¹And Jesus went out, and departed from the temple: and his disciples came to him for to shew him the buildings of the temple.

¹O Jesus anklisto avri andai tamplo ai zhalastar, kana leske disipluria avile leste te sikaven leske sa e tamplo ai so godi sas ek partia andai tamplo.

²And Jesus said unto them, See ye not all these things? verily I say unto you, There shall not be left here one stone upon another, that shall not be thrown down.

²Numa O Jesus phendias lenge, "O chachimos phenav tumenge, sa so dikhen avela pherado, chi ashela iek bax po kaver."

³And as he sat upon the mount of Olives, the disciples came unto him privately, saying, Tell us, when shall these things be? and what shall be the sign of thy coming, and of the end of the world?

³Sar beshelas tele pe plai le masilinenge, le disipluria avile leste korkorho, mothonas, "Phen amenge, kana kerdiolape kodia? So avela o semno ke aves, ai ke getolpe e vriama?"

⁴And Jesus answered and said unto them, Take heed that no man deceive you.

⁴O Jesus phenel lenge, "Len tume sama, te na atsavel tume khonik.

⁵For many shall come in my name, saying, I am Christ; and shall deceive many.

⁵Ke but avena ande murho anav, ai phenena, "Me sim o Kristo!" ai atsavena buten.

⁶And ye shall hear of wars and rumours of wars: see that ye be not troubled: for all these things must come to pass, but the end is not yet.

⁶Ai ashunena ke marenpe ai vieste kai marenpe, na daran: Ke kodia musai te kerdiol, numa nai inker o gor.

⁷For nation shall rise against nation, and kingdom against kingdom: and there shall be famines, and pestilences, and earthquakes, in divers places.

⁷Iek them marelape aver themesa; iek amperetsia marelape avria amperetsiasa. Ande but thana chi avela le dosta te xan, avela but naswalimos, ai ande but thana izdrala e phuv.

⁸All these are the beginning of sorrows.

⁸Kadala avela le sumnuria ta anda gor le chinosko ai o nekazo kai si te avel.

⁹Then shall they deliver you up to be afflicted, and shall kill you: and ye shall be hated of all nations for my name's sake.

⁹"Antunchi avela e vriama kai dena tume manush ando vas te aven chinuime, te mudaren tume, ai swako them si te vurhitsil tume ke phiraven murho anav.

¹⁰And then shall many be offended, and shall betray one another, and shall hate one another.

¹⁰Ande kodia vriama si te durion katar o pachamos, si te purhin iek avres, si te vurhitsin iek avres.

¹¹And many false prophets shall rise, and shall deceive many.

¹¹Avena but kai nai chache numa kerdion profeturia ai atsavena buten.

¹²And because iniquity shall abound, the love of many shall wax cold.

¹²O nasulimos si te butiol, anda kodia bute manushenge dragostia si te shudrol.

¹³But he that shall endure unto the end, the same shall be saved.

¹³Numa kodo kai rhivdila ai ankerela zhando gor, avela skepime.

¹⁴And this gospel of the kingdom shall be preached in all the world for a witness unto all nations; and then shall the end come.

¹⁴"Ai kadia viasta e lashi pai amperetsia avela phendi ande sa e lumia te avel marturo sa le themenge, antunchi o gor avela."

¹⁵When ye therefore shall see the abomination of desolation, spoken of by Daniel the prophet, stand in the holy place, (whoso readeth, let him understand:)

¹⁵"Kana dikhena kodia kai si griatsa le Devleske ke si ando swunto than sar sas phendo katar o profeto Daniel. (Kodo kai jinel, mek te haliarel)

¹⁶Then let them which be in Judaea flee into the mountains:

¹⁶Antunchi kodola kai si ande Judea trobula te nashen andel plaia.

¹⁷Let him which is on the housetop not come down to take any thing out of his house:

¹⁷Kodo kai avela opral pa kher te na zhal te lel vari so anda pesko kher.

¹⁸Neither let him which is in the field return back to take his clothes.

¹⁸Kodo kai si ande niva te na zhal palpale te lel peske tsalia.

