¹Now when morning was come, all the chief priests and the elders of the people took counsel against Jesus to put him to death:

¹Ug sa pagbanagbanag sa kabuntagon, ang tanang mga punoan sa mga sacerdote ug ang mga anciano sa lungsod nanagsabut batok kang Jesus, aron sa pagpatay kaniya.

²and they bound him, and led him away, and delivered him up to Pilate the governor.

²Ug sa ilang gigapus siya, ilang gidala siya ug gitugyan kang Poncio Pilato nga gobernador.

³Then Judas, who betrayed him, when he saw that he was condemned, repented himself, and brought back the thirty pieces of silver to the chief priests and elders,

³Unya si Judas, ang nagtugyan kaniya, sa pagkakita niya nga gihukman si Jesus sa silot, nagbasul siya, ug giuli niya ang katloan ka book salapi sa mga punoan sa mga sacerdote ug sa mga anciano,

⁴saying, I have sinned in that I betrayed innocent blood. But they said, What is that to us? see thou [to it].

⁴Nga nagaingon: Nakasala ako sa pagtugyan ko sa dugo nga walay sala. Apan sila nag-ingon: Unsa may amo? ikaw ang mahibalo.

⁵And he cast down the pieces of silver into the sanctuary, and departed; and he went away and hanged himself.

⁵Ug sa gisalibay niya ang mga salapi sa templo, mipahawa siya; ug milakaw, ug nagbitay sa iyang kaugalingon.

⁶And the chief priests took the pieces of silver, and said, It is not lawful to put them into the treasury, since it is the price of blood.

⁶Ug sa gikuha sa mga punoan sa mga sacerdote ang mga salapi, nag-ingon: Supak sa balaod nga igaipon kini sa bahandi sa mga halad, kay bili sa dugo.

⁷And they took counsel, and bought with them the potter's field, to bury strangers in.

⁷Apan sa nagakasabut sila gipalit nila ang yuta sa magkokolon aron pagalubngan sa mga dumuloong.

⁸Wherefore that field was called, the field of blood, unto this day.

⁸Tungod niini kadtong yutaa ginganlan yuta sa dugo hangtud karong adlawa.

⁹Then was fulfilled that which was spoken through Jeremiah the prophet, saying, And they took the thirty pieces of silver, the price of him that was priced, whom [certain] of the children of Israel did price;

⁹Unya natuman ang gisulti pinaagi kang Jeremias nga manalagna, nga nagaingon: Ug gikuha nila ang katloan ka salapi, ang bili niya nga ilang gipabilihan, ang gibutangan ug bili sa pipila sa mga anak ni Israel.

¹⁰and they gave them for the potter's field, as the Lord appointed me.

¹⁰Ug ilang gibayad kanila alang sa yuta sa magkokolon, ingon sa gisugo kanako sa Ginoo.

¹¹Now Jesus stood before the governor: and the governor asked him, saying, Art thou the King of the Jews? And Jesus said unto him, Thou sayest.

¹¹Karon si Jesus nagatindog didto sa atubangan sa gobernador, ug gipangutana siya sa gobernador sa pag-ingon: Ikaw ba ang Hari sa mga Judio? Si Jesus miingon kaniya: Giingon mo.

¹²And when he was accused by the chief priests and elders, he answered nothing.

¹²Ug sa ginasumbong siya sa mga punoan sa mga sacerdote ug sa mga anciano, wala siya motubag.

¹³Then saith Pilate unto him, Hearest thou not how many things they witness against thee?

¹³Unya si Pilato miingon kaniya: Wala ba ikaw makadungog sa daghang mga butang nga ginapamatud-an nila batok kanimo?

¹⁴And he gave him no answer, not even to one word: insomuch that the governor marvelled greatly.

¹⁴Ug siya wala motubag kaniya bisan usa lamang ka pulong; nahibulong ug daku ang gobernador.

¹⁵Now at the feast the governor was wont to release unto the multitude one prisoner, whom they would.

¹⁵Karon adunay batasan ang gobernador sa pagbuhi alang sa katawohan usa ka binilanggo sa adlaw sa fiesta, kong kinsa ang buot nila nga buhian.

¹⁶And they had then a notable prisoner, called Barabbas.

¹⁶Ug unya may usa ka binilanggo nga bantug nga ginganlan si Barrabas.

¹⁷When therefore they were gathered together, Pilate said unto them, Whom will ye that I release unto you? Barabbas, or Jesus who is called Christ?

¹⁷Busa sa diha nga nanagkatigum na sila, miingon kanila si Pilato: Kinsa ba ang buot ninyo nga pagabuhian ko kaninyo, si Barrabas ba kun si Jesus, ang ginganlan si Cristo?

¹⁸For he knew that for envy they had delivered him up.

