¹And it came to pass, when he went into the house of one of the rulers of the Pharisees on a sabbath to eat bread, that they were watching him.

¹Andek dies Savatone, O Jesus gelo ando kher ieke baresko le Farizeanonge te xal manrho po Sabato, ai kotse le manush lenas sama pe leste.

²And behold, there was before him a certain man that had the dropsy.

²Eta, ek manush kai o naswalimos kai sas les kerelas les te shuvliol, sas thodino angla Jesus.

³And Jesus answering spake unto the lawyers and Pharisees, saying, Is it lawful to heal on the sabbath, or not?

³O Jesus mothol le ablakatonge ai le Farizeanonge, phenelas, "Si slobodo vai nichi te sastiarel pe Savatone?"

⁴But they held their peace. And he took him, and healed him, and let him go.

⁴Khonik chi phendia kanch. Antunchi O Jesus lunzhardia pesko vas pe kado manush ai sastiardia les, ai meklia les te zhaltar.

⁵And he said unto them, Which of you shall have an ass or an ox fallen into a well, and will not straightway draw him up on a sabbath day?

⁵Ai porme phendia lenge, "Savo anda tumende kai si les ek magari vai ek gurumli kai perela ande xaiin, chi skepila les strazo vi Savatone?"

⁶And they could not answer again unto these things.

⁶Ai khonik nashtisardia te del les atweto pa so phushlia le.

⁷And he spake a parable unto those that were bidden, when he marked how they chose out the chief seats; saying unto them,

⁷Ai phendia ek paramichi le manushenge kai sas akharde, ke dikhelas kai rodenas le thana le anglune, phenelas,

⁸When thou art bidden of any man to a marriage feast, sit not down in the chief seat; lest haply a more honorable man than thou be bidden of him,

⁸"Kana avesa akhardo vari kastar ka ek abiav, na tho tu ke pervo skamin, ke vari kon kai si mai baro tutar sai avela kai sas akhardo.

⁹and he that bade thee and him shall come and say to thee, Give this man place; and then thou shalt begin with shame to take the lowest place.

⁹Ai kodo kai akhardia tu ai wo ka abiav, avel te mothol tuke, "Me kotsan kakale manusheske;" No antunchi avela tuke mai lazhav te zhas te beshes mai palpale.

¹⁰But when thou art bidden, go and sit down in the lowest place; that when he that hath bidden thee cometh, he may say to thee, Friend, go up higher: then shalt thou have glory in the presence of all that sit at meat with thee.

¹⁰Numa kana avesa akhardo, zha tho tu po skamin kai si ta palpale, kashke kodo kai akhardia tu avel ai mothol tuke, "Murho vortako, aida mai opre." No antunchi avela tuke mai pachiv angla kodola kai si kai e skafidi tusa.

¹¹For everyone that exalteth himself shall be humbled; and he that humbleth himself shall be exalted.

¹¹Ke kon godi vazdelpe avela meklo tele; ai kon godi mekelape tele avela vazdino opre."

¹²And he said to him also that had bidden him, When thou makest a dinner or a supper, call not thy friends, nor thy brethren, nor thy kinsmen, nor rich neighbors; lest haply they also bid thee again, and a recompense be made thee.

¹²Porme O Jesus phendia kodoleske kai akhardia les, "Kon des xabe mashkar o dies vai telairiat, na akhar che vortakon, vai che phralen, vai che naiamon, vai chi kodolen kai beshen pasha tute le barvalen; ke akharen tu vi von, ai pochinena tuke so kerdian tu lenge.

¹³But when thou makest a feast, bid the poor, the maimed, the lame, the blind:

¹³Numa kana keres pachiv, akhar le choren, le bange, kodola kai nashti phiren, ai le korhen:

¹⁴and thou shalt be blessed; because they have not [wherewith] to recompense thee: for thou shalt be recompensed in the resurrection of the just.

¹⁴Ai avela tuke raduimos, ke won nashtina te keren tuke so kerdian tu lenge; numa avela tuke pochindo katar O Del kana le manush le Devlakane wushtena andai martia."

¹⁵And when one of them that sat at meat with him heard these things, he said unto him, Blessed is he that shall eat bread in the kingdom of God.

¹⁵Iek anda kodola kai sas kai skafidi kana ashundia kadala paramichi phendia leske, "Raduime kodo kai xala manrho ande amperetsia le Devleski."

¹⁶But he said unto him, A certain man made a great supper; and he bade many:

¹⁶O Jesus phendia leske, "Sas ek manush kai kerdia pachiv, ai akhardo but narodo.

¹⁷and he sent forth his servant at supper time to say to them that were bidden, Come; for [all] things are now ready.

