¹When the morning was come, all the chief priests and elders of the people took counsel against Jesus to put him to death:

¹Kwakati kwaedza, vapristi vakuru vose nevakuru vevanhu vakarangana kupikisa Jesu kuti vamuuraye.

²And when they had bound him, they led him away, and delivered him to Pontius Pilate the governor.

²Vakati vamusunga vakamutungamidza ndokunomukumikidza kuna Pondiyo Pirato mutungamiriri.

³Then Judas, which had betrayed him, when he saw that he was condemned, repented himself, and brought again the thirty pieces of silver to the chief priests and elders,

³Zvino Judhasi wakange amutengesa aona kuti wapiwa mhosva, ndokuzvidya moyo akadzosera makobiri esirivheri makumi matatu kuvapristi vakuru nevakuru,

⁴Saying, I have sinned in that I have betrayed the innocent blood. And they said, What is that to us? see thou to that.

⁴achiti: Ndatadza, ndatengesa ropa risina mhosva. Vakati: Zvinei nesu? Zvionere iwe.

⁵And he cast down the pieces of silver in the temple, and departed, and went and hanged himself.

⁵Akakanda makobiri esirivheri mutembere, akabva akaenda akanozvisungirira.

⁶And the chief priests took the silver pieces, and said, It is not lawful for to put them into the treasury, because it is the price of blood.

⁶Vapristi vakuru vakatora makobiri esirivheri vakati: Hazvitenderwi kuaisa muchivigiro chezvipo, nekuti mutengo weropa.

⁷And they took counsel, and bought with them the potter's field, to bury strangers in.

⁷Vakarangana, vakatenga nawo munda wemuumbi wehari, uve wekuviga vatorwa.

⁸Wherefore that field was called, The field of blood, unto this day.

⁸Naizvozvo munda uyo wakanzi munda weropa kusvikira nhasi.

⁹Then was fulfilled that which was spoken by Jeremy the prophet, saying, And they took the thirty pieces of silver, the price of him that was valued, whom they of the children of Israel did value;

⁹Zvino zvakazadziswa zvakarehwa naJeremiya muporofita achiti: Vakabva vatora makobiri esirivheri makumi matatu, mutengo waiye wakatarirwa mutengo, iye vana vaIsiraeri wavakatarira mutengo;

¹⁰And gave them for the potter's field, as the Lord appointed me.

¹⁰vakaaripira munda wemuumbi wehari, saIshe zvaakandiraira.

¹¹And Jesus stood before the governor: and the governor asked him, saying, Art thou the King of the Jews? And Jesus said unto him, Thou sayest.

¹¹Zvino Jesu wakamira pamberi pemutungamiriri. Mutungamiriri akamubvunza achiti: Iwe uri mambo wevaJudha here? Jesu akati kwaari: Wareva iwe.

¹²And when he was accused of the chief priests and elders, he answered nothing.

¹²Asi wakati achipomerwa mhosva nevapristi vakuru nevakuru, haana kupindura chinhu.

¹³Then said Pilate unto him, Hearest thou not how many things they witness against thee?

¹³Pirato ndokuti kwaari: Haunzwi kuti zvinhu zvingani zvinopikisa zvavanopupura pamusoro pako here?

¹⁴And he answered him to never a word; insomuch that the governor marvelled greatly.

¹⁴Asi haana kumupindura kunyange neshoko rimwe chete, zvekuti mutungamiriri wakashamisika zvikuru.

¹⁵Now at that feast the governor was wont to release unto the people a prisoner, whom they would.

¹⁵Zvino pamutambo mutungamiriri aiva netsika yekusunungurira chaunga musungwa umwe wavanenge vada.

¹⁶And they had then a notable prisoner, called Barabbas.

¹⁶Uye nenguva iyo vaiva nemusungwa chazezesa wainzi Bharabhasi.

¹⁷Therefore when they were gathered together, Pilate said unto them, Whom will ye that I release unto you? Barabbas, or Jesus which is called Christ?

¹⁷Naizvozvo vakati vaungana, Pirato akati kwavari: Ndeupi wamunoda kuti ndikusunungurirei? Bharabhasi kana Jesu unonzi Kristu?

¹⁸For he knew that for envy they had delivered him.

