¹في ذلك الوقت سمع هيرودس رئيس الربع خبر يسوع.

¹AYO na tiempo si Herodes y tetrarca jajungog y faman Jesus;

²فقال لغلمانه هذا هو يوحنا المعمدان. قد قام من الاموات ولذلك تعمل به القوات

²Ya ilegña nu y tentagoña sija: Este si Juan Bautista: güiya cajulo gui entalo y manmatae, enao mina mandangculo na mannamanman jafatitinas guiya güiya.

³فان هيرودس كان قد امسك يوحنا واوثقه وطرحه في سجن من اجل هيروديا امرأة فيلبس اخيه.

³¶ Sa si Herodes esta jacone si Juan, ya jagode, ya japolo gui calaboso, pot si Herodias, asaguan Felipe y cheluña.

⁴لان يوحنا كان يقول له لا يحل ان تكون لك.

⁴Sa si Juan ilegña nu güiya: Ti tunas na un guaja jao nu este na palaoan.

⁵ولما اراد ان يقتله خاف من الشعب. لانه كان عندهم مثل نبي.

⁵Ya anae malago na upinino güe, maañao ni y linajyan taotao; sa pineloñija na si Juan profeta güe.

⁶ثم لما صار مولد هيرودس رقصت ابنة هيروديا في الوسط فسرّت هيرودس.

⁶Ya anae mato y jaanin y mafañagon Herodes, y jagan Herodias bumaela gui talo, ya ninamagof si Herodes,

⁷من ثم وعد بقسم انه مهما طلبت يعطيها.

⁷Ya pot este japromete ya manjula na uninae todo y guinagaoña.

⁸فهي اذ كانت قد تلقنت من امها قالت أعطيني ههنا على طبق راس يوحنا المعمدان.

⁸Ya güiya guinin umatungo finena an nanaña, ya ilegña: Naeyo güine gui un plato ni y ilon Juan Bautista.

⁹فاغتم الملك. ولكن من اجل الاقسام والمتكئين معه أمر ان يعطى.

⁹Ayo nae y ray ninatriste; lao pot causa y juramentoña yan y mangachongña na mangaegue gui lamasa, manago na umanae.

¹⁰فارسل وقطع راس يوحنا في السجن.

¹⁰Ya, manago na umautot y ilon Juan gui calaboso.

¹¹فأحضر رأسه على طبق ودفع الى الصبية. فجاءت به الى امها.

¹¹Ya machule guato y ilo gui un plato, ya manae y patgon palaoan, ya güiya chumule para si nanaña.

¹²فتقدم تلاميذه ورفعوا الجسد ودفنوه. ثم أتوا واخبروا يسوع

¹²Ya y disipuluña sija, manmato ya machule y tataotaoña, ya majafot, ya manmapos, ya masangane si Jesus.

¹³فلما سمع يسوع انصرف من هناك في سفينة الى موضع خلاء منفردا. فسمع الجموع وتبعوه مشاة من المدن

¹³¶ Ya anae jajungog este si Jesus, mapos güije gui un batco para y desierto na lugat na sumajnge: ya anae majungog ni y linajyan taotao sija, madalalague güe, manmamocatja desde siuda sija.

¹⁴فلما خرج يسوع ابصر جمعا كثيرا فتحنن عليهم وشفى مرضاهم.

¹⁴Ya jumanao si Jesus, ya jalie y dangculo na linajyan taotao: ya ninamaase ni ayo sija, ya janafanjomlo y manmalango sija.

¹⁵ولما صار المساء تقدم اليه تلاميذه قائلين الموضع خلاء والوقت قد مضى. اصرف الجموع لكي يمضوا الى القرى ويبتاعوا لهم طعاما.

¹⁵¶ Ya anae estaba pupnenge güije na jaane, manmato guiya güiya y disipuluña sija ya ilegñija; Este na lugat desierto ya y tiempo esta ufalofan; tago y linajyan taotao ya ufanjanao, ya ufanmalag y sengsong sija, ya ufanmamajan nañija.

¹⁶فقال لهم يسوع لا حاجة لهم ان يمضوا. اعطوهم انتم ليأكلوا.

¹⁶Lao si Jesus ilegña nu sija: Taya nesesida na sija ufanjanao: jamyo innae nañija.

¹⁷فقالوا له ليس عندنا ههنا الا خمسة ارغفة وسمكتان.

¹⁷Sija ilegñija nu güiya: Taya güine guaja na sincoja na pan, ya dos na güijan.

¹⁸فقال ايتوني بها الى هنا.

¹⁸Güiya ilegña: Chulieyofan güine mague.

¹⁹فامر الجموع ان يتكئوا على العشب. ثم اخذ الارغفة الخمسة والسمكتين ورفع نظره نحو السماء وبارك وكسر واعطى الارغفة للتلاميذ والتلاميذ للجموع.

