¹Paul, an apostle of Jesus Christ by the will of God, and Timotheus our brother,

¹Paula Pathian deihdana Kris Jesu sawltak leh Timothi i unauin.

²To the saints and faithful brethren in Christ which are at Colosse: Grace be unto you, and peace, from God our Father and the Lord Jesus Christ.

²Kolossa khuaa Kris mi siangthoute leh unau muanhuaite kiangah: Pathian i Pa kianga kipan hehpihna leh lemna n akiang uah om hen.

³We give thanks to God and the Father of our Lord Jesus Christ, praying always for you,

³Nou adinga thum gigein Pathian i Toupa Jesu Kris Pa kiangah kipahthu ka gen uhi,

⁴Since we heard of your faith in Christ Jesus, and of the love which ye have to all the saints,

⁴Kris Jesu na gindan uh leh misiangthou tengteng tunga itnna na neihdan uh ka jak tak jiakun,

⁵For the hope which is laid up for you in heaven, whereof ye heard before in the word of the truth of the gospel;

⁵Huaibel nou adinga lametna vana koihkholha a om jiak ahi. Huai lametna tanchin mah, tumain, tanchin hoih thutak thu ah na nazata ua;

⁶Which is come unto you, as it is in all the world; and bringeth forth fruit, as it doth also in you, since the day ye heard of it, and knew the grace of God in truth:

⁶Huai tanchin hoih tuh khovel tengteng ah gaha a khan jel mah bangin, na kiang uh hongtung a, chih taktaka Pathian hehpihna tuh na ngaihkhiak ua na jak ni ua kipanin, noumau ah leng gahin a khang jel ahi;

⁷As ye also learned of Epaphras our dear fellowservant, who is for you a faithful minister of Christ;

⁷Huaimahbangin Epaphra i sikha hihpih ngaihtak laka na zil bang un, amah tuh kou sikin Kris nasempa muanhuai tak ahi a,

⁸Who also declared unto us your love in the Spirit.

⁸Aman tuh Khaa na itna uh a honhilh hi.

⁹For this cause we also, since the day we heard it, do not cease to pray for you, and to desire that ye might be filled with the knowledge of his will in all wisdom and spiritual understanding;

⁹Huaijiakin, ka jak ni ua kipan kou leng noua dia thum leh nget ka tawp kei uhi; huchia khalam pilna leh theihna tengteng a a deihlam theihnaa hihdima nongom theihna dingun,

¹⁰That ye might walk worthy of the Lord unto all pleasing, being fruitful in every good work, and increasing in the knowledge of God;

¹⁰Huan, nasep hoih chitenga gaha, Pathian theihnaa hongkhanga, Amah kipah lamtaka Toupa a dia kilawmhima na hintheihna dingun.

¹¹Strengthened with all might, according to his glorious power, unto all patience and longsuffering with joyfulness;

¹¹Kipahna toh kithuah thuak-hatna leh kuhkalna nei dingin, A hatna thupi bangjela hihhatin hongom un;

¹²Giving thanks unto the Father, which hath made us meet to be partakers of the inheritance of the saints in light:

¹²Vaka misiangthoute gou luahpih dia honchingsak Pa kianga kipahthu genin.

¹³Who hath delivered us from the power of darkness, and hath translated us into the kingdom of his dear Son:

¹³Aman tuh mial thuneihna lak akipan honsuaktasakin, a Tapa ittak gamah honkaisakta;

¹⁴In whom we have redemption through his blood, even the forgiveness of sins:

¹⁴Amah ah tuh i tatkhiakna uh i mu un i khelhnate ngaihdamna tak.

¹⁵Who is the image of the invisible God, the firstborn of every creature:

¹⁵Amah tuh muh theih louh Pathian batpih, thilsiam tengtenga piang masapen ahi a;

¹⁶For by him were all things created, that are in heaven, and that are in earth, visible and invisible, whether they be thrones, or dominions, or principalities, or powers: all things were created by him, and for him:

¹⁶Amah ah tuh bangkim siam ahi a, vana omte, leia omte toh, muhtheihte, muhtheihlouhte toh, laltutphahte leng, thuneihnate leng; bangkim amah siam ahi, amah ading maha siam ahi.