¹⁷Ai tradia peski sluga te akharel len kai sas akharde kai pachiv, "Aidi, ke akana sa gata!"

¹⁸And they all with one [consent] began to make excuse. The first said unto him, I have bought a field, and I must needs go out and see it; I pray thee have me excused.

¹⁸Numa savorhe phenen vari so ke chi mangle te aven. O pervo phendia leske, "Chindem ek kimpo, ai trobul te zhav ai dikhav les; iertisar ma."

¹⁹And another said, I have bought five yoke of oxen, and I go to prove them; I pray thee have me excused.

¹⁹Ai kaver phendia, "Chindem panzh zhute gurumlia, ai zhav te zumav le; iertisar ma."

²⁰And another said, I have married a wife, and therefore I cannot come.

²⁰Ai kaver phendia, "Ansurisailem ek rhomni ai nashti avav."

²¹And the servant came, and told his lord these things. Then the master of the house being angry said to his servant, Go out quickly into the streets and lanes of the city, and bring in hither the poor and maimed and blind and lame.

²¹Kodia sluga gelo palpale, ai phendia sa kadala dieli ka lesko xazhainona. O xazhainona le kheresko xolailo ai phendia ka lesko sluga, "Zhas strazo pel droma ai vi pel vulitsi, ai anel le chorhe, ai le bange, ai le korhen, ai le bangole."

²²And the servant said, Lord, what thou didst command is done, and yet there is room.

²²Ai kodia sluga phendia, "Gazda, kerdem so phendian, ai si mai than inker."

²³And the lord said unto the servant, Go out into the highways and hedges, and constrain [them] to come in, that my house may be filled.

²³Ai o xazhainona phendia lesko sluga, "Zhas pel droma ai vurmi, ai akhares le kai pachiv, te avela pherdo murho kher.

²⁴For I say unto you, that none of those men that were bidden shall taste of my supper.

²⁴Numa phenav tuke, "Khonik anda sa kodolen kai sas akaharde zumavena murho xamaske!"

²⁵Now there went with him great multitudes: and he turned, and said unto them,

²⁵But narodo zhanas lesa. Amboldesailo, ai phendia lenge,

²⁶If any man cometh unto me, and hateth not his own father, and mother, and wife, and children, and brethren, and sisters, yea, and his own life also, he cannot be my disciple.

²⁶"Te vari manush avel mande, ai chi gretsol lesko dat, ai leski dei, ai leski zhuvli, ai leske shave, ai leske phrala, ai leske pheia, e, ai vi lesko traio, wo nashti avela murho disiplo.

²⁷Whosoever doth not bear his own cross, and come after me, cannot be my disciple.

²⁷Ai kodo kai chi lel pesko trushul, ai avela pala mande, nashti avela murho disiplo."

²⁸For which of you, desiring to build a tower, doth not first sit down and count the cost, whether he have [wherewith] to complete it?

²⁸"Savo anda tumende, kai mangel te vazdel kher, chi rodel mai anglal, sode si te arasel leske, ai te si les dosta te getol?

²⁹Lest haply, when he hath laid a foundation, and is not able to finish, all that behold begin to mock him,

²⁹Daratar te lelape te kerel e buchi, nashti getola, ai savo godi dikhena pe leste asana lestar.

³⁰saying, This man began to build, and was not able to finish.

³⁰Ai phenena, "Kado manush liape te kerel kher ai nashtisardia te getol les."

³¹Or what king, as he goeth to encounter another king in war, will not sit down first and take counsel whether he is able with ten thousand to meet him that cometh against him with twenty thousand?

³¹"Vai savo amperato, zhala te kerel marimos kolaver amperatosa? Chi aterdiola mai anglal te lel sama te dashtila desh mie manushensa, sai zhal te marelpe pe kuko kai avel pe leste bish mie manushensa?

³²Or else, while the other is yet a great way off, he sendeth an ambassage, and asketh conditions of peace.

³²Te na dashtila, wo tradela le manushen ka kolaver amperato kai si dur lestar, te mangel lestar e pacha.

³³So therefore whosoever he be of you that renounceth not all that he hath, he cannot be my disciple.

³³Anda kodia, zhido iek anda tumende te na mukhela sa so godi si les, nashti avel murho disiplo.

³⁴Salt therefore is good: but if even the salt have lost its savor, wherewith shall it be seasoned?

³⁴"O lon si lasho, numa o lon te xasarela pesko skusno, sar kerena anda leste pale londo?

³⁵It is fit neither for the land nor for the dunghill: [men] cast it out. He that hath ears to hear, let him hear.

³⁵Chi avela lasho chi la phuviake, ai chi le gunoieske, shuda les avri. Savo kai si le khan te ashunel, ashunel!"