1参孙火烧非利士人的禾稼
1 Amma alwaati kayna woodin banda alkama heemaro kaa ka to, Samson koy ka nga wando kunfa. A konda hincin ize. A ne: «Ay ga furo ay wando do fuwo ra.» Amma wando baabo wangu Samson se a ma furo.
2她父亲说：“我以为你非常恨她，所以我把她给了你的一个同伴；她的妹妹不是比她更美丽吗？你可以娶来代替她啊。”
2 Wando baabo ne: «Sikka si ay wo mana ne kala ni si ba r'a pat-pat. Woodin se no ay na ni wande no ni cora se. Day, manti a kayno bis'a boori yaŋ? Ay ga ni ŋwaaray, ni ma kayno sambu beero nango ra.»
3参孙对他们说：“这次如果我加害非利士人，就可以不必负责了。”
3 Samson binde ne a se: «Sohõ no ay ga bana Filistancey gaa mate kaŋ ga saba, saaya kaŋ cine ay na hasaraw te i se.»
4于是参孙去捉了三百只狐狸，又拿了火把来，把狐狸尾巴对尾巴缚在一起，又把一枝火把插在两条尾巴中间。
4 Samson binde koy ka zoŋo zangu hinza di. A na yulbeyaŋ sambu k'i didiji i dibbey gaa k'i haw care gaa dibba nda dibba. A na yulbe daŋ i kulu dibba hinka nda care game ra.
5他点着了火把，就放狐狸进入非利士人的禾田里，把堆积的禾捆，和未割的禾稼，以及橄榄园都烧了。
5 Gaa no a na danji tusu yulbey gaa ka zoŋey taŋ i ma furo Filistancey farey ra, naŋ kaŋ alkama goono ga kay. A na bokwey da wo kaŋ i mana wi mo ton, hala nda zeytun kaley.
6非利士人问：“这是谁作的呢？”有人回答：“是亭拿人的女婿参孙作的，因为他岳父把他的妻子给了他的同伴。”于是非利士人上去，放火烧了那女子和她的父亲。
6 Waato din gaa no Filistancey ne: «May no ka hayo wo te?» I ne: «Samson no, Timna bora anzuray, zama anzura n'a wando sambu k'a no a cora se.» Filistancey binde kaa k'a wando da nga baabo kulu ton da danji.
7参孙对他们说：“你们既然这样行，我必在你们身上报仇，然后才肯罢休。”
7 Kala Samson ne i se: «Hala day ya-cine no i ga te, haciika ay mo, ay ga fansa sambu araŋ boŋ, woodin banda ay ma naŋ.»
8参孙击打他们，连腿带腰都砍断了，那是一场极大的杀戮；然后他下去，住在以坦磐石的穴中。
8 A n'i kar parkatak! ce da kambe, da wiyaŋ bambata. Woodin banda no a koy ka goro Etam tondi guuso ra.
9参孙用驴腮骨击杀千人非利士人上去，在犹大安营，在利希散开。
9 Kala Filistancey koy ka gata sinji Yahudiya* laabo ra. I bambari Lehi ra.
10犹大人说：“你们为什么上来攻打我们呢？”他们说：“我们上来是要捆绑参孙，要报复他向我们所行的。”
10 Yahuda laabo borey ne: «Ifo se no araŋ kande iri gaa wongu?» Ngey mo ne: «Iri kaa no zama iri ma Samson haw, iri ma te a se danga mate kaŋ cine a te iri se.»
11于是有三千犹大人下到以坦磐石的穴中去，对参孙说：“非利士人统治我们，你不知道吗？你为什么向我们行这事呢？”参孙对他们说：“他们怎样待我，我也怎样待他们。”
11 Waato din gaa no Yahudiya laabo boro zambar hinza tun ka koy ka Samson gar Etam tondi guuso ra. I ne Samson se: «Ni mana bay kaŋ Filistancey no g'iri may? Ifo no woone kaŋ ni te iri se?» Nga mo ne i se: «Danga mate kaŋ cine i te ay se, yaadin cine no ay mo te i se.»
12犹大人对他说：“我们下来要捆绑你，把你交在非利士人手里。”参孙对他们说：“你们要向我发誓，你们不亲自杀害我。”
12 I ne a se: «To, sohõ iri kaa no zama iri ma ni haw ka ni daŋ Filistancey kambe ra.» Samson ne i se: «Wa ze ay se, hala araŋ bumbey din, araŋ s'ay wi.»
13他们告诉他说：“我们不会杀害你，我们只要把你捆绑住，交在非利士人手里，我们决不杀死你。”于是他们用两条新绳子把参孙捆绑起来，从磐石的穴里把他带上来。
13 I salaŋ a se ka ne: «Oho. Amma iri ga ni haw hala a ma boori, iri ma ni nooyandi i se. Amma iri wo, daahir iri si ni wi.» I binde n'a haw da korfo taji hinka. I n'a kaa taray a ma fun tondo ra.
14参孙来到利希，非利士人就吶喊着出来迎接他，耶和华的灵大大临到参孙身上，他臂上的绳子就像被火烧的麻一样，他的捆绑都从他的手上落下来。
14 Saaya kaŋ cine a kaa Lehi, Filistancey kubay nd'a, i goono ga kuuwa. Kala Rabbi Biya zumbu a boŋ da hin. Korfey kaŋ go a kambey gaa kulu ciya danga silli kaŋ i ton. A hawyaŋ harey kulu foobu ka fun kambey gaa ka gusam.
15他找着一块新鲜的驴腮骨，就伸手拾起来，击杀了一千人。
15 Kala Samson du farka gawal biri taji fo. A na nga kambe salle k'a sambu. A na boro zambar fo wi da biriyo.
16参孙说：“我用驴腮骨杀人成堆；我用驴腮骨击杀了一千人。”
16 Samson ne: «Farkay gawal biri no gusam, gusam! Farkay gawal biri no ay na boro zambar wi d'a!»
17说完了，就把那腮骨从手里拋出去，因此那地方就叫拉末．利希（“拉末．利希”意即“腮骨的山”）。
17 Waato kaŋ a na sanni woodin ci ka ban, gaa no a na garbay biriyo furu k'a kaa nga kambe ra. Nango din mo, i n'a maa daŋ Ramat-Lehi.
18参孙非常口渴，就呼求耶和华说：“你既然借着你仆人的手施行这么大的拯救，现在我怎可以渴死，落在未受割礼的人手中呢？”
18 Hari jaw na Samson di gumo. A na adduwa te Rabbi gaa ka ne: «Nin no ka faaba bambata woone te da ni tamo kamba. Sohõ binde ay go ga bu da hari jaw. Wala ya kaŋ borey wo kaŋ yaŋ sinda dambanguyaŋ kambe ra?»
19于是 神在利希使一洼地裂开，就有水从那里涌出来；参孙喝了，就恢复精神，活力充足；因此那泉名叫隐．哈歌利（“隐．哈歌利”意即“呼求者之泉”），那泉直到今日还在利希。
19 Amma Irikoy na gooro kaŋ go Lehi ra din kortu kal a go, hari zotti ka fatta. Waato kaŋ a haŋ, Samson biya ye ka kaa, a yay. Woodin se no i na nango maa daŋ En-Hakkore. A go no mo Lehi ra hala hunkuna.
20在非利士人统治的日子，参孙治理以色列人二十年。
20 Samson na Israyla may mo jiiri waranka Filistancey zamana ra.