1 神拣选的仆人及他的使命
1 Ya araŋ gungey borey, wa hanga jeeri ay se! Ya araŋ ndunnya dumey kaŋ yaŋ ga mooru, Wa hangan ka maa! Rabbi n'ay ce za ay go gunde ra, Ay nyaŋo gunda ra no ay go kaŋ a n'ay maa ci.
2他使我的口如快刀，把我藏在他手的阴影之下；他又使我成为磨亮的箭，把我藏在他的箭袋里。
2 A n'ay meyo ciya sanda takuba kaano, A n'ay tugu nga kamba biyo cire. A n'ay ciya hangaw ziirante, A n'ay tugu nga tonga ra.
3他对我说：“你是我的仆人以色列，我要借着你得荣耀。”
3 A ne ay se mo: «Ya Israyla, ni ya ay tamo no kaŋ g'ay darza bangandi.»
4但我说：“我劳碌是徒然的；我用尽气力，是虚无虚空的；然而我当得的公理是在耶和华那里，我的赏赐是在我的 神那里。”
4 Amma ay wo ne: «Ay na taabi yaamo te, Ay n'ay gaabo darandi hinne day no yaamo. Kulu nda yaadin ay cimi ciito go Rabbi do, Ay alhakko mo go ay Irikoyo do.»
5现在，耶和华说：（他自我还在母胎的时候，就造了我作他的仆人，好使雅各回转归向他，使以色列可以聚集到他那里；我在耶和华眼中被看为尊贵，我的 神是我的力量。）
5 Sohõ binde, Rabbi go ga salaŋ, Nga kaŋ n'ay te za gunde ra zama ay ma ciya nga tam, Zama mo ay ma ye ka kande Yakuba nga do, Baa kaŋ Israyla mana margu. (Kulu nda yaadin ay ya darzante no Rabbi jine, Ay Irikoyo mo no ga ti ay gaabo).
6“你作我的仆人，使雅各众支派复兴，使以色列中得保全的归回，只是小事，我还要使你作列国的光，使我的救恩传到地极。”
6 Yaa no a ci: «Hay fo kayna no ni se ni ma ciya ay tam zama ni ma Yakuba kundey tunandi, Ma ye ka kande Israyla wane cindey kaŋ ay hallasi. Ay ga ni daŋ ni ma ciya annura dumi cindey mo se, Zama ni ma konda ay faaba hala ndunnya kulu me.»
7以色列的救赎主，以色列的圣者耶和华，对那被人藐视的、被本国憎恶的、被统治者奴役的，这样说：“君王看见了，就必起立，领袖看见了，也要下拜，都因信实的耶和华，就是拣选了你的、以色列的圣者的缘故。”
7 Ya no Rabbi ci, Nga kaŋ ti Israyla Fansakwa d'a wane Hananyankoyo mo. A go ga salaŋ boro kaŋ i ga donda din se, Nga kaŋ laab'izey ga konna din se, Nga kaŋ ga ti mayraykoyey tam. A ne: «Bonkooney ga di nin, i ga tun mo, Mayraykoyey mo ga sumbal Rabbi sabbay se, Nga kaŋ ti naanaykoy, Israyla wane Hananyankoyo, A na ni suuban mo.»
8耶和华这样说：“在悦纳的时候，我应允了你，在拯救的日子，我帮助了你；我要保护你，使你作人民的中保，复兴那地，使人承受荒凉之地作产业，
8 Yaa no Rabbi ci: «Alwaati kaŋ ga hagu ra no ay tu ni se, Faaba zaari ra mo no ay na ni gaa. Ay ga ni haggoy mo ka ni ciya alkawli jama se, Zama laabo ma ye ka tun, Ni m'i tubey kaŋ halaci yeti i se koyne.
9对那些被囚的说：‘你们出来吧！’对那些在黑暗中的人说：‘你们现身吧！’他们沿途必得喂养，一切光秃的高处必成为他们的草场。
9 Ni ma ne kas'izey se: ‹Wa fatta.› Borey kaŋ yaŋ go kubay ra mo, Ni ma ne i se: ‹Wa bangay!› Fondo gaa no i ga kuru, I ga du kuray do mo tondi kuukey kulu boŋ.
10他们必不饥饿，也不口渴，炎热和太阳必不伤害他们，因为那怜悯他们的，要引领他们，带领他们到水泉的旁边。
10 I si maa haray wala jaw, Fufule wala wayno mo s'i kar. Zama bora kaŋ ga bakar i se din no g'i candi, A ga furo i jine mo k'i candi ka kond'ey hari zurey me gaa.
11我必使我的众山成为道路，我的大道都必被修高。
11 Ay tondi kuukey kulu mo, kal ay m'i ciya fondo, Ay fondey mo ga bara beene.
12看哪！有些人从远方而来；看哪！有些从北方，从西方而来，还有些从色尼姆地而来。”
12 A go, afooyaŋ nangu mooro no i ga fun, Afooyaŋ ga fun azawa kambe nda wayna kaŋay haray, Afooyaŋ mo, Sinim laabu no i ga fun.»
13诸天哪！你们要欢呼。大地啊！你当快乐。众山啊！你们要发声欢呼。因为耶和华已经安慰了他的子民，也必怜悯他受困苦的人。
13 Ya araŋ beeney, wa doon farhã sabbay se. Ya nin ganda, ma te bine kaani! Ya araŋ tondi kuukey, wa doon ka farhã! Zama Rabbi na yaamaryaŋ te nga borey se, A ga bakar mo nga borey kaŋ go kankami ra se.
