¹And he looked up, and saw the rich men that were casting their gifts into the treasury.

¹Ug giyahat niya ang iyang mga mata, ug hingkit-an niya ang mga dato nga nagahulog sa ilang mga halad sa sudlanan sa salapi.

²And he saw a certain poor widow casting in thither two mites.

²Ug hingkit-an usab niya ang usa ka kabus nga babayeng balo, nga nagahulog didto ug duha ka diyut.

³And he said, Of a truth I say unto you, This poor widow cast in more than they all:

³Ug siya miingon: Sa pagkamatuod, nagaingon ako kaninyo nga kining kabus nga babayeng balo nagahulog ug labaw kay kanilang tanan.

⁴for all these did of their superfluity cast in unto the gifts; but she of her want did cast in all the living that she had.

⁴Kay kini silang tanan nanaghulog sa kapin sa ilang kaadunahan sa mga halad sa Dios, apan kini siya, sa iyang kakabus, nagahulog sa tibook niyang panginabuhi.

⁵And as some spake of the temple, how it was adorned with goodly stones and offerings, he said,

⁵Ug sa nanaghisgut ang uban nahatungod sa templo nga nadayandayanan sa mga maanindot nga mga bato, ug sa mga butang nga hinalad sa Dios, siya miingon:

⁶As for these things which ye behold, the days will come, in which there shall not be left here one stone upon another, that shall not be thrown down.

⁶Mahitungod niining mga butanga nga ginatan-aw ninyo, moabut ang mga adlaw nga walay mahibilin dinhi; nga bato sa ibabaw sa usa ka bato, nga dili pagatumpagon.

⁷And they asked him, saying, Teacher, when therefore shall these things be? and what [shall be] the sign when these things are about to come to pass?

⁷Ug sila nanagpangutana kaniya nga nagaingon: Magtutudlo, anus-a man diay kining mga butanga mahitabo? ug unsa man ang ilhanan kong magakahitabo na kining mga butanga?

⁸And he said, Take heed that ye be not led astray: for many shall come in my name, saying, I am [he]; and, The time is at hand: go ye not after them.

⁸Ug siya miingon: Magmatngon kamo nga dili kamo pagpasalaagon, kay daghan ang moanhi sa akong ngalan sa pag-ingon: Ako mao si Cristo, ug ang panahon haduol na. Dili kamo magsunod kanila.

⁹And when ye shall hear of wars and tumults, be not terrified: for these things must needs come to pass first; but the end is not immediately.

⁹Ug kong makadungog kamo mahatungod sa mga gubat ug mga kagubot, ayaw kamo kalisang; kay kinahanglan kining mga butanga mahitabo pag-una, apan dili moabut gilayon ang katapusan.

¹⁰Then said he unto them, Nation shall rise against nation, and kingdom against kingdom;

¹⁰Unya siya miingon kanila: Ang nasud motindog batok sa nasud, ug ang gingharian batok sa gingharian.

¹¹and there shall be great earthquakes, and in divers places famines and pestilences; and there shall be terrors and great signs from heaven.

¹¹Ug moabut ang makusog nga mga linog, ug sa nagkalainlaing mga dapit mga gutom ug mga kamatay; ug may mga makalilisang talan-awon ug mga dagkung ilhanan gikan sa langit.

¹²But before all these things, they shall lay their hands on you, and shall persecute you, delivering you up to the synagogues and prisons, bringing you before kings and governors for my name's sake.

¹²Apan sa dili pa kining mga butanga, kamo pagadakpon nila, ug pagalutoson kamo nga igatugyan sa mga sinagoga ug sa mga bilanggoan; ug pagadad-on kamo sa atubangan sa mga hari ug sa mga gobernador tungod sa akong ngalan.

¹³It shall turn out unto you for a testimony.

¹³Ug kini magapulos kaninyo ingon nga usa ka pagpamatuod.

¹⁴Settle it therefore in your hearts, not to meditate beforehand how to answer:

¹⁴Busa, ibutang ninyo kini sa inyong mga kasingkasing sa dili pagpalandung una kong unsa ang inyong igatubag.

¹⁵for I will give you a mouth and wisdom, which all your adversaries shall not be able to withstand or to gainsay.

¹⁵Kay ako magahatag kaninyo ug baba ug kaalam, nga ang tanan ninyong mga kaaway dili arang makasukol bisan makatubag.

¹⁶But ye shall be delivered up even by parents, and brethren, and kinsfolk, and friends; and [some] of you shall they cause to be put to death.

¹⁶Apan igatugyan kamo sa inyo gayud nga mga ginikanan, ug mga igsoon, ug mga kaubanan, ug mga abyan, ug igapapatay nila ang uban kaninyo.

¹⁷And ye shall be hated of all men for my name's sake.

¹⁷Ug pagadumtan kamo sa tanang mga tawo tungod sa akong ngalan.

¹⁸And not a hair of your head shall perish.

¹⁸Ug walay usa ka buhok sa inyong ulo nga mawala.

¹⁹In your patience ye shall win your souls.

¹⁹Sa inyong pagpailub, mabatonan ninyo ang inyong mga kalag.

²⁰But when ye see Jerusalem compassed with armies, then know that her desolation is at hand.

²⁰Apan kong makita ninyo ang Jerusalem, nga malikusan sa mga kasundalohan, masabut ninyo nga haduol na ang iyang pagkalaglag.

