¹Paul called to be an apostle of Jesus Christ through the will of God, and Sosthenes our brother,

¹Pauro wakadamwa kuva muapositori waJesu Kristu kubudikidza nechido chaMwari, naSositenesi hama,

²Unto the church of God which is at Corinth, to them that are sanctified in Christ Jesus, called to be saints, with all that in every place call upon the name of Jesus Christ our Lord, both their's and our's:

²kukereke yaMwari iri paKorinde, kune vakaitwa vatsvene muna Jesu Kristu, vakadamwa kuva vatsvene, pamwe nevose vanodana panzvimbo dzose kuzita raIshe wedu Kristu Jesu, zvose wavo newedu:

³Grace be unto you, and peace, from God our Father, and from the Lord Jesus Christ.

³Nyasha kwamuri nerugare runobva kuna Mwari baba vedu naIshe Jesu Kristu.

⁴I thank my God always on your behalf, for the grace of God which is given you by Jesus Christ;

⁴Ndinovonga Mwari wangu nguva dzose nekuda kwenyu, nekuda kwenyasha dzaMwari dzamakapiwa muna Kristu Jesu;

⁵That in every thing ye are enriched by him, in all utterance, and in all knowledge;

⁵kuti pachinhu chose makafumiswa maari, pakutaura kose neparuzivo rwose,

⁶Even as the testimony of Christ was confirmed in you:

⁶sezvo uchapupu hwaKristu hwakasimbiswa mamuri;

⁷So that ye come behind in no gift; waiting for the coming of our Lord Jesus Christ:

⁷kuti hamusariri pane chimwe chipo, muchimirira kuratidzwa kwaIshe wedu Jesu Kristu,

⁸Who shall also confirm you unto the end, that ye may be blameless in the day of our Lord Jesus Christ.

⁸uchakusimbisaiwo kusvikira pakuguma, musina mhosva pazuva raIshe wedu Jesu Kristu.

⁹God is faithful, by whom ye were called unto the fellowship of his Son Jesus Christ our Lord.

⁹Mwari wakatendeka, wamakadamwa kubudikidza naye mukudyidzana kweMwanakomana wake Jesu Kristu Ishe wedu.

¹⁰Now I beseech you, brethren, by the name of our Lord Jesus Christ, that ye all speak the same thing, and that there be no divisions among you; but that ye be perfectly joined together in the same mind and in the same judgment.

¹⁰Zvino ndinokukumbirisai, hama, nezita raIshe wedu Jesu Kristu, kuti mose mutaure chinhu chimwe, uye pasava nekupatsanurana pakati penyu; asi kuti mubatanidzwe pamwe zvakazara pamurangariro umwe nemaonero mamwe.

¹¹For it hath been declared unto me of you, my brethren, by them which are of the house of Chloe, that there are contentions among you.

¹¹Nekuti ndakanyatsoudzwa pamusoro penyu, hama dzangu, nevekwaKirowa, kuti kune makakava pakati penyu.

¹²Now this I say, that every one of you saith, I am of Paul; and I of Apollos; and I of Cephas; and I of Christ.

¹²Zvino ndinoreva izvi, kuti umwe neumwe wenyu unoti: Ini ndiri waPauro, asi ini waAporo, asi ini waKefasi, asi ini waKristu.

¹³Is Christ divided? was Paul crucified for you? or were ye baptized in the name of Paul?

¹³Kristu wakapatsanurwa here? Ko Pauro wakarovererwa pamuchunjikwa imwi here? Kana makabhabhatidzwa muzita raPauro here?

¹⁴I thank God that I baptized none of you, but Crispus and Gaius;

¹⁴Ndinovonga Mwari kuti handina kubhabhatidza mumwe wenyu, kunze kwaKrispo naGayo;

¹⁵Lest any should say that I had baptized in mine own name.

¹⁵kuti kurege kuva neungati ndakabhabhatidza muzita rangu ndomene.

¹⁶And I baptized also the household of Stephanas: besides, I know not whether I baptized any other.

¹⁶Uye ndakabhabhatidzawo imba yaStefana; kunze kwaivava handizivi kana ndakabhabhatidza umwe.

