1行恶的人劫运难逃
1 Kaari ngey kaŋ yaŋ ga hin sanni laaloyaŋ te! Kaari hantumkoy kaŋ yaŋ ga taabandiyaŋ sanney hantum!
2他们想借此屈枉穷乏人的公义，剥夺我子民中困苦人的权利，使寡妇作了他们的掠物，使孤儿作了他们的掳物。
2 Zama i ma cimi ciiti ganji talkey se, I m'ay jama alfukaarey cimo kom. Zama i ma wayborey kaŋ kurnyey bu ciya wongu arzaka, I ma alatuumey mo kom!
3到降罚的日子，有灾祸从远方来到，那时你们要怎样行呢？你们可以向谁逃奔求助呢？你们可以把你们的财宝撇在哪里呢？
3 Ifo no araŋ ga te banando hane, Halaciyaŋo kaŋ ga fun nangu mooro do? May do no araŋ ga zuru ka koy ka gaakasinay ceeci? Man no araŋ g'araŋ darza jisi mo?
4你们只能屈身在被掳的人中间，或是仆倒在被杀的人中间。虽然这样，耶和华的怒气还没有转消，他的手仍然伸出。
4 Kal borey ma kunkuni hinne no sisiri izey game ra. I ma fun ka kaŋ borey kaŋ i wi yaŋ din game ra. Kulu nda yaadin, Rabbi futa mana bare, Amma a kamba go sambante hala hõ.
5亚述是 神惩治子民的工具亚述啊！我怒气的棍子，有祸了。他们手中拿着我忿怒的杖。
5 Kaari Assiriya maykwa, ni ya ay futay korna goobu no! Ni kamba ra sarjilla wo mo, ay dukuro no.
6我要差派他去攻击一个不敬虔的国，吩咐他去攻击我恼怒的子民，掳去掠物，抢夺掳物，把他们践踏，像街上的泥土一样。
6 Ay ga maykwa donton a ma koy ka gaaba nda dumi yaamo, Ay g'a lordi mo borey kaŋ se ay ga futu yaŋ boŋ. A ma arzaka ku, a ma wongu arzaka ta, A m'i taamu-taamu sanda kwaara ra fondo gaa potor-potor cine.
7但亚述并没有这样想过，他心里也没有这样打算；他心里倒想毁灭、剪除多国。
7 Amma manti yaadin no a ga miila bo, Manti mo yaadin no a bina ga miila, Amma a bina go no nda halaciyaŋ miila, Nga ma dumi boobo alandaaba, manti sasabanteyaŋ bo.
8因为他说：“在我手下的众领袖不都是王吗？
8 Zama a si ne kala: «Ay wongu nyaŋey kulu, manti bonkooniyaŋ no?
9迦勒挪不是像迦基米施吗？哈玛不是像亚珥拔吗？撒玛利亚不是像大马士革吗？
9 Kalno kwaara, manti Karkemis cine no? Hamat mo, manti Arpad cine no? Wala Samariya binde, manti Damaskos cine no?
10我的手伸展到这些充满偶像的国，他们雕刻的像比耶路撒冷和撒玛利亚的还多。
10 Ay kamba na toorey mayrayey di, Wo kaŋ yaŋ i danay toorey bisa Urusalima nda Samariya waney baayaŋ.
11我怎样对待撒玛利亚和其中的偶像，不也照样对待耶路撒冷和其中的偶像吗？”
11 To, mate kaŋ ay te Samariya nda nga toorey se, Manti yaadin cine no ay ga te Urusalima nda nga toorey mo se?»
12 神惩罚亚述主在锡安山和耶路撒冷成全了他一切工作的时候，他必说：我要惩罚亚述王自大的心所结的果子，和他眼目高傲的态度。
12 Woodin sabbay se binde a ga ciya, d'ay, Koy Beero, n'ay goyey kulu kubandi Sihiyona tondo boŋ, da Urusalima ra, gaa no ay ga Assiriya bine naasa din goyey d'a boŋbeera fooma mo gooji.
13因为他说：“我靠着我手的能力和我的智慧行事，因为我很聪明；我挪移了列国的地界，抢夺了他们积蓄的财宝，并且我像个勇士般使他们的居民全都俯伏下来。
13 Zama a ne: «Ay kambe gaabo d'ay laakalo no ay na woodin te d'a, Zama ay gonda fahamay. Ay na dumey laabu hirrey hibandi, Ay n'i arzakey kulu di, Ay na kargey boŋ gorokoy kulu zeeri sanda mate kaŋ yaarukom ga te.
14我的手伸到列国的财宝那里，好像抓到鸟窝一样；我取得了全地，好像人拾起被弃的雀蛋；没有动翅膀的，没有张嘴的，也没有鸣叫的。”
14 Ay kamba na dumey arzakey di sanda fiti ra waney. Sanda mate kaŋ cine boro ga gunguri kaŋ i muray margu-margu, Yaadin cine no ay na ndunnya kulu margu. Afo kulu mana nga fata yooje, Afo kulu mana me fiti, sanku fa a ma hẽ.»
15斧头怎可以向用斧头砍木的人自夸呢？锯子怎可以向拉锯的人自大呢？好比棍能挥动那举起棍的，又好比杖举起那不是木头的。
15 Mate no, deesi ga nga boŋ sifa nga baa boro kaŋ goono ga beeri nda nga, wala? Candi ga nga boŋ beerandi nga baa bora kaŋ go ga dumbu nda nga, wala? Hey! Woodin ga hima danga goobu ma nga sambuko zinji-zinji, Wala mo sarjilla ma nga boŋ sambu danga nga manti tuuri no.
