1利未人所得的城镇
1 Gaa no Lawitey kaayey windi arkusey kaa ka maan Alfa Eliyezar da Yasuwa, Nun izo do, da Israyla izey kaayey windi arkusey do.
2在迦南地的示罗对他们说：“耶和华曾经借着摩西吩咐要给我们城市居住，和城的郊野可以牧放我们的牲畜。”
2 I salaŋ i se Silo ra, Kanaana laabo ra ka ne: «Rabbi na lordi te Musa meyo ra ka ne i m'iri no birniyaŋ, iri ma goro i ra. I m'iri no kuray nangey mo iri almaney se.»
3于是以色列人照着耶和华所吩咐的，从自己的产业中，把以下这些城市和城的郊野，给了利未人。
3 Kala Israyla izey na birniyaŋ da ngey kuray nangey kaa ngey tubey ra ka no Lawi izey se, Rabbi lordo boŋ. Ngey neeya:
4首先为哥辖家族抽出签来：利未支派亚伦祭司的子孙，从犹大支派、西缅支派和便雅悯支派，抽签得了十三座城。
4 I na baa fay ka kaa Kohat almayaaley se. Lawi izey kaŋ yaŋ ga ti Alfa Haruna banda mo du birni way cindi hinza, kurne fayyaŋ boŋ. I du ey Yahuda kunda, da Simeyon kunda, da Benyamin kunda ra.
5哥辖其余的子孙，从以法莲支派的家族、但支派和玛拿西半个支派，抽签得了十座城。
5 Kohat ize cindey mo du birni way, kurne fayyaŋ boŋ. I du ey Ifraymu kunda, da Dan kunda, da Manasse kunda jara almayaaley ra.
6革顺的子孙，从以萨迦支派的家族、亚设支派、拿弗他利支派和在巴珊的玛拿西半个支派，抽签得了十三座城。
6 Gerson banda mo du birni way cindi hinza, kurne fayyaŋ boŋ. I du ey Isakar kunda, da Aser kunda, da Naftali kunda, da Manasse kunda jara, Basan ra wane, i almayaaley ra.
7米拉利的子孙，按着家族，从流本支派、迦得支派和西布伦支派，得了十二座城。
7 Merari izey almayaaley, ngey mo du ngey baa birni way cindi hinka. I du ey Ruben kunda, da Gad kunda, da Zabluna kunda ra.
8以色列人照着耶和华吩咐摩西的，借着抽签，把这些城市和城的郊野分给利未人。
8 Israyla izey na Lawitey no birni woodin yaŋ da ngey kuray nangey i banda kurne boŋ, danga mate kaŋ cine Rabbi n'a lordi Musa se.
9他们从犹大支派和西缅支派中，把以下这些有提名的城分了
9 Yahuda kunda ra, da Simeyon kunda ra no i na birney wo no. I n'i suuban i maayey boŋ.
10给利未支派、哥辖家族中亚伦的子孙，因为第一签是他们的。
10 Lawi ize Kohat almayaaley, Haruna izey kwaarayaŋ no, zama baa sintina fatta i se.
11以色列人把犹大山地的基列．亚巴，和它四围的郊野，给了他们；亚巴是亚衲族的祖宗，基列．亚巴就是希伯仑。
11 I n'i no Ciriyat-Arba (Arba wo ga ti Anak banda, sanda Hebron kwaara nooya), kaŋ go Yahuda tondey laabo ra, nga nda nga kuray nangey kaŋ yaŋ go a windanta.
12属于那城的田地和村庄，他们却给了耶孚尼的儿子迦勒作产业。
12 Amma birno farey d'a kawyey, i n'i no Kaleb, Yefunna ize se, i ma ciya a se mayray hari.
13以色列人把误杀人者的避难城希伯仑，和希伯仑的郊野，又把立拿和立拿的郊野给了亚伦祭司的子孙，
13 Alfa Haruna banda se mo i na Hebron da nga kuray nangey no, a ma te boro-wi tuguyaŋ birni.
14还有雅提珥和雅提珥的郊野，以实提莫和以实提莫的郊野，
14 Woodin banda i du Libna da nga kuray nangey, da Yattir da nga kuray nangey, Estemowa da nga kuray nangey,
15何仑和何仑的郊野，底璧和底璧的郊野，
15 da Holon da nga kuray nangey, da Debir da nga kuray nangey,
16亚因和亚因的郊野，淤他和淤他的郊野，伯．示麦和伯．示麦的郊野，共九座城，都是从这两个支派分出来的。
16 da Ayin da nga kuray nangey, da Yutta da nga kuray nangey, da mo Bayt-Semes da nga kuray nangey. Birni yagga nooya kunda hinka din ra.