¹⁸Nekuti wakange achiziva kuti vakange vamukumikidza negodo.

¹⁹When he was set down on the judgment seat, his wife sent unto him, saying, Have thou nothing to do with that just man: for I have suffered many things this day in a dream because of him.

¹⁹Zvino wakati agara pachigaro chekutonga, mukadzi wake akatumira kwaari, achiti: Usava nechokuita neuyo wakarurama, nekuti ndatambudzika zvinhu zvizhinji nhasi muchiroto pamusoro pake.

²⁰But the chief priests and elders persuaded the multitude that they should ask Barabbas, and destroy Jesus.

²⁰Asi vapristi vakuru nevakuru vakakumbirisa zvaunga kuti vakumbire Bharabhasi, vaparadze Jesu.

²¹The governor answered and said unto them, Whether of the twain will ye that I release unto you? They said, Barabbas.

²¹Mutungamiriri akapindura akati kwavari: Ndeupi wevaviri wamunoda kuti ndikusunungurirei? Ivo vakati: Bharabhasi.

²²Pilate saith unto them, What shall I do then with Jesus which is called Christ? They all say unto him, Let him be crucified.

²²Pirato akati kwavari: Ko ndichagoitei Jesu unonzi Kristu? vose vakati kwaari: Ngaarovererwe pamuchinjikwa.

²³And the governor said, Why, what evil hath he done? But they cried out the more, saying, Let him be crucified.

²³Zvino mutungamiriri akati: Nekuti wakaita chii chakaipa? Asi vakanyanya kudanidzira vachiti: Ngaarovererwe pamuchinjikwa!

²⁴When Pilate saw that he could prevail nothing, but that rather a tumult was made, he took water, and washed his hands before the multitude, saying, I am innocent of the blood of this just person: see ye to it.

²⁴Zvino Pirato wakati achiona kuti hazvibatsiri chinhu asi kutoti poita bongozozo, wakatora mvura akageza maoko pamberi pechaunga achiti: Handina mhosva neropa reuyu wakarurama; zvionerei imwi.

²⁵Then answered all the people, and said, His blood be on us, and on our children.

²⁵Vanhu vose ndokupindura vakati: Ropa rake ngarive pamusoro pedu nepamusoro pevana vedu.

²⁶Then released he Barabbas unto them: and when he had scourged Jesus, he delivered him to be crucified.

²⁶Zvino akavasunungurira Bharabhasi, asi wakati arova Jesu netyava, akamukumikidza kuti arovererwe pamuchinjikwa.

²⁷Then the soldiers of the governor took Jesus into the common hall, and gathered unto him the whole band of soldiers.

²⁷Zvino mauto emutungamiriri akaisa Jesu mumba memutungamiriri, hondo yose ikaunganira kwaari.

²⁸And they stripped him, and put on him a scarlet robe.

²⁸Vakamukurura, vakamufukidza nguvo tsvuku,

²⁹And when they had platted a crown of thorns, they put it upon his head, and a reed in his right hand: and they bowed the knee before him, and mocked him, saying, Hail, King of the Jews!

²⁹vakati varuka korona yemhinzwa, ndokupfekedza musoro wake, nerutsanga muruoko rwake rwerudyi. Vakafugama pamberi pake vakamusweveredza vachiti: Hekanhi, Mambo wevaJudha!

³⁰And they spit upon him, and took the reed, and smote him on the head.

³⁰Vakamupfira, ndokutora rutsanga vakamurova musoro.

³¹And after that they had mocked him, they took the robe off from him, and put his own raiment on him, and led him away to crucify him.

³¹Vakati vamusweveredza, vakamukurura nguvo, vakamupfekedza nguvo dzake vakamuendesa kunoroverera pamuchinjikwa.

³²And as they came out, they found a man of Cyrene, Simon by name: him they compelled to bear his cross.

³²Vakati vachibuda, vakawana munhu weKurini, wainzi Simoni. Iye vakamumanikidza kuti atakure muchinjikwa wake.

³³And when they were come unto a place called Golgotha, that is to say, a place of a skull,

³³Vakati vasvika panzvimbo inonzi Gorogota, ndiko kuti, Nzvimbo yedehenya,

³⁴They gave him vinegar to drink mingled with gall: and when he had tasted thereof, he would not drink.

