¹The wicked flee when no man pursueth: but the righteous are bold as a lion.

¹Eb li incßaß useb xnaßleb nequeßêlelic usta mâ ani yô chi âlinânc reheb. Abanan eb li tîqueb xchßôl incßaß nequeßxucuac. Cßojcßôqueb ban xchßôl. Chanchaneb li cakcoj.

²For the transgression of a land many are the princes thereof: but by a man of understanding and knowledge the state thereof shall be prolonged.

²Nak li tenamit incßaß sa saß xchßôl cocß aj xsaß nequeßxjal li acuabej. Abanan nak cuan junak acuabej châbil xnaßleb, li tenamit cau rib ut xakxo saß xnaßaj.

³A poor man that oppresseth the poor is like a sweeping rain which leaveth no food.

³Nak nachal li cacuil hab saß xbên li acuîmk, nasach ruheb li acuîmk. Joßcan ajcuiß li incßaß useb xnaßleb nak nequeßxrahobtesiheb li nebaß.

⁴They that forsake the law praise the wicked: but such as keep the law contend with them.

⁴Li nequeßxtzßektâna li chakßrab nequeßxqßue xlokßal li incßaß useb xnaßleb. Ut eb li nequeßxbânu li naxye li chakßrab, xicß nequeßril li cßaßru nequeßxbânu eb aßan.

⁵Evil men understand not judgment: but they that seek the LORD understand all things.

⁵Eb li incßaß useb xnaßleb incßaß nequeßxtau ru cßaßru li tîquilal. Abanan eb li nequeßxpâb li Kâcuaß nequeßxtau ru cßaßru li tîquilal.

⁶Better is the poor that walketh in his uprightness, than he that is perverse in his ways, though he be rich.

⁶Kßaxal us li cuânc saß tîquilal, usta nebaßo, chiru nak cuânk kabiomal ut incßaß usak kanaßleb.

⁷Whoso keepeth the law is a wise son: but he that is a companion of riotous men shameth his father.

⁷Li alalbej li naxbânu li naxye lix chakßrab li Dios, aßan naxnau cßoxlac. Abanan li ani nacuulac chiru cuânc saß xyânkeb li nequeßnumcuaßac nequeßnum-ucßac, aßan naxcßut xxutân lix yucuaß.

⁸He that by usury and unjust gain increaseth his substance, he shall gather it for him that will pity the poor.

⁸Li ani yô chixtûbanquil lix biomal riqßuin xpatzßbal nabal ral li tumin, li biomal li naxchßutub aßan tâcanâk chokß reheb li nequeßiloc xtokßobâl ruheb li nebaß.

⁹He that turneth away his ear from hearing the law, even his prayer shall be abomination.

⁹Li ani incßaß naraj rabinquil lix chakßrab li Dios, li Dios naxtzßektâna ajcuiß lix tij aßan nak tâtijok.

¹⁰Whoso causeth the righteous to go astray in an evil way, he shall fall himself into his own pit: but the upright shall have good things in possession.

¹⁰Li ani nequeßqßuehoc reheb li tîqueb xchßôl chi tßanecß, aßaneb ajcuiß teßtßanekß saß lix raßaleb. Abanan eb li tîqueb xchßôl, eb aßan teßxcßul lix kßajcâmunquileb.

¹¹The rich man is wise in his own conceit; but the poor that hath understanding searcheth him out.

¹¹Eb li biom nequeßxcßoxla nak cuanqueb xnaßleb. Abanan junak li nebaß naxnau cßoxlac naxqßue retal chanru lix naßlebeb.

¹²When righteous men do rejoice, there is great glory: but when the wicked rise, a man is hidden.

¹²Nak eb li tîqueb xchßôl nequeßxakabâc saß xcuanquil, chixjunileb nequeßsahoß saß xchßôleb. Abanan nak nequeßxakabâc saß xcuanquil li incßaß useb xnaßleb, li tenamit nequeßxmuk ribeb xbaneb xxiu.

¹³He that covereth his sins shall not prosper: but whoso confesseth and forsaketh them shall have mercy.

¹³Li ani naxmuk lix mâc, incßaß us tâêlk. Abanan li ani tixpatzß xcuybal xmâc ut tixcanab xbânunquil li mâusilal, tâuxtânâk ru.

¹⁴Happy is the man that feareth alway: but he that hardeneth his heart shall fall into mischief.

¹⁴Us xak reheb li ani nequeßxxucua ru li Kâcuaß. Abanan eb li cauheb xchßôl ut li incßaß nequeßxtau xyâlal, ra teßxcßul.

¹⁵As a roaring lion, and a ranging bear; so is a wicked ruler over the poor people.

