¹The book of the generation of Jesus Christ, the son of David, the son of Abraham.

¹Ang basahon sa kagikanan ni Jesucristo, anak ni David, anak ni Abraham.

²Abraham begat Isaac; and Isaac begat Jacob; and Jacob begat Judah and his brethren;

²Si Abraham nanganak kang Isaac, ug si Isaac nanganak kang Jacob, ug si Jacob nanganak kang Juda ug sa mga igsoon niya;

³and Judah begat Perez and Zerah of Tamar; and Perez begat Hezron; and Hezron begat Ram;

³Ug kang Tamar si Juda nanganak kang Fares ug kang Zara, ug si Fares nanganak kang Esrom, ug si Esrom nanganak kang Aram;

⁴and Ram begat Amminadab; and Amminadab begat Nahshon; and Nahshon begat Salmon;

⁴Ug si Aram nanganak kang Aminadab, ug si Aminadab nanganak kang Nahason, ug si Nahason nanganak kang Salomon;

⁵and Salmon begat Boaz of Rahab; and Boaz begat Obed of Ruth; and Obed begat Jesse;

⁵Ug kang Rahab nanganak si Salomon kang Booz, ug kang Rut si Booz nanganak kang Obed, ug si Obed nanganak kang Isai;

⁶and Jesse begat David the king. And David begat Solomon of her [that had been the wife] of Uriah;

⁶Ug si Isai nanganak kang David nga hari, ug si David nga hari nanganak kang Salomon sa kanhi naasawa ni Urias;

⁷and Solomon begat Rehoboam; and Rehoboam begat Abijah; and Abijah begat Asa;

⁷Ug si Salomon nanganak kang Roboam, ug si Roboam nanganak kang Abia, ug si Abia nanganak kang Asa,

⁸and Asa begat Jehoshaphat; and Jehoshaphat begat Joram; and Joram begat Uzziah;

⁸Ug si Asa nanganak kang Josafat, ug si Josafat nanganak kang Joram, ug si Joram nanganak kang Ozias;

⁹and Uzziah begat Jotham; and Jotham begat Ahaz; and Ahaz begat Hezekiah;

⁹Ug si Ozias nanganak kang Joatam, ug si Joatam nanganak kang Acaz, ug si Acaz nanganak kang Ezequias;

¹⁰and Hezekiah begat Manasseh; and Manasseh begat Amon; and Amon begat Josiah;

¹⁰Ug si Ezequias nanganak kang Manases, ug si Manases nanganak kang Amos, ug si Amos nanganak kang Josias;

¹¹and Josiah begat Jechoniah and his brethren, at the time of the carrying away to Babylon.

¹¹Ug si Josias nanganak kang Jeconias ug sa mga igsoon niya sa panahon nga gibalhin sila ngadto sa Babilonia;

¹²And after the carrying away to Babylon, Jechoniah begat Shealtiel; and Shealtiel begat Zerubbabel;

¹²Ug sa human sa pagbalhin kanila ngadto sa Babilonia, si Jeconias nanganak kang Salatiel, ug si Salatiel nanganak kang Zorobabel;

¹³and Zerubbabel begat Abiud; and Abiud begat Eliakim; and Eliakim begat Azor;

¹³Ug si Zorobabel nanganak kang Abiud, ug si Abiud nanganak kang Eliaquim, ug si Eliaquim nanganak kang Azor;

¹⁴and Azor begat Sadoc; and Sadoc begat Achim; and Achim begat Eliud;

¹⁴Ug si Azor nanganak kang Sadoc, ug si Sadoc nanganak kang Aquim, ug si Aquim nanganak kang Eliud;

¹⁵and Eliud begat Eleazar; and Eleazar begat Matthan; and Matthan begat Jacob;

¹⁵Ug si Eliud nanganak kang Eleazar, ug si Eleazar nanganak kang Matan, ug si Matan nanganak kang Jacob;

¹⁶and Jacob begat Joseph the husband of Mary, of whom was born Jesus, who is called Christ.

¹⁶Ug si Jacob nanganak kang Jose, bana ni Maria, kang kinsa natawo si Jesus, ang ginganlan si Cristo.

¹⁷So all the generations from Abraham unto David are fourteen generations; and from David unto the carrying away to Babylon fourteen generations; and from the carrying away to Babylon unto the Christ fourteen generations.

¹⁷Busa ang tanan nga mga kaliwatan sukad kang Abraham hangtud kang David, may napulo ug upat ka kaliwatan; ug sukad kang David hangtud sa pagpabalhin kanila ngadto sa Babilonia, napulo ug upat ka kaliwatan; ug sukad sa pagpabalhin kanila ngadto sa Babilonia hangtud kang Cristo, napulo ug upat ka kaliwatan.

¹⁸Now the birth of Jesus Christ was on this wise: When his mother Mary had been betrothed to Joseph, before they came together she was found with child of the Holy Spirit.

¹⁸Karon ang pagkatawo ni Jesucristo ingon niini: Sa kaslonon pa ang iyang inahan nga si Maria kang Jose, sa wala pa sila managkatiayon, hingkaplagan siya nga nanamkon tungod sa Espiritu Santo.

¹⁹And Joseph her husband, being a righteous man, and not willing to make her a public example, was minded to put her away privily.

¹⁹Ug si Jose nga iyang pamanhonon, sanglit tawo nga matarung ug dili siya buot magapakaulaw kaniya, naghunahuna pagbiya kaniya sa tago.

²⁰But when he thought on these things, behold, an angel of the Lord appeared unto him in a dream, saying, Joseph, thou son of David, fear not to take unto thee Mary thy wife: for that which is conceived in her is of the Holy Spirit.

²⁰Ug sa nagapalandong siya niining mga butanga, ania karon, mipakita kaniya sa damgo usa ka manolonda sa Ginoo nga nagaingon: Jose, anak ni David, ayaw kahadlok pagdawat kang Maria nga imong pangasaw-onon, kay ang gipanamkon niya, iya sa Espiritu Santo.

²¹And she shall bring forth a son; and thou shalt call his name JESUS; for it is he that shall save his people from their sins.

²¹Ug siya magaanak ug usa ka anak nga lalake, ug pagatawgon mo ang iyang ngalan JESUS, kay siya magaluwas sa iyang lungsod gikan sa ilang mga sala.

²²Now all this is come to pass, that it might be fulfilled which was spoken by the Lord through the prophet, saying,

²²Ug ngatanan kini nanghitabo aron matuman ang gisulti sa Ginoo pinaagi sa manalagna, nga nagaingon:

²³Behold, the virgin shall be with child, and shall bring forth a son, And they shall call his name Immanuel; which is, being interpreted, God with us.

²³Ania karon, ang ulay magapanamkon. ug magaanak usa ka anak nga lalake, ug pagatawgon nila ang iyang ngalan Emmanuel, nga kong hubaron: Ang Dios kauban nato.

²⁴And Joseph arose from his sleep, and did as the angel of the Lord commanded him, and took unto him his wife;

²⁴Ug sa nahagmata si Jose gikan sa pagkatulog, gibuhat niya ang gisugo kaniya sa manolonda sa Ginoo, ug gidawat niya ang iyang pangasaw-onon.

²⁵and knew her not till she had brought forth a son: and he called his name JESUS.

²⁵Ug wala niya ilha siya nga asawa hangtud nga nagaanak sa iyang anak nga panganay, ug gitawag niya ang iyang ngalan JESUS.