¹And king Solomon is king over all Israel,

¹¶ Na ko Kingi Horomona te kingi o Iharaira katoa.

²and these [are] the heads whom he hath: Azariah son of Zadok [is] the priest;

²A ko ana rangatira enei; ko Ataria tama a Haroko te tohunga;

³Elihoreph and Ahiah sons of Shisha [are] scribes; Jehoshaphat son of Ahilud [is] remembrancer;

³Ko Erihorepe raua ko Ahia nga kaituhituhi, he tama na Hiha; ko Iehohapata tama a Ahiruru te kaiwhakamahara;

⁴and Benaiah son of Jehoiada [is] over the host; and Zadok and Abiathar [are] priests;

⁴Ko Penaia tama a Iehoiara te rangatira ope; ko Haroko raua ko Apiatara nga tohunga;

⁵and Azariah son of Nathan [is] over the officers; and Zabud son of Nathan [is] minister, friend of the king;

⁵Ko Ataria tama a Natana te rangatira o nga kaitohutohu; ko Tapuru tama a Natana te tohunga, te takahoa o te kingi;

⁶And Ahishar [is] over the household, and Adoniram son of Abda [is] over the tribute.

⁶Ko Ahihara te rangatira o te whare; ko Aronirama tama a Apara to nga takoha.

⁷And Solomon hath twelve officers over all Israel, and they have sustained the king and his household — a month in the year is on each one for sustenance;

⁷Na kotahi tekau ma rua nga kaitohutohu a Horomona mo Iharaira katoa, hei mea kai ma te kingi ratou ko tona whare: kotahi ano te marama mea kai o tetahi, o tetahi, i te tau.

⁸and these [are] their names: Ben-Hur in the hill-country of Ephraim;

⁸Na ko o ratou ingoa enei: ko Penehuru te whenua pukepuke o Eparaima:

⁹Ben-Dekar in Makaz, and Shaalbim, and Beth-Shemesh, and Elon-Beth-Hanan.

⁹Ko Penerekara i Makaha, i Haarapimi, i Petehemehe, i Erono Petehanana:

¹⁰Ben-Hesed [is] in Aruboth, hath Sochoh and all the land of Hepher;

¹⁰Ko Penehehere i Arupoto; i a ia Hokoho me te whenua katoa o Hewhere:

¹¹Ben-Abinadab [hath] all the elevation of Dor, Taphath daughter of Solomon became his wife.

¹¹Ko Pene Apinarapa i te taupae katoa o Roro; i a ia a Tapata tamahine a Horomona hei wahine mana:

¹²Baana Ben-Ahilud [hath] Taanach and Megiddo, and all Beth-Shean, which [is] by Zartanah beneath Jezreel, from Beth-Shean unto Abel-Meholah, unto beyond Jokneam.

¹²Ko Paana tama a Ahiruru i Taanaka, i Mekiro, i Peteheana katoa, tera i Taretana i raro i Ietereere, o Peteheana atu a tae noa ki Aperemehora, ki tua atu o Iokomeama:

¹³Ben-Geber, in Ramoth-Gilead, hath the small towns of Jair son of Manasseh, which [are] in Gilead; he hath a portion of Argob that [is] in Bashan, sixty great cities [with] wall and brazen bar.

¹³Ko Penekepere i Ramoto Kireara: i a ia nga pa o Haira tama a Manahi i Kireara; i a ia nga wahi i Arakopa i Pahana, e ono tekau nga pa nunui, taiepa rawa, tutaki rawa ki te parahi:

¹⁴Ahinadab son of Iddo [hath] Mahanaim.

¹⁴Ko Mahanaima i a Ahinarapa tama a Iro:

¹⁵Ahimaaz [is] in Naphtali; he also hath taken Basemath daughter of Solomon for a wife.

¹⁵I Napatari a Ahimaata; i tangohia ano hoki e ia a Pahemata tamahine a Horomona hei wahine mana:

¹⁶Baanah Ben-Hushai [is] in Asher, and in Aloth.

¹⁶I Ahera, i Aroto a Paana tama a Huhai:

¹⁷Jehoshaphat Ben-Paruah [is] in Issachar.

¹⁷I Ihakara a Iehohapata tama a Parua:

¹⁸Shimei Ben-Elah [is] in Benjamin.

¹⁸Ko Himei tama a Eraha i Pineamine:

¹⁹Geber Ben-Uri [is] in the land of Gilead, the land of Sihon king of the Amorite, and of Og king of Bashan: and one officer who [is] in the land.

¹⁹Ko Kepere tama a Uri i te whenua o Kireara, i te whenua o Hihona kingi o nga Amori raua ko Oka kingi o Pahana; ko ia anake hoki te kaitohutohu o te whenua.

²⁰Judah and Israel [are] many, as the sand that [is] by the sea for multitude, eating and drinking and rejoicing.