³⁴vakamupa vhiniga yakavhenganiswa nenduru kuti amwe; asi wakati aravira akasada kumwa.

³⁵And they crucified him, and parted his garments, casting lots: that it might be fulfilled which was spoken by the prophet, They parted my garments among them, and upon my vesture did they cast lots.

³⁵Vakati vamuroverera pamuchinjikwa, vakagovana nguvo dzake vachikanda mujenya, kuti zvizadziswe zvakarehwa nemuporofita zvinoti: Vakagovana nguvo dzangu pakati pavo, vakakanda mujenya pamusoro pezvekufuka zvangu.

³⁶And sitting down they watched him there;

³⁶Uye vakagara pasi, vakamurindapo.

³⁷And set up over his head his accusation written, THIS IS JESUS THE KING OF THE JEWS.

³⁷Vakaisa pamusoro pemusoro wake rugwaro rwemhosva yake rwakanyorwa kuti: UYU NDIJESU MAMBO WEVAJUDHA.

³⁸Then were there two thieves crucified with him, one on the right hand, and another on the left.

³⁸Ndokurovererwa pamuchinjikwa makororo maviri pamwe naye, umwe kuruoko rwerudyi, umwe kuruboshwe.

³⁹And they that passed by reviled him, wagging their heads,

³⁹Vakange vachipfuura vakamunyomba, vachidzungudza misoro yavo,

⁴⁰And saying, Thou that destroyest the temple, and buildest it in three days, save thyself. If thou be the Son of God, come down from the cross.

⁴⁰vachiti: Iwe unoputsa tembere nekuivaka nemazuva matatu, zviponese; kana uri Mwanakomana waMwari, buruka pamuchinjikwa.

⁴¹Likewise also the chief priests mocking him, with the scribes and elders, said,

⁴¹Saizvozvowo vapristi vakuru vachisweveredza nevanyori nevakuru vachiti:

⁴²He saved others; himself he cannot save. If he be the King of Israel, let him now come down from the cross, and we will believe him.

⁴²Wakaponesa vamwe, iye haagoni kuzviponesa. Kana ari iye Mambo waIsraeri, ngaaburuke ikozvino pamuchinjikwa, tigomutenda.

⁴³He trusted in God; let him deliver him now, if he will have him: for he said, I am the Son of God.

⁴³Waivimba naMwari; ngaachimusunungura ikozvino kana achimuda. Nekuti wakati: Ndiri Mwanakomana waMwari.

⁴⁴The thieves also, which were crucified with him, cast the same in his teeth.

⁴⁴Makororowo akarovererwa pamuchinjikwa pamwe naye, akamusveveredza saizvozvo.

⁴⁵Now from the sixth hour there was darkness over all the land unto the ninth hour.

⁴⁵Zvino kubva paawa rechitanhatu kwakava nerima panyika yose kusvikira paawa repfumbamwe.

⁴⁶And about the ninth hour Jesus cried with a loud voice, saying, Eli, Eli, lama sabachthani? that is to say, My God, my God, why hast thou forsaken me?

⁴⁶Neawa rinenge repfumbamwe Jesu wakadanidzira nenzwi guru achiti: "Eri, Eri rama sabakitani?" Ndiko kuti: Mwari wangu, Mwari wangu, mandisiirei?

⁴⁷Some of them that stood there, when they heard that, said, This man calleth for Elias.

⁴⁷Vamwe vakange vamirepo pavakati vanzwa vakati: Uyo unodana Eria.

⁴⁸And straightway one of them ran, and took a spunge, and filled it with vinegar, and put it on a reed, and gave him to drink.

⁴⁸Pakarepo umwe wavo akamhanya, akatora chipanje, akazadza nevhiniga ndokuisa parutsanga, ndokumupa kuti amwe.

⁴⁹The rest said, Let be, let us see whether Elias will come to save him.

⁴⁹Asi vamwe vakati: Regai tione kana Eria achiuya kuzomuponesa.

⁵⁰Jesus, when he had cried again with a loud voice, yielded up the ghost.

⁵⁰Jesu ndokudanidzirazve nenzwi guru akapa mweya.

