¹And Jehovah spake unto Moses, saying,

¹Unya si Jehova misulti kang Moises, nga nagaingon.

²On the first day of the first month shalt thou rear up the tabernacle of the tent of meeting.

²Sa nahauna nga adlaw sa nahauna nga bulan patindugon mo ang tabernaculo sa balong-balong nga pagatiguman.

³And thou shalt put therein the ark of the testimony, and thou shalt screen the ark with the veil.

³Ug igabutang mo niini ang arca sa pagpamatuod, ug pasalipdan mo ang arca sa tabil.

⁴And thou shalt bring in the table, and set in order the things that are upon it; and thou shalt bring in the candlestick, and light the lamps thereof.

⁴Ug igapasulod mo ang lamesa, ug pangatagon mo ang mga butang nga nahaluna niini; igapasulod mo usab ang tangkawan, ug dagkutan mo ang mga lamparahan niana.

⁵And thou shalt set the golden altar for incense before the ark of the testimony, and put the screen of the door to the tabernacle.

⁵Ug igabutang mo ang halaran nga bulawan alang sa incienso sa atubangan sa arca sa pagpamatuod, ug ibutang mo ang pabiyon sa pultahan sa tabernaculo.

⁶And thou shalt set the altar of burnt-offering before the door of the tabernacle of the tent of meeting.

⁶Ug igabutang mo ang halaran sa halad-nga-sinunog sa atubangan sa pultahan sa tabernaculo sa balong-balong nga pagatiguman.

⁷And thou shalt set the laver between the tent of meeting and the altar, and shalt put water therein.

⁷Ug igabutang mo ang dolang sa taliwala sa balong-balong nga pagatiguman ug sa halaran, ug niini magabutang ka ug tubig,

⁸And thou shalt set up the court round about, and hang up the screen of the gate of the court.

⁸Ug ibutang mo ang sawang sa paglibut ug igabitay mo ang pabiyon sa pultahan sa sawang.

⁹And thou shalt take the anointing oil, and anoint the tabernacle, and all that is therein, and shalt hallow it, and all the furniture thereof: and it shall be holy.

⁹Ug kuhaon mo ang lana nga igdidihog ug dihogan mo ang tabernaculo ug ang tanan nga anaa niini, ug pagapakabalaanon mo kini uban ang tanang mga galamiton niini: ug kini mabalaan.

¹⁰And thou shalt anoint the altar of burnt-offering, and all its vessels, and sanctify the altar: and the altar shall be most holy.

¹⁰Ug pagadihogan mo ang halaran sa halad-nga-sinunog ug ang tanan niini nga mga galamiton, ug balaanon mo ang halaran; ug ang halaran mahimo nga labing balaan gayud.

¹¹And thou shalt anoint the laver and its base, and sanctify it.

¹¹Ug dihogan mo ang dolang ug ang tungtunganan, ug balaanon mo kini.

¹²And thou shalt bring Aaron and his sons unto the door of the tent of meeting, and shalt wash them with water.

¹²Ug pagadad-on mo si Aaron, ug ang iyang mga anak nga lalake ngadto sa pultahan sa balong-balong nga pagatiguman, ug pagahunawan mo sila ug tubig.

¹³And thou shalt put upon Aaron the holy garments; and thou shalt anoint him, and sanctify him, that he may minister unto me in the priest's office.

¹³Ug pagabistihan mo si Aaron sa mga bisti nga balaan, ug pagadihogan mo siya, ug pagabalaanon mo siya, aron siya mag-alagad kanako sa katungdanan sa pagka-sacerdote.

¹⁴And thou shalt bring his sons, and put coats upon them;

¹⁴Ug pagadad-on mo ang iyang mga anak nga lalake, ug pagabistihan mo sila.

¹⁵and thou shalt anoint them, as thou didst anoint their father, that they may minister unto me in the priest's office: and their anointing shall be to them for an everlasting priesthood throughout their generations.

¹⁵Ug pagadihogan mo sila, ingon sa pagdihog mo sa ilang amahan, aron sila mag-alagad kanako sa katungdanan sa pagka-sacerdote; ug ang ilang dihog mahimong pagka-sacerdote nga walay katapusan ngadto sa ilang mga kaliwatan.

¹⁶Thus did Moses: according to all that Jehovah commanded him, so did he.

¹⁶Sa ingon niana gibuhat kini ni Moises: ingon sa tanan nga gisugo kaniya ni Jehova, mao nga iyang gibuhat kini .

¹⁷And it came to pass in the first month in the second year, on the first day of the month, that the tabernacle was reared up.

¹⁷Ug nahitabo sa nahaunang bulan, sa ikaduha ka tuig, nga ang tabernaculo gipatindog na.

¹⁸And Moses reared up the tabernacle, and laid its sockets, and set up the boards thereof, and put in the bars thereof, and reared up its pillars.

¹⁸Ug gipatindog ni Moises ang tabernaculo, ug gipahamutang niya ang iyang mga patinduganan, ug gibutang niya ang mga tabla niini, ug gibutang niya ang iyang mga balabag, ug gipamangon niya ang mga haligi niini.

¹⁹And he spread the tent over the tabernacle, and put the covering of the tent above upon it; as Jehovah commanded Moses.

¹⁹Ug gibuklad niya ang balong-balong sa ibabaw sa tabernaculo, ug gibutang niya ang tabon sa balong-balong sa ibabaw niini; ingon sa gisugo ni Jehova kang Moises.