¹⁸Kay iyang hingbaloan nga tungod sa kasina ilang gitugyan siya.

¹⁹And while he was sitting on the judgment-seat, his wife sent unto him, saying, Have thou nothing to do with that righteous man; for I have suffered many things this day in a dream because of him.

¹⁹Ug samtang nagalingkod siya sa lingkoranan sa hukmanan, gipasugoan siya sa iyang asawa sa pag-ingon: Dili ka maghilabut nianang matarung, kay karong adlawa daghan ang giantus ko sa damgo tungod kaniya.

²⁰Now the chief priests and the elders persuaded the multitudes that they should ask for Barabbas, and destroy Jesus.

²⁰Karon, ang mga punoan sa mga sacerdote ug mga anciano nag-uloulo sa katawohan, aron pangayoon nila si Barrabas, ug pagalaglagon si Jesus.

²¹But the governor answered and said unto them, Which of the two will ye that I release unto you? And they said, Barabbas.

²¹Apan ang gobernador, sa mitubag kanila, miingon: Kinsa ba kanila nga duha ang buot ninyo nga ako kaninyong pagabuhian? Ug sila miingon: Si Barrabas!

²²Pilate saith unto them, What then shall I do unto Jesus who is called Christ? They all say, Let him be crucified.

²²Si Pilato nag-ingon kanila: Busa, unsa ba ang pagabuhaton ko kang Jesus, nga ginganlan si Cristo? Ang tanan nagaingon kaniya: Ilansang siya sa cruz!

²³And he said, Why, what evil hath he done? But they cried out exceedingly, saying, Let him be crucified.

²³Ug ang gobernador nag-ingon: Ngano, unsa ba ang kadautan nga gibuhat niya? Apan sila nanagsinggit pa gayud pag-ayo nga nagaingon: Ilansang siya sa cruz.

²⁴So when Pilate saw that he prevailed nothing, but rather that a tumult was arising, he took water, and washed his hands before the multitude, saying, I am innocent of the blood of this righteous man; see ye [to it].

²⁴Apan sa hingkit-an ni Pilato nga wala siyay dag-anan kondili nga nagadugang hinoon ang kasaba, mikuha siya sa tubig ug nanghunaw sa iyang mga kamot sa atubangan sa katawohan, nga nagaingon: Ako walay sala sa dugo niining matarung; kamo ang mahibalo.

²⁵And all the people answered and said, His blood [be] on us, and on our children.

²⁵Ug mitubag ang tanang katawohan ug miingon: Mahulog ang iyang dugo kanamo, ug sa among mga anak.

²⁶Then released he unto them Barabbas; but Jesus he scourged and delivered to be crucified.

²⁶Unya iyang gibuhian alang kanila si Barrabas; apan si Jesus iyang gihampak ug gitugyan aron igalansang sa cruz.

²⁷Then the soldiers of the governor took Jesus into the Praetorium, and gathered unto him the whole band.

²⁷Unya gidala si Jesus sa mga sundalo sa gobernador ngadto sa pretorio, ug gilikusan siya sa tibook nga pundok.

²⁸And they stripped him, and put on him a scarlet robe.

²⁸Ug gihuboan siya ug gisul-oban sa usa ka habol nga mapula.

²⁹And they platted a crown of thorns and put it upon his head, and a reed in his right hand; and they kneeled down before him, and mocked him, saying, Hail, King of the Jews!

²⁹Ug nanagsalapid sila ug usa ka purongpurong nga tonokon, ug gisul-ob nila sa iyang ulo, ug usa ka bagakay sa iyang kamot nga too; ug nagluhodluhod sila sa atubangan niya, nanagyubit kaniya, nga nagaingon: Maghimaya, hari sa mga Judio!

³⁰And they spat upon him, and took the reed and smote him on the head.

³⁰Ug ilang gilud-an siya, ug gikuha nila ang bagakay ug gibunalan siya sa iyang ulo.

³¹And when they had mocked him, they took off from him the robe, and put on him his garments, and led him away to crucify him.

³¹Ug siya sa human nila bugalbugali, ilang gihuboan siya sa kupo, ug gisul-oban sa iyang kaugalingong mga saput, ug gidala siya aron igalansang sa cruz.

³²And as they came out, they found a man of Cyrene, Simon by name: him they compelled to go [with them], that he might bear his cross.

³²Ug sa minggula sila sa lungsod, hingsugatan nila ang usa ka taga-Cirene, nga ginganlan si Simon, ug kini gipugos nila aron magapas-an sa cruz niya.

³³And they were come unto a place called Golgotha, that is to say, The place of a skull,

³³Ug sa ming-abut sila sa usa ka dapit nga ginganlan, Golgota, nga kong hubaron, dapit sa usa ka bagolbagol,

³⁴they gave him wine to drink mingled with gall: and when he had tasted it, he would not drink.