²¹Then let them that are in Judaea flee unto the mountains; and let them that are in the midst of her depart out; and let not them that are in the country enter therein.

²¹Unya pasagdi nga ang mga atua sa Judea mangalagiw ngadto sa mga bukid, ug pasagdi nga ang mga atua sa mga kinataliwad-an niya, manggula; ug ang mga atua sa kapatagan ayaw tugoti nga manulod didto.

²²For these are days of vengeance, that all things which are written may be fulfilled.

²²Kay kini mga adlaw sa pagpanimalus, aron ang tanang mga butang nga nahasulat mangatuman.

²³Woe unto them that are with child and to them that give suck in those days! for there shall be great distress upon the land, and wrath unto this people.

²³Alaut sila nga magamabdos ug sila nga magapasuso niadtong mga adlawa! kay moabut ang dakung kagul-anan sa ibabaw sa yuta ug ang kaligutgut niining katawohan.

²⁴And they shall fall by the edge of the sword, and shall be led captive into all the nations: and Jerusalem shall be trodden down of the Gentiles, until the times of the Gentiles be fulfilled.

²⁴Ug sila mangahulog sa sulab sa hinagiban, ug sila pagadad-on nga mga bihag ngadto sa tanang mga nasud; ug ang Jerusalem pagatamakan sa mga Gentil, hangtud nga matuman ang mga panahon sa mga Gentil.

²⁵And there shall be signs in sun and moon and stars; and upon the earth distress of nations, in perplexity for the roaring of the sea and the billows;

²⁵Ug aduna unyay mga ilhanan sa adlaw, ug sa bulan, ug sa mga bitoon, ug sa ibabaw sa yuta, kagul-anan sa mga nasud, ug kalibug tungod sa dinaguok sa dagat ug sa mga balud;

²⁶men fainting for fear, and for expectation of the things which are coming on the world: for the powers of the heavens shall be shaken.

²⁶Mga tawo mangaluya tungod sa kahadlok, ug tungod sa pagpaabut sa mga butang nga magakahitabo sa kalibutan, kay ang mga kagamhanan sa mga langit pagauyogon.

²⁷And then shall they see the Son of man coming in a cloud with power and great glory.

²⁷Ug unya makita nila ang Anak sa tawo nga moanhi sa usa ka panganod nga adunay dakung gahum ug himaya.

²⁸But when these things begin to come to pass, look up, and lift up your heads; because your redemption draweth nigh.

²⁸Apan kong kining mga butanga mosugod na sa pagkahitabo, humangad kamo, ug ituboy ang inyong mga ulo; kay ang inyong kaluwasan nagakahaduol na.

²⁹And he spake to them a parable: Behold the fig tree, and all the trees:

²⁹Ug siya nagsulti kanila sa usa ka sambingay: Tan-awa ninyo ang higuera ug ang tanang mga kahoy:

³⁰when they now shoot forth, ye see it and know of your own selves that the summer is now nigh.

³⁰Kong sila mosalingsing na, makita ninyo ug mahibaloan ninyo sa inyong kaugalingon nga haduol na ang tinghulaw.

³¹Even so ye also, when ye see these things coming to pass, know ye that the kingdom of God is nigh.

³¹Ingon man usab kamo, kong inyong makita nga nagakahatabo kining mga butanga, hibaloi ninyo nga haduol na ang gingharian sa Dios.

³²Verily I say unto you, This generation shall not pass away, till all things be accomplished.

³²Sa pagkamatuod, nagaingon ako kaninyo, nga dili moagi kini nga kaliwatan hangtud nga ang tanang mga butang mahitabo.

³³Heaven and earth shall pass away: but my words shall not pass away.

³³Ang langit ug ang yuta mahanaw, apan ang akong mga pulong dili mahanaw.

³⁴But take heed to yourselves, lest haply your hearts be overcharged with surfeiting, and drunkenness, and cares of this life, and that day come on you suddenly as a snare:

³⁴Apan magmatngon kamo sa inyong kaugalingon, tingali ang inyong mga kasingkasing matugob sa kaulit ug kahubog, ug sa mga pag-atiman niini nga kinabuhi, ug kadtong adlawa moabut kaninyo sa hinanali ingon sa usa ka lit-ag.

³⁵for [so] shall it come upon all them that dwell on the face of all the earth.

³⁵Kay sa ingon niini moabut kini sa tanan nga nagapuyo sa ibabaw sa tibook nga yuta.

³⁶But watch ye at every season, making supplication, that ye may prevail to escape all these things that shall come to pass, and to stand before the Son of man.

³⁶Apan managtukaw kamo sa tanang panahon, nga magapangamuyo, aron modaug kamo sa paglikay niining tanang mga butang nga mahitabo, ug sa pagtindog sa atubangan sa Anak sa tawo.

³⁷And every day he was teaching in the temple; and every night he went out, and lodged in the mount that is called Olivet.

³⁷Ug sa matag-adlaw nagapanudlo siya sa templo; ug sa matag-gabii mogula siya ug nagapahulay sa bukid nga ginganlan Olivo.

³⁸And all the people came early in the morning to him in the temple, to hear him.

³⁸Ug ang tanang katawohan midugok kaniya sa templo sayo sa kabuntagon aron sa pagpatalinghug kaniya.