²⁰And he took and put the testimony into the ark, and set the staves on the ark, and put the mercy-seat above upon the ark:

²⁰Ug gikuha niya, ug gibutang niya ang pagpamatuod ngadto sa sulod sa arca; ug gibutang niya ang mga yayongan sa arca: ug gibutang niya ang halaran-sa-pagpasig-uli sa ibabaw gayud sa arca.

²¹and he brought the ark into the tabernacle, and set up the veil of the screen, and screened the ark of the testimony; as Jehovah commanded Moses.

²¹Ug gisulod niya ang arca ngadto sa tabernaculo, ug gibitay niya ang tabil sa pabiyon, ug gitabilan niya ang arca sa pagpamatuod, ingon sa gisugo ni Jehova kang Moises.

²²And he put the table in the tent of meeting, upon the side of the tabernacle northward, without the veil.

²²Ug gibutang niya ang lamesa sa balong-balong nga pagatiguman, sa luyo nga naamihanan sa tabernaculo, nahagawas sa tabil.

²³And he set the bread in order upon it before Jehovah; as Jehovah commanded Moses.

²³Ug gipangatag niya ang mga tinapay sa ibabaw niya sa atubangan ni Jehova, ingon sa gisugo ni Jehova kang Moises.

²⁴And he put the candlestick in the tent of meeting, over against the table, on the side of the tabernacle southward.

²⁴Ug gibutang niya ang tangkawan sa sulod sa balong-balong nga pagatiguman atbang sa lamesa sa kiliran sa tabernaculo padulong sa habagatan.

²⁵And he lighted the lamps before Jehovah; as Jehovah commanded Moses.

²⁵Ug gidagkutan niya ang mga suga sa atubangan ni Jehova, ingon sa gisugo ni Jehova kang Moises.

²⁶And he put the golden altar in the tent of meeting before the veil:

²⁶Ug gibutang niya ang halaran nga bulawan sa sulod sa balong-balong nga pagatiguman sa atubangan sa tabil.

²⁷and he burnt thereon incense of sweet spices; as Jehovah commanded Moses.

²⁷Ug sa ibabaw niini nagsunog siya ug incienso nga mahumot, ingon sa gisugo ni Jehova kang Moises.

²⁸And he put the screen of the door to the tabernacle.

²⁸Ug gibutang niya ang cortina sa pultahan didto sa tabernaculo.

²⁹And he set the altar of burnt-offering at the door of the tabernacle of the tent of meeting, and offered upon it the burnt-offering and the meal-offering; as Jehovah commanded Moses.

²⁹Ug gipahamutang niya ang halaran sa halad-nga-sinunog sa pultahan sa tabernaculo sa balong-balong nga pagatiguman, ug naghalad sa ibabaw niini sa halad-nga-sinunog, ug sa halad-nga-kalan-on, ingon sa gisugo ni Jehova kang Moises.

³⁰And he set the laver between the tent of meeting and the altar, and put water therein, wherewith to wash.

³⁰Ug gibutang niya ang dolang sa taliwala sa balong-balong nga pagatiguman ug sa halaran, ug iyang gibutangan kini ug tubig nga hulunawan.

³¹And Moses and Aaron and his sons washed their hands and their feet thereat;

³¹Ug si Moises ug si Aaron ug ang iyang mga anak nga lalake nanagpanghunaw niini sa ilang mga kamot ug nanghimasa sa ilang mga tiil;

³²when they went into the tent of meeting, and when they came near unto the altar, they washed; as Jehovah commanded Moses.

³²Sa pagsulod nila sa balong-balong nga pagatiguman, ug sa nanagpanuol sila sa halaran, nanghunaw sila ingon sa gisugo ni Jehova kang Moises.

³³And he reared up the court round about the tabernacle and the altar, and set up the screen of the gate of the court. So Moses finished the work.

³³Ug gipatindog niya ang sawang sa paglibut sa tabernaculo ug sa halaran, ug gibutang niya ang cortina sa pultahan sa sawang. Ug niini natibawas ni Moises ang bulohaton.

³⁴Then the cloud covered the tent of meeting, and the glory of Jehovah filled the tabernacle.

³⁴Unya ang panganod mitabon sa balong-balong nga pagatiguman, ug ang himaya ni Jehova mipuno sa tabernaculo.

³⁵And Moses was not able to enter into the tent of meeting, because the cloud abode thereon, and the glory of Jehovah filled the tabernacle.

³⁵Ug si Moises wala makahimo sa pagsulod sa balong-balong nga pagatiguman, kay ang panganod nagapabilin sa ibabaw niini ug ang himaya ni Jehova nakapuno niini.

³⁶And when the cloud was taken up from over the tabernacle, the children of Israel went onward, throughout all their journeys:

³⁶Ug sa gibayaw na ang panganod sa tabernaculo, ang mga anak sa Israel nagapadayon sa tanan nila nga panaw.

³⁷but if the cloud was not taken up, then they journeyed not till the day that it was taken up.

³⁷Apan kong ang panganod wala pagbayawa, nan wala magpadayon sa panaw, hangtud sa adlaw nga kini gibayaw.

³⁸For the cloud of Jehovah was upon the tabernacle by day, and there was fire therein by night, in the sight of all the house of Israel, throughout all their journeys.

³⁸Kay ang panganod ni Jehova diha sa adlaw sa ibabaw sa tabernaculo, ug ang kalayo diha niini sa kagabhion, nga makita sa tibook nga balay sa Israel, sulod sa tanan nila nga pagpanaw.