³⁴Ilang gipainum siya sa suka nga sinaktan sa apdo; ug sa hingtilawan niya wala siya mobuot pag-inum.

³⁵And when they had crucified him, they parted his garments among them, casting lots;

³⁵Ug unya sa ilang nalansang siya sa cruz, ilang gipanagbahinbahin ang iyang mga saput, pinaagi sa rifa, aron matuman ang giingon sa mga manalagna: Ilang gipanagbahinbahin kanila ang akong mga saput, pinaagi sa rifa.

³⁶and they sat and watched him there.

³⁶Ug nanglingkod sila ug nagbantay kaniya didto.

³⁷And they set up over his head his accusation written, THIS IS JESUS THE KING OF THE JEWS.

³⁷Ug gibutang nila sa ibabaw sa iyang ulo ang ilang sumbong nga nahasulat: KINI MAO SI JESUS, ANG HARI SA MGA JUDIO.

³⁸Then are there crucified with him two robbers, one on the right hand and one on the left.

³⁸Unya gilansang nila sa cruz uban kaniya ang duha ka tulisan, ang usa sa too ug ang usa sa wala.

³⁹And they that passed by railed on him, wagging their heads,

³⁹Ug ang mga nanagpanlabay didto nanagpasipala kaniya ug nagyangoyango sa ilang mga ulo.

⁴⁰and saying, Thou that destroyest the temple, and buildest it in three days, save thyself: if thou art the Son of God, come down from the cross.

⁴⁰Ug nanag-ingon: Ikaw nga magaguba sa templo, ug magapatindog kaniya sa ikatolo ka adlaw, magluwas ka sa imong kaugalingon. Kong ikaw mao ang Anak sa Dios, manaug ka sa cruz.

⁴¹In like manner also the chief priests mocking [him], with the scribes and elders, said,

⁴¹Ug sa mao usab nga pagkaagi nanagbiaybiay kaniya ang mga punoan sa mga sacerdote, kauban sa mga escriba ug mga anciano, nga nagaingon:

⁴²He saved others; himself he cannot save. He is the King of Israel; let him now come down from the cross, and we will believe on him.

⁴²Sa uban nagluwas siya, sa iyang kaugalingon dili arang makaluwas. Kong siya mao ang hari sa Israel, manaug siya karon sa cruz, ug motoo kita kaniya.

⁴³He trusteth on God; let him deliver him now, if he desireth him: for he said, I am the Son of God.

⁴³Nagasalig siya sa Dios. Luwason karon niya siya, kong iyang nahamut-an siya, kay siya nag-ingon: Ako Anak sa Dios.

⁴⁴And the robbers also that were crucified with him cast upon him the same reproach.

⁴⁴Ug sa mao nga pagkaagi gipasipalahan usab siya sa mga tulisan nga gilansang sa cruz uban kaniya.

⁴⁵Now from the sixth hour there was darkness over all the land until the ninth hour.

⁴⁵Ug sukad sa ikaunom ka takna miabut ang kangitngit sa tibook nga yuta hangtud sa ikasiyam ka takna.

⁴⁶And about the ninth hour Jesus cried with a loud voice, saying, Eli, Eli, lama sabachthani? that is, My God, my God, why hast thou forsaken me?

⁴⁶Ug sa haduol na ang ikasiyam ka takna, misinggit si Jesus sa usa ka makusog nga tingog nga nagaingon: Eloi, Eloi, lama sabactani? Nga kong hubaron: Dios ko, Dios ko, nganong gibiyaan mo ako?

⁴⁷And some of them stood there, when they heard it, said, This man calleth Elijah.

⁴⁷Ug ang uban sa mga nagatindog didto, sa pagkadungog nila, nanag-ingon: Kini nagatawag kang Elias.

⁴⁸And straightway one of them ran, and took a sponge, and filled it with vinegar, and put it on a reed, and gave him to drink.

⁴⁸Ug gilayon midalagan ang usa kanila, ug mikuha ug usa ka esponja, ug gihumod kini sa suka, ug sa gitaud sa usa ka tukon, gipainum kaniya.

⁴⁹And the rest said, Let be; let us see whether Elijah cometh to save him.

⁴⁹Apan ang uban nanag-ingon: Pasagdi, tan-awon ta kong moanhi ba si Elias sa pagluwas kaniya.

⁵⁰And Jesus cried again with a loud voice, and yielded up his spirit.

⁵⁰Ug si Jesus misinggit pag-usab sa makusog nga tingog ug nagtugyan sa iyang espiritu.

⁵¹And behold, the veil of the temple was rent in two from the top to the bottom; and the earth did quake; and the rocks were rent;

⁵¹Ug ania karon ang tabil sa templo napikas gikan sa ibabaw hangtud sa ubos, ug ang yuta nauyog, ug nangabuak ang mga batong bantilis.

