¹Jesus therefore six days before the passover came to Bethany, where Lazarus was, whom Jesus raised from the dead.

¹Shov dies mai anglal O Dies O Baro le Zhidovongo, O Jesus areslo ande Bethany, kai beshlo o Lazarus, kai O Jesus zhuvindisardia les anda le mule.

²So they made him a supper there: and Martha served; but Lazarus was one of them that sat at meat with him.

²Kotse dine les te xan; e Martha podailas les; numa Lazarus sas iek anda kodala kai sas lesa ka e skafidi.

³Mary therefore took a pound of ointment of pure nard, very precious, and anointed the feet of Jesus, and wiped his feet with her hair: and the house was filled with the odor of the ointment.

³E Maria lia dopash litre pherdi duxi kai si kuchi, thodia la pe le punrhe le Jesusoske, ai woi koslia leske punrhe peska balensa. Ai sa o kher pherdilo sunga katar e duxi.

⁴But Judas Iscariot, one of his disciples, that should betray him, saith,

⁴Iek anda leske disiplonge, o Judas Iscariot – kodo kai trobul te purhil les, phendia,

⁵Why was not this ointment sold for three hundred shillings, and given to the poor?

⁵"Sostar chi bichindian kadia duxi trin shela teliara, ai le love dine kal chorhe?"

⁶Now this he said, not because he cared for the poor; but because he was a thief, and having the bag took away what was put therein.

⁶Wo phendia kadia lenge, na ke sas leske mila anda le chorhe, numa ke sas chor, ai sas les o gono, ai lelas so sas andre ando gono.

⁷Jesus therefore said, Suffer her to keep it against the day of my burying.

⁷Numa O Jesus phendia lenge, "Mek la! Woi garadiasas kadia duxi pala e vriama kana groposarena ma.

⁸For the poor ye have always with you; but me ye have not always.

⁸Ke le chorhe sagda avena tumensa, numa me chi avava tumensa sagda."

⁹The common people therefore of the Jews learned that he was there: and they came, not for Jesus' sake only, but that they might see Lazarus also, whom he had raised from the dead.

⁹But narodo anda le Zhiduvuria ashunde ke O Jesus sas ande Bethany, ai avenas na ferdi pala O Jesus, numa vi te dikhen o Lazarus, kai O Jesus zhuvindisailo anda le mule.

¹⁰But the chief priests took counsel that they might put Lazarus also to death;

¹⁰Le bare rasha dine pe duma te mudaren vi le Lazarusos,

¹¹because that by reason of him many of the Jews went away, and believed on Jesus.

¹¹ke but Zhiduvuria geletar lendar pala leste, ai pachanaspe ando Jesus.

¹²On the morrow a great multitude that had come to the feast, when they heard that Jesus was coming to Jerusalem,

¹²Terharin but narodo avile ka O Dies O Baro le Zhidovongo, kana ashunde ke O Jesus zhal ando Jerusalem.

¹³took the branches of the palm trees, and went forth to meet him, and cried out, Hosanna: Blessed [is] he that cometh in the name of the Lord, even the King of Israel.

¹³Line patria katar le krenzhi, ai gele angla leste, ai tsipinas, "Hosana! Raduime O Amperato le Zhidovongo kai avel ando anav le Devlesko!"

¹⁴And Jesus, having found a young ass, sat thereon; as it is written,

¹⁴O Jesus arakhlia iek magari ai beshlo pe leste, sar sas ramome,

¹⁵Fear not, daughter of Zion: behold, thy King cometh, sitting on an ass's colt.

¹⁵"Na dara, tu foro anda Zion! Dikh! Cho Amperato avel, beshel pe iek terno magari."

¹⁶These things understood not his disciples at the first: but when Jesus was glorified, then remembered they that these things were written of him, and that they had done these things unto him.

¹⁶Leske disipluria chi haliarde mai anglal kadala dieli; numa kana O Jesus lia pesko barimos, denas pe goji ke sas ramome pa leste, ai kerdilo sa so trobul te kerdiol.

¹⁷The multitude therefore that was with him when he called Lazarus out of the tomb, and raised him from the dead, bare witness.

¹⁷Sa kodala kai sas lesa kana akhardia o Lazarus anda o greposhevo, ai wushtiardia les anda le mule, phende so dikhle ai so kerdia.