14 神的垂顾与复兴但锡安说：“耶和华离弃了我，我的主忘记了我。”
14 Amma Sihiyona ne: «Rabbi n'ay furu, Ay Koyo diny'ay gaa mo.»
15妇人怎能忘记她吃奶的婴孩，不怜悯她亲生的儿子呢？即使她们可能忘记，我也不会忘记你。
15 A ga hin ka te no wayboro ma dinya nga ize naanandi gaa hal a ma jaŋ ka bakar nga ize gunda se? Oho, a ga hin ka te i ma dinya, Amma ay wo, ay si dinya ni gaa bo.
16看哪！我已经把你刻在我的掌上；你的城墙常常在我面前。
16 A go, ay na ni jeeri ay kambe faata gaa, Ni birni cinarey mo go ay jine waati kulu.
17重建你的要急速归回，那些毁坏你的和那些使你荒废的，都必离你而去。
17 Ni izey ga cahã. Borey kaŋ yaŋ na ni halaci ka ni ciya kurmu kulu ga fatta ni do.
18你举目向四周观看吧！他们都集合到你那里来。耶和华说：“我指着我的永生起誓，你要披戴他们，如同披戴装饰品；你要以他们作华带束腰，像新妇一样。
18 Ma ni boŋ sambu ka guna ni windanta kulu. Ni izey kulu goono ga margu ka kaa ni do. Rabbi ne: «Ay ze d'ay fundo, Daahir ni g'i daŋ ni gaahamo gaa danga taalam cine. Ni ga guddu nd'ey danga mate kaŋ cine wayhiiji ga te.
19至于你那些被毁坏荒废之处和你那些被拆毁之地，现在给众人居住必显为太狭窄了，那些吞灭你的都必远离你。
19 Zama ni batama kooney, Da ni laabo kaŋ i halaci din ciine ra, Sohõ ni ga kankam a ra gorokoy baayaŋ sabbay se. Borey kaŋ yaŋ na ni gon waato mo ga mooru.
20你丧子以后所生的儿女还要说给你听，说：‘这地方给我居住太狭窄了；求你给我预备地方居住吧！’
20 Han fo ni faajo waate izey ga salaŋ ni hanga ra ka ne: ‹Nango wo kankam iri se. M'iri no batama hal iri ma du naŋ kaŋ ga goro.›
21那时你心里必说：‘我既丧子，又不能生育；我是被掳的，又是被放逐在外的，谁给我生了这些孩子呢？谁把这些孩子养大呢？看哪！我独自一人被撇下，这些孩子是从哪里来的呢？’”
21 Saaya din ni bina ra ni ga ne: ‹May no ka woone yaŋ hay ay se? Zama ay mursu ay izey, ay ciya waygunu da yaw, Ay goono ga koy-da-ye te. Day, woone yaŋ binde, may no k'i biiri? A go, i n'ay naŋ ay hinne. Woone yaŋ binde, man no i fun?› »
22主耶和华这样说：“看哪！我必向列国举手，我要向万民竖立我的旗帜；他们要把你的儿子都抱在怀中带来，把你的女儿都放在肩上背来。
22 Yaa no Rabbi, Koy Beero ci: A go, ay g'ay kamba sambu dumi cindey boŋ, Ay ma liiliwal sinji jamayaŋ se. I ga kande ni ize arey ngey gandey ra, I ga ni ize wayey mo sambu ngey jasey gaa.
23列国的君王要作你的养父，他们的王后必作你的保姆；他们必脸伏于地向你下拜，舐你脚上的尘土。那么，你就知道我是耶和华，那些仰望我的决不会羞愧。”
23 Bonkooney ga ciya ni biirikoyaŋ, I wayboro bonkooney mo ga ni hampa. I ga sumbal ni jine, i moydumey go ganda, I ma kusa kaŋ go ni cey gaa loogu. Ni ga bay mo kaŋ ay no ga ti Rabbi. Borey kaŋ yaŋ ga hangan ay se beeje ra mo si haaw.
24被抢去的怎能从勇士手中夺回呢？被俘掳的怎能从强暴者的手里救出来呢？
24 I ga hin ka arzaka kom wongaari gaa no? Tam ga hin ka fun mayraykoy laalo kambe ra no?
25但耶和华这样说：“就是勇士所俘掳的，也可以夺回，强暴者所抢去的，也可以救出来；与你相争的，我必与他们相争；你的儿女，我却要拯救。
25 Zama yaa no Rabbi ci: Baa wongaari waney kaŋ i di, Ay g'i ta i gaa. Mayraykoy laaley wongu arzaka mo ga du ka koma. Zama ay no ga gurjay da bora kaŋ ga gurjay da nin. Ay ga ni ize arey faaba mo.
26我要使那些欺压你的人，吃自己的肉；他们必喝自己的血醉倒，好像喝了甜酒一样；那么所有的人都必知道，我耶和华是你的拯救者，是你的救赎主，是雅各的大能者。”
26 Borey kaŋ ga ni kankam mo, Ay g'i no ngey bumbey gaaham basey i ma ŋwa. I ga bugu nda ngey bumbey kuri danga duvan kaano cine. Adam-izey kulu ga bay kaŋ ay, Rabbi, Ay ya ni Faabakwa no, ni Fansakwa mo no, Yakuba wane Hinkoyo.