¹Be not thou envious against evil men, neither desire to be with them.

¹Mêra ru li mâusilal li nequeßxbânu li incßaß useb xnaßleb. Ut mêrahi ru cuânc saß xyânkeb.

²For their heart studieth destruction, and their lips talk of mischief.

²Xban nak eb aßan junes elkßac nequeßxcßoxla. Ut junes yibru aj âtin nequeßâtinac.

³Through wisdom is an house builded; and by understanding it is established:

³Li ani cuan xnaßleb naxcßoxla chi us chanru nak tixyîb li rochoch. Xban nak sêb xchßôl naxxakab lix cimiento saß xnaßaj.

⁴And by knowledge shall the chambers be filled with all precious and pleasant riches.

⁴Xban nak cuan xnaßleb naxqßue nabal li cßaßak re ru chßinaßuseb ut li terto xtzßak saß li rochoch.

⁵A wise man is strong; yea, a man of knowledge increaseth strength.

⁵Kßaxal us nak cuânk xnaßleb chiru nak cuânk xcuanquil.

⁶For by wise counsel thou shalt make thy war: and in multitude of counsellors there is safety.

⁶Li ani naxic chi pletic toj naxcßûb ru chanru tixbânu. Cui cuan li cßaßru târêchani, aßan xban nak quixcßuluban li naßleb li quiqßueheß re xbaneb nabal laj qßuehol naßleb.

⁷Wisdom is too high for a fool: he openeth not his mouth in the gate.

⁷Li incßaß naxtau xyâlal incßaß naxnau cßaßru tixsume cuiß nak cuan chiru laj rakol âtin xban nak mâcßaß xnaßleb.

⁸He that deviseth to do evil shall be called a mischievous person.

⁸Li ani junes li incßaß us naxcßoxla xbânunquil, “aßan incßaß us xnaßleb” tâyehekß re.

⁹The thought of foolishness is sin: and the scorner is an abomination to men.

⁹Lix cßaßux li mâcßaß xnaßleb, aßan mâc. Xicß na-ileß xbaneb li cristian li nahoboc.

¹⁰If thou faint in the day of adversity, thy strength is small.

¹⁰Cui nachßinan âchßôl nak cuancat saß chßaßajquilal, aßan naraj naxye nak mâcßaß xcacuilal âchßôl.

¹¹If thou forbear to deliver them that are drawn unto death, and those that are ready to be slain;

¹¹Chetenkßaheb li mâcßaßeb xmâc re nak naru teßxcol rib li ac tenebanbil câmc saß xbêneb. Checoleb rix li ac oc re xcamsinquileb.

¹²If thou sayest, Behold, we knew it not; doth not he that pondereth the heart consider it? and he that keepeth thy soul, doth not he know it? and shall not he render to every man according to his works?

¹²Usta tâye nak mâcßaß nacanau, abanan li Dios naxnau cßaßru cuan saß âchßôl. Li Dios na-iloc âcue ut naxnau cßaßru yôcat. Aßan tâkßajcâmûnk âcue aß yal chanru lâ yehom âbânuhom.

¹³My son, eat thou honey, because it is good; and the honeycomb, which is sweet to thy taste:

¹³Ex cualal incßajol, chetzaca li xyaßal cab xban nak châbil ut sa xtzacanquil.

¹⁴So shall the knowledge of wisdom be unto thy soul: when thou hast found it, then there shall be a reward, and thy expectation shall not be cut off.

¹⁴Joß xquißal li xyaßal cab, joßcan ajcuiß li châbil naßleb nak têcßul. Cui têtau ênaßleb us tex-êlk riqßuin li nequecßoxla xbânunquil ut têcßul li cßaßru yôquex chiroybeninquil.

¹⁵Lay not wait, O wicked man, against the dwelling of the righteous; spoil not his resting place:

¹⁵Mêcßûb junak naßleb incßaß us xbânunquil re têbânu raylal reheb li châbileb. Chi moco tex-oc saß li rochocheb chixpoßbal ru li cßaßruheb re.

¹⁶For a just man falleth seven times, and riseth up again: but the wicked shall fall into mischief.

¹⁶Usta tâbânu cuukub sut raylal reheb li tîqueb xchßôl, abanan eb aßan teßxcuy ut incßaß tâchßinânk xchßôleb. Abanan eb li incßaß useb xnaßleb ra teßxcßul nak teßosokß.