²⁰¶ Na tini iho a Hura raua ko Iharaira, me te onepu i te taha o te moana te tini, kai ana ratou, inu ana, hari ana.

²¹And Solomon hath been ruling over all the kingdoms, from the River [to] the land of the Philistines and unto the border of Egypt: they are bringing nigh a present, and serving Solomon, all days of his life.

²¹Na ko Horomona te kingi o nga kingitanga katoa, o te awa a tae noa ki te whenua o nga Pirihitini, ki te rohe ra ano o Ihipa: i mau hakari mai ano ratou, a mahi ana i nga mahi a Horomona i nga ra katoa i ora ai ia.

²²And the provision of Solomon for one day is thirty cors of flour, and sixty cors of meal;

²²Na, ko te kai a Horomona o te ra kotahi, e toru tekau mehua paraoa pai, e ono tekau mehua paraoa ke;

²³ten fat oxen, and twenty feeding oxen, and a hundred sheep, apart from hart, and roe, and fallow-deer, and fatted beasts of the stalls,

²³Kotahi tekau nga kau, he mea momona, e rua tekau nga kau o nga haerenga kau, kotahi rau nga hipi, apititia iho ki nga hata, ki nga kakera, ki nga ropaka, ki nga manu whangai.

²⁴for he is ruling over all beyond the river, from Tiphsah and unto Gaza, over all the kings beyond the river, and he hath peace from all his servants round about.

²⁴Ko ia hoki te kingi i runga i te takiwa i tenei taha katoa o te awa, o Tipiha, tae noa ki Kaha, i runga ano i nga kingi katoa o tenei taha o te awa: a he rongo mau i ona taha katoa.

²⁵And Judah dwelleth — and Israel — in confidence, each under his vine, and under his fig-tree, from Dan even unto Beer-Sheba, all the days of Solomon.

²⁵A noho hu noa iho a Hura raua ko Iharaira, tera, tera, i raro i tana waina, i tana piki, no Rana mai ano a Peerehepa atu ana, i nga ra katoa o Horomona.

²⁶And Solomon hath forty thousand stalls of horses for his chariots, and twelve thousand horsemen.

²⁶Na e wha tekau mano nga turanga a Horomona mo nga hoiho o ona hariata, kotahi tekau ma rua mano nga kaieke hoiho.

²⁷And these officers have sustained king Solomon and every one drawing near unto the table of king Solomon, each [in] his month; they let nothing be lacking.

²⁷A na aua kaitohutohu i mea he kai ma Kingi Horomona, ma te hunga katoa e haere ana ki te tepu a Kingi Horomona, tenei tangata i tona marama, tenei tangata i tona marama: kahore he mea i kore i a ratou.

²⁸And the barley and the straw, for horses and for dromedaries, they bring in unto the place where they are, each according to his ordinance.

²⁸I kawea mai ano e ratou he parei, he kakau witi, ma nga hoiho, ma nga muera, ki te wahi i reira nei nga kaitohutohu, ia tangata ki tana mahi.

²⁹And God giveth wisdom to Solomon, and understanding, very much, and breadth of heart, as the sand that [is] on the edge of the sea;

²⁹¶ Na homai ana e te Atua he mohio ki a Horomona, me te mahara nui rawa, me te ngakau nui, koia ano kei te onepu i te taha o te moana.

³⁰and the wisdom of Solomon is greater than the wisdom of any of the sons of the east, and than all the wisdom of Egypt;

³⁰Nui atu hoki te mohio o Horomona i te mohio o nga tama katoa o te rawhiti, i te mohio katoa o Ihipa.

³¹and he is wiser than all men, than Ethan the Ezrahite, and Heman, and Chalcol, and Darda, sons of Mahol, and his name is in all the nations round about.

³¹Nui atu hoki tona mohio i to nga tangata katoa; i to Etana Eterahi, i to Hemana, i to Karakoro, i to Rarara, ara i to nga tama a Mahoro; a paku ana tona ingoa ki nga iwi katoa a tawhio noa.

³²And he speaketh three thousand similes, and his songs [are] five, and the chief one;

³²Na e toru mano nga whakatauki i korerotia e ia; a ko ana waiata kotahi mano ma rima.

³³and he speaketh concerning the trees, from the cedar that [is] in Lebanon, even unto the hyssop that is coming out in the wall, and he speaketh concerning the cattle, and concerning the fowl, and concerning the creeping things, and concerning the fishes,

³³I korerotia ano e ia nga rakau, te hita i Repanona, a tae iho ana ki te hihopa e tupu nei ki te taiepa: i korerotia ano e ia nga kararehe, nga manu, nga mea ngoki, me nga ika.

³⁴and there come out of all the peoples to hear the wisdom of Solomon, from all kings of the earth who have heard of his wisdom.

³⁴A ka haere mai etahi i nga iwi katoa ki te whakarongo ki te mohio o Horomona, i nga kingi katoa o te whenua i rongo nei ki tona mohio.