¹⁵Nak junak li acuabej incßaß us xnaßleb tâoc chi taklânc saß xbêneb li tenamit nebaß, aßan chanchan li cakcoj xban nak joskß. Malaj ut chanchan li oso li tâtzßocâk.

¹⁶The prince that wanteth understanding is also a great oppressor: but he that hateth covetousness shall prolong his days.

¹⁶Junak li acuabej mâcßaß xnaßleb naxrahobtesi li tenamit. Abanan li acuabej li incßaß naxra ru biomal, aßan najtak rok lix yußam.

¹⁷A man that doeth violence to the blood of any person shall flee to the pit; let no man stay him.

¹⁷Li ani tâmâcobk riqßuin xcamsinquil li ras rîtzßin, aßan tixtoj rix lix mâc chalen toj saß lix camic. Ut mâ ani naru natenkßan re.

¹⁸Whoso walketh uprightly shall be saved: but he that is perverse in his ways shall fall at once.

¹⁸Li ani nacuan saß tîquilal tâcolekß. Ut li ani incßaß nacuan saß tîquilal tâsachekß ru.

¹⁹He that tilleth his land shall have plenty of bread: but he that followeth after vain persons shall have poverty enough.

¹⁹Li ani naxtrabaji chi us lix chßochß tâcuânk xtzacaêmk chi nabal. Abanan li ani nacuulac chiru cuânc saß xyânkeb li incßaß nequeßtrabajic, aßan mâcßaß tâcuânk re.

²⁰A faithful man shall abound with blessings: but he that maketh haste to be rich shall not be innocent.

²⁰Li ani nacuan saß tîquilal tâosobtesîk xban li Dios. Abanan li ani târaj ru xtaubal xbiomal incßaß tâcanâk chi incßaß tixtoj rix lix mâc.

²¹To have respect of persons is not good: for for a piece of bread that man will transgress.

²¹Incßaß us nak takasicß ru ani takara. Abanan cuanqueb ajcuiß li nequeßxsicß ru ani nequeßxra yal xban xcßulbal xtumineb.

²²He that hasteth to be rich hath an evil eye, and considereth not that poverty shall come upon him.

²²Li ani naxra li biomal naraj ru xtaubal lix biomal. Ut incßaß naxqßue retal nak nebaßil yô chi châlc saß xbên.

²³He that rebuketh a man afterwards shall find more favour than he that flattereth with the tongue.

²³Li ani naxkßus ras rîtzßin saß xyâlal tâqßuehekß xlokßal. Abanan li ani incßaß naxye li yâl incßaß tâqßuehekß xlokßal, usta chanchan châbil li âtin naxye.

²⁴Whoso robbeth his father or his mother, and saith, It is no transgression; the same is the companion of a destroyer.

²⁴Li ani narelkßa li cßaßru cuan re lix naß xyucuaß ut naxye nak moco mâc ta li naxbânu, aßan xcomoneb li nequeßsachoc.

²⁵He that is of a proud heart stirreth up strife: but he that putteth his trust in the LORD shall be made fat.

²⁵Li ani naxrahi ru li cßaßak re ru yal re aßan xjunes, aßan nayoßoban plêt. Abanan li ani naxcßojob xchßôl riqßuin li Dios us tâêlk riqßuin li cßaßru naxbânu.

²⁶He that trusteth in his own heart is a fool: but whoso walketh wisely, he shall be delivered.

²⁶Li ani naxcßojob xchßôl saß xbên li cßaßru naxbânu xjunes, aßan mâcßaß xnaßleb. Abanan li ani cuan xnaßleb tâcolekß.

²⁷He that giveth unto the poor shall not lack: but he that hideth his eyes shall have many a curse.

²⁷Mâcßaß tâpaltok reheb li ani nequeßxtenkßa eb li nebaß. Abanan li ani incßaß nequeßxtokßoba ruheb li nebaß, tzßektânanbilakeb xbaneb chixjunileb.Nak eb li incßaß useb xnaßleb nequeßoc saß xcuanquil, eb li cristian nequeßxmuk ribeb xbaneb xxiu. Abanan nak nequeßsacheß ruheb li incßaß useb xnaßleb, us nequeßel riqßuin li cßaßru nequeßxbânu li tîqueb xchßôl.

²⁸When the wicked rise, men hide themselves: but when they perish, the righteous increase.

²⁸Nak eb li incßaß useb xnaßleb nequeßoc saß xcuanquil, eb li cristian nequeßxmuk ribeb xbaneb xxiu. Abanan nak nequeßsacheß ruheb li incßaß useb xnaßleb, us nequeßel riqßuin li cßaßru nequeßxbânu li tîqueb xchßôl.