¹⁷And he is before all things, and by him all things consist.

¹⁷Huan, amah jaw bangteng om main leng a om him ahi, amah ah tuh bangteng a ding khawm chiat uhi.

¹⁸And he is the head of the body, the church: who is the beginning, the firstborn from the dead; that in all things he might have the preeminence.

¹⁸Amah tuh pumpi (huai tuh saptuamte) lutang ahi a; bangkima tungnungpen a honghih theihna ding in, a bulpi, misi laka kipana piang masapen tuh ahi.

¹⁹For it pleased the Father that in him should all fulness dwell;

¹⁹Amaha Pathian tangchinna tengteng a om Pa deihlam tak ahi ngala.

²⁰And, having made peace through the blood of his cross, by him to reconcile all things unto himself; by him, I say, whether they be things in earth, or things in heaven.

²⁰A kros sisana lemna nabawlin, amah ah bangkim amah toh a kilemsak hi; amah ngeiah leia thil omte leng, vana thil omte leng amah toh a kilemsak hi.

²¹And you, that were sometime alienated and enemies in your mind by wicked works, yet now hath he reconciled

²¹Huan, nou, tumalamin na lungsim uah a melma na hi ua, na thilhih gilou ua amaha kipana khena naom na hi ua, himahleh tuin aman,

²²In the body of his flesh through death, to present you holy and unblameable and unreproveable in his sight:

²²A sihnain a pumpi ah amah toh noute a honkilemsakta hi, a maa siangthou tak leh, gensiatbei leh, mohsaktheihlouha a hondin sakna dingin,

²³If ye continue in the faith grounded and settled, and be not moved away from the hope of the gospel, which ye have heard, and which was preached to every creature which is under heaven; whereof I Paul am made a minister;

²³Kingakna neia kip taka oma, tanchin hoih na jak ua lametnaa kipana suan manga om loua, ginnaa na om gige peuhmah uleh; huai tanchin hoih tuh van nuaia thil siam tengteng laka tangkoupih ahi a; kei Paula leng huai nasem dia bawl ka hi.

²⁴Who now rejoice in my sufferings for you, and fill up that which is behind of the afflictions of Christ in my flesh for his body's sake, which is the church:

²⁴Nou jiaka tu-a ka gimthuaknate ah ka kipak hi; huan, a pumpi jiaka Krisin a gimthuaknate ban zom jel ka hi: a pumpi tuh Saptuam ahi.

²⁵Whereof I am made a minister, according to the dispensation of God which is given to me for you, to fulfil the word of God;

²⁵Noua dinga Pathian nasepna kei kianga piaka om bangjelin huai saptuam nasempa ka honghita, Pathian thu bukim taka theisak dingin.

²⁶Even the mystery which hath been hid from ages and from generations, but now is made manifest to his saints:

²⁶Huai Pathian thu tuh khantawn leh akhang akhanga kipana thuguk kisel pen ahi; tun bel misiangthoute kiangah latsakin a omta hi.

²⁷To whom God would make known what is the riches of the glory of this mystery among the Gentiles; which is Christ in you, the hope of glory:

²⁷Amau kiangah, Jentelte laka huai thuguk thupina hauhsakna tamdan Pathianin theihsak a ut him ahi; huai thuguk tuh Kris noumaua om, thupina lametna pen tuh ahi:

²⁸Whom we preach, warning every man, and teaching every man in all wisdom; that we may present every man perfect in Christ Jesus:

²⁸Mi chih Krisa hoihkima ka piak theihna ding un, mi chih hilhin, mi chih pilna chitenga zilsakin, Amah tanchin ka gen jel uhi.Huchibang dingin, nakpi taka keimaha a sep sak thahatna tengteng zangin theih tawpin ka sem jel hi.

²⁹Whereunto I also labour, striving according to his working, which worketh in me mightily.

²⁹Huchibang dingin, nakpi taka keimaha a sep sak thahatna tengteng zangin theih tawpin ka sem jel hi.