¹Wherefore, my brethren beloved and longed for, my joy and crown, so stand fast in the Lord, my beloved.

¹Busa, mga igsoon ko nga hinigugma ug hinandum, akong kalipay ug purong-purong, sa ingon niini magmalig-on kamo sa Ginoo, mga hinigugma ko.

²I exhort Euodia, and I exhort Syntyche, to be of the same mind in the Lord.

²Nagatambag ako kang Euodia, ug nagatambag ako kang Syntyche, aron magausa sila ka hunahuna diha sa Ginoo.

³Yea, I beseech thee also, true yokefellow, help these women, for they labored with me in the gospel, with Clement also, and the rest of my fellow-workers, whose names are in the book of life.

³Ingon usab, nangamuyo ako kanimo, matinumanon nga kauban ko sa yugo, tabangi kining mga babaye, kay sila nanaghago uban kanako sa Maayong Balita, uban kang Clemente usab, ug sa uban ko nga mga masigkatabang, kang kansang mga ngalan anaa sa basahon sa kinabuhi.

⁴Rejoice in the Lord always: again I will say, Rejoice.

⁴Managkalipay kamo sa Ginoo kanunay; magaingon ako pag-usab, managkalipay kamo.

⁵Let your forbearance be known unto all men. The Lord is at hand.

⁵Ang tanan ninyong kalomo ipaila sa tanang mga tawo. ang Ginoo haduol na.

⁶In nothing be anxious; but in everything by prayer and supplication with thanksgiving let your requests be made known unto God.

⁶Dili kamo managkaguol sa bisan unsa; kondili sa tanan pinaagi sa pag-ampo ug sa pagpangaliyupo nga may pagpasalamat ipahibalo ninyo sa Dios ang tanan ninyong mga pangayo.

⁷And the peace of God, which passeth all understanding, shall guard your hearts and your thoughts in Christ Jesus.

⁷Ug ang pakigdait sa Dios nga labaw sa tanang pagsabut magabantay sa inyong mga kasingkasing ug sa inyong mga hunahuna diha kang Cristo Jesus.

⁸Finally, brethren, whatsoever things are true, whatsoever things are honorable, whatsoever things are just, whatsoever things are pure, whatsoever things are lovely, whatsoever things are of good report; if there be any virtue, and if there be any praise, think on these things.

⁸Sa katapusan, mga igsoon, bisan unsang mga butang matuod, bisan unsang mga butang dungganon, bisan unsang mga butang matarung, bisan unsang mga butang putli, bisan unsang mga butang hiligugmaon, bisan unsang mga butang nga may maayong kadungganan, kong adunay diosnong gahum, ug kong adunay pagdayeg, hunahunaa kining mga butanga.

⁹The things which ye both learned and received and heard and saw in me, these things do: and the God of peace shall be with you.

⁹Ang mga butang nga inyong giton-an ug inyong nadawat ug inyong hidunggan ug inyong nakita kanako, buhaton ninyo kining mga butanga, ug ang Dios sa pakigdait magauban kaninyo.

¹⁰But I rejoice in the Lord greatly, that now at length ye have revived your thought for me; wherein ye did indeed take thought, but ye lacked opportunity.

¹⁰Apan nalipay ako ug daku gayud sa Ginoo, nga sa katapusan nabag-o ang inyong paghandum kanako; sa pagkamatuod nagatagad kamo kanako, apan nakulangan kamo sa higayon.

¹¹Not that I speak in respect of want: for I have learned, in whatsoever state I am, therein to be content.

¹¹Dili tungod kay nagasulti ako mahitungod sa kawalad-on, kay nakakat-on ako sa pagpaayon sa bisan unsang kahimtang nga akong nahamutangan.

¹²I know how to be abased, and I know also how to abound: in everything and in all things have I learned the secret both to be filled and to be hungry, both to abound and to be in want.

¹²Mahibalo ako kong unsaon sa pagkinabuhi nga makalolooy, ug mahibalo usab ako kong unsaon sa paghinabuhi nga madagayaon sa tagsatagsa ka butang ug sa tanang mga butang nakakat-on ako sa tinagoan sa pagkabusog ug sa pagkagutom, sa pagkadagaya ug sa kawad-on usab.

¹³I can do all things in him that strengtheneth me.

¹³Mahimo ko ang tanang mga butang diha kaniya nga nagapalig-on kanako.

¹⁴Howbeit ye did well that ye had fellowship with my affliction.

¹⁴Walay sapayan, maayo ang inyong gibuhat nga nagpakig-ambit kamo sa akong kagul-anan.

¹⁵And ye yourselves also know, ye Philippians, that in the beginning of the gospel, when I departed from Macedonia, no church had fellowship with me in the matter of giving and receiving but ye only;

¹⁵Ug hingbaloan usab ninyo, mga taga-Filipos, nga sa sinugdan sa Maayong Balita, sa paggikan ko sa Macedonia, walay iglesia nga nagpakig-ambit kanako bahin sa paghatag ug sa pagdawat, kondili kamo lamang;

¹⁶for even in Thessalonica ye sent once and again unto my need.

¹⁶Kay bisan pa sa Tesalonica, inyo akong gipadad-an sa makausa ug unya miusab pa gayud kamo alang sa akong mga gikinahanglan.

¹⁷Not that I seek for the gift; but I seek for the fruit that increaseth to your account.

¹⁷Dili kay nagapangita ako sa hatag, kondili nagapangita ako sa bunga nga nagadaghan alang kaninyo.

¹⁸But I have all things, and abound: I am filled, having received from Epaphroditus the things [that came] from you, and odor of a sweet smell, a sacrifice acceptable, well-pleasing to God.

¹⁸Apan ania na kanako ang tanan, ug may kadagaya ako; puno na ako, sanglit nadawat ko gikan kang Epafrodito ang mga butang nga gikan kaninyo, usa ka amyon nga mahumot, usa ka halad nga angay dawaton, nga makapahimuot sa Dios.

¹⁹And my God shall supply every need of yours according to his riches in glory in Christ Jesus.

¹⁹Ug ang akong Dios magahatag sa tanan ninyong mga kinahanglanon sumala sa iyang mga bahandi sa himaya diha kang Cristo Jesus.

²⁰Now unto our God and Father [be] the glory for ever and ever. Amen.

²⁰Karon sa along Dios ug Amahan, ang himaya nga walay katapusan. Amen.

²¹Salute every saint in Christ Jesus. The brethren that are with me salute you.

²¹Pangumostaha ninyo ang tagsatagsa ka balaan kang Cristo Jesus. Ang mga igsoon nga diha uban kanako nagapangumosta kaninyo.

²²All the saints salute you, especially they that are of Caesar's household.

²²Ang tanang mga balaan nagapangumosta kaninyo, labina gayud sila nga sa panimalay ni Cesar.

²³The grace of the Lord Jesus Christ be with your spirit.

²³Ang gracia sa Ginoong Jesucristo magauban sa inyong espiritu.