¹After these things Jesus walked in Galilee: for he would not walk in Jewry, because the Jews sought to kill him.

¹Ary rehefa afaka izany, dia nandeha tany Galilia Jesosy; fa nalain-kandeha tany Jodia Izy, satria nitady hahafaty Azy ny Jiosy.

²Now the Jew's feast of tabernacles was at hand.

²Ary efa akaiky ny andro firavoravoan'ny Jiosy, dia ny amin'ny Tabernakely,

³His brethren therefore said unto him, Depart hence, and go into Judaea, that thy disciples also may see the works that thou doest.

³ka hoy ny rahalahiny taminy: Mialà eto, ka mandehana ho any Jodia, mba ho hitan'ny mpianatrao koa ny asa izay ataonao;

⁴For there is no man that doeth any thing in secret, and he himself seeketh to be known openly. If thou do these things, shew thyself to the world.

⁴fa tsy misy olona manao zavatra amin'ny takona, nefa ny tenany mitady ho hita miharihary; raha manao izany zavatra izany Hianao, dia misehoa amin'izao tontolo izao. [Na: mitady ho hita fa matoky]

⁵For neither did his brethren believe in him.

⁵Fa na dia ny rahalahiny aza tsy nino Azy.

⁶Then Jesus said unto them, My time is not yet come: but your time is alway ready.

⁶Dia hoy Jesosy taminy: Tsy mbola tonga ny fotoako; fa ny fotoanareo dia vonona lalandava.

⁷The world cannot hate you; but me it hateth, because I testify of it, that the works thereof are evil.

⁷Tsy mahazo mankahala anareo izao tontolo izao; fa Izaho no halany, satria milaza fa ratsy ny asany.

⁸Go ye up unto this feast: I go not up yet unto this feast: for my time is not yet full come.

⁸Miakara ho amin'ny andro firavoravoana ianareo; fa Izaho tsy mbola miakatra ho amin'ity andro firavoravoana ity; satria tsy mbola tonga ny fotoako.

⁹When he had said these words unto them, he abode still in Galilee.

⁹Ary rehefa nilaza izany teny izany taminy Izy, dia mbola nitoetra tany Galilia ihany.

¹⁰But when his brethren were gone up, then went he also up unto the feast, not openly, but as it were in secret.

¹⁰Fa rehefa lasa niakatra ho amin'ny andro firavoravoana ny rahalahiny, dia niakatra koa Izy, nefa tsy mba nisehoseho, fa toa niafinafina.

¹¹Then the Jews sought him at the feast, and said, Where is he?

¹¹Ary ny Jiosy dia nitady Azy tamin'ny andro firavoravoana ka nanao hoe: Aiza Izy?

¹²And there was much murmuring among the people concerning him: for some said, He is a good man: others said, Nay; but he deceiveth the people.

¹²Ary nitakoritsika Azy be ihany ny vahoaka. Hoy ny sasany: Tsara fanahy Izy; fa hoy kosa ny sasany; Tsia; fa mamitaka ny vahoaka Izy.

¹³Howbeit no man spake openly of him for fear of the Jews.

¹³Nefa tsy nisy sahy niresaka Azy miharihary noho ny fahatahorany ny Jiosy.

¹⁴Now about the midst of the feast Jesus went up into the temple, and taught.

¹⁴Ary rehefa nisasaka ny andro firavoravoana, dia niakatra teo an-kianjan'ny tempoly Jesosy ka nampianatra.

¹⁵And the Jews marvelled, saying, How knoweth this man letters, having never learned?

¹⁵Dia gaga ny Jiosy ka nanao hoe: Ahoana no nahaizan'ilehity soratra, nefa tsy mba nianatra Izy?

¹⁶Jesus answered them, and said, My doctrine is not mine, but his that sent me.

¹⁶Dia namaly azy Jesosy ka nanao hoe: Tsy Ahy ny fampianarako, fa an'izay naniraka Ahy.

¹⁷If any man will do his will, he shall know of the doctrine, whether it be of God, or whether I speak of myself.

¹⁷Raha misy olona ta-hanao ny sitrapony, dia hahalala ny amin'ny fampianarana izy, na avy amin'Andriamanitra izany, na miteny ho Ahy Aho.

¹⁸He that speaketh of himself seeketh his own glory: but he that seeketh his glory that sent him, the same is true, and no unrighteousness is in him.

¹⁸Izay miteny ho azy dia mitady ny voninahitry ny tenany; fa izay mitady ny voninahitr'izay naniraka azy no marina, ary tsy misy tsi-fahamarinana ao aminy.

