¹Paul and Timothy, servants of Christ Jesus, to all the saints in Christ Jesus that are at Philippi, with the bishops and deacons:

¹Si Pablo ug si Timoteo, mga ulipon ni Cristo Jesus, alang sa tanang mga balaan diha kang Cristo Jesus nga anaa sa Filipos, uban sa mga obispo ug sa mga diacono:

²Grace to you and peace from God our Father and the Lord Jesus Christ.

²Kaninyo ang gracia ug ang pakigdait nga gikan sa Dios nga atong Amahan, ug sa Ginoong Jesucristo.

³I thank my God upon all my remembrance of you,

³Nagapasalamat ako sa akong Dios sa tanan ko nga paghinumdum kaninyo,

⁴always in every supplication of mine on behalf of you all making my supplication with joy,

⁴Nga sa kanunay sa tanan ko nga mga pagpangaliyupo alang kaninyong tanan, gibuhat ko ang pagpangaliyupo nga may kalipay,

⁵for your fellowship in furtherance of the gospel from the first day until now;

⁵Alang sa inyong pakig-ambit sa pagpakaylap sa Maayong Balita sukad sa nahaunang adlaw hangtud karon,

⁶being confident of this very thing, that he who began a good work in you will perfect it until the day of Jesus Christ:

⁶Nga nagasalig niining butanga gayud, nga ang nagsugod ug maayong buhat diha kaninyo magahingpit niana hangtud sa adlaw ni Jesucristo:

⁷even as it is right for me to be thus minded on behalf of you all, because I have you in my heart, inasmuch as, both in my bonds and in the defence and confirmation of the gospel, ye all are partakers with me of grace.

⁷Ingon nga matarung alang kanako ang paghunahuna sa ingon alang kaninyong tanan, kay ania kamo sa akong kasingkasing; sanglit sa akong mga gapus, ug sa akong paglaban ug pagpalig-on sa Maayong Balita, kamo nga tanan mga umalambit kanako sa gracia.

⁸For God is my witness, how I long after you all in the tender mercies of Christ Jesus.

⁸Kay ang Dios mao ang akong saksi kong unsa ang akong pagpangandoy alang kaninyong tanan sa mga malolot nga kalooy ni Jesucristo.

⁹And this I pray, that your love may abound yet more and more in knowledge and all discernment;

⁹Ug kini ang ginaampo ko, nga ang inyong gugma magatubo, ug labi pa gayud sa kaalam ug sa tanan nga pagsabut.

¹⁰so that ye may approve the things that are excellent; that ye may be sincere and void of offence unto the day of Christ;

¹⁰Aron mauyonan ninyo ang mga butang nga labing maayo; aron kamo magminatud-on ug walay kalapasan hangtud sa adlaw ni Cristo;

¹¹being filled with the fruits of righteousness, which are through Jesus Christ, unto the glory and praise of God.

¹¹Sanglit puno sa mga bunga sa pagkamatarung, nga pinaagi kang Jesucristo ngadto sa himaya ug pagdayeg sa Dios.

¹²Now I would have you know, brethren, that the things [which happened] unto me have fallen out rather unto the progress of the gospel;

¹²Karon buot ko, mga igsoon, nga inyong hibaloan nga ang mga butang nga nagpanghinabo kanako nahitabo alang hinoon sa kauswagan sa Maayong Balita.

¹³so that my bonds became manifest in Christ throughout the whole praetorian guard, and to all the rest;

¹³Sa ingon niana ang akong mga gapus nahimong dayag diha kang Cristo sa tibook nga kasundalohan nga bantay sa pretorio ug sa uban pa:

¹⁴and that most of the brethren in the Lord, being confident through my bonds, are more abundantly bold to speak the word of God without fear.

¹⁴Ug nga ang kadaghanan sa mga igsoon sa Ginoo, sanglit masaligon tungod sa akong mga gapus, labi pang mga maisugon sa pagsulti sa pulong sa Dios sa walay kahadlok.

¹⁵Some indeed preach Christ even of envy and strife; and some also of good will:

¹⁵Ang uban, sa pagkamatuod, naga-wali kang Cristo bisan tungod sa kasina ug sa pagkalalis, ug ang uban usab tungod sa maayong kabubut-on:

¹⁶the one [do it] of love, knowing that I am set for the defence of the gospel;

¹⁶Ang uban nagabuhat niini tungod sa gugma, sa hingbaloan nga ako gi-butang alang sa paglaban sa Maayong Balita;

¹⁷but the other proclaim Christ of faction, not sincerely, thinking to raise up affliction for me in my bonds.

