¹And the LORD spake unto Moses, saying,

¹¶ Na ka korero a Ihowa ki a Mohi, ka mea,

²Speak unto the children of Israel, that they bring me an offering: of every man that giveth it willingly with his heart ye shall take my offering.

²Korero atu ki nga tama a Iharaira, kia maua mai e ratou he whakahere maku: me tango e koutou te whakahere maku i nga tangata katoa e hihiko noa mai ana o ratou ngakau.

³And this is the offering which ye shall take of them; gold, and silver, and brass,

³Ko te whakahere ano tenei e tangohia e koutou i a ratou; he koura, he hiriwa, he parahi,

⁴And blue, and purple, and scarlet, and fine linen, and goats' hair,

⁴Me te kakahu puru, me te papaura, me te ngangana, me te rinena pai, me te huruhuru koati,

⁵And rams' skins dyed red, and badgers' skins, and shittim wood,

⁵Me nga hiako hipi kua oti te whakawhero, me nga hiako pateri, me etahi rakau, he hitimi;

⁶Oil for the light, spices for anointing oil, and for sweet incense,

⁶Te hinu mo te whakamarama, nga mea kakara mo te hinu whakawahi, mo te whakakakara reka hoki,

⁷Onyx stones, and stones to be set in the ephod, and in the breastplate.

⁷Nga kohatu onika, me nga kohatu hei whakanoho ki te epora, ki te kouma.

⁸And let them make me a sanctuary; that I may dwell among them.

⁸A kia hanga e ratou he wahi tapu moku; kia noho ai ahau i waenganui i a ratou.

⁹According to all that I show thee, after the pattern of the tabernacle, and the pattern of all the instruments thereof, even so shall ye make it.

⁹Kia rite a koutou e hanga ai ki nga mea katoa e whakakitea nei e ahau ki a koe, ki te tauira o te tapenakara, ki te tauira hoki o ona mea katoa.

¹⁰And they shall make an ark of shittim wood: two cubits and a half shall be the length thereof, and a cubit and a half the breadth thereof, and a cubit and a half the height thereof.

¹⁰¶ Me hanga ano hoki e ratou he aaka, ki te hitimi te rakau: kia rua nga whatianga me te hawhe te roa, kia kotahi whatianga me te hawhe te whanui, a kia kotahi whatianga me te hawhe te teitei.

¹¹And thou shalt overlay it with pure gold, within and without shalt thou overlay it, and shalt make upon it a crown of gold round about.

¹¹A me whakakikorua e koe ki te koura parakore; me whakakikorua e koe taua mea, a roto, a waho, me hanga ano hoki e koe he niao koura a tawhio noa.

¹²And thou shalt cast four rings of gold for it, and put them in the four corners thereof; and two rings shall be in the one side of it, and two rings in the other side of it.

¹²Kia wha ano nga mowhiti koura e whakarewaia mo taua aaka, ka whakanoho ai ki nga poti e wha; kia rua mowhiti ki tetahi taha ona, kia rua mowhiti ki tetahi taha ona.

¹³And thou shalt make staves of shittim wood, and overlay them with gold.

¹³Me hanga ano e koe etahi rakau amo, ki te hitimi te rakau, ka whakakikorua hoki ki te koura;

¹⁴And thou shalt put the staves into the rings by the sides of the ark, that the ark may be borne with them.

¹⁴Ka kuhu ai i nga rakau amo ki roto ki nga mowhiti i nga taha o te aaka, kia ai aua mea hei maunga mo te aaka.

¹⁵The staves shall be in the rings of the ark: they shall not be taken from it.

¹⁵Hei nga mowhiti o te aaka nga amo mau ai; kaua e unuhia ki waho.

¹⁶And thou shalt put into the ark the testimony which I shall give thee.

¹⁶A me hoatu e koe ki roto ki te aaka te whakaaturanga e hoatu e ahau ki a koe.

¹⁷And thou shalt make a mercy seat of pure gold: two cubits and a half shall be the length thereof, and a cubit and a half the breadth thereof.

¹⁷Me hanga ano e koe te taupoki ki te koura parakore: kia rua nga whatianga me te hawhe tona roa, kia kotahi hoki whatianga me te hawhe tona whanui.

¹⁸And thou shalt make two cherubim of gold, of beaten work shalt thou make them, in the two ends of the mercy seat.

¹⁸Me hanga ano etahi kerupima, kia rua, he mea patu te koura e hanga ai aua mea a puta noa, mo nga pito e rua o te taupoki.

¹⁹And make one cherub on the one end, and the other cherub on the other end: even of the mercy seat shall ye make the cherubim on the two ends thereof.

¹⁹Me hanga hoki tetahi kerupi ki tetahi pito, me tetahi kerupi ki tetahi pito: me hono nga kerupima ki te taupoki, ki ona pito e rua.

²⁰And the cherubim shall stretch forth their wings on high, covering the mercy seat with their wings, and their faces shall look one to another; toward the mercy seat shall the faces of the cherubim be.

²⁰A ka roha whakarunga nga parirau o nga kerupima, me te uhi ano i te taupoki ki o raua parirau, ka anga ano o raua mata ki a raua; ka anga ki te taupoki nga mata o nga kerupima.

²¹And thou shalt put the mercy seat above upon the ark; and in the ark thou shalt put the testimony that I shall give thee.

²¹A me whakanoho e koe te taupoki ki runga ki te aaka; me hoatu ano ki roto ki te aaka te whakaaturanga e hoatu e ahau ki a koe.