¹⁹Did not Moses give you the law, and yet none of you keepeth the law? Why go ye about to kill me?

¹⁹Tsy Mosesy va no nanome anareo ny lalàna? nefa tsy misy eo aminareo mankatò ny lalàna. Nahoana ianareo no mitady hamono Ahy?

²⁰The people answered and said, Thou hast a devil: who goeth about to kill thee?

²⁰Ny vahoaka namaly hoe: Manana demonia Hianao; iza no mitady hamono Anao?

²¹Jesus answered and said unto them, I have done one work, and ye all marvel.

²¹Jesosy namaly ka nanao taminy hoe: Asa iray loha ihany no nataoko, ka gaga avokoa ianareo rehetra.

²²Moses therefore gave unto you circumcision; (not because it is of Moses, but of the fathers;) and ye on the sabbath day circumcise a man.

²²Izao no nanomezan'i Mosesy anareo ny famorana: tsy noho izy avy tamin'i Mosesy, fa noho izy avy tamin'ny razana, ka na dia amin'ny Sabata aza dia mamora olona ihany ianareo.

²³If a man on the sabbath day receive circumcision, that the law of Moses should not be broken; are ye angry at me, because I have made a man every whit whole on the sabbath day?

²³Raha amin'ny Sabata aza no amorana olona, mba tsy hahafoana ny lalàn'i Mosesy, dia tezitra amiko va ianareo, satria nisy olona anankiray nataoko sitrana avokoa ny tenany rehetra tamin'ny Sabata.

²⁴Judge not according to the appearance, but judge righteous judgment.

²⁴Aza mitsara araka ny miseho, fa mba mitsarà marina.

²⁵Then said some of them of Jerusalem, Is not this he, whom they seek to kill?

²⁵Ary ny mponina sasany tany Jerosalema dia nanao hoe: Tsy Ilehity va Ilay tadiaviny hovonoina?

²⁶But, lo, he speaketh boldly, and they say nothing unto him. Do the rulers know indeed that this is the very Christ?

²⁶Ary indro Izy miteny miharihary, nefa tsy misy miteny Azy akory. Sao efa fantatry ny mpanapaka anie fa Io no Kristy?

²⁷Howbeit we know this man whence he is: but when Christ cometh, no man knoweth whence he is.

²⁷Nefa fantatsika izay nihavian'ilehio, fa raha avy Kristy, tsy misy mahalala izay hihaviany.

²⁸Then cried Jesus in the temple as he taught, saying, Ye both know me, and ye know whence I am: and I am not come of myself, but he that sent me is true, whom ye know not.

²⁸Dia niantso teo an-kianjan'ny tempoly Jesosy, raha nampianatra, ka nanao hoe: Izaho dia fantatrareo, sady fantatrareo koa izay nihaviako; ary tsy avy ho Ahy Aho, fa marina ny naniraka Ahy, Izay tsy fantatrareo.

²⁹But I know him: for I am from him, and he hath sent me.

²⁹Izaho mahalala Azy; fa Izy no nihaviako, ka Izy no naniraka Ahy.

³⁰Then they sought to take him: but no man laid hands on him, because his hour was not yet come.

³⁰Dia nitady hisambotra Azy ny olona; kanefa tsy nisy naninji-tanana taminy, satria tsy mbola tonga ny fotoany.

³¹And many of the people believed on him, and said, When Christ cometh, will he do more miracles than these which this man hath done?

³¹Ary maro ny vahoaka no nino Azy ka nanao hoe: Raha tonga Kristy, moa hanao famantarana maro mihoatra noho ny nataon'ity Lehilahy ity va Izy?

³²The Pharisees heard that the people murmured such things concerning him; and the Pharisees and the chief priests sent officers to take him.

³²Ny Fariseo nandre ny vahoaka nitakoritsika izany zavatra izany ny aminy; ary ny lohan'ny mpisorona sy ny Fariseo dia naniraka mpiandry raharaha mba hisambotra Azy.

³³Then said Jesus unto them, Yet a little while am I with you, and then I go unto him that sent me.

³³Dia hoy Jesosy: Kely foana no itoerako aminareo, dia hankany amin'izay naniraka Ahy Aho.

³⁴Ye shall seek me, and shall not find me: and where I am, thither ye cannot come.

³⁴Hitady Ahy ianareo, fa tsy hahita; ary izay itoerako dia tsy azonareo haleha.

³⁵Then said the Jews among themselves, Whither will he go, that we shall not find him? will he go unto the dispersed among the Gentiles, and teach the Gentiles?

