¹And he entered again into the synagogue; and there was a man there which had a withered hand.

¹At siya'y muling pumasok sa sinagoga; at doo'y may isang lalake na tuyo ang kaniyang kamay.

²And they watched him, whether he would heal him on the sabbath day; that they might accuse him.

²At siya'y inaabangan nila kung pagagalingin siya sa araw ng sabbath; upang siya'y maisakdal nila.

³And he saith unto the man which had the withered hand, Stand forth.

³At sinabi sa lalaking tuyo ang kamay, Magtindig ka.

⁴And he saith unto them, Is it lawful to do good on the sabbath days, or to do evil? to save life, or to kill? But they held their peace.

⁴At sinabi niya sa kanila, Katuwiran baga ang gumawa ng magaling sa araw ng sabbath, o ang gumawa ng masama? magligtas ng isang buhay, o pumatay? Datapuwa't sila'y hindi nagsiimik.

⁵And when he had looked round about on them with anger, being grieved for the hardness of their hearts, he saith unto the man, Stretch forth thine hand. And he stretched it out: and his hand was restored whole as the other.

⁵At nang siya'y lumingap sa kanila sa palibotlibot na may galit, sapagka't ikinalungkot niya ang katigasan ng kanilang puso, ay sinabi niya sa lalake, Iunat mo ang iyong kamay. At iniunat niya: at gumaling ang kaniyang kamay.

⁶And the Pharisees went forth, and straightway took counsel with the Herodians against him, how they might destroy him.

⁶At nagsilabas ang mga Fariseo, at pagdaka'y nakipagsanggunian sa mga Herodiano laban sa kaniya, kung paanong siya'y maipapupuksa nila.

⁷But Jesus withdrew himself with his disciples to the sea: and a great multitude from Galilee followed him, and from Judaea,

⁷At si Jesus na kasama ng kaniyang mga alagad ay lumigpit sa dagat: at nagsisunod sa kaniya ang lubhang karamihang taong mula sa Galilea; at mula sa Judea,

⁸And from Jerusalem, and from Idumaea, and from beyond Jordan; and they about Tyre and Sidon, a great multitude, when they had heard what great things he did, came unto him.

⁸At mula sa Jerusalem, at mula sa Idumea, at mula sa dakong ibayo ng Jordan, at sa palibotlibot ng Tiro, at Sidon, na lubhang maraming tao, nang mabalitaan ang lubhang mga dakilang bagay na kaniyang ginagawa, ay nagsiparoon sa kaniya.

⁹And he spake to his disciples, that a small ship should wait on him because of the multitude, lest they should throng him.

⁹At sinabi niya sa kaniyang mga alagad, na ihanda sa kaniya ang isang maliit na daong dahil sa karamihan, baka siya'y kanilang siksikin:

¹⁰For he had healed many; insomuch that they pressed upon him for to touch him, as many as had plagues.

¹⁰Sapagka't siya'y nakapagpagaling sa marami; ano pa't sinisiksik siya ng lahat ng mga nasasalot upang siya'y mahipo nila.

¹¹And unclean spirits, when they saw him, fell down before him, and cried, saying, Thou art the Son of God.

¹¹At ang mga karumaldumal na espiritu, pagkakita sa kaniya, ay nangagpatirapa sa kaniyang harapan, at nangagsisisigaw, na nangagsasabi, Ikaw ang Anak ng Dios.

¹²And he straitly charged them that they should not make him known.

¹²At ipinagbilin niya sa kanilang mahigpit na siya'y huwag nilang ihayag.

¹³And he goeth up into a mountain, and calleth unto him whom he would: and they came unto him.

¹³At siya'y umahon sa bundok, at tinawag niya ang balang kaniyang maibigan: at nagsilapit sila sa kaniya.

¹⁴And he ordained twelve, that they should be with him, and that he might send them forth to preach,

¹⁴At naghalal siya ng labingdalawa, upang sila'y makisama sa kaniya, at upang sila'y suguin niyang magsipangaral,

¹⁵And to have power to heal sicknesses, and to cast out devils:

¹⁵At magkaroon ng kapamahalaang magpalayas ng mga demonio:

¹⁶And Simon he surnamed Peter;

¹⁶At si Simon ay kaniyang pinamagatang Pedro;

¹⁷And James the son of Zebedee, and John the brother of James; and he surnamed them Boanerges, which is, The sons of thunder:

¹⁷At si Santiago na anak ni Zebedeo, at si Juan na kapatid ni Santiago; at sila'y pinamagatan niyang Boanerges, na sa makatuwid baga'y mga Anak ng kulog:

¹⁸And Andrew, and Philip, and Bartholomew, and Matthew, and Thomas, and James the son of Alphaeus, and Thaddaeus, and Simon the Canaanite,

¹⁸At si Andres, at si Felipe, at si Bartolome, at si Mateo, at si Tomas, at si Santiago, na anak ni Alfeo, at si Tadeo, at si Simon ang Cananeo,

¹⁹And Judas Iscariot, which also betrayed him: and they went into an house.