¹⁹And woe unto them that are with child, and to them that give suck in those days!

¹⁹Nasul la zhuvliake kai si phari glatasa, ai kodola kai si le glate pe chuchi ande kodola dies!"

²⁰But pray ye that your flight be not in the winter, neither on the sabbath day:

²⁰Rhugin tume te na avela ivend kana trobula te nashen, vai Sabat;

²¹For then shall be great tribulation, such as was not since the beginning of the world to this time, no, nor ever shall be.

²¹Ke antunchi si te avel ka savo chino ai nekazo, sar e lumia shoxar chi dikhlias, zhi akana ai shoxar chi mai dikhela.

²²And except those days should be shortened, there should no flesh be saved: but for the elect's sake those days shall be shortened.

²²Ai te na avino kodola dies skurtiarde; sa le manush kamas te xaiin. Numa pala e sama le manushenge kai si halome katar O Del, kodola diesa si te aven skurtiarde.

²³Then if any man shall say unto you, Lo, here is Christ, or there; believe it not.

²³"Antunchi te avela vari kon te mothol tuke "O Kristo avilo!" "Katka lo" vai "Kote lo" Na Pacha.

²⁴For there shall arise false Christs, and false prophets, and shall shew great signs and wonders; insomuch that, if it were possible, they shall deceive the very elect.

²⁴Ke si te vazdenpe xoxamne kristuria ai xoxamne profeturia; kai kerena kasave semnuria ai mirakluria, ta te sai kamas te atsaven vi kodolen kai si halome katar O Del.

²⁵Behold, I have told you before.

²⁵"Ashunen! Phendem tumenge mai anglal.

²⁶Wherefore if they shall say unto you, Behold, he is in the desert; go not forth: behold, he is in the secret chambers; believe it not.

²⁶Te mothona, "Dikhen, avilo. Ande pusta lo! Na zha ta rode; vai kote garado lo! Na paàa. "

²⁷For as the lightning cometh out of the east, and shineth even unto the west; so shall also the coming of the Son of man be.

²⁷Ke sar o rhunjito kai strefial anda Easto zhi ando Westo kadia si te avel kana O Shav le manushesko avela.

²⁸For wheresoever the carcase is, there will the eagles be gathered together.

²⁸Kai godi avela mulo stato kote chidenpe chiriklia kai xan mas."

²⁹Immediately after the tribulation of those days shall the sun be darkened, and the moon shall not give her light, and the stars shall fall from heaven, and the powers of the heavens shall be shaken:

²⁹"Numa strazo pala o chino ai o nekazo kodole diesengo o kham si te avel tuniariko, o shunuto chi dela vediara, le chererhaia perena anda cheri, ai e putiera kai si ando cheri avena drenchinime.

³⁰And then shall appear the sign of the Son of man in heaven: and then shall all the tribes of the earth mourn, and they shall see the Son of man coming in the clouds of heaven with power and great glory.

³⁰Antunchi dichola o semno ando cheri ke O Shav le Manushesko avel. Antunchi sa le vitsi pe phuv si te nekezhin, ai si te dikhen sar O Shav le Manushesko avel pel nuveria rhaioske ande putiera ai ando barimos.

³¹And he shall send his angels with a great sound of a trumpet, and they shall gather together his elect from the four winds, from one end of heaven to the other.

³¹E tutaraza bashela zurales, ai tradela peske angelon ai si te chiden leske halome andal shtar barvalia, ai de anda iek gor la lumiako ai le cheresko zhando kaver gor.

³²Now learn a parable of the fig tree; When his branch is yet tender, and putteth forth leaves, ye know that summer is nigh:

³²Sichon katar e paramicha pai pruing le figenge. Kana si terne le krenzhitsi ai anklen patria. Zhanes ke o milai pashe.

³³So likewise ye, when ye shall see all these things, know that it is near, even at the doors.

³³Sakadia, tume kana dikhena sa kadala dieli zhanen ke pashe lo, ka wudar lo.

³⁴Verily I say unto you, This generation shall not pass, till all these things be fulfilled.