17又从便雅悯支派中，分给他们基遍和基遍的郊野，迦巴和迦巴的郊野，
17 Benyamin kunda ra mo i du Jibeyon da nga kuray nangey, da Geba da nga kuray nangey,
18亚拿突和亚拿突的郊野，亚勒们和亚勒们的郊野，共四座城。
18 da Anatot da nga kuray nangey, da Almon da nga kuray nangey, birni taaci nooya.
19亚伦子孙众祭司所有的城，共十三座，还有这些城的郊野。
19 Haruna banda, kaŋ ga ti alfagey, i birney kulu ga ti iway cindi hinza, ngey nda ngey kuray nangey.
20利未支派哥辖子孙的家族，就是哥辖其余的子孙，抽签所得的城是从以法莲支派中分出来的。
20 Lawi kunda ra, Kohat izey almayaaley, sanda Kohat ize cindey no, i du ngey baa birney Ifraymu kunda ra.
21以色列人把误杀人者的避难城，就是在以法莲山地的示剑和示剑的郊野，给了他们；又把基色和基色的郊野，给了他们；
21 I n'i no Sekem da nga kuray nangey, Ifraymu tondey laabo ra n'a go, boro-wi tuguyaŋ birni fo nooya. I du Gezer mo da nga kuray nangey,
22又有基伯先和基伯先的郊野，伯．和仑和伯．和仑的郊野，共四座城。
22 da Kibzayim da nga kuray nangey, da Bayt-Horon da nga kuray nangey, birni taaci nooya.
23又从但支派中，给了他们伊利提基和伊利提基的郊野，基比顿和基比顿的郊野，
23 Dan kunda ra mo i du Elteke da nga kuray nangey, da Jibbeton da nga kuray nangey,
24亚雅仑和亚雅仑的郊野，迦特．临门和迦特．临门的郊野，共四座城。
24 da Ayyalon da nga kuray nangey, da Gat-Rimmon da nga kuray nangey, birni taaci nooya.
25又从玛拿西半个支派中，给了他们他纳和他纳的郊野，迦特．临门和迦特．临门的郊野，共两座城。
25 Manasse kunda jara ra mo i du Taanak da nga kuray nangey, da Gat-Rimmon da nga kuray nangey, birni hinka nooya.
26哥辖子孙其余的家族所有的城共十座，还有这些城的郊野。
26 Kohat ize cindey almayaaley, i birney kulu, birni way no, d'i kuray nangey i banda.
27以色列人又从玛拿西半个支派中，把误杀人者的避难城，就是在巴珊的哥兰，和哥兰的郊野，给了利未人的家族中革顺的子孙；又给了他们比．施提拉和比．施提拉的郊野，共两座城。
27 Lawi kunda, Gerson almayaaley mo, Manasse kunda jara ra i n'i no: Golan kaŋ go Basan ra, nga nda nga kuray nangey. Boro-wi tuguyaŋ birni fo mo nooya. I du Beyes-Tera da nga kuray nangey, birni hinka nooya.
28又从以萨迦支派中，给了他们基善和基善的郊野，大比拉和大比拉的郊野，
28 Isakar kunda ra mo i du Cison da nga kuray nangey, da Daberat da nga kuray nangey,
29耶末和耶末的郊野，隐．干宁和隐．干宁的郊野，共四座城。
29 da Yarmut da nga kuray nangey, da En-Gannim da nga kuray nangey, birni taaci nooya.
30又从亚设支派中，给了他们米沙勒和米沙勒的郊野，押顿和押顿的郊野，
30 Aser kunda ra mo i du Misal da nga kuray nangey, da Abdon da nga kuray nangey,
31黑甲和黑甲的郊野，利合和利合的郊野，共四座城。
31 da Helkat da nga kuray nangey, da Rehob da nga kuray nangey, birni taaci nooya.