¹⁸For this cause also the multitude went and met him, for that they heard that he had done this sign.

¹⁸Ai o narodo avel angla leste, ke ashunde ke kerdia kodo miraklo.

¹⁹The Pharisees therefore said among themselves, Behold how ye prevail nothing: lo, the world is gone after him.

¹⁹Le Farizeanuria phenenas iek kavreske, "Tume dikhen, ke chi nirin kanchi! Dikh! Sa e lumia geli pala leste!"

²⁰Now there were certain Greeks among those that went up to worship at the feast:

²⁰Uni Grekuria anda kodala kai gele ando Jerusalem te rhugin po Dies O Baro le Zhidovongo:

²¹these therefore came to Philip, who was of Bethsaida of Galilee, and asked him, saying, Sir, we would see Jesus.

²¹Won avile ka Filip, wo sas anda Bethsaida ande Galilee, ai phende. "Raia, ame mangas te dikhas O Jesus."

²²Philip cometh and telleth Andrew: Andrew cometh, and Philip, and they tell Jesus.

²²O Philip gelo ai phendia o Andre, antunchi o Andre ai o Philip gele ai phende ka O Jesus.

²³And Jesus answereth them, saying, The hour is come, that the Son of man should be glorified.

²³O Jesus phendia lenge, "O chaso avilo kai O Shav le Manushesko trobul te luvudinles.

²⁴Verily, verily, I say unto you, Except a grain of wheat fall into the earth and die, it abideth by itself alone; but if it die, it beareth much fruit.

²⁴Phenav tumenge o chachimos: te na merela e sumuntsa kai peli ande e phuv ashel korkorho; numa te merela, dela but fruti.

²⁵He that loveth his life loseth it; and he that hateth his life in this world shall keep it unto life eternal.

²⁵Savo kai si leske drago kado traio xasarela les; ai kodo kai gretsol kado traio ande kadia lumia garavel les te zhal ando traio le rhaiosko.

²⁶If any man serve me, let him follow me; and where I am, there shall also my servant be: if any man serve me, him will the Father honor.

²⁶Te si vari kon kai podail ma, mek te lelpe pala mande; ai kotse kai avava me, kotse avela vi murhi sluga; kodo kai podaila ma, murho Dat luvudila les.

²⁷Now is my soul troubled; and what shall I say? Father, save me from this hour. But for this cause came I unto this hour.

²⁷"Akana murho duxo si buntuime. Ai so sai phenav? "Murho Dat, le ma anda kado chaso?" Numa pala kodia avilem zhi ka kado chaso.

²⁸Father, glorify thy name. There came therefore a voice out of heaven, [saying], I have both glorified it, and will glorify it again.

²⁸"Murho Dat, luvudisar chiro anav!" Ai iek glaso dia duma anda o rhaio, phenelas, "Bariardem les, ai mai luvudiva les."

²⁹The multitude therefore, that stood by, and heard it, said that it had thundered: others said, An angel hath spoken to him.

²⁹O narodo kai sas kotse, ashunde o glaso, ai uni phenenas, "Iek rhonjito si!" Aver phenenas, "Iek angelo dia lesa duma!"

³⁰Jesus answered and said, This voice hath not come for my sake, but for your sakes.

³⁰Numa O Jesus phendia lenge, "Na ke pala mande kado glaso ashundilo, numa pala tumende.

³¹Now is the judgment of this world: now shall the prince of this world be cast out.

³¹Akana avili e kris la lumiaki; akana o beng kai si ande lumia avela shudino avri.

³²And I, if I be lifted up from the earth, will draw all men unto myself.

³²Ai me, kana avava vazdino opre katar e phuv, tsirdava sa le manushen mande."

³³But this he said, signifying by what manner of death he should die.

³³Sar del duma kadia, sikavelas lenge sar si te merel.

³⁴The multitude therefore answered him, We have heard out of the law that the Christ abideth for ever: and how sayest thou, The Son of man must be lifted up? who is this Son of man?

³⁴Le manush phende leske, "Ashundian andai klishka le zakonoske ke O Kristo beshela sa data." Sar sai phenes, "O Shav le Manushesko trobul te avel vazdino? Kon si kodo Shav le Manushesko?"