³⁴Chachimasa phenav tumenge, kadia vitsa chi nakhela, zhi pon chi kerdion kadala dieli.

³⁵Heaven and earth shall pass away, but my words shall not pass away.

³⁵O rhaio ai e lumia nakhena, numa murhi vorba shoxar chi nakhela.

³⁶But of that day and hour knoweth no man, no, not the angels of heaven, but my Father only.

³⁶"Khonik chi zhanel kana avela kodo dies vai kodo chaso, chi le angeluria ando rhaio, chi O Shav; ferdi O Dat zhanel.

³⁷But as the days of Noe were, so shall also the coming of the Son of man be.

³⁷"Sar sas ando dies kana sas o Noah. Sakadia si te avel kana avela O Shav le Manushesko.

³⁸For as in the days that were before the flood they were eating and drinking, marrying and giving in marriage, until the day that Noe entered into the ark,

³⁸Sar kai sas ande kodola dies mai anglal sar te avel o pai te tasavel e lumia, le manush xanas, penas, lenas boria, denas sheia, zhi po dies kai o Noah gelo ando paraxodo (Ark).

³⁹And knew not until the flood came, and took them all away; so shall also the coming of the Son of man be.

³⁹Ai chi zhangle zhi pon chi avilo o pai ai lias le sa. Sakadia avela kana avela O Shav le Manushesko.

⁴⁰Then shall two be in the field; the one shall be taken, and the other left.

⁴⁰"Antunchi dui zhene si te aven ande niva; iek si te avel lino, ai iek ashela.

⁴¹Two women shall be grinding at the mill; the one shall be taken, and the other left.

⁴¹Dui zhuvlia licharena jiv; iek avela lini, ai iek ashela.

⁴²Watch therefore: for ye know not what hour your Lord doth come.

⁴²Anda kodia arakh tu, ke chi zhanes o dies kai cho Gazda avela.

⁴³But know this, that if the goodman of the house had known in what watch the thief would come, he would have watched, and would not have suffered his house to be broken up.

⁴³Haliaren, te zhanglino o gazda le kheresko ka che chaso la rachako avel o chor, kamas te arkhelpe ai nas te mekel te den andre ande lesko kher.

⁴⁴Therefore be ye also ready: for in such an hour as ye think not the Son of man cometh.

⁴⁴Anda kodia, vi tu, trobul te aves gata ke O Shav le Manushesko si te avel andek chaso kai tu chi gindis."

⁴⁵Who then is a faithful and wise servant, whom his lord hath made ruler over his household, to give them meat in due season?

⁴⁵Kon si o chacho ai gojaver sluga, kai o gazda thodias te lel sama ande lesko kher te pravarel le lengo xabe pe vriama kai trobul?

⁴⁶Blessed is that servant, whom his lord when he cometh shall find so doing.

⁴⁶Raduime kodia sluga, kai lesko gazda arakhela les ke kerel peski buchi kana avela palpale.

⁴⁷Verily I say unto you, That he shall make him ruler over all his goods.

⁴⁷O chachimos phenach tuke, si te thol les baro pe so godi si les.

⁴⁸But and if that evil servant shall say in his heart, My lord delayeth his coming;

⁴⁸Numa te avela nasul kodia sluga ai te phenel peske, "Chi avel palpale sigo murho gazda."

⁴⁹And shall begin to smite his fellowservants, and to eat and drink with the drunken;

⁴⁹Antunchi marel le kavre slugen ai tholpe te xal ai te pel macharnensa.

⁵⁰The lord of that servant shall come in a day when he looketh not for him, and in an hour that he is not aware of,

⁵⁰O gazda kodola slugako si te avel andek dies kai wo chi azhukerel les, ai andek chaso kai wo chi zhanel.

⁵¹And shall cut him asunder, and appoint him his portion with the hypocrites: there shall be weeping and gnashing of teeth.

⁵¹Si te shinel les kotora, ai thol les kodolensa kai ankerdion so nai. Kotse le manush si te roven ai te chiden dandendar."