¹⁷Rejoice not when thine enemy falleth, and let not thine heart be glad when he stumbleth:

¹⁷Incßaß chisahokß êchßôl nak yôqueb chi cßuluc raylal li xicß nequeßiloc êre,

¹⁸Lest the LORD see it, and it displease him, and he turn away his wrath from him.

¹⁸xban nak li Kâcuaß incßaß nacuulac chiru nak têbânu chi joßcan. Mâre anchal tixjal lix cßaßux li Dios ut târisi li raylal saß xbêneb.

¹⁹Fret not thyself because of evil men, neither be thou envious at the wicked:

¹⁹Mexjoskßoß xbaneb li incßaß useb xnaßleb ut mêrahi ru li mâusilal li nequeßxbânu.

²⁰For there shall be no reward to the evil man; the candle of the wicked shall be put out.

²⁰Li incßaß useb xnaßleb moco us ta nak teßosokß. Eb li incßaß useb xnaßleb teßosokß joß nak nachup li xam.

²¹My son, fear thou the LORD and the king: and meddle not with them that are given to change:

²¹Ex cualal incßajol, chexucua ru li Kâcuaß ut chexucua ajcuiß ru li rey. Mêcßam êrib riqßuineb li xicß nequeßiloc reheb.

²²For their calamity shall rise suddenly; and who knoweth the ruin of them both?

²²Eb aßan teßosokß saß junpât. Mâ ani nanaßoc re chanru li raylal li tâqßuehekß saß xbêneb xban li Kâcuaß ut xban li rey.

²³These things also belong to the wise. It is not good to have respect of persons in judgment.

²³Joßcan ajcuiß eb li âtin aßin yebil xbaneb li cuanqueb xnaßleb. Incßaß us nak laj rakol âtin tixsicß ru ani tixcol rix saß li rakleb âtin.

²⁴He that saith unto the wicked, Thou are righteous; him shall the people curse, nations shall abhor him:

²⁴Li ani tixye re li cuan xmâc, “Lâat tîc âchßôl,” aßan tâtzßektânâk xbaneb li tenamit ut incßaß chic tâajekß ru.

²⁵But to them that rebuke him shall be delight, and a good blessing shall come upon them.

²⁵Abanan osobtesinbilakeb chi nabal li nequeßrakoc âtin saß tîquilal saß xbêneb li cuanqueb xmâc.

²⁶Every man shall kiss his lips that giveth a right answer.

²⁶Kßaxal lokß li ani naxye chi tzßakal li yâl.

²⁷Prepare thy work without, and make it fit for thyself in the field; and afterwards build thine house.

²⁷Xbên cua têcßanjela ru lê chßochß li cuan saß cßalebâl. Chirix aßan têyîb lê rochoch.

²⁸Be not a witness against thy neighbour without cause; and deceive not with thy lips.

²⁸Mêye nak cuan xmâc lê ras êrîtzßin cui mâcßaß xmâc, chi moco têyoßob âtin chirix.

²⁹Say not, I will do so to him as he hath done to me: I will render to the man according to his work.

²⁹Mêcßoxla xqßuebal rêkaj li raylal xbânu êre. Mêbânu reheb lê ras êrîtzßin joß xeßxbânu êre lâex.

³⁰I went by the field of the slothful, and by the vineyard of the man void of understanding;

³⁰Xinnumeß chak cuan cuiß xnaßaj li racuîmk li cuînk li incßaß naraj trabajic. Ut xinnumeß ajcuiß saß li naßajej li aubil cuiß lix uvas li mâcßaß xnaßleb.

³¹And, lo, it was all grown over with thorns, and nettles had covered the face thereof, and the stone wall thereof was broken down.

³¹Ut li naßajej li quicuil chak nujenak chi pim ut chi qßuix. Ut li tzßac li sutsu cuiß ac poßbileb.

³²Then I saw, and considered it well: I looked upon it, and received instruction.

³²Li cßaßru quicuil chak saß li naßajej aßan quicana saß inchßôl ut riqßuin aßan quintau innaßleb.

³³Yet a little sleep, a little slumber, a little folding of the hands to sleep:

³³Li ani junes cuârc naraj ut nacana saß rochoch chi kßalkßo li rukß chire xchßôl,aßan tâchâlk nebaßil saß xbên. Chanchan nak nachal chi elkßac laj êlkß, li cuan xpûb saß rukß.

³⁴So shall thy poverty come as one that travelleth; and thy want as an armed man.

³⁴aßan tâchâlk nebaßil saß xbên. Chanchan nak nachal chi elkßac laj êlkß, li cuan xpûb saß rukß.