¹And as he passed by, he saw a man blind from his birth.

¹Ug sa iyang pag-agi hingkit-an niya ang usa ka tawo nga buta gikan sa pagkatawo.

²And his disciples asked him, saying, Rabbi, who sinned, this man, or his parents, that he should be born blind?

²Ug ang iyang mga tinon-an nanagpangutana kaniya nga nagaingon: Rabbi, kinsa ang nakasala, kini bang tawohana kun ang iyang mga ginikanan, nga matawo siya nga buta?

³Jesus answered, Neither did this man sin, nor his parents: but that the works of God should be made manifest in him.

³Si Jesus mitubag: Bisan kini siya wala makasala, bisan ang iyang mga ginikanan, kondili aron igapahayag pinaagi kaniya ang mga buhat sa Dios.

⁴We must work the works of him that sent me, while it is day: the night cometh, when no man can work.

⁴Kinahanglan ako magbuhat sa mga bulohaton sa nagsugo kanako samtang adlaw pa; moabut ang gabii nga walay tawo nga makahimo sa pagbuhat.

⁵When I am in the world, I am the light of the world.

⁵Samtang ania pa ako sa kalibutan, ako mao ang kahayag sa kalibutan.

⁶When he had thus spoken, he spat on the ground, and made clay of the spittle, and anointed his eyes with the clay,

⁶Sa nakapamulong siya niini, mingluwa sa yuta naghimo ug lapok sa laway, ug gidihog niya sa lapok ang mga mata sa buta.

⁷and said unto him, Go, wash in the pool of Siloam (which is by interpretation, Sent). He went away therefore, and washed, and came seeing.

⁷Ug miingon kaniya: Umadto ka, ug manghugas sa danawan sa Siloe, (nga kong hubaron: Sinugo). Busa siya ming-adto ug nanghugas siya, ug mibalik nga nakakita na.

⁸The neighbors therefore, and they that saw him aforetime, that he was a beggar, said, Is not this he that sat and begged?

⁸Unya ang mga silingan, ug ang nakakita kaniya kaniadto, nga makililimos siya, nanag-ingon: Dili ba kini mao ang naglingkod ug nagpakilimos?

⁹Others said, It is he: others said, No, but he is like him. He said, I am [he].

⁹Ang uban nanag-ingon: Mao kini, ug ang uban: Maingon-ingon kaniya. Siya miingon: Mao ako.

¹⁰They said therefore unto him, How then were thine eyes opened?

¹⁰Unya sila nanag-ingon kaniya: Naunsa nga nabuka ang imong mga mata?

¹¹He answered, The man that is called Jesus made clay, and anointed mine eyes, and said unto me, Go to Siloam, and wash: so I went away and washed, and I received sight.

¹¹Siya mitubag ug miingon: Ang tawo nga ginganlan si Jesus, naghimo ug lapok, ug gidihog niya ang akong mga mata, ug miingon kanako: Umadto ka sa danawan sa Siloe, ug manghugas ka. Ug miadto ako ug nanghugas ako, ug nakadawat ako sa igtatan-aw.

¹²And they said unto him, Where is he? He saith, I know not.

¹²Unya sila nanag-ingon kaniya: Hain man siya? Siya miingon: Ako wala masayud.

¹³They bring to the Pharisees him that aforetime was blind.

¹³Gidala nila ang buta kaniadto, ngadto sa mga Fariseo.

¹⁴Now it was the sabbath on the day when Jesus made the clay, and opened his eyes.

¹⁴Ug kadto adlaw nga igpapahulay, sa paghimo ni Jesus sa lapok ug gipabuka ang iyang mga mata.

¹⁵Again therefore the Pharisees also asked him how he received his sight. And he said unto them, He put clay upon mine eyes, and I washed, and I see.

¹⁵Unya nangutana pag-usab kaniya ang mga Fariseo kong giunsa niya pagpakadawat sa igtatan-aw. Ug siya miingon kanila: Gibutangan niya ug lapok ang akong mga mata, ug nanghugas ako, ug nakakita ako.

¹⁶Some therefore of the Pharisees said, This man is not from God, because he keepeth not the sabbath. But others said, How can a man that is a sinner do such signs? And there was division among them.

¹⁶Unya miingon ang uban sa mga Fariseo: Kining tawohana dili gikan sa Dios, kay siya walay paglihi sa adlaw nga igpapahulay. Apan ang uban miingon: Unsaon pagkahimo sa usa ka tawo nga makasasala sa pagbuhat sa maong mga ilhanan? Ug sila may pagkabahinbahin.

¹⁷They say therefore unto the blind man again, What sayest thou of him, in that he opened thine eyes? And he said, He is a prophet.

¹⁷Unya miingon sila pag-usab sa buta: Unsay igapamulong mo mahitungod kaniya, sa pagpabuka niya sa imong mga mata? Ug siya miingon: Manalagna siya.

¹⁸The Jews therefore did not believe concerning him, that he had been blind, and had received his sight, until they called the parents of him that had received his sight,

¹⁸Busa ang mga Judio wala motoo mahitungod kaniya nga siya kaniadto buta, ug nakadawat sa iyang igtatan-aw, hangtud nga gitawag nila ang mga ginikanan niining nakadawat sa igtatan-aw.

¹⁹and asked them, saying, Is this your son, who ye say was born blind? How then doth he now see?

¹⁹Ug sila nanagpangutana kanila: Mao ba kini ang inyong anak, nga giingon ninyo, nga natawo nga buta? Busa, naunsa nga makakita man siya karon?

²⁰His parents answered and said, We know that this is our son, and that he was born blind:

²⁰Ang iyang mga ginikanan nanagpanubag kanila, ug nanag-ingon: Kami nanghibalo nga kini mao ang among anak, ug natawo nga buta.

