¹And as Jesus passed by, he saw a man which was blind from his birth.

¹Wakati achipfuura, akaona munhu bofu kubva pakuberekwa.

²And his disciples asked him, saying, Master, who did sin, this man, or his parents, that he was born blind?

²Vadzidzi vake ndokumubvunza, vachiti: Rabhi*, ndiani wakatadza, uyu kana vabereki vake, kuti aberekwe ari bofu?

³Jesus answered, Neither hath this man sinned, nor his parents: but that the works of God should be made manifest in him.

³Jesu akapindura akati: Uyu haana kutadza, kana vabereki vake; asi kuti mabasa aMwari aoneswe maari.

⁴I must work the works of him that sent me, while it is day: the night cometh, when no man can work.

⁴Ndinofanira kushanda mabasa ewakandituma achiri masikati; usiku hwunouya, apo pasina munhu angagona kushanda.

⁵As long as I am in the world, I am the light of the world.

⁵Kana ndichiri panyika, ndiri chiedza chenyika.

⁶When he had thus spoken, he spat on the ground, and made clay of the spittle, and he anointed the eyes of the blind man with the clay,

⁶Wakati areva izvi, akapfira pasi, akaita dope nemate, akazodza dope pameso ebofu,

⁷And said unto him, Go, wash in the pool of Siloam, (which is by interpretation, Sent.) He went his way therefore, and washed, and came seeing.

⁷akati kwaari: Enda unoshamba mudziva reSiroami (zvinoshandurwa kuti: Wakatumwa). Naizvozvo wakaenda akashamba, akadzoka achiona.

⁸The neighbours therefore, and they which before had seen him that he was blind, said, Is not this he that sat and begged?

⁸Naizvozvo vavakidzani nevaimuona pakutanga kuti wakange ari bofu, vakati: Haazi iye uyu waigara achipemha here?

⁹Some said, This is he: others said, He is like him: but he said, I am he.

⁹Vamwe vakati: Uyu ndiye; asi vamwe vakati: Wakaita saiye. Iye akati: Ndini.

¹⁰Therefore said they unto him, How were thine eyes opened?

¹⁰Naizvozvo vakati kwaari: Meso ako akazarurwa sei?

¹¹He answered and said, A man that is called Jesus made clay, and anointed mine eyes, and said unto me, Go to the pool of Siloam, and wash: and I went and washed, and I received sight.

¹¹Iye akapindura akati: Munhu unonzi Jesu wakaita dope, akazodza meso angu, akati kwandiri: Enda kudziva reSiroami undoshamba. Zvino ndikaenda ndikashamba, ndikaonazve.

¹²Then said they unto him, Where is he? He said, I know not.

¹²Naizvozvo vakati kwaari: Iye uripi? Akati: Handizivi.

¹³They brought to the Pharisees him that aforetime was blind.

¹³Vakamuisa kuvaFarisi, iye waimbova bofu.

¹⁴And it was the sabbath day when Jesus made the clay, and opened his eyes.

¹⁴Zvino raiva sabata apo Jesu akaita dope, akasvinudza meso ake.

¹⁵Then again the Pharisees also asked him how he had received his sight. He said unto them, He put clay upon mine eyes, and I washed, and do see.

¹⁵Naizvozvo zvekare vaFarisi vakamubvunzawo, kuti wakaonazve sei. Akati kwavari: Waisa dope pameso angu ndikashamba, ndoona.

¹⁶Therefore said some of the Pharisees, This man is not of God, because he keepeth not the sabbath day. Others said, How can a man that is a sinner do such miracles? And there was a division among them.

¹⁶Naizvozvo vamwe vevaFarisi vakati: Munhu uyu haabvi kuna Mwari, nekuti haachengeti sabata. Vamwe vakati: Munhu uri mutadzi ungaita sei zviratidzo zvakadai? Kukava nekupesana pakati pavo.

¹⁷They say unto the blind man again, What sayest thou of him, that he hath opened thine eyes? He said, He is a prophet.

¹⁷Vakatizve kubofu: Iwe unoti kudini pamusoro pake, sezvo asvinudza meso ako? Akati: Muporofita.

¹⁸But the Jews did not believe concerning him, that he had been blind, and received his sight, until they called the parents of him that had received his sight.

¹⁸Zvino vaJudha havana kutenda pamusoro pake, kuti wakange ari bofu, akaonazve, kusvikira vadana vabereki vewakaonazve,

¹⁹And they asked them, saying, Is this your son, who ye say was born blind? how then doth he now see?

¹⁹naizvovo zvino vakavabvunza, vachiti: Uyu mwanakomana wenyu imwi wamunoti wakaberekwa ari bofu here? Ikozvino woona sei?

²⁰His parents answered them and said, We know that this is our son, and that he was born blind:

²⁰Vabereki vake vakavapindura vakati: Tinoziva kuti uyu mwanakomana wedu, uye kuti wakaberekwa ari bofu;

²¹But by what means he now seeth, we know not; or who hath opened his eyes, we know not: he is of age; ask him: he shall speak for himself.

