¹And after five days the high priest Ananias came down with certain elders, and [with] an orator, one Tertullus; and they informed the governor against Paul.

¹Pansh dies pala kodia avilo o baro rashai o Anianas ai avre manushensa mai phure, ai ieke ablakatosa ka busholas Tertullus, won avile karing o Felix ando Caesarea te thon dosh po Pavlo.

²And when he was called, Tertullus began to accuse him, saying, Seeing that by thee we enjoy much peace, and that by the providence evils are corrected for this nation,

²Akharde le Pavlos, ai o Tertullus liape te dosharel les, phenelas, "Tu kai san baro ando Caesarea, pala tute si ame iek bari pacha, ai but dieli kerdian te avel mishto amare themeske.

³we accept it in all ways and in all places, most excellent Felix, with all thankfulness.

³Ai so godi si ame, ande swako vriama, ai katar godi, ame naisisaras tuke.

⁴But, that I be not further tedious unto thee, I entreat thee to hear us of thy clemency a few words.

⁴Numa te na xasaras chi vriama, mangav ma tutar te ashunes ande cho lashimos so si ame te mothas tuke ande xantsi vorbi.

⁵For we have found this man a pestilent fellow, and a mover of insurrections among all the Jews throughout the world, and a ringleader of the sect of the Nazarenes:

⁵Ame arakhliam kadale manushes ek manush nai lasho, ai buntuil sa le Zhidovon ande lumia, ai o baro le Nazarengo.

⁶who moreover assayed to profane the temple: on whom also we laid hold: [and we would have judged him according to our law.]

⁶Ai vi zumadia te marel mui katar o tampla, ai ame aterdiardiam les. Ame mangliam te das les pe kris pala amaro zakono,

⁷[But the chief captain Lysias came, and with great violence took him away out of our hands,]

⁷numa o baro le ketanengo o Lysias kana avilo, lia les anda amare vas ai xaliape amensa.

⁸[commanding his accusers to come before thee.] from whom thou wilt be able, by examining him thyself, to take knowledge of all these things whereof we accuse him.

⁸Ai dia ordina kodolen kai thon dosh pe kado manush te aven tute. Dikhesa tu kana phushesa lestar ai ashunesa lestar sa le dieli, kai ame dosharas les."

⁹And the Jews also joined in the charge, affirming that these things were so.

⁹Le Zhiduvuria mai zuravenas e dosh pe leste, ai mothonas ke kadia si.

¹⁰And when the governor had beckoned unto him to speak, Paul answered, Forasmuch as I know that thou hast been of many years a judge unto this nation, I cheerfully make my defense:

¹⁰Pala kodia o governori kerdia semno le Pavloske te del duma, o Pavlo dia atweto, "Zhanav ke tu san o baro kadale themesko de dumult, ai bi darako phenav angla tute ke chi sim doshalo.

¹¹Seeing that thou canst take knowledge that it is not more than twelve days since I went up to worship at Jerusalem:

¹¹Sai dikhes tu korkorho ke nai mai but de sar desh u dui dies kai simas ande Jerusalem te rhugiv ma ka Del.

¹²and neither in the temple did they find me disputing with any man or stirring up a crowd, nor in the synagogues, nor in the city.

¹²Chi arakhle ma ande tampla, chi ande chi iek than, chi anda foro te dav duma varikasa, vai te chidav le narodos te buntuilpe.

¹³Neither can they prove to thee the things whereof they now accuse me.

¹³Ai nai le so te sikaven te dosharen ma akana.

¹⁴But this I confess unto thee, that after the Way which they call a sect, so serve I the God of our fathers, believing all things which are according to the law, and which are written in the prophets;

¹⁴Phenav tuke chachimasa, ke me kerav buchi le Devleski, O Del murhe dadengo, ai lav ma pala drom o nevo kai won mothon ke nai chacho, numa me pachav ma ande so godi si ramome ando zakono ai so mothon le profeturia.

¹⁵having hope toward God, which these also themselves look for, that there shall be a resurrection both of the just and unjust.

¹⁵Ai si ma o pachamos ando Del, sar sas murhe daden ke zhuvindina, vi le manush kai si vorta ai vi le manush kai nai vorta.

¹⁶Herein I also exercise myself to have a conscience void of offence toward God and men always.

¹⁶Anda kodia thav murhi zor te avel sagda murho gindo bi doshako angla Del, ai angla manush.

¹⁷Now after some years I came to bring alms to my nation, and offerings:

¹⁷But bersh gelemtar anda Jerusalem, numa akana avilem te anav zhutimos le lovensa ka murhe narodos.

¹⁸amidst which they found me purified in the temple, with no crowd, nor yet with tumult: but [there were] certain Jews from Asia--

¹⁸Uni Zhiduvuria andai Asia arakhle ma ande tampla vuzhardo. Nas narodo mansa, ai nas chi iek bunto.

¹⁹who ought to have been here before thee, and to make accusation, if they had aught against me.

¹⁹Won trobunas te aven tute, ai te mothon le dosha, kai won sas le pe mande.

²⁰Or else let these men themselves say what wrong-doing they found when I stood before the council,

²⁰Vai kakala te mothon, savestar baio won arakhle ke me sim doshalo, kana simas anglal bare kai keren la krisa.

²¹except it be for this one voice, that I cried standing among them, Touching the resurrection of the dead I am called in question before you this day.

²¹Vai amborim kai tsipisardem kana simas mashkar lende, ai kai phendem ke pachav ma ke le mule wushten, anda kodia dino sim pe kris adies angla tute."

²²But Felix, having more exact knowledge concerning the Way, deferred them, saying, When Lysias the chief captain shall come down, I will determine your matter.

²²Ai o Felix zhanelas mishto kodo zakono, ai phendia, "Dikhasa mai angle pa kadia diela, kana o baro le ketanengo o Lysias avela, dikhava so kerava anda chi diela."

²³And he gave order to the centurion that he should be kept in charge, and should have indulgence; and not to forbid any of his friends to minister unto him.

²³Ai dia ordina ka ek ketana te lel sama katar o Pavlo, te na nashel, numa te meken leske vortachen te dikhen les vai te den les vari so.

²⁴But after certain days, Felix came with Drusilla, his wife, who was a Jewess, and sent for Paul, and heard him concerning the faith in Christ Jesus.

²⁴Xantsi dies pala kodia o Felix avilo peska rhomniasa, woi bushol Drusilla, woi si Zhidovaika. Ai akhardia le Paulos te ashunen sar del duma pa pachamos ando Kristo.

²⁵And as he reasoned of righteousness, and self-control, and the judgment to come, Felix was terrified, and answered, Go thy way for this time; and when I have a convenient season, I will call thee unto me.

²⁵Numa o Pavlo delas duma sar te traiis ek traio vorta, ai te les tutar sama, ai e kris kai si te avel pe lumia, o Felix darailo, ai phendia, "Zhatar ai mai ashunava tute aver data kana avela ma vriama."

²⁶He hoped withal that money would be given him of Paul: wherefore also he sent for him the oftener, and communed with him.

²⁶Ai vi gindilas ke o Pavlo del les love, anda kodia akharela les butivar te del duma lesa.

²⁷But when two years were fulfilled, Felix was succeeded by Porcius Festus; and desiring to gain favor with the Jews, Felix left Paul in bonds.

²⁷Dui bersh nakhle kadia, porme o Porcius Festus lia o than le governorosko o Felix, ai o Felix te avel drago le Zhidovonge, meklia le Pavlos ande temnitsa.