¹In thee, O LORD, do I put my trust; let me never be ashamed: deliver me in thy righteousness.

¹YYAJAGO, O Jeova, nae juangoco: chamoyo munamamamajlao para taejinecog: nalibreyo gui tininasmo.

²Bow down thine ear to me; deliver me speedily: be thou my strong rock, for an house of defence to save me.

²Egueng papa guiya guajo y talangamo, nalibreyo guse: jago y para guajo acho ni y fitme, pot y guima lumijing nae para unnalibreyo.

³For thou art my rock and my fortress; therefore for thy name's sake lead me, and guide me.

³Sa jago y achojo yan y castiyujo; enao mina pot y naanmo esgaejonyo ya chachalalaneyo.

⁴Pull me out of the net that they have laid privily for me: for thou art my strength.

⁴Chuleyo gui lagua ni y munanaaatogyo gui ti umatungo: sa jago y seguro na sagajo.

⁵Into thine hand I commit my spirit: thou hast redeemed me, O LORD God of truth.

⁵Y canaemo nae, junae ni y espiritujo: unnalibreyo, O Jeova, jago Yuus minagajet.

⁶I have hated them that regard lying vanities: but I trust in the LORD.

⁶Juchatlie ayo sija y numanangga y taebale na dinague: lao guajo si Jeova juangongoco.

⁷I will be glad and rejoice in thy mercy: for thou hast considered my trouble; thou hast known my soul in adversities;

⁷Jumagof ya jusenmagof gui minaasemo: sa jagas unlie y pinitijo: ya jagas untungo y antijo gui chinatsaga.

⁸And hast not shut me up into the hand of the enemy: thou hast set my feet in a large room.

⁸Ya jago ti jumujuchomyo gui canae y enimigujo: jagas unpolo y adengjo gui dangculo na sagayan.

⁹Have mercy upon me, O LORD, for I am in trouble: mine eye is consumed with grief, yea, my soul and my belly.

⁹Gaease ni guajo, O Jeova, sa estagüe yo gui chinatsaga: sa y atadogjo linachae ni y pinite, junggan, y antijo yan y tataotaojo.

¹⁰For my life is spent with grief, and my years with sighing: my strength faileth because of mine iniquity, and my bones are consumed.

¹⁰Sa y jaanijo linachae ni y trinestico, ya y sacanjo ni y suspiros: linalachae y minetgotto pot y tinaelayeco: ya y telangjo mananglo.

¹¹I was a reproach among all mine enemies, but especially among my neighbours, and a fear to mine acquaintance: they that did see me without fled from me.

¹¹Pot todo y enimigujo, jumuyongyo mamajlao, magajet na sentaegüijeja a para y tiguangjo yan y minaañao ni y manatungoyo: ya y lumiliiyo gui sanjiyong mañuja guiya guajo.

¹²I am forgotten as a dead man out of mind: I am like a broken vessel.

¹²Sa esta malefayo taegüije y matae ni ti manjaso: taegüijeyo y an mafag baso.

¹³For I have heard the slander of many: fear was on every side: while they took counsel together against me, they devised to take away my life.

¹³Sa jujungog y dinisonran y lajyayan: minaañao sija gui todo oriya: anae manafaesen entresija contra guajo, ya majasusuye para umacone y antijo.

¹⁴But I trusted in thee, O LORD: I said, Thou art my God.

¹⁴Lao guajo, iya jago nae juangocoyo, O Jeova: ileco: Jago y Yuusso.

¹⁵My times are in thy hand: deliver me from the hand of mine enemies, and from them that persecute me.

¹⁵Y canaemo nae gaegue y tiempoco: nalibre yo gui canae y enimigujo yan y pumetsisigueyo.

¹⁶Make thy face to shine upon thy servant: save me for thy mercies' sake.

¹⁶Nafanina y matamo gui jilo y tentagomo: nalibreyo ni y güinaeyamo.

¹⁷Let me not be ashamed, O LORD; for I have called upon thee: let the wicked be ashamed, and let them be silent in the grave.

¹⁷O Jeova, chamo yo munamámamajlao; sa jagasja juaagangjao: polo y manaelaye ya ufanmamajlao: polo sija ya ufanmamatquilo gui naftan.

¹⁸Let the lying lips be put to silence; which speak grievous things proudly and contemptuously against the righteous.

¹⁸Nafanmamatquilo y labios ni y manmandadague; sa manguecuentos saguat contra y manunas, yan sobetbia yan despresio.

¹⁹Oh how great is thy goodness, which thou hast laid up for them that fear thee; which thou hast wrought for them that trust in thee before the sons of men!

¹⁹Jafa muna dangculo y minaulegmo ni unadadaje para y mumaañaogüe jao, na unfatinas para y umangocojao gui menan y famaguon y taotao.

²⁰Thou shalt hide them in the secret of thy presence from the pride of man: thou shalt keep them secretly in a pavilion from the strife of tongues.

²⁰Jago nae ufanatog sija na ti umatungo gui menamo guinin y taelaye na contraton taotao; jago unadaje sija gui guima lumijing guinin y inaguaguat y jila sija.

²¹Blessed be the LORD: for he hath shewed me his marvellous kindness in a strong city.

²¹Bendito si Jeova: sa jafanueyo ninamanman gui minaaseña gui siudan manmetgot.

²²For I said in my haste, I am cut off from before thine eyes: nevertheless thou heardest the voice of my supplications when I cried unto thee.

²²Ya guajo ileco y nalulajo: Juutut yo gui menan atadogmo; lao magajet na jago jumungog y vos y guinagaojo anae juagangjao.

²³O love the LORD, all ye his saints: for the LORD preserveth the faithful, and plentifully rewardeth the proud doer.

²³Guaeya si Jeova todo jamyo mañantos; ya y manmauleg adaje si Jeova, ya apase megagae y fumatitinas ni y sobetbia.

²⁴Be of good courage, and he shall strengthen your heart, all ye that hope in the LORD.

²⁴Nafanmetgot jamyo, ya inafanmatatnga y corasonmiyo, todo y numanangga si Jeova.