32以色列人又从拿弗他利支派中，把误杀人者的避难城，就是在加利利的基低斯和基低斯的郊野，给了他们；又给他们哈末．多珥和哈末．多珥的郊野，加珥但和加珥但的郊野，共三座城。
32 Naftali kunda ra mo i du Kedes kaŋ go Galili ra da nga kuray nangey. Boro-wi tuguyaŋ birni fo mo nooya. I du Hammot-Dor mo da nga kuray nangey, da Kartan da nga kuray nangey, birni hinza nooya.
33革顺人按着家族所有的城共十三座，还有这些城的郊野。
33 Gerson izey birney kulu i almayaaley boŋ, birni way cindi hinza da ngey kuray nangey no.
34其余的利未人，米拉利的子孙的家族，从西布伦支派中分得约念和约念的郊野，加珥他和加珥他的郊野，
34 Lawi kunda ize cindey, Merari izey almayaaley n'i no: Zabluna kunda ra Yokneyam da nga kuray nangey, da Karta da nga kuray nangey,
35丁拿和丁拿的郊野，拿哈拉和拿哈拉的郊野，共四座城。
35 da Dimna da nga kuray nangey, da Nahalal da nga kuray nangey, birni taaci nooya.
36又从流本支派中，给了他们比悉和比悉的郊野，雅杂和雅杂的郊野，
36 Ruben kunda ra mo i du Bezer da nga kuray nangey, da Yahaz da nga kuray nangey,
37基底莫和基底莫的郊野，米法押和米法押的郊野，共四座城。
37 da Kedemot da nga kuray nangey, da Mefaat da nga kuray nangey, birni taaci nooya.
38以色列人又从迦得支派中，把误杀人者的避难城，就是在基列的拉末和拉末的郊野，给了他们；又给他们玛哈念和玛哈念的郊野，
38 Gad kunda ra mo i du Ramot kaŋ go Jileyad ra da nga kuray nangey. Boro-wi tuguyaŋ birni fo mo nooya. I du Mahanayim mo da nga kuray nangey,
39希实本和希实本的郊野，雅谢和雅谢的郊野，共四座城。
39 da Hesbon da nga kuray nangey, da Yazer da nga kuray nangey, birni taaci nooya.
40利未人其余的家族，就是米拉利的子孙，按着家族抽签所得的城，共有十二座。
40 Birni woodin yaŋ kulu, ngey no ga ti Merari izey waney i almayaaley boŋ, danga Lawi kunda almayaaley jara nooya. I baa ga ti birni way cindi hinka.
41在以色列人的地业中，利未人所得的城共四十八座，还有这些城的郊野。
41 Lawi kunda birney kulu margante Israyla izey mayrayey game ra to birni waytaaci cindi ahakku, da ngey kuray nangey.
42这些城周围都有自己的郊野，每一座都是这样。
42 Birney din kulu gonda ngey kuray nangey kaŋ yaŋ g'i windi. Yaadin no birney din kulu bara nd'a.
43 神的应许实现这样，耶和华就把他从前起誓要赐给他们列祖的全地给了以色列人；以色列人占领了那地，就定居下来。
43 Yaadin no Rabbi na laabo kulu no Israyla izey se d'a, mate kaŋ a ze d'a i kaayey se ka ne nga g'i no nd'a. I na laabo ŋwa mo ka gooro a ra.
44耶和华照着他向他们列祖起誓所说的一切话，使他们四境平静；他们所有的仇敌，没有一人能在他们面前站立得住；耶和华把他们所有的仇敌都交在他们手里。
44 Rabbi n'i no fulanzamay mo nangu kulu, hay kulu kaŋ Rabbi ze d'a i kaayey se din boŋ. I ibarey ra sinda boro fo kulu kaŋ kay i jine. Rabbi n'i ibarey kulu daŋ i kambe ra.
45耶和华向以色列家应许赐福的话，没有一句落空，都应验了。
45 Gomni kulu kaŋ Rabbi n'a sanni te Israyla izey se d'a, hay kulu no mana gaze a ra, amma hay kulu te ka tabbat no.