¹⁷Apan ang uban, tungod sa pagkabahinbahin, nagamantala kang Cristo, sa walay putli nga tuyo, nga nagahunahuna sa pagdugang sa kasakit alang kanato sa akong mga gapus.

¹⁸What then? only that in every way, whether in pretence or in truth, Christ is proclaimed; and therein I rejoice, yea, and will rejoice.

¹⁸Busa, unsa man diay? Mao lamang kini, sa tanan nga paagi, nga bisan sa pamalibad, bisan sa kamatuoran gimantala si Cristo, ug tungod niini nalipay ako, oo, ug magalipay gayud.

¹⁹For I know that this shall turn out to my salvation, through your supplication and the supply of the Spirit of Jesus Christ,

¹⁹Kay hingbaloan ko nga kini mo-sangput sa akong kaluwasan pinaagi sa inyong pagpangaliyupo, ug sa paghatag sa Espiritu ni Jesucristo,

²⁰according to my earnest expectation and hope, that in nothing shall I be put to shame, but [that] with all boldness, as always, [so] now also Christ shall be magnified in my body, whether by life, or by death.

²⁰Sumala sa akong buhi nga pag-pangandoy ug paglaum, nga sa bisan unsa dili ako mapakaulawan, kondili nga uban sa bug-os nga pagkamaisugon, ingon sa gihapon, mao usab karon, si Cristo pagapakadakuon sa akong lawas, bisan pinaagi sa kinabuhi, kun pinaagi sa kamatayon.

²¹For to me to live is Christ, and to die is gain.

²¹Kay alang kanako ang pagkinabuhi mao si Cristo; ug ang pagkamatay mao ang pagdaug.

²²But if to live in the flesh, --[if] this shall bring fruit from my work, then what I shall choose I know not.

²²Apan kong ang pagkinabuhi sa unod maoy bahin ko, kong kini maga-bunga gikan sa akong buhat, nan ang akong pagapilion wala ko pa hibaloi.

²³But I am in a strait betwixt the two, having the desire to depart and be with Christ; for it is very far better:

²³Apan anaa ako sa taliwala sa duha, nga may tinguha sa paggikan ug pagpakig-uban kang Cristo, kay kini mao ang labi pa gayud nga maayo;

²⁴yet to abide in the flesh is more needful for your sake.

²⁴Bisan pa ang pagpabilin sa unod labing gikinahanglan tungod kaninyo.

²⁵And having this confidence, I know that I shall abide, yea, and abide with you all, for your progress and joy in the faith;

²⁵Ug sa pagbaton ko niini nga pagsalig, nahibalo ako nga ako magapabilin, oo, magapabilin ako uban kaninyong tanan, alang sa inyong kauswagan ug kalipay nga sa pagtoo;

²⁶that your glorying may abound in Christ Jesus in me through my presence with you again.

²⁶Aron ang inyong paghimaya modagaya diha kang Cristo Jesus dinhi kanako tungod sa akong pag-anha pag-usab kaninyo.

²⁷Only let your manner of life be worthy of the gospel of Christ: that, whether I come and see you and be absent, I may hear of your state, that ye stand fast in one spirit, with one soul striving for the faith of the gospel;

²⁷Ngani ang inyong paagi sa kinabuhi himoa nga takus sa Maayong Balita ni Cristo, aron nga bisan moanha ako ug magasud-ong kaninyo, kun bisan wala ako dinha, makadungog ako mahitungod sa inyong kahimtang, nga nagamalig-on kamo sa usa ka espiritu, uban sa usa ka kalag nga nagpakigbisug alang sa pagtoo sa Maayong Balita;

²⁸and in nothing affrighted by the adversaries: which is for them an evident token of perdition, but of your salvation, and that from God;

²⁸Ug sa bisan unsang butang dili magpahadlok sa mga kaaway, nga alang kanila mao ang matin-aw nga timaan sa pagkawala, apan kaninyo, timaan sa kaluwasan; ug nga kana gikan sa Dios.

²⁹because to you it hath been granted in the behalf of Christ, not only to believe on him, but also to suffer in his behalf:

²⁹Kay kaninyo kini ginatugot tungod kang Cristo, dili lamang ang pagtoo kaniya, kondili usab ang pag-antus tungod kaniya;

³⁰having the same conflict which ye saw in me, and now hear to be in me.

³⁰Nga nagabaton kamo sa sama nga pakigbisug nga inyong nakita kanako, ug karon inyong nadungog nga ania kanako.