²¹but how he now seeth, we know not; or who opened his eyes, we know not: ask him; he is of age; he shall speak for himself.

²¹Apan ngano nga makakita siya karon, wala kami manghibalo; wala usab kami manghibalo kong kinsa ang nagpabuka sa iyang mga mata: siya may edad na, pangutan-a ninyo siya; siya mosulti mahatungod sa iyang kaugalingon.

²²These things said his parents, because they feared the Jews: for the Jews had agreed already, that if any man should confess him [to be] Christ, he should be put out of the synagogue.

²²Kini gipamulong sa iyang mga ginikanan, kay sila nangahadlok sa mga Judio; kay kini sila nanagkasabut na, nga kong may motug-an nga siya mao si Cristo, kinahanglan pagulaon siya sa sinagoga.

²³Therefore said his parents, He is of age; ask him.

²³Tungod niini, ang iyang mga ginikanan nanag-ingon: May edad na siya; pangutan-a ninyo siya.

²⁴So they called a second time the man that was blind, and said unto him, Give glory to God: we know that this man is a sinner.

²⁴Unya gitawag nila sa ikaduha ang tawo nga buta kaniadto, ug sila miingon kaniya: Maghatag ka ug himaya sa Dios; kami nanghibalo nga kining tawohana makasasala.

²⁵He therefore answered, Whether he is a sinner, I know not: one thing I know, that, whereas I was blind, now I see.

²⁵Busa, mitubag siya ug miingon: Kong siya makasasala, ako wala mahibalo; usa ka butang ang akong hingbaloan: nga, ako kaniadto buta, karon makakita na ako.

²⁶They said therefore unto him, What did he to thee? How opened he thine eyes?

²⁶Ug sila nanag-ingon pag-usab kaniya: Unsay iyang gibuhat kanimo? Giunsa niya ang pagpabuka sa imong mga mata?

²⁷He answered them, I told you even now, and ye did not hear; wherefore would ye hear it again? would ye also become his disciples?

²⁷Siya mitubag kanila: Karon pa ngani giingon ko kamo, ug kamo wala manimati: ngano buot ba kamo magpatalinghug pag-usab? Buot ba usab kamo nga matinon-an niya?

²⁸And they reviled him, and said, Thou art his disciple; but we are disciples of Moses.

²⁸Ug sila nasuko kaniya, ug gipamulongan: Ikaw iyang tinon-an; apan kami mga tinon-an ni Moises.

²⁹We know that God hath spoken unto Moses: but as for this man, we know not whence he is.

²⁹Kami nanghibalo nga ang Dios nakigsulti kang Moises; apan mahitungod niining tawohana kami wala manghibalo kong taga-diin siya.

³⁰The man answered and said unto them, Why, herein is the marvel, that ye know not whence he is, and [yet] he opened mine eyes.

³⁰Ang tawo mitubag, ug miingon kanila: Busa ang katingalahan mao kini, nga wala ninyo hibaloi kong taga-diin siya: ug siya nagpabuka sa akong mga mata.

³¹We know that God heareth not sinners: but if any man be a worshipper of God, and do his will, him he heareth.

³¹Kita nanghibalo nga ang Dios wala magapatalinghug sa mga makasasala; apan kong kinsa ang nagasimba sa Dios, ug nagabuhat sa iyang kabubut-on, kini ginapatalinghugan niya.

³²Since the world began it was never heard that any one opened the eyes of a man born blind.

³²Sukad sa sinugdan sa kalibutan wala pa gayud dungga nga may nakapabuka sa mga mata sa usa nga natawo nga buta.

³³If this man were not from God, he could do nothing.

³³Kong kini wala pa magagikan sa Dios, siya wala untay arang mahimo.

³⁴They answered and said unto him, Thou wast altogether born in sins, and dost thou teach us? And they cast him out.

³⁴Sila mingtubag ug miingon kaniya: Ikaw natawo sa bug-os gayud nga sala, ug magatudlo ka hinoon kanamo? Ug gihinginlan siya.

³⁵Jesus heard that they had cast him out; and finding him, he said, Dost thou believe on the Son of God?

³⁵Hingdunggan ni Jesus nga siya gihinginlan; ug sa hingkit-an siya, gisul-tihan siya: Motoo ba ikaw sa Anak sa Dios?

³⁶He answered and said, And who is he, Lord, that I may believe on him?

³⁶Siya mitubag ug miingon: Kinsa siya Ginoo, aron ako motoo kaniya?

³⁷Jesus said unto him, Thou hast both seen him, and he it is that speaketh with thee.

³⁷Si Jesus miingon kaniya: Hingkit-an mo siya; ug mao ang nakigsulti kanimo.

³⁸And he said, Lord, I believe. And he worshipped him.

³⁸Ug siya miingon: Mitoo ako, Ginoo. Ug misimba kaniya.

³⁹And Jesus said, For judgment came I into this world, that they that see not may see; and that they that see may become blind.

³⁹Ug si Jesus miingon: Ako mianhi dinhi niining kalibutana sa paghukom, aron ang dili makakita, makakita; ug ang mga makakita, mangabuta.

⁴⁰Those of the Pharisees who were with him heard these things, and said unto him, Are we also blind?

⁴⁰Ug kini hingdunggan sa uban nga mga Fariseo nga didto uban kaniya, ug nanag-ingon kaniya: Kami mga buta ba usab?

⁴¹Jesus said unto them, If ye were blind, ye would have no sin: but now ye say, We see: your sin remaineth.

⁴¹Si Jesus miingon kanila: Kong kamo mga buta pa unta, wala kamo managpakasala; apan karon nanag-ingon kamo: Makakita kami; busa ang inyong sala nagapadayon.