²¹asi kuti ikozvino woona sei, hatizivi; kana ndiani wasvinudza meso ake, isu hatizivi; iye wayaruka, mubvunzei, iye pachake uchazvitaurira.

²²These words spake his parents, because they feared the Jews: for the Jews had agreed already, that if any man did confess that he was Christ, he should be put out of the synagogue.

²²Vabereki vake vakareva izvi, nekuti vaitya vaJudha; nekuti vaJudha vakange vatotenderana kuti kana ani nani unobvuma kuti ndiye Kristu, abudiswe musinagoge.

²³Therefore said his parents, He is of age; ask him.

²³Naizvozvo vabereki vake vakati: Wayaruka, mubvunzei.

²⁴Then again called they the man that was blind, and said unto him, Give God the praise: we know that this man is a sinner.

²⁴Naizvozvo vakadana rwechipiri iye munhu wakange ari bofu, vakati kwaari: Ipa Mwari rumbidzo; isu tinoziva kuti munhu uyu mutadzi.

²⁵He answered and said, Whether he be a sinner or no, I know not: one thing I know, that, whereas I was blind, now I see.

²⁵Naizvozvo iye akapindura achiti: Kunyange ari mutadzi handizivi; chinhu chimwe chandinoziva, kuti ndaiva bofu, ikozvino ndoona.

²⁶Then said they to him again, What did he to thee? how opened he thine eyes?

²⁶Zvino vakati kwaarizve: Wakaitei kwauri? Wakasvinudza meso ako sei?

²⁷He answered them, I have told you already, and ye did not hear: wherefore would ye hear it again? will ye also be his disciples?

²⁷Akavapindura, akati: Ndadokuudzai, asi hamuna kunzwa, munodirei kunzwa zvekare? Nemwi munoda kuva vadzidzi vake kanhi?

²⁸Then they reviled him, and said, Thou art his disciple; but we are Moses' disciples.

²⁸Naizvozvo vakamutuka, vakati: Ndiwe mudzidzi wake; asi isu tiri vadzidzi vaMozisi.

²⁹We know that God spake unto Moses: as for this fellow, we know not from whence he is.

²⁹Isu tinoziva kuti Mwari wakataura kuna Mozisi; asi uyu hatizivi kwaanobva.

³⁰The man answered and said unto them, Why herein is a marvellous thing, that ye know not from whence he is, and yet he hath opened mine eyes.

³⁰Munhu akapindura akati kwavari: Nekuti pachinhu ichi pane chinoshamisa, kuti imwi hamuzivi kwaanobva, asi wasvinudza meso angu.

³¹Now we know that God heareth not sinners: but if any man be a worshipper of God, and doeth his will, him he heareth.

³¹Zvino tinoziva kuti Mwari haanzwi vatadzi; asi kana munhu ari mushumiri waMwari, achiita chido chake, uyu unomunzwa.

³²Since the world began was it not heard that any man opened the eyes of one that was born blind.

³²Kubvira rinhi hakuna kumbonzwika kuti umwe wakasvinudza meso ewakaberekwa ari bofu.

³³If this man were not of God, he could do nothing.

³³Dai uyu anga asingabvi kuna Mwari, haazaigona kuita chinhu.

³⁴They answered and said unto him, Thou wast altogether born in sins, and dost thou teach us? And they cast him out.

³⁴Vakapindura vakati kwaari: Iwe zvachose wakaberekerwa muzvivi, zvino iwe wotidzidzisa here? Vakamudzingira kunze.

³⁵Jesus heard that they had cast him out; and when he had found him, he said unto him, Dost thou believe on the Son of God?

³⁵Jesu akanzwa kuti vamudzingira kunze; akati amuwana, akati kwaari: Iwe unotenda kuMwanakomana waMwari here?

³⁶He answered and said, Who is he, Lord, that I might believe on him?

³⁶Iye akapindura akati: Ndiani, Ishe, kuti nditende kwaari?

³⁷And Jesus said unto him, Thou hast both seen him, and it is he that talketh with thee.

³⁷Jesu ndokuti kwaari: Newe wamuona, uye ndiye unotaura newe.

³⁸And he said, Lord, I believe. And he worshipped him.

³⁸Zvino akati: Ishe ndinotenda; akamunamata.

³⁹And Jesus said, For judgment I am come into this world, that they which see not might see; and that they which see might be made blind.

³⁹Jesu ndokuti: Kutonga ndiko ini kwandakauyira panyika ino, kuti vasingaoni vaone; nevanoona vave mapofu.

⁴⁰And some of the Pharisees which were with him heard these words, and said unto him, Are we blind also?

⁴⁰Uye avo vevaFarisi vaiva naye vakanzwa zvinhu izvi, vakati kwaari: Nesu tiri mapofu here?

⁴¹Jesus said unto them, If ye were blind, ye should have no sin: but now ye say, We see; therefore your sin remaineth.

⁴¹Jesu akati kwavari: Dai maiva mapofu, mungadai musina chivi. Asi ikozvino munoti: Tinoona; naizvozvo chivi chenyu chinoramba chiripo.