¹⁹At si Judas Iscariote, na siya ring nagkanulo sa kaniya. At pumasok siya sa isang bahay.

²⁰And the multitude cometh together again, so that they could not so much as eat bread.

²⁰At muling nagkatipon ang karamihan, ano pa't sila'y hindi man lamang makakain ng tinapay.

²¹And when his friends heard of it, they went out to lay hold on him: for they said, He is beside himself.

²¹At nang mabalitaan yaon ng kaniyang mga kaibigan, ay nagsilabas sila upang siya'y hulihin: sapagka't kanilang sinabi, Sira ang kaniyang bait.

²²And the scribes which came down from Jerusalem said, He hath Beelzebub, and by the prince of the devils casteth he out devils.

²²At sinabi ng mga eskriba na nagsibaba mula sa Jerusalem, Nasa kaniya si Beelzebub, at, Sa pamamagitan ng prinsipe ng mga demonio ay nagpapalabas siya ng mga demonio.

²³And he called them unto him, and said unto them in parables, How can Satan cast out Satan?

²³At sila'y kaniyang pinalapit sa kaniya, at sinabi sa kanila sa mga talinghaga, Paanong mapalalabas ni Satanas si Satanas?

²⁴And if a kingdom be divided against itself, that kingdom cannot stand.

²⁴At kung ang isang kaharian ay magkabahabahagi laban sa kaniyang sarili, hindi mangyayaring makapanatili ang kaharian yaon.

²⁵And if a house be divided against itself, that house cannot stand.

²⁵At kung ang isang bahay ay magkabahabahagi laban sa kaniyang sarili, ay hindi mangyayaring makapanatili ang bahay na yaon.

²⁶And if Satan rise up against himself, and be divided, he cannot stand, but hath an end.

²⁶At kung manghihimagsik si Satanas laban sa kaniyang sarili, at magkabahabahagi, hindi siya makapanananatili, kundi magkakaroon ng isang wakas.

²⁷No man can enter into a strong man's house, and spoil his goods, except he will first bind the strong man; and then he will spoil his house.

²⁷Datapuwa't walang makapapasok sa bahay ng malakas na tao, at samsamin ang kaniyang mga pag-aari, malibang gapusin muna niya ang malakas na tao; at kung magkagayo'y masasamsaman ang kaniyang bahay.

²⁸Verily I say unto you, All sins shall be forgiven unto the sons of men, and blasphemies wherewith soever they shall blaspheme:

²⁸Katotohanang sinasabi ko sa inyo, Ipatatawad ang lahat ng kanilang mga kasalanan sa mga anak ng mga tao, at ang mga kapusungan nila kailan ma't sila'y mangagsasalita ng kapusungan:

²⁹But he that shall blaspheme against the Holy Ghost hath never forgiveness, but is in danger of eternal damnation.

²⁹Datapuwa't sinomang magsalita ng kapusungan laban sa Espiritu Santo ay walang kapatawaran magpakailan man, kundi may kasalanan ng isang kasalanang walang hanggan:

³⁰Because they said, He hath an unclean spirit.

³⁰Sapagka't sinabi nila, Siya'y may isang karumaldumal na espiritu.

³¹There came then his brethren and his mother, and, standing without, sent unto him, calling him.

³¹At dumating nga ang kaniyang ina at ang kaniyang mga kapatid; at, palibhasa'y nangakatayo sila sa labas, ay nangagpasugo sila sa kaniya, na siya'y tinatawag.

³²And the multitude sat about him, and they said unto him, Behold, thy mother and thy brethren without seek for thee.

³²At nangakaupo ang isang karamihan sa palibot niya; at sinabi nila sa kaniya, Narito, nangasa labas ang iyong ina at ang iyong mga kapatid na hinahanap ka.

³³And he answered them, saying, Who is my mother, or my brethren?

³³At sinagot niya sila, at sinabi, Sino ang aking ina at aking mga kapatid?

³⁴And he looked round about on them which sat about him, and said, Behold my mother and my brethren!

³⁴At paglingap niya sa nangakaupo sa palibot niya, ay sinabi niya, Narito, ang aking ina at aking mga kapatid!

³⁵For whosoever shall do the will of God, the same is my brother, and my sister, and mother.

³⁵Sapagka't sinomang gumaganap ng kalooban ng Dios, ito'y ang aking kapatid na lalake, at aking kapatid na babae, at ina.