¹Now concerning spiritual gifts, brethren, I would not have you ignorant.

¹Karon mahatungod sa mga hiyas nga espirituhanon, dili ako buot, mga igsoon, nga kamo dili manghibalo.

²Ye know that ye were Gentiles, carried away unto these dumb idols, even as ye were led.

²Hingsayran ninyo, nga sa mga Gentil pa kamo, gipanagdaldal kamo ngadto sa mga diosdios nga amang sa bisan unsa nga paagi ang pagdaldal kaninyo.

³Wherefore I give you to understand, that no man speaking by the Spirit of God calleth Jesus accursed: and that no man can say that Jesus is the Lord, but by the Holy Ghost.

³Tungod niana ginapaila ko kaninyo, nga walay tawo nga sa nagasulti siya sa Espiritu sa Dios, makapamulong: Si Jesus tinunglo; ug walay tawo nga makapamulong: Si Jesus mao ang Ginoo, kondili pinaagi sa Espiritu Santo.

⁴Now there are diversities of gifts, but the same Spirit.

⁴Karon may nagakalainlaing mga hiyas, apan mao ra nga Espiritu.

⁵And there are differences of administrations, but the same Lord.

⁵Ug may nagakalainlaing mga pag-alagad, apan mao ra nga Ginoo.

⁶And there are diversities of operations, but it is the same God which worketh all in all.

⁶Ug may nagakalainlaing mga bulohaton; apan mao ra nga Dios ang nagabuhat sa tanang mga butang nga diha sa tanan.

⁷But the manifestation of the Spirit is given to every man to profit withal.

⁷Apan ang pagpahayag sa Espiritu ginahatag sa tagsatagsa nga sa kapuslanan.

⁸For to one is given by the Spirit the word of wisdom; to another the word of knowledge by the same Spirit;

⁸Kay sa usa ginahatag pinaagi sa Espiritu ang pulong sa kaalam; ug sa usa, ang pulong sa kahibalo, sumala sa mao ra nga Espiritu.

⁹To another faith by the same Spirit; to another the gifts of healing by the same Spirit;

⁹Sa usa, ang pagtoo sa mao man nga Espiritu; ug sa usa, ang hiyas sa pagpangayo, diha sa mao man nga Espiritu.

¹⁰To another the working of miracles; to another prophecy; to another discerning of spirits; to another divers kinds of tongues; to another the interpretation of tongues:

¹⁰Sa usa, ang gahum sa pagbuhat ug katingalahan; ug sa usa, ang pagtagna; ug sa usa, ang pag-ila sa mga espiritu; sa usa, mga nagakalainlain nga pinulongan; ug sa usa, ang paghubad sa mga pinulongan.

¹¹But all these worketh that one and the selfsame Spirit, dividing to every man severally as he will.

¹¹Apan kining tanan nga mga butang ginabuhat sa usa ug sa mao ra nga Espiritu, nga ginapanghatag niya sa tagsatagsa nga iya sumala sa iyang kabubut-on.

¹²For as the body is one, and hath many members, and all the members of that one body, being many, are one body: so also is Christ.

¹²Kay maingon nga ang lawas usa, ug may daghan nga mga bahin, ug ang tanang mga bahin sa lawas, sanglit daghan, usa lamang ka lawas; mao man usab si Cristo.

¹³For by one Spirit are we all baptized into one body, whether we be Jews or Gentiles, whether we be bond or free; and have been all made to drink into one Spirit.

¹³Kay kitang tanan gibautismohan diha sa usa ka Espiritu, aron mausa ka lawas: bisan mga Judio, kun mga Greciahanon, bisan mga ulipon, kun mga dili-ulipon; ug kitang tanan gipainum sa usa ka Espiritu.

¹⁴For the body is not one member, but many.

¹⁴Kay ang lawas dili usa ka bahin, kondili daghan.

¹⁵If the foot shall say, Because I am not the hand, I am not of the body; is it therefore not of the body?

¹⁵Kong mag-ingon ang tiil: Kay ako dili kamot, dili ako iya sa lawas; dili tungod niana, nga kini dili iya sa lawas.

¹⁶And if the ear shall say, Because I am not the eye, I am not of the body; is it therefore not of the body?