16因此，主万军之耶和华必打发令人消瘦的病临到亚述王肥壮的军人中间，在他的荣耀之下必燃起火焰，如同火烧一样。
16 Woodin sabbay se no Rabbi Kundeykoyo ga faabiri taŋ Assiriya wongaari naasey ra. A darza cire mo Rabbi, Koy Beero tonyaŋ fo ga te danga danji beele cine.
17以色列的光必变成火，他的圣者必成为火焰；在一日之间把亚述王的荆棘和蒺藜焚烧与吞灭。
17 Israyla kaaro ga ciya danji, A wane Hananyankoyo mo ga ciya danji beele. A ga Israyla karji nyaŋey da subu karjikoyey ton k'i ŋwa ka ban zaari folloŋ.
18又把他树林和丰盛果园的荣美全部灭尽，好像一个患病的人渐渐虚弱一样。
18 A g'a saaji tuuri lunku-lunkey darza ŋwa, D'a fari albarkanta wano, fundi nda gaaham kulu. A ma ciya sanda waati kaŋ doorikom komso.
19他林中剩下的树，数目必定稀少，连小孩子也能把它们的数目写下来。
19 A saajo tuuri zugey ga ciya kayna fooyaŋ hala baa zanka kayna ga hin k'i kabu ka hantum.
20余民必获救脱离亚述的轭到那日，以色列的余民和雅各家逃脱的人，必不再倚靠那击打他们的，却要诚实地倚靠耶和华以色列的圣者。
20 A ga ciya mo han din hane, Israyla jara kaŋ cindi din, Da Yakuba dumo waney kaŋ yana si ye ka de bora kaŋ na ngey kar din gaa koyne, Amma i ga de Rabbi, Israyla wane Hananyankoyo gaa da cimi.
21那些余民，就是雅各家的余民，必回转归向大能的 神。
21 Jare fa ga ye ka kaa, Sanda Yakuba wane cindo nooya, ka koy Irikoy Hinkoyo do.
22以色列啊！你的人民虽然像海沙那样多，却只有余剩的人可以归回，因为灭绝的事已经定了，公义必如洪水泛滥。
22 Ya nin Israyla, baa kaŋ ni borey te iboobo danga teeku me gaa taasi cine, I ra jare kayna hinne no ga ye ka kaa. Rabbi na halaciyaŋ waadu, Kaŋ ga naŋ adilitaray ma bambari.
23主万军之耶和华必在全地之中，作成已定的毁灭之事。
23 Zama Rabbi Kundeykoyo no ga halaciyaŋo kaŋ nga waadu din toonandi laabo kulu ra.
24因此，主万军之耶和华这样说：“我的子民、锡安的居民哪！亚述人虽然用棍击打你们，又像埃及一样举杖攻击你们，你们却不要怕他们。
24 Woodin sabbay se binde, Yaa no Rabbi Kundeykoyo ci: «Ya ay jama kaŋ goono ga goro Sihiyona, Ma si humburu Assiriyanca waati kaŋ a ga ni kar da goobu, Ka nga sarjilla sambu beene ni boŋ, danga mate kaŋ Misira te.
25因为还有短暂的时候，我向你们发的恼怒就要完结，我的怒气要转向他们，使他们灭亡。”
25 Zama a cindi alwaati kayna fo, gaa no ay dukuro ga ban. Ay futa mo ga bare a boŋ k'a halaci.»
26万军之耶和华必兴起鞭子攻击他们，好像在俄立磐石那里击杀米甸人一样；他的杖要伸到海上，他必把杖举起，像在埃及一样。
26 Rabbi Kundeykoyo mo ga tun a se da barzu, Mate kaŋ cine a na Midiyan kar Oreb tondo do. Mate kaŋ cine a na nga goobo salle teeko boŋ, K'a sambu beene mo Misira boŋ.
27到那日，亚述人的重压必从你们的肩头上挪开，他们的轭必离开你们的颈项；那轭必因肥壮的缘故折断。
27 A ga ciya mo, han din hane, A jarawo ga zumbu ni jasa boŋ. A calo mo ga fun ni jinda gaa, Calo din ga halaci maani sabbay se.
28亚述人来到亚叶，经过米矶仑；在密抹存放军队行装。
28 A kaa hala Ayi, a gana Migron, A na nga jinayey jisi Mikmas.
29他们过了隘口，在迦巴住宿；拉玛人战兢，扫罗的基比亚人逃跑。
29 I bisa nango kaŋ i ga gana din Ka zumbu Geba. Rama goono ga jijiri, Sawulu kwaara Jibeya mo zuru.
30迦琳的居民哪，高声叫喊吧！莱煞人和可怜的亚拿突啊，留心听吧！
30 Nin Gallim ize wayo, ma kuuwa nda gaabi! Nin Layis, ma hangan! Kaari nin, Anatot, bakaraw hari!
31玛得米那人逃跑，基柄的居民避难。
31 Madmena zuru, Jebim gorokoy mo go ga tuguyaŋ do ceeci,
32就在今日，亚述王要停留在挪伯；他要挥拳攻击锡安居民（“居民”原文作“女子”）的山，就是耶路撒冷的山。
32 Hunkuna-hunkuna no a ga zumbu Nob. A ga nga kamba zinji-zinji Sihiyona ize wayo tondo do haray, Kaŋ ga ti Urusalima tondo.
33看哪！主万军之耶和华在可怕的震撼声中，把树枝削去；身量高的必被砍下，高大的必被伐倒。
33 A go, Rabbi Irikoy Kundeykoyo ga tuuri kambey beeri da yooje bambata. A ga ikuukey beeri, Yolla kambey mo, a g'i zumandi.
34树林中的密丛，他必用铁器砍下；黎巴嫩的树木必被大能者伐倒。
34 A ga saajo tuuri lunku-lunkey beeri da guuru deesi. Liban mo ga kaŋ Hinkoyo kambe ra.