²²And there I will meet with thee, and I will commune with thee from above the mercy seat, from between the two cherubim which are upon the ark of the testimony, of all things which I will give thee in commandment unto the children of Israel.

²²A ka tutaki ahau ki a koe ki reira, ka korerotia ano ki a koe i runga i te taupoki i waenganui i nga kerupima e rua, i era i runga i te aaka o te whakaaturanga, nga mea katoa e whakahau ai ahau ki a koe mo nga tama a Iharaira.

²³Thou shalt also make a table of shittim wood: two cubits shall be the length thereof, and a cubit the breadth thereof, and a cubit and a half the height thereof.

²³¶ Me hanga ano e koe tetahi tepu, ki te hitimi te rakau: kia rua nga whatianga te roa, kia kotahi whatianga te whanui, kia kotahi whatianga me te hawhe te teitei.

²⁴And thou shalt overlay it with pure gold, and make thereto a crown of gold round about.

²⁴Me whakakikorua taua mea ki te koura parakore, ka hanga ai i tetahi niao koura mona a tawhio noa.

²⁵And thou shalt make unto it a border of an hand breadth round about, and thou shalt make a golden crown to the border thereof round about.

²⁵Me hanga ano he awhi mo taua mea, hei te whanui ringa a tawhio noa; me hanga ano he niao koura mo tona awhi a tawhio noa.

²⁶And thou shalt make for it four rings of gold, and put the rings in the four corners that are on the four feet thereof.

²⁶Me hanga ano etahi mowhiti koura, kia wha, mo taua mea, ka whakanoho ai i nga mowhiti ki nga poti e wha i ona waewae e wha.

²⁷Over against the border shall the rings be for places of the staves to bear the table.

²⁷Hei te taha tonu ake o te awhi nga mowhiti, hei kuhunga atu mo nga amo hei maunga mo te tepu.

²⁸And thou shalt make the staves of shittim wood, and overlay them with gold, that the table may be borne with them.

²⁸He hitimi te rakau e hanga ai e koe nga amo; me whakakikorua ano ki te koura; a ka ai aua mea hei maunga mo te tepu.

²⁹And thou shalt make the dishes thereof, and spoons thereof, and covers thereof, and bowls thereof, to cover withal: of pure gold shalt thou make them.

²⁹Me hanga ano ona rihi, ona koko, ona kapu, me nga peihana mo nga ringihanga: me hanga ki te koura parakore.

³⁰And thou shalt set upon the table showbread before me always.

³⁰Me whakatakoto tonu te taro aroaro ki te tepu, ki toku aroaro.

³¹And thou shalt make a candlestick of pure gold: of beaten work shall the candlestick be made: his shaft, and his branches, his bowls, his knops, and his flowers, shall be of the same.

³¹¶ Me hanga ano te turanga rama ki te koura parakore: me patu te mahina o te turanga rama tae noa ki tona take, ki ona peka; ko ona kapu, ko ona puku, me ona puawai he kotahi me ia.

³²And six branches shall come out of the sides of it; three branches of the candlestick out of the one side, and three branches of the candlestick out of the other side:

³²A kia ono nga peka e puta ake i ona taha; e toru nga peka o te turanga rama i tetahi taha, e toru hoki nga peka o te turanga rama i tetahi taha:

³³Three bowls made like unto almonds, with a knop and a flower in one branch; and three bowls made like almonds in the other branch, with a knop and a flower: so in the six branches that come out of the candlestick.

³³Kia toru nga kapu, he mea rite ki te puawai aramona, te puku, me te puawai, ki te peka kotahi; me nga kapu e toru, he mea rite ki te puawai aramona ki tetahi atu peka, te puku, me te puawai: me pera tonu i nga peka e ono e puta ake ana i te tura nga rama.

³⁴And in the candlesticks shall be four bowls made like unto almonds, with their knops and their flowers.

³⁴Kia wha ia nga kapu o te turanga rama, kia rite ki te puawai aramona, te puku, me te puawai, o tetahi, o tetahi.

³⁵And there shall be a knop under two branches of the same, and a knop under two branches of the same, and a knop under two branches of the same, according to the six branches that proceed out of the candlestick.

³⁵A e rua ona peka, kia kotahi puku o raro ake, he mea kotahi; e rua ona peka, kia kotahi puku o raro ake, he mea kotahi; e rua ona peka, kia kotahi puku o raro ake, he mea kotahi ano, o nga peka e ono e puta mai ana i te turanga rama.

³⁶Their knops and their branches shall be of the same: all it shall be one beaten work of pure gold.

³⁶No te mea kotahi nga puku, nga peka: ko taua mea katoa, he mea patu, kotahi tonu, he korua parakore.

³⁷And thou shalt make the seven lamps thereof: and they shall light the lamps thereof, that they may give light over against it.

³⁷Me hanga ona rama e whitu: a me tahu ona rama, hei whakamarama i tona hangaitanga atu.

³⁸And the tongs thereof, and the snuffdishes thereof, shall be of pure gold.

³⁸Me koura parakore ano ona kuku me ona oko ngarahu.

³⁹Of a talent of pure gold shall he make it, with all these vessels.

³⁹Kia kotahi taranata koura parakore e hanga ai taua mea, me ena oko katoa.

⁴⁰And look that thou make them after their pattern, which was showed thee in the mount.

⁴⁰Kia tupato ano kia hanga aua mea kia rite ki te tauira i whakakitea ki a koe i te maunga.