³⁵Jesus therefore said unto them, Yet a little while is the light among you. Walk while ye have the light, that darkness overtake you not: and he that walketh in the darkness knoweth not whither he goeth.

³⁵O Jesus phendia lenge, "E vediara si tumensa mai xantsi vriama. Phiren zhi kai si tumen e vediara, kashte te na avela o tuniariko pe tumende, ke kodo kai phirel ando tuniariko chi zhanel kai zhal.

³⁶While ye have the light, believe on the light, that ye may become sons of light. These things spake Jesus, and he departed and hid himself from them.

³⁶Zhi kai si tume e vediara, pachan tume ande vediara, kashte te aven shave la vediarake." O Jesus phendia kadala dieli, gelotar, ai garadilo dur lendar.

³⁷But though he had done so many signs before them, yet they believed not on him:

³⁷Marka ke kerdia but mirakluria angla lende, chi pachanaspe ande leste,

³⁸that the word of Isaiah the prophet might be fulfilled, which he spake, Lord, who hath believed our report? And to whom hath the arm of the Lord been revealed?

³⁸Eta, te pherdiol e vorba le profetoski o Isaiah, kai phendiasas, "Devla, kon pachaiape ande so phendem? Ai kaske O Kristo sikadia peski putiera?"

³⁹For this cause they could not believe, for that Isaiah said again,

³⁹Anda kodia won nashti pachanaspe, ke o Isaiah mai phendia,

⁴⁰He hath blinded their eyes, and he hardened their heart; Lest they should see with their eyes, and perceive with their heart, And should turn, And I should heal them.

⁴⁰"Korhandia lenge iakha, ai zulardia lenge ilo; te na dikhen penge iakhensa, ai te na haliaren penge ilesa, ai chi aven mande te aven skepime, ai te na sastiarav le."

⁴¹These things said Isaiah, because he saw his glory; and he spake of him.

⁴¹Isaiah phendia kadala dieli, kana dikhlia lesko barimos, ai dia duma pa leste.

⁴²Nevertheless even of the rulers many believed on him; but because of the Pharisees they did not confess [it], lest they should be put out of the synagogue:

⁴²Numa vi anda le bare le Zhidovongo pachaiepe ande leste; numa angla le Farizeanuria, chi sikavenas ke pachanpe, daratar ke den len avri anda e synagogue.

⁴³for they loved the glory [that is] of men more than the glory [that is] of God.

⁴³Ke mai drago lenge o chetaimos le manushenge de sar o luvudimos katar O Del.

⁴⁴And Jesus cried and said, He that believeth on me, believeth not on me, but on him that sent me.

⁴⁴O Jesus dia duma ando baro glaso, "Kodo kai pachal ande mande, pachalpe na ande mande ferdi, numa ande kodo kai tradia ma.

⁴⁵And he that beholdeth me beholdeth him that sent me.

⁴⁵Ai kodo dikhel ma, dikhel kodales kai tradia ma.

⁴⁶I am come a light into the world, that whosoever believeth on me may not abide in the darkness.

⁴⁶Avilem ande lumia sar iek vediara, kashte kon godi pachalape ande mande te na beshel ando tuniariko.

⁴⁷And if any man hear my sayings, and keep them not, I judge him not: for I came not to judge the world, but to save the world.

⁴⁷Te si vari kon kai ashunel murhe vorbi, numa chi pachal le, chi krisiniv les, ke me chi avilem te krisiniv e lumia, numa te skepiv la lumia.

⁴⁸He that rejecteth me, and receiveth not my sayings, hath one that judgeth him: the word that I spake, the same shall judge him in the last day.

⁴⁸Kodo kai shudel ma, ai kai chi premil murhe vorbi si les iek kai krisinila les. E vorba kai phendem, woi dela les pe kris po paluno dies!

⁴⁹For I spake not from myself; but the Father that sent me, he hath given me a commandment, what I should say, and what I should speak.

⁴⁹Ke chi den duma anda mande; numa O Dat kai tradia ma, phendia mange so trobul te phenav.

⁵⁰And I know that his commandment is life eternal: the things therefore which I speak, even as the Father hath said unto me, so I speak.

⁵⁰Ai zhanav ke anda leske vorbi si o traio le rhaiosko. Sa anda kodia le dieli kai phenav, phenav le sar O Dat phendia le mange."