¹Paul, a prisoner of Christ Jesus, and Timothy our brother, to Philemon our beloved and fellow-worker,

¹Si Pablo, nga binilanggo ni Cristo Jesus, ug si Timoteo nga atong igsoon, alang kang Filemon nga hinigugma ug among katabang;

²and to Apphia our sister, and to Archippus our fellow-soldier, and to the church in thy house:

²Ug kang Apphia nga atong igsoong babaye ug kang Archipo, nga among masigkasundalo, ug sa iglesia diha sa imong balay:

³Grace to you and peace from God our Father and the Lord Jesus Christ.

³Ang gracia kaninyo, ug ang pakigdait nga gikan sa Dios nga atong Amahan, ug sa Ginoong Jesucristo.

⁴I thank my God always, making mention of thee in my prayers,

⁴Ako nagapasalamat gihapon sa akong Dios, nga nagahisgut mahitungod kanimo sa akong mga pag-ampo,

⁵hearing of thy love, and of the faith which thou hast toward the Lord Jesus, and toward all the saints;

⁵Nga nakadungog mahitungod sa imong gugma ug sa imong pagtoo nga nabatonan mo diha sa Ginoong Jesus ug sa tanang mga balaan;

⁶that the fellowship of thy faith may become effectual, in the knowledge of every good thing which is in you, unto Christ.

⁶Aron ang imong pagpakig-ambit sa pagtoo magmabungaon sa pag-ila sa tanang maayong butang, nga anaa kaninyo, ngadto kang Cristo.

⁷For I had much joy and comfort in thy love, because the hearts of the saints have been refreshed through thee, brother.

⁷Kay daku ang akong kahinangup ug pagkalipay diha sa imong gugma; kay, igsoon, ang kasingkasing sa mga balaan nabag-o tungod kanimo.

⁸Wherefore, though I have all boldness in Christ to enjoin thee that which is befitting,

⁸Tungod niini, bisan ako adunay daku nga kaisug diha kang Cristo sa pagsugo kanimo niadtong angay,

⁹yet for love's sake I rather beseech, being such a one as Paul the aged, and now a prisoner also of Christ Jesus:

⁹Walay sapayan, tungod sa gugma ako nagapangamuyo hinoon kanimo, ingon nga mao ako si Pablo, nga tigulang, ug karon binilanggo usab ni Cristo Jesus;

¹⁰I beseech thee for my child, whom I have begotten in my bonds, Onesimus,

¹⁰Mangamuyo ako kanimo alang sa akong anak nga si Onesimo, nga gipanganak ko sa akong mga gapus,

¹¹who once was unprofitable to thee, but now is profitable to thee and to me:

¹¹Nga siya sa lain nga panahon wala ing kapuslanan kanimo, apan karon adunay kapuslanan kanimo ug kanako:

¹²whom I have sent back to thee in his own person, that is, my very heart:

¹²Nga gipapauli ko siya nganha kanimo sa iyang kaugalingon gayud, kana siya mao ang akong kaugalingon nga kasingkasing.

¹³whom I would fain have kept with me, that in thy behalf he might minister unto me in the bonds of the gospel:

¹³Ako mahagugma unta nga maghawid kaniya uban kanako, aron unta sa imong dapit, siya mag-alagad kanako diha sa mga gapus sa Maayong Balita;

¹⁴but without thy mind I would do nothing; that thy goodness should not be as of necessity, but of free will.

¹⁴Apan gawas sa imong pagtugot dili ako buot magbuhat sa bisan unsa, aron ang imong kaayo dili pag-ingon nga daw gikinahanglan, kondili sa kinabubut-on lamang.

¹⁵For perhaps he was therefore parted [from thee] for a season, that thou shouldest have him for ever;

¹⁵Kay tingali tungod niini nahibulag siya sa makadiyut gikan kanimo, aron sa gihapon pagadawaton mo siya;

¹⁶no longer as a servant, but more than a servant, a brother beloved, specially to me, but how much rather to thee, both in the flesh and in the Lord.

¹⁶Dili na ingon nga ulipon, kondili labaw na sa usa ka ulipon, usa ka igsoong hinigugma, labi na gayud hinoon kanako, apan daw unsa pa gayud kanimo diha sa unod ug sa Ginoo usab.

¹⁷If then thou countest me a partner, receive him as myself.

¹⁷Busa, kong ikaw nagaisip kanako nga umalambit, dawata siya ingon sa akong kaugalingon.

¹⁸But if he hath wronged the at all, or oweth [thee] aught, put that to mine account;

¹⁸Ug kong nakabuhat siya kanimo sa unsa nga among-among, kun may utang kanimo, kini isipa nga akong utang.

¹⁹I Paul write it with mine own hand, I will repay it: that I say not unto thee that thou owest to me even thine own self besides.

¹⁹Ako, si Pablo nagatimaan niana sa akong kaugalingon nga kamot; akoy magabayad niana: nga ako magaingon kanimo nga bisan ikaw sa imong kaugalingong kalag utangan kanako.

²⁰Yea, brother, let me have joy of thee in the Lord: refresh my heart in Christ.

²⁰Oo, igsoon, hatagi ako ug kalipay kanimo diha sa Ginoo. Bag-oha ang akong kasingkasing diha kang Cristo.

²¹Having confidence in thine obedience I write unto thee, knowing that thou wilt do even beyond what I say.

²¹Nagsulat ako kanimo, nga may pagsalig sa imong pagkamatinumanon, sa hingbaloan ko nga pagabuhaton mo bisan pa ang labaw sa ginaingon ko.

²²But withal prepare me also a lodging: for I hope that through your prayers I shall be granted unto you.

²²Apan labut pa niining tanan, maghikay ka usab ug usa ka abutanan alang kanako, kay nagalaum ako nga pinaagi sa inyong pag-ampo tugotan ako sa pag-anha kaninyo.

²³Epaphras, my fellow-prisoner in Christ Jesus, saluteth thee;

²³Nangumosta kanimo si Epafras, nga akong isigkabinilanggo kang Cristo Jesus.

²⁴[and so do] Mark, Aristarchus, Demas, Luke, my fellow-workers.

²⁴Ingon usab si Marcos, si Aristarco, si Demas, si Lucas, nga akong mga katabang.

²⁵The grace of our Lord Jesus Christ be with your spirit. Amen.

²⁵Ang gracia sa atong Ginoong Jesucristo magauban sa inyong espiritu. Amen.