⁵¹And, behold, the veil of the temple was rent in twain from the top to the bottom; and the earth did quake, and the rocks rent;

⁵¹Zvino tarira, vheiri retembere rakabvaruka kuita mapandi maviri, kubva kumusoro kusvikira pasi. Nyika ikadengenyeka, mabwe akatsemuka.

⁵²And the graves were opened; and many bodies of the saints which slept arose,

⁵²Makuva akazarurwa; nemitumbi mizhinji yevatsvene vakange varere ikamutswa;

⁵³And came out of the graves after his resurrection, and went into the holy city, and appeared unto many.

⁵³vakati vabuda pamakuva shure kwekumuka kwake vakapinda muguta dzvene, vakaonekwa kuvazhinji.

⁵⁴Now when the centurion, and they that were with him, watching Jesus, saw the earthquake, and those things that were done, they feared greatly, saying, Truly this was the Son of God.

⁵⁴Zvino mukuru wezana nevaiva naye vakarinda Jesu vakati vachiona kudengenyeka kwenyika nezvinhu zvakaitika, vakatya zvikuru vachiti: Zvirokwazvo uyu wakange ari Mwanakomana waMwari.

⁵⁵And many women were there beholding afar off, which followed Jesus from Galilee, ministering unto him:

⁵⁵Nevakadzi vazhinji vakange varipo, vakatarira vari kure, vakange vatevera Jesu vachibva Garirea vachimushandira.

⁵⁶Among which was Mary Magdalene, and Mary the mother of James and Joses, and the mother of Zebedees children.

⁵⁶Pakati pavo paiva naMaria Magidharini, naMaria mai vaJakobho naJose, namai vevanakomana vaZebhedhi.

⁵⁷When the even was come, there came a rich man of Arimathaea, named Joseph, who also himself was Jesus' disciple:

⁵⁷Zvino ava manheru kukasvika umwe mufumi achibva Arimatiya wainzi Josefa. Iyewo pachake waiva mudzidzi waJesu.

⁵⁸He went to Pilate, and begged the body of Jesus. Then Pilate commanded the body to be delivered.

⁵⁸Uyu wakaenda kuna Pirato akakumbira mutumbi waJesu. Ipapo Pirato akaraira kuti mutumbi aupiwe.

⁵⁹And when Joseph had taken the body, he wrapped it in a clean linen cloth,

⁵⁹Josefa wakati atora mutumbi, akauputira nemucheka werineni wakachena.

⁶⁰And laid it in his own new tomb, which he had hewn out in the rock: and he rolled a great stone to the door of the sepulchre, and departed.

⁶⁰Akauradzika muguva rake idzva, raakange achera muruware; akakungurusira ibwe guru pamukova weguva, akabva.

⁶¹And there was Mary Magdalene, and the other Mary, sitting over against the sepulchre.

⁶¹Uye ipapo paiva naMaria Magidharini neumwe Maria, vagere pakatarisana neguva.

⁶²Now the next day, that followed the day of the preparation, the chief priests and Pharisees came together unto Pilate,

⁶²Nezuva raitevera zuva raitevera rekugadzirira, vapristi vakuru nevaFarisi vakaungana kuna Pirato,

⁶³Saying, Sir, we remember that that deceiver said, while he was yet alive, After three days I will rise again.

⁶³vachiti: Ishe tinorangarira kuti munyepedzeri uyu wakati achiri mupenyu: Mushure memazuva matatu ndichamuka.

⁶⁴Command therefore that the sepulchre be made sure until the third day, lest his disciples come by night, and steal him away, and say unto the people, He is risen from the dead: so the last error shall be worse than the first.

⁶⁴Naizvozvo rairai kuti guva richengetwe kusvikira zuva retatu; zvimwe vadzidzi vake vangauya usiku vakamuba, vagoti kuvanhu: Wakamuka kuvakafa; kurashika kwekupedzisira kukazonyanyisa pane kwekutanga.

⁶⁵Pilate said unto them, Ye have a watch: go your way, make it as sure as ye can.

⁶⁵Pirato akati kwavari: Mune varindi, endai murichengete sezvamunoziva.

⁶⁶So they went, and made the sepulchre sure, sealing the stone, and setting a watch.

⁶⁶Vakaenda, vakanochengeta guva, vakaisa mucherechedzo pabwe, vane varindi.