¹And when he had called unto him his twelve disciples, he gave them power against unclean spirits, to cast them out, and to heal all manner of sickness and all manner of disease.

¹Neuze e c'halvas e zaouzek diskibl, hag e roas dezho ar galloud da gas kuit ar speredoù hudur, ha da yac'haat pep kleñved ha pep mac'hagn.

²Now the names of the twelve apostles are these; The first, Simon, who is called Peter, and Andrew his brother; James the son of Zebedee, and John his brother;

²Setu anvioù an daouzek abostol: An hini kentañ, Simon anvet Pêr, hag Andrev e vreur; Jakez mab Zebedea, ha Yann e vreur;

³Philip, and Bartholomew; Thomas, and Matthew the publican; James the son of Alphaeus, and Lebbaeus, whose surname was Thaddaeus;

³Filip ha Bartolome; Tomaz ha Mazhev ar publikan; Jakez mab Alfe, ha Lebbe lesanvet Tadde;

⁴Simon the Canaanite, and Judas Iscariot, who also betrayed him.

⁴Simon ar C'hananead, ha Judaz Iskariod, a oa an hini en gwerzhas.

⁵These twelve Jesus sent forth, and commanded them, saying, Go not into the way of the Gentiles, and into any city of the Samaritans enter ye not:

⁵Jezuz a gasas an daouzek den-se, goude bezañ roet dezho ar gourc'hemennoù war-lerc'h: N'it ket etrezek ar baganed, ha n'it ket e kêrioù ar Samaritaned;

⁶But go rather to the lost sheep of the house of Israel.

⁶met, it kentoc'h etrezek deñved kollet ti Israel.

⁷And as ye go, preach, saying, The kingdom of heaven is at hand.

⁷En ur vont, prezegit ha lavarit: Rouantelezh an neñvoù a zo tost.

⁸Heal the sick, cleanse the lepers, raise the dead, cast out devils: freely ye have received, freely give.

⁸Pareit ar re glañv, glanait ar re lovr, adsavit ar re varv da vev, kasit kuit an diaoulien; resevet hoc'h eus evit netra, roit evit netra.

⁹Provide neither gold, nor silver, nor brass in your purses,

⁹Na gemerit nag aour, nag arc'hant, na moneiz en ho kouriz,

¹⁰Nor scrip for your journey, neither two coats, neither shoes, nor yet staves: for the workman is worthy of his meat.

¹⁰na sac'h evit ar veaj, na daou wiskamant, na botoù, na bazh; rak al labourer a zo dleet dezhañ e voued.

¹¹And into whatsoever city or town ye shall enter, enquire who in it is worthy; and there abide till ye go thence.

¹¹E peseurt kêr bennak pe bourc'h bennak ma'z eot, goulennit piv a zo din d'ho tegemer, ha chomit eno betek ma'z eot kuit.

¹²And when ye come into an house, salute it.

¹²En ur vont e-barzh an ti, saludit-eñ,

¹³And if the house be worthy, let your peace come upon it: but if it be not worthy, let your peace return to you.

¹³ha, mar deo din an ti a gement-se, ra zeuio ho peoc'h warnañ; met, ma n'eo ket din, ra zistroio ho peoc'h deoc'h.

¹⁴And whosoever shall not receive you, nor hear your words, when ye depart out of that house or city, shake off the dust of your feet.

¹⁴Ha p'en em gavo tud n'ho tegemerint ket, ha ne selaouint ket ho komzoù, pa'z eot kuit eus an ti-se pe eus ar gêr-se, hejit ar poultr eus ho treid.

¹⁵Verily I say unto you, It shall be more tolerable for the land of Sodom and Gomorrha in the day of judgment, than for that city.

¹⁵Me a lavar deoc'h, e gwirionez, penaos e vo dousoc'h da vro Sodom ha Gomora e deiz ar varn, eget d'ar gêr-se.

¹⁶Behold, I send you forth as sheep in the midst of wolves: be ye therefore wise as serpents, and harmless as doves.

¹⁶Setu, e kasan ac'hanoc'h evel deñved e-touez ar bleizi, bezit eta evezhiek evel naered, ha eeun evel koulmed.

¹⁷But beware of men: for they will deliver you up to the councils, and they will scourge you in their synagogues;

¹⁷Diwallit diouzh an dud, rak ho kas a raint dirak al lezioù-barn hag e skourjezint ac'hanoc'h en o sinagogennoù;

¹⁸And ye shall be brought before governors and kings for my sake, for a testimony against them and the Gentiles.

¹⁸Kaset e viot dirak gouarnerien ha dirak rouaned abalamour din, evit reiñ testeni din dirazo ha dirak ar baganed.

¹⁹But when they deliver you up, take no thought how or what ye shall speak: for it shall be given you in that same hour what ye shall speak.

¹⁹Met pa viot lakaet etre o daouarn, n'en em lakait ket en poan eus an doare ma komzot, nag eus ar pezh a lavarot, rak roet e vo deoc'h en eur-se ar pezh ho po da lavarout.

²⁰For it is not ye that speak, but the Spirit of your Father which speaketh in you.

²⁰Rak ne vo ket c'hwi a gomzo, met Spered ho Tad eo, a gomzo ennoc'h.

²¹And the brother shall deliver up the brother to death, and the father the child: and the children shall rise up against their parents, and cause them to be put to death.

²¹Ar breur a roio e vreur d'ar marv, hag an tad e vugel; ar vugale en em savo a-enep o zud, hag o lakaint d'ar marv.

