¹[A Psalm] of David. Blessed be Jehovah my rock, Who teacheth my hands to war, [And] my fingers to fight:

¹Dalayegon si Jehova nga akong bato, Nga nagatudlo sa akong mga kamot sa pagpakiggubat, Ug sa akong mga tudlo sa pagpakig-away:

²My lovingkindness, and my fortress, My high tower, and my deliverer; My shield, and he in whom I take refuge; Who subdueth my people under me.

²Ang mahigugmaong-kalolot ko, ug ang akong kuta, Ang hataas ko nga torre, ug akong magbabawi; Ang akong taming, ug siya nga mao ang akong gidangpan; Ang nakadaug sa akong katawohan sa ilalum ko.

³Jehovah, what is man, that thou takest knowledge of him? Or the son of man, that thou makest account of him?

³Oh Jehova, unsa ba ang tawo, nga ikaw nagmatinagdanon man kaniya? Kun ang anak sa tawo, nga ikaw nagpamalandong man kaniya?

⁴Man is like to vanity: His days are as a shadow that passeth away.

⁴Ang tawo sama sa kakawangan: Ang iyang mga adlaw molabay lamang ingon sa anino.

⁵Bow thy heavens, O Jehovah, and come down: Touch the mountains, and they shall smoke.

⁵Ipaubos ang imong kalangitan, Oh Jehova, ug kumunsad ka: Hikapa ang kabukiran, ug sila moaso.

⁶Cast forth lightning, and scatter them; Send out thine arrows, and discomfit them.

⁶Pagul-a ang mga kilat, ug isabulak sila; Ipadala ang imong mga udyong, ug patibulaaga sila.

⁷Stretch forth thy hand from above; Rescue me, and deliver me out of great waters, Out of the hand of aliens;

⁷Tuy-ora ang imong kamot gikan sa kahitas-an; Luwasa ako, ug haw-asa ako gikan sa mga dagkung tubig, Gikan sa kamot sa mga dumuloong;

⁸Whose mouth speaketh deceit, And whose right hand is a right hand of falsehood.

⁸Kansang baba nagasulti ug limbong, Ug kansang toong kamot maoy toong kamot sa kabakakan.

⁹I will sing a new song unto thee, O God: Upon a psaltery of ten strings will I sing praises unto thee.

⁹Moawit ako ug bag-ong alawiton kanimo, Oh Dios: Sa salterio nga may napulo ka kuldas moawit ako ug mga pagdayeg kanimo.

¹⁰Thou art he that giveth salvation unto kings; Who rescueth David his servant from the hurtful sword.

¹⁰Ikaw mao ang nagahatag ug kaluwasan sa mga hari; Nga nagaluwas kang David nga iyang alagad gikan sa makamatay nga pinuti.

¹¹Rescue me, and deliver me out of the hand of aliens, Whose mouth speaketh deceit, And whose right hand is a right hand of falsehood.

¹¹Luwasa ako, ug tubsa ako gikan sa kamot sa mga dumuloong, Kansang baba nagasulti ug limbong, Ug kansang toong kamot maoy toong kamot sa kabakakan.

¹²When our sons shall be as plants grown up in their youth, And our daughters as corner-stones hewn after the fashion of a palace;

¹²Sa diha nga ang among mga anak nga lalake mangahimo nga ingon sa mga tanum nga managpanubo sa ilang pagkabatan-on, Ug ang among mga anak nga babaye nga ingon sa mga bato sa pamag-ang nga sinapsapan sunod sa hulagway sa palacio;

¹³[When] our garners are full, affording all manner of store, [And] our sheep bring forth thousands and ten thousands in our fields;

¹³Sa diha nga ang among mga dapa mangapuno, nga sangkap sa tanang mga butang sa paggamit, Ug ang among kahayupan managpanganak sa linibo ug sa napulo ka libo sa among mga kapatagan;

¹⁴[When] our oxen are well laden; [When there is] no breaking in, and no going forth, And no outcry in our streets:

¹⁴Sa diha nga ang among kabakahan takus sa mga bulohaton nga mabug-at; Sa diha nga walay moabut nga kadaut, ug walay modangat nga kapildihon, Ug walay pagsinggit sa pagpakitabang sa among kadalanan:

¹⁵Happy is the people that is in such a case; [Yea], happy is the people whose God is Jehovah.

¹⁵Malipayon ang katawohan nga anaa sa maong kahimtang; Oo , malipayon ang katawohan kansang Dios mao si Jehova.