¹⁶Ug kong mag-ingon ang dalunggan: Kay ako dili ang mata, dili ako iya sa lawas; dili tungod niana, nga kini dili iya sa lawas.

¹⁷If the whole body were an eye, where were the hearing? If the whole were hearing, where were the smelling?

¹⁷Kong ang tibook nga lawas mao ang mata, hain ang igdulungog? Kong ang tibook mao ang igdulungog, hain ang igsisimhot?

¹⁸But now hath God set the members every one of them in the body, as it hath pleased him.

¹⁸Apan karon gibutang sa Dios sa lawas ang tagsatagsa kanila bahin sa lawas, ingon sa nahamut-an niya.

¹⁹And if they were all one member, where were the body?

¹⁹Kay kong silang tanan magausa ka bahin, hain ang lawas?

²⁰But now are they many members, yet but one body.

²⁰Apan karon sila daghan nga mga bahin, apan usa ra ka lawas.

²¹And the eye cannot say unto the hand, I have no need of thee: nor again the head to the feet, I have no need of you.

²¹Ug ang mata dili makaingon sa kamot: Wala akoy kinahanglan kanimo, kun ang ulo dili usab makaingon sa mga tiil: Wala akoy kinahanglan kaninyo.

²²Nay, much more those members of the body, which seem to be more feeble, are necessary:

²²Apan labi pang kinahanglanon hinoon ang mga bahin sa lawas nga sa atong hunahuna labi pang mahuyang.

²³And those members of the body, which we think to be less honourable, upon these we bestow more abundant honour; and our uncomely parts have more abundant comeliness.

²³Ug kadtong mga bahin sa lawas, nga ginahunahuna ta nga anaa sa ubos nga kadungganan, kini sila ginasul-oban na sa labi pang dungganon; ug ang atong mga bahin, nga may ubos nga katahum, nagadawat ug labi pang katahum.

²⁴For our comely parts have no need: but God hath tempered the body together, having given more abundant honour to that part which lacked.

²⁴Kay ang atong mga bahin nga matahum wala silay kinahanglan. Apan giangay-angay sa Dios ang lawas, kay gihatagan niya ug labing kadungganan ang nakulangan;

²⁵That there should be no schism in the body; but that the members should have the same care one for another.

²⁵Aron walay pagkabahinbahin sa lawas; kondili nga ang tanang mga bahin kinahanglan magbaton sa sama nga pagtagad sa usa ug usa.

²⁶And whether one member suffer, all the members suffer with it; or one member be honoured, all the members rejoice with it.

²⁶Ug kong ang usa ka bahin magaantus, ang tanang mga bahin manag-antus uban kaniya; ug kong ang usa ka bahin mapasidunggan, ang tanang mga bahin mangalipay uban kaniya.

²⁷Now ye are the body of Christ, and members in particular.

²⁷Karon, kamo mao ang lawas ni Cristo, ug ang tagsatagsa mga bahin niana.

²⁸And God hath set some in the church, first apostles, secondarily prophets, thirdly teachers, after that miracles, then gifts of healings, helps, governments, diversities of tongues.

²⁸Ug gibutang sa Dios sa iglesia ang uban: ang nahauna, mao ang mga apostoles; ang ikaduha, ang mga manalagna; ang ikatolo, ang mga magtutudlo; unya, ang mga katingalahan; unya, ang mga hiyas sa pag-ayo; mga pagtabang; mga pagmando: mga nagakalainlaing sinultihan.

²⁹Are all apostles? are all prophets? are all teachers? are all workers of miracles?

²⁹Mga apostoles ba ang tanan? Mga manalagna ba ang tanan? Mga magtutudlo ba ang tanan? Mga magbubuhat ba sa katingalahan ang tanan?

³⁰Have all the gifts of healing? do all speak with tongues? do all interpret?

³⁰Ang tanan may mga hiyas ba sa pag-ayo? Makasulti ba ang tanan ug mga sinultihan? Ang tanan makahubad ba?

³¹But covet earnestly the best gifts: and yet shew I unto you a more excellent way.

³¹Apan paninguhaa ninyo pag-ayo ang labing dagkung hiyas. Ug labut pa niini, igapakita ko kaninyo ang labing maayong paagi.