¹Dead flies cause the oil of the perfumer to send forth an evil odor; [so] doth a little folly outweigh wisdom and honor.

¹Ang langaw nga patay nagahatag ug dautan nga baho sa lana sa magbubuhat sa pahumot; mao man usab ang diyutay nga binuang modaug sa kaalam ug kadungganan.

²A wise man's heart is at his right hand; but a fool's heart at his left.

²Ang kasingkasing sa tawo nga manggialamon anaa sa iyang too nga kamot; apan ang kasingkasing sa usa ka buangbuang anaa sa iyang wala.

³Yea also, when the fool walketh by the way, his understanding faileth him, and he saith to every one [that] he is a fool.

³Oo usab, sa diha nga ang buangbuang magalakaw sa dalan, ang iyang salabutan magapakyas kaniya, ug siya moingon sa tanan nga siya usa ka buangbuang.

⁴If the spirit of the ruler rise up against thee, leave not thy place; for gentleness allayeth great offences.

⁴Kong ang espiritu sa punoan motindog batok kanimo, ayaw pagbiyai ang imong dapit; kay ang kalomo nagapakunhod sa dagkung mga kasal-anan.

⁵There is an evil which I have seen under the sun, as it were an error which proceedeth from the ruler:

⁵Adunay usa ka dautan nga akong nakita ilalum sa adlaw, daw ingon sa usa ka sayup nga nagagikan sa punoan:

⁶folly is set in great dignity, and the rich sit in a low place.

⁶Ang kabuang ginapahimutang sa dagkung mga kahitas-an ug ang dato nagalingkod sa ubos nga dapit.

⁷I have seen servants upon horses, and princes walking like servants upon the earth.

⁷Ako nakakita ug mga sulogoon sa ibabaw sa mga kabayo, ug ang mga principe nanglakaw sama sa mga sulogoon sa ibabaw sa yuta.

⁸He that diggeth a pit shall fall into it; and whoso breaketh through a wall, a serpent shall bite him.

⁸Kadtong nagakalot ug gahong mahulog niana; ug bisan kinsa nga makalapus sa usa ka kuta, pagapaakon siya sa usa ka sawa.

⁹Whoso heweth out stones shall be hurt therewith; [and] he that cleaveth wood is endangered thereby.

⁹Bisan kinsa nga magasapsap ug mga bato masamad tungod niini; ug kadtong magabugha ug kahoy namiligro siya tungod niini.

¹⁰If the iron be blunt, and one do not whet the edge, then must he put to more strength: but wisdom is profitable to direct.

¹⁰Kong ang puthaw mapilong, ug walay usa nga mobaid sa sulab, nan kinahanglan nga iyang pangusgan pag-ayo ang paggamit niini : aapan ang kaalam mapuslanon alang sa pagmando.

¹¹If the serpent bite before it is charmed, then is there no advantage in the charmer.

¹¹Kong ang sawa mopaak sa dili pa kini lamaton, nan walay kapuslanan ang maglalamat.

¹²The words of a wise man's mouth are gracious; but the lips of a fool will swallow up himself.

¹²Ang mga pulong sa baba sa usa ka tawo nga manggialamon mga maloloy-on, apan ang mga ngabil sa usa ka buangbuang magalamoy sa iyang kaugalingon.

¹³The beginning of the words of his mouth is foolishness; and the end of his talk is mischievous madness.

¹³Ang sinugdan sa mga pulong sa iyang baba mga binuang man; ug ang katapusan sa iyang pakigsulti malimbongon nga kabuangan.

¹⁴A fool also multiplieth words: [yet] man knoweth not what shall be; and that which shall be after him, who can tell him?

¹⁴Ang buang usab nagapadaghan sa mga pulong: apan ang tawo wala masayud kong unsa ang mahatabo; ug niadtong mahatabo sunod kaniya, kinsa ba ang makasugilon kaniya?

¹⁵The labor of fools wearieth every one of them; for he knoweth not how to go to the city.

¹⁵Ang buhat sa mga buangbuang nagabudlay kanila nga tanan: kay siya wala masayud kong unsaon ang pag-adto sa ciudad.

¹⁶Woe to thee, O land, when thy king is a child, and thy princes eat in the morning!

¹⁶Alaut ikaw, Oh yuta, sa diha nga ang imong hari maoy usa ka bata, ug ang imong mga principe managpangaon inigkabuntag!

¹⁷Happy art thou, O land, when thy king is the son of nobles, and thy princes eat in due season, for strength, and not for drunkenness!

¹⁷Bulahan ikaw, Oh yuta, kong ang imong hari maoy anak nga lalake sa mga tawong halangdon, ug ang imong mga principe makakaon sa angayng panahon, alang sa pagpabaskog, ug dili sa paghubog!

¹⁸By slothfulness the roof sinketh in; and through idleness of the hands the house leaketh.

¹⁸Tungod sa pagkataspukan ang atop mahugno; ug tungod sa pagkatapulan sa mga kamot ang balay magatulo.

¹⁹A feast is made for laughter, and wine maketh glad the life; and money answereth all things.

¹⁹Ang kombira ginahimo alang sa hudyaka, ug ang vino magalipay sa kinabuhi; ug ang salapi magatubag sa tanang mga butang.

²⁰Revile not the king, no, not in thy thought; and revile not the rich in thy bedchamber: for a bird of the heavens shall carry the voice, and that which hath wings shall tell the matter.

²⁰Ayaw paglibaka ang hari, ayaw, bisan sa imong hunahuna; ug ayaw paglibaka ang dato sa imong sulod nga higdaanan: kay ang langgam sa kalangitan modala sa tingog, ug kadtong adunay mga pako mosugilon sa maong butang.