⁵²and the tombs were opened; and many bodies of the saints that had fallen asleep were raised;

⁵²Ug nangaukab ang mga lubnganan, ug daghan nga lawas sa mga balaan nga nangatulog, nangabanhaw.

⁵³and coming forth out of the tombs after his resurrection they entered into the holy city and appeared unto many.

⁵³Ug sa nanggula sa mga lubnganan, sa tapus sa iyang pagkabanhaw, nangadto sila sa ciudad nga balaan, ug nanagpakita sa daghan.

⁵⁴Now the centurion, and they that were with him watching Jesus, when they saw the earthquake, and the things that were done, feared exceedingly, saying, Truly this was the Son of God.

⁵⁴Ug ang centurion ug ang mga kauban niya didto sa pagbantay kang Jesus, sa nasud-ong nila ang linog ug ang mga butang nga nagakahatabo, nangahadlok sila pag-ayo nga nagaingon: Matuod gayud nga kini mao ang Anak sa Dios.

⁵⁵And many women were there beholding from afar, who had followed Jesus from Galilee, ministering unto him:

⁵⁵Ug didto nagatan-aw sa halayo ang daghang mga babaye nga nanagsunod kang Jesus sukad sa Galilea sa pag-alagad kaniya.

⁵⁶among whom was Mary Magdalene, and Mary the mother of James and Joses, and the mother of the sons of Zebedee.

⁵⁶Ang uban kanila mao si Maria Magdalena ug si Maria nga inahan ni Jacobo ug ni Jose, ug ang inahan sa mga anak ni Zebedeo.

⁵⁷And when even was come, there came a rich man from Arimathaea, named Joseph, who also himself was Jesus' disciple:

⁵⁷Ug sa pagkahapon, miabut ang usa ka tawong dato nga gikan sa Arimatea, nga ginganlan si Jose, tinon-an usab ni Jesus.

⁵⁸this man went to Pilate, and asked for the body of Jesus. Then Pilate commanded it to be given up.

⁵⁸Kini miadto kang Pilato ug gipangayo niya ang lawas ni Jesus. Unya si Pilato nagsugo nga ihatag kaniya ang lawas.

⁵⁹And Joseph took the body, and wrapped it in a clean linen cloth,

⁵⁹Ug sa gikuha ni Jose ang lawas, giputos niya sa usa ka mahinlo nga panaptong lino.

⁶⁰and laid it in his own new tomb, which he had hewn out in the rock: and he rolled a great stone to the door of the tomb, and departed.

⁶⁰Ug gibutang niya sa kaugalingon niyang lubnganan nga bag-o, nga kinalot niya sa bato nga bantilis. Ug gipaligid niya ang usa ka dakung bato paingon sa pultahan sa lubnganan ug milakaw siya.

⁶¹And Mary Magdalene was there, and the other Mary, sitting over against the sepulchre.

⁶¹Ug didto si Maria Magdalena ug ang usa ka Maria nanaglingkod sa atbang sa lubnganan.

⁶²Now on the morrow, which is [the day] after the Preparation, the chief priests and the Pharisees were gathered together unto Pilate,

⁶²Karon, sa pagkaugma nga mao ang adlaw nga sunod sa adlaw sa pangandam, ang mga punoan sa mga sacerdote, ug ang mga Fariseo nanagtingub ngadto kang Pilato,

⁶³saying, Sir, we remember that that deceiver said while he was yet alive, After three days I rise again.

⁶³Sa pag-ingon: Ginoo, nahinumdum kami nga kadtong malimbongon sa buhi pa, nag-ingon: Sa human sa tolo ka adlaw mabanhaw ako.

⁶⁴Command therefore that the sepulchre be made sure until the third day, lest haply his disciples come and steal him away, and say unto the people, He is risen from the dead: and the last error will be worse than the first.

⁶⁴Busa, magsugo ka nga lig-onon ang lubnganan hangtud sa ikatolo ka adlaw, tingali kong moanhi ang iyang mga tinon-an sa kagabhion ug ilang pagakawaton siya ug manag-ingon sila sa lungsod: Nabanhaw siya gikan sa mga minatay, ug ang naulahi nga kasaypanan magalabi pa kadautan kay sa nahauna.

⁶⁵Pilate said unto them, Ye have a guard: go, make it [as] sure as ye can.

⁶⁵Si Pilato miingon kanila: Anaay mga bantay; adtoa ninyo, lig-ona pag-ayo kutob sa inyong mahimo.

⁶⁶So they went, and made the sepulchre sure, sealing the stone, the guard being with them.

⁶⁶Mao nga giadto nila, ug gilig-on pag-ayo ang lubnganan, nga gipatikan ang bato, ang mga bantay uban kanila.