¹Finally, brethren, pray for us, that the word of the Lord may have free course, and be glorified, even as it is with you:

¹Pakupedzisira, hama, tinyengetererei, kuti shoko raIshe rimhanye nekukudzwa kunyange sezvinoitwa nemwi;

²And that we may be delivered from unreasonable and wicked men: for all men have not faith.

²uye kuti tisunungurwe kuvanhu vasakarurama nevakaipa; nekuti rutendo harwusi rwevose.

³But the Lord is faithful, who shall stablish you, and keep you from evil.

³Asi Ishe wakatendeka, uchakusimbisai, nekukuchengetai kune wakaipa.

⁴And we have confidence in the Lord touching you, that ye both do and will do the things which we command you.

⁴Uye tine chivimbo muna Ishe maererano nemwi, kuti munoita zvinhu zvose zvatinokurairai uye muchazviita.

⁵And the Lord direct your hearts into the love of God, and into the patient waiting for Christ.

⁵Asi Ishe ngaatungamirire moyo yenyu murudo rwaMwari, nemumoyo murefu waKristu.

⁶Now we command you, brethren, in the name of our Lord Jesus Christ, that ye withdraw yourselves from every brother that walketh disorderly, and not after the tradition which he received of us.

⁶Zvino tinokurairai hama muzita raIshe wedu Jesu Kristu, kuti muzviraure pahama imwe neimwe inofamba zvisakafanira uye kwete nemirairo yamakagamuchira kwatiri;

⁷For yourselves know how ye ought to follow us: for we behaved not ourselves disorderly among you;

⁷Nekuti imwi mumene munoziva kuti munofanira kutitevera sei, nekuti hatina kufamba zvisakafanira pakati penyu;

⁸Neither did we eat any man's bread for nought; but wrought with labour and travail night and day, that we might not be chargeable to any of you:

⁸uye hatina kudya chikafu chemunhu pachena, asi takashingaira nekushanda nekutambudzika siku nesikati, kuti tisava mutoro kune umwe wenyu;

⁹Not because we have not power, but to make ourselves an ensample unto you to follow us.

⁹kwete nekuti hatina mvumo, asi kuti tipe muenzaniso kwamuri kuti mutitevere.

¹⁰For even when we were with you, this we commanded you, that if any would not work, neither should he eat.

¹⁰Nekuti kunyange pataiva nemwi, takakurairai izvi, kuti: Kana umwe asingadi kushanda, ngaarege kudyawo.

¹¹For we hear that there are some which walk among you disorderly, working not at all, but are busybodies.

¹¹Nekuti tinonzwa kuti kune vamwe vanofamba pakati penyu zvisakafanira, vasingatongoshandi zvachose, asi vachiita zvisina maturo.

¹²Now them that are such we command and exhort by our Lord Jesus Christ, that with quietness they work, and eat their own bread.

¹²Zvino avo vakadaro tinoraira nekukurudzira kubudikidza naIshe wedu Jesu Kristu, kuti vashande nekunyarara vadye chikafu chavo.

¹³But ye, brethren, be not weary in well doing.

¹³Asi imwi, hama, musaneta pakuita zvakanaka.

¹⁴And if any man obey not our word by this epistle, note that man, and have no company with him, that he may be ashamed.

¹⁴Asi kana ani nani asingateereri shoko redu netsamba iyi, mutarisise munhu uyo, kuti murege kufambidzana naye, kuti anyare;

¹⁵Yet count him not as an enemy, but admonish him as a brother.

¹⁵uye musamuidza semuvengi, asi mumuraire sehama.

¹⁶Now the Lord of peace himself give you peace always by all means. The Lord be with you all.

¹⁶Zvino, Ishe werugare amene ngaakupei rugare nguva dzose nemitoo yose. Ishe ngaave nemwi mose.

¹⁷The salutation of Paul with mine own hand, which is the token in every epistle: so I write.

¹⁷Kwaziso neruoko rwangu, ini Pauro, ndicho chiratidzo patsamba dzose; ndinonyora saizvozvo.

¹⁸The grace of our Lord Jesus Christ be with you all. Amen.

¹⁸Nyasha dzaIshe wedu Jesu Kristu ngadzive nemwi mose. Ameni.