³⁵Dia niresaka hoe ny Jiosy: Hankaiza moa no halehan'ilehity, no tsy ho hitantsika? Hankany amin'izay miely any amin'ny Grika va Izy ka hampianatra ny Grika?

³⁶What manner of saying is this that he said, Ye shall seek me, and shall not find me: and where I am, thither ye cannot come?

³⁶Ahoana re izao teny nolazainy izao hoe: Hitady Ahy ianareo, fa tsy hahita; ary izay itoerako tsy azonareo haleha?

³⁷In the last day, that great day of the feast, Jesus stood and cried, saying, If any man thirst, let him come unto me, and drink.

³⁷Ary tamin'ny andro farany, izay andro lehibe tamin'ny andro firavoravoana, dia nitsangana Jesosy ka niantso nanao hoe: Raha misy olona mangetaheta, aoka izy hanatona Ahy ka hisotro.

³⁸He that believeth on me, as the scripture hath said, out of his belly shall flow rivers of living water.

³⁸Izay mino Ahy, dia hisy onin'ny rano velona miboiboika avy ao an-kibony, araka ny voalazan'ny Soratra Masina.

³⁹(But this spake he of the Spirit, which they that believe on him should receive: for the Holy Ghost was not yet given; because that Jesus was not yet glorified.)

³⁹Ary ny Fanahy, Izay efa horaisin'ny mino Azy, no nolazainy tamin'izany; fa ny Fanahy tsy mbola nomena, satria Jesosy tsy mbola niditra tamin'ny voninahiny. [ Na: Fanahy Masina]

⁴⁰Many of the people therefore, when they heard this saying, said, Of a truth this is the Prophet.

⁴⁰Ary ny sasany tamin'ny vahoaka, raha nandre izany teny izany, dia nanao hoe: Ity tokoa no Ilay Mpaminany.

⁴¹Others said, This is the Christ. But some said, Shall Christ come out of Galilee?

⁴¹Hoy ny sasany: Ity no Kristy. Fa hoy kosa ny sasany: Avy any Galilia va no ihavian'i Kristy?

⁴²Hath not the scripture said, That Christ cometh of the seed of David, and out of the town of Bethlehem, where David was?

⁴²Tsy voalazan'ny Soratra Masina va fa Kristy dia avy amin'ny taranak'i Davida, sady avy ao Betlehema, vohitra nonenan'i Davida (Mik. 5. 1)?

⁴³So there was a division among the people because of him.

⁴³Dia nisara-tsaina ny amin'i Jesosy ny vahoaka.

⁴⁴And some of them would have taken him; but no man laid hands on him.

⁴⁴Ary ny sasany nitady hisambotra Azy; kanefa tsy nisy naninji-tanana taminy.

⁴⁵Then came the officers to the chief priests and Pharisees; and they said unto them, Why have ye not brought him?

⁴⁵Ary ny mpiandry raharaha nankeo amin'ny lohan'ny mpisorona sy ny Fariseo, ka hoy izy ireo taminy: Nahoana ianareo no tsy nitondra Azy?

⁴⁶The officers answered, Never man spake like this man.

⁴⁶Ny mpiandry raharaha namaly hoe: Tsy mbola nisy olona niteny tahaka izany.

⁴⁷Then answered them the Pharisees, Are ye also deceived?

⁴⁷Ary ny Fariseo namaly azy hoe: Hianareo koa va voafitaka?

⁴⁸Have any of the rulers or of the Pharisees believed on him?

⁴⁸Moa misy mpanapaka na Fariseo mba nino Azy?

⁴⁹But this people who knoweth not the law are cursed.

⁴⁹Fa voaozona ireto vahoaka ireto, izay tsy mahalala ny lalàna.

⁵⁰Nicodemus saith unto them, (he that came to Jesus by night, being one of them,)

⁵⁰Ary Nikodemosy, anankiray teo aminy, dia ilay nankeo amin'i Jesosy teo aloha, dia nanao taminy hoe:

⁵¹Doth our law judge any man, before it hear him, and know what he doeth?

⁵¹Moa manameloka olona va ny lalàntsika, raha tsy mbola mihaino azy aloha ka mahafantatra izay nataony?

⁵²They answered and said unto him, Art thou also of Galilee? Search, and look: for out of Galilee ariseth no prophet.

⁵²Izy ireo namaly ka nanao taminy hoe: Hianao koa angaha mba avy any Galilia? Diniho, dia ho hitanao fa tsy mba misy mpaminany avy any Galilia.[Dia samy lasa nody ho any an-tranony avy izy rehetra;]

⁵³And every man went unto his own house.

⁵³[Dia samy lasa nody ho any an-tranony avy izy rehetra;]