¹⁷For Christ sent me not to baptize, but to preach the gospel: not with wisdom of words, lest the cross of Christ should be made of none effect.

¹⁷Nekuti Kristu wakandituma kwete kuzobhabhatidza, asi kuti ndiparidze evhangeri; kwete nenjere dzemashoko, kuti zvimwe muchinjikwa waKrsitu ushaiswe maturo.

¹⁸For the preaching of the cross is to them that perish foolishness; but unto us which are saved it is the power of God.

¹⁸Nekuti shoko remuchinjikwa kuna vanoparadzwa upenzi; asi kwatiri isu vanoponeswa isimba raMwari.

¹⁹For it is written, I will destroy the wisdom of the wise, and will bring to nothing the understanding of the prudent.

¹⁹Nekuti kwakanyorwa kuchinzi: Ndichaparadza njere dzevakachenjera, Ndichashaisa maturo kunzwisisa kwevazivi.

²⁰Where is the wise? where is the scribe? where is the disputer of this world? hath not God made foolish the wisdom of this world?

²⁰Uripi wakachenjera? Uripi munyori? Uripi mukakavari wenyika ino? Mwari haana kuita uchenjeri hwenyika ino upenzi here?

²¹For after that in the wisdom of God the world by wisdom knew not God, it pleased God by the foolishness of preaching to save them that believe.

²¹Nekuti muuchenjeri hwaMwari, nyika kubudikidza neuchenjeri hwayo haina kuziva Mwari, zvakafadza Mwari kubudikidza neupenzi hwekuparidza kuponesa vanotenda.

²²For the Jews require a sign, and the Greeks seek after wisdom:

²²Nekuti vaJudha vanokumbira chiratidzo, nevaGiriki vanotsvaka uchenjeri;

²³But we preach Christ crucified, unto the Jews a stumblingblock, and unto the Greeks foolishness;

²³asi isu tinoparidza Kristu wakarovererwa pamuchinjikwa, kuvaJudha chigumbuso, nekuvaGiriki upenzi;

²⁴But unto them which are called, both Jews and Greeks, Christ the power of God, and the wisdom of God.

²⁴asi kune vakadamwa, vose vaJudha navaGiriki, Kristu isimba raMwari nenjere dzaMwari;

²⁵Because the foolishness of God is wiser than men; and the weakness of God is stronger than men.

²⁵Nekuti upenzi hwaMwari hwakachenjera kupfuura vanhu, neutera hwaMwari hwakasimba kupfuura vanhu.

²⁶For ye see your calling, brethren, how that not many wise men after the flesh, not many mighty, not many noble, are called:

²⁶Nekuti tarirai kudanwa kwenyu, hama, kuti havazi vazhinji vakachenjera panyama, havazi vazhinji vane simba, havazi vazhinji vanokudzwa;

²⁷But God hath chosen the foolish things of the world to confound the wise; and God hath chosen the weak things of the world to confound the things which are mighty;

²⁷asi Mwari wakatsaura zvinhu zveupenzi zvenyika, kuti anyadzise vakachenjera; uye Mwari wakatsaura zvinhu zvisina simba zvenyika, kuti anyadzise izvo zvine simba;

²⁸And base things of the world, and things which are despised, hath God chosen, yea, and things which are not, to bring to nought things that are:

²⁸Nezvinhu zvepasi zvenyika nezvinhu zvinoshorwa Mwari wakasarudza, nezvinhu zvisipo, kuti ashaise zvinhu zviripo maturo;

²⁹That no flesh should glory in his presence.

²⁹kuti kurege kuva nenyama ingazvikudza pamberi pake.

³⁰But of him are ye in Christ Jesus, who of God is made unto us wisdom, and righteousness, and sanctification, and redemption:

³⁰Asi kwaari imwi muri muna Kristu Jesu, iye wakaitirwa isu uchenjeri hwunobva kuna Mwari, nekururama, nekuitwa vatsvene, nerudzikinuro.

³¹That, according as it is written, He that glorieth, let him glory in the Lord.

³¹Kuti maererano sezvazvakanyorwa zvichinzi: Uyo unozvikudza, ngaazvikudze muna Ishe.