¹⁹Ya jatago y linajyan taotao na ufanmatachong gui jilo chaguan, jachule y sinco na pan yan dos na güijan ya jaatan julo y langet, ya jabendise: ya jaipe y pan ya janae y disipulo sija, ya y disipulo janae y linajyan taotao.

²⁰فأكل الجميع وشبعوا. ثم رفعوا ما فضل من الكسر اثنتي عشر قفة مملوءة.

²⁰Ya mañocho todos, ya manjaspog; ya anae majoca y sebblan pedaso sija na maipe, bula dose na canastra.

²¹والآكلون كانوا نحو خمسة آلاف رجل ما عدا النساء والاولاد

²¹Ya y mañocho sija, sinco mit na lalaje, ti matufong y famalaoan yan y famaguon.

²²وللوقت ألزم يسوع تلاميذه ان يدخلوا السفينة ويسبقوه الى العبر حتى يصرف الجموع.

²²¶ Enseguidas si Jesus janafanjalom y disipuluña sija gui un batco, ya manjanao manmofona, manmalag y otro bandan sadog, y tiempo nae güiya janafanjanao y linajyan taotao.

²³وبعدما صرف الجموع صعد الى الجبل منفردا ليصلّي. ولما صار المساء كان هناك وحده.

²³Ya anae munjayan jadespide y linajyan taotao, cajulo gui un ogso na sumajnge, ya manaetae. Ya estaba gui puenge, ya sumasaga güigüiyaja namaesa.

²⁴واما السفينة فكانت قد صارت في وسط البحر معذبة من الامواج. لان الريح كانت مضادة.

²⁴Lao y batco pago estaba gui talo gui tase, pinapada ni napo, sa y manglo contra.

²⁵وفي الهزيع الرابع من الليل مضى اليهم يسوع ماشيا على البحر.

²⁵Ya y mina cuatro na guatdia gui puenge, si Jesus jumanao para iyasija mamomocat gui jilo tase.

²⁶فلما ابصره التلاميذ ماشيا على البحر اضطربوا قائلين انه خيال. ومن الخوف صرخوا.

²⁶Ya anae malie ni disipuluña sija na mamomocat gui jilo tase, ninafañatsaga, ya ilegñija: Fafañagüe este; ya managang ni y minaañaoñija.

²⁷فللوقت كلمهم يسوع قائلا تشجعوا. انا هو. لا تخافوا.

²⁷Enseguidas si Jesus cumuentos, ilegña nu sija: Angoco jamyo; guajoyo; chamiyo fanmaaañao.

²⁸فاجابه بطرس وقال يا سيد ان كنت انت هو فمرني ان آتي اليك على الماء.

²⁸Ayo nae manope si Pedro ilegña: Señot, yaguin jago, tago yo ya jufalag iyajago gui jilo janom.

²⁹فقال تعال. فنزل بطرس من السفينة ومشى على الماء ليأتي الى يسوع.

²⁹Güiya ilegña: Maela. Ya tumunog si Pedro gui batco, ya mamocat gui jilo janom para uguaguato gui as Jesus.

³⁰ولكن لما رأى الريح شديدة خاف واذ ابتدأ يغرق صرخ قائلا يا رب نجني.

³⁰Lao anae jalie na dangculo na manglo, ninamaañao; ya anae jatutujon dimafondo, jaagang, ilegña: Señot, nalibreyo.

³¹ففي الحال مدّ يسوع يده وامسك به وقال له يا قليل الايمان لماذا شككت.

³¹Ya enseguidas si Jesus jajuto mona y canaeña, ya guiniut güe, ya ilegña nu güiya: Taotao na didide jinengguemo! Sa jafa ti unjonggue?

³²ولما دخلا السفينة سكنت الريح.

³²Ya anae manjalom julo gui batco, y manglo quieto.

³³والذين في السفينة جاءوا وسجدوا له قائلين بالحقيقة انت ابن الله

³³Ayo nae y mangaegue gui batco, maadora güe ilegñija: Magajet na jago Lajin Yuus.

³⁴فلما عبروا جاءوا الى ارض جنيسارت.

³⁴¶ Ya anae manmalofan gui tase, manmato gui tano Genesaret.

³⁵فعرفه رجال ذلك المكان. فارسلوا الى جميع تلك الكورة المحيطة واحضروا اليه جميع المرضى.

³⁵Ya y taotao ayo na lugat anae matungo güe, manmanago y oriyan todo ayo na tano, na umacone guato todo y manmalango.

³⁶وطلبوا اليه ان يلمسوا هدب ثوبه فقط. فجميع الذين لمسوه نالوا الشفاء

³⁶Ya magagao güe na upolo na umapacha y madobbla y magaguña; ya todo y pumacha güe, guefjomlo sija.