²²And ye shall be hated of all men for my name's sake: but he that endureth to the end shall be saved.

²²Kasaet e viot gant an holl abalamour da'm anv, met an hini a gendalc'ho betek ar fin, a vo salvet.

²³But when they persecute you in this city, flee ye into another: for verily I say unto you, Ye shall not have gone over the cities of Israel, till the Son of man be come.

²³Pa viot gwallgaset en ur gêr, tec'hit d'un all; me a lavar deoc'h e gwirionez, n'ho po ket echuet da vont dre holl gêrioù Israel, ma vo deuet Mab an den.

²⁴The disciple is not above his master, nor the servant above his lord.

²⁴An diskibl n'eo ket uheloc'h eget e vestr, nag ar mevel uheloc'h eget e aotrou.

²⁵It is enough for the disciple that he be as his master, and the servant as his lord. If they have called the master of the house Beelzebub, how much more shall they call them of his household?

²⁵A-walc'h eo d'an diskibl bezañ evel e vestr, ha d'ar mevel bezañ evel e aotrou. Mar o deus galvet mestr an tiegezh Beelzebul, pegement muioc'h ne c'halvint ket tud e diegezh.

²⁶Fear them not therefore: for there is nothing covered, that shall not be revealed; and hid, that shall not be known.

²⁶N'ho pet ket aon eta rak int, rak n'eus netra goloet na vo dizoloet, ha netra kuzhet na zle bezañ anavezet.

²⁷What I tell you in darkness, that speak ye in light: and what ye hear in the ear, that preach ye upon the housetops.

²⁷Ar pezh a lavaran deoc'h en deñvalijenn, lavarit-eñ er sklêrijenn, hag ar pezh a lavaran deoc'h e pleg ho skouarn, prezegit-eñ war an toennoù.

²⁸And fear not them which kill the body, but are not able to kill the soul: but rather fear him which is able to destroy both soul and body in hell.

²⁸N'ho pet ket aon dirak ar re a lazh ar c'horf ha ne c'hellont ket lazhañ an ene; doujit kentoc'h an hini a c'hell lakaat an ene hag ar c'horf er gehenn.

²⁹Are not two sparrows sold for a farthing? and one of them shall not fall on the ground without your Father.

²⁹Ha ne werzher ket daou c'holvan evit ur gwenneg? Koulskoude, ne gouezh ket unan anezho war an douar hep bolontez ho Tad.

³⁰But the very hairs of your head are all numbered.

³⁰Ha zoken holl vlev ho penn a zo kontet.

³¹Fear ye not therefore, ye are of more value than many sparrows.

³¹N'ho pet ket aon eta, c'hwi a dalvez muioc'h eget kalz a c'holvaned.

³²Whosoever therefore shall confess me before men, him will I confess also before my Father which is in heaven.

³²Piv bennak eta a anzavo ac'hanon dirak an dud, ec'h anzavin ivez anezhañ dirak va Zad a zo en neñvoù;

³³But whosoever shall deny me before men, him will I also deny before my Father which is in heaven.

³³met an hini a zinac'ho ac'hanon dirak an dud, e tinac'hin ivez anezhañ dirak va Zad a zo en neñvoù.

³⁴Think not that I am come to send peace on earth: I came not to send peace, but a sword.

³⁴Na soñjit ket e vefen deuet da zegas ar peoc'h war an douar; n'on ket deuet da zegas ar peoc'h, met ar c'hleze.

³⁵For I am come to set a man at variance against his father, and the daughter against her mother, and the daughter in law against her mother in law.

³⁵Rak deuet on da lakaat an dizunvaniezh etre ar mab hag e dad, etre ar verc'h hag he mamm, etre ar verc'h-kaer hag he mamm-gaer,

³⁶And a man's foes shall be they of his own household.

³⁶hag an den en devo evit enebourien tud e diegezh.

³⁷He that loveth father or mother more than me is not worthy of me: and he that loveth son or daughter more than me is not worthy of me.

³⁷An neb a gar e dad pe e vamm muioc'h egedon, n'eo ket din ac'hanon; hag an neb a gar e vab pe e verc'h muioc'h egedon, n'eo ket din ac'hanon;

³⁸And he that taketh not his cross, and followeth after me, is not worthy of me.

³⁸an neb na gemer ket e groaz ha na'm heul ket, n'eo ket din ac'hanon.

³⁹He that findeth his life shall lose it: and he that loseth his life for my sake shall find it.

³⁹An neb a viro e vuhez, he c'hollo, hag an neb a gollo he buhez abalamour din, he c'havo.

⁴⁰He that receiveth you receiveth me, and he that receiveth me receiveth him that sent me.

⁴⁰An neb ho tegemer, am degemer, hag an neb am degemer, a zegemer an hini en deus va c'haset.

⁴¹He that receiveth a prophet in the name of a prophet shall receive a prophet's reward; and he that receiveth a righteous man in the name of a righteous man shall receive a righteous man's reward.

⁴¹An neb a zegemer ur profed en anv a brofed, en devo ur gopr a brofed; an neb a zegemer un den reizh en anv a zen reizh, en devo ur gopr a zen reizh.

⁴²And whosoever shall give to drink unto one of these little ones a cup of cold water only in the name of a disciple, verily I say unto you, he shall in no wise lose his reward.

⁴²Ha piv bennak a roio ur werennad dour fresk hepken da unan eus ar re vihan-se abalamour ma'z eo va diskibl, en lavaran deoc'h e gwirionez, ne gollo ket e c'hopr.