haw kurey ku, ngey da farkayey da haŋ kaŋ go kwaara ra, da haŋ kaŋ go farey ra,
29又把他们所有的财物、孩子和妇女都掳去。屋里所有的东西，都抢掠一空。
29 d'i arzakey d'i zankey d'i wandey -- i n'i kulu di k'i ku, hala nda hay kulu kaŋ go windey ra.
30雅各对西缅和利未说：“你们连累了我，使我在这地的居民，就是在迦南人和比利洗人中间，成了可憎的人。我们人数不多，如果他们联合起来对付我，攻击我，我和我的家就必灭绝了。”
30 Yakuba ne Simeyon da Lawi se: «Araŋ n'ay taabandi, za kaŋ araŋ naŋ ay ma ciya fanta hari laabo gorokoy se, kaŋ yaŋ ga ti Kanaanancey da Perizancey se. Ay go mo kunda kayna no. I ga tun ay se k'ay kar, ay ga halaci mo, in d'ay dumo.»
31他们回答说：“他怎可以待我们的妹妹好像妓女一样呢？”
31 Izey ne a se: «A m'iri waymo ciya sanda kaaruwa, wala?»