¹And he called the twelve together, and gave them power and authority over all demons, and to cure diseases.

¹Jesus chidia andek than le desh u do disiplon ai dia le zor ai putiera pe sa le beng, ai e zor te sastiaren le naswalen.

²And he sent them forth to preach the kingdom of God, and to heal the sick.

²Tradia len te mothon e viasta le rhaioski le Devleski, ai te sastiaren le naswalen.

³And he said unto them, Take nothing for your journey, neither staff, nor wallet, nor bread, nor money; neither have two coats.

³Porme phendia lenge, "Na len kanchi tumensa kai zhan; chi rhai, chi gono, chi manrho, chi love, chi dui raxamia.

⁴And into whatsoever house ye enter, there abide, and thence depart.

⁴Andel khera kai zhana, beshen kotsar zhi kana zhanatar.

⁵And as many as receive you not, when ye depart from that city, shake off the dust from your feet for a testimony against them.

⁵Ai te na primila tumen o narodo, anklen avri anda kodo gav, ai kosen e pulberia pa tumare punrhe te sikaven lenge so si won."

⁶And they departed, and went throughout the villages, preaching the gospel, and healing everywhere.

⁶Geletar, ai gele gav gavestar, ai phende e lashi viasta, sastiarenas le naswalen.

⁷Now Herod the tetrarch heard of all that was done: and he was much perplexed, because that it was said by some, that John was risen from the dead;

⁷Herod, o Tetrach, ashundia so godi kerdiolas, ai ferdi delas pe goji, ke uni mothonas ke o Iovano zhuvindisailo andal mule;

⁸and by some, that Elijah had appeared; and by others, that one of the old prophets was risen again.

⁸Uni mothonas ke o Elijah sikadilo; ai uni, ke iek phurano profeto zhuvindisailo.

⁹And Herod said, John I beheaded: but who is this, about whom I hear such things? And he sought to see him.

⁹Ai o Herod phendia, "Phendem te shinen o shero le Iovanosko; numa savo si, kado kai ashunav ai mothol kasavendar dieli?" Ai mangelas te dikhel les.

¹⁰And the apostles, when they were returned, declared unto him what things they had done. And he took them, and withdrew apart to a city called Bethsaida.

¹⁰Le desh u dui disipluria kana avile palpale, phende ka Jesus so godi kerde. Lia le pesa, ai gelo karing o foro kai bushol Bethsaida.

¹¹But the multitudes perceiving it followed him: and he welcomed them, and spake to them of the kingdom of God, and them that had need of healing he cured.

¹¹Kana o narodo ashundia, liape pala leste, O Jesus primilas le, ai phendia lenge pa rhaio le Devlesko, ai sastiarelas kodolen kai trobulas te aven saste.

¹²And the day began to wear away; and the twelve came, and said unto him, Send the multitude away, that they may go into the villages and country round about, and lodge, and get provisions: for we are here in a desert place.

¹²Kana perelas e riat, le desh u dui disipluria avile leste, ai phende leske, "Trade le narodos te zhan andel gava ai kruglom te soven av te arakhen xaben ke katse kai sam pusta si."

¹³But he said unto them, Give ye them to eat. And they said, We have no more than five loaves and two fishes; except we should go and buy food for all this people.

¹³Numa O Jesus phendia lenge, "Den le tume te xan." Numa won phende, "Ferdi panzh manrhe ai dui mashe. Zhasa ame te chinas xaben kadale narodoske?"

¹⁴For they were about five thousand men. And he said unto his disciples, Make them sit down in companies, about fifty each.

¹⁴Sas pashte panzh mi zhene kotse. O Jesus phendia peske disiplonge, "Keren le te beshen tele ai te thon andek than po panvardesh zhene."

¹⁵And they did so, and made them all sit down.

¹⁵Ai kerde kadia, kerde le te beshen tele.

¹⁶And he took the five loaves and the two fishes, and looking up to heaven, he blessed them, and brake; and gave to the disciples to set before the multitude.

¹⁶O Jesus lia le panzh manrhe ai le dui mashe, ai vazdia le iakha karing o rhaio, ai naisisardias, porme phaglia ai dia le ka peske disiplonge te den ka narodo.

¹⁷And they ate, and were all filled: and there was taken up that which remained over to them of broken pieces, twelve baskets.

¹⁷Savorhe xale ai chailile; ai le disipluria chide le kotora kai ashshilia desh u dui shkonitsi pherde sas.

¹⁸And it came to pass, as he was praying apart, the disciples were with him: and he asked them, saying, Who do the multitudes say that I am?

¹⁸Andek jes O Jesus rhugilas pe korkorho, peske disipluria avile leste, ai phushlia le, "So mothon o narodo, ke sim?"

¹⁹And they answering said, John the Baptist; but others [say], Elijah; and others, that one of the old prophets is risen again.

¹⁹Won phende, "O Iovano o baptisto; uni mothon, o Elijah; uni phenen, iek phurano profeto kai zhuvindisailo.

²⁰And he said unto them, But who say ye that I am? And Peter answering said, The Christ of God.

²⁰Phendia lenge, "Kon mothon ke sim?" O Petri dia atweto, "O Kristo le Devlesko."

²¹But he charged them, and commanded [them] to tell this to no man;

²¹Ai O Jesus dia le trad te na mothon kanikaske.

²²saying, The Son of man must suffer many things, and be rejected of the elders and chief priests and scribes, and be killed, and the third day be raised up.

²²Ai mai phendia, "Ke o Shav le manushesko chinuil but, wo avela shudino lendar, le phure, le bare le rashange, ai le Gramnoturia, Mudarena les ai o trito jes zhuvindila."

²³And he said unto all, If any man would come after me, let him deny himself, and take up his cross daily, and follow me.

²³Porme phendia savorhenge, "Te mangela vari kon te lelpe pala mande, te bustrel pe pes, ai te lel swako jes pesko trushul ai te lelpe pala mande.

²⁴For whosoever would save his life shall lose it; but whosoever shall lose his life for my sake, the same shall save it.

²⁴Ke kodo kai mangela te skepil pesko traio xasarela les; numa kodo kai xasarela pesko traio pala mande, skepila les.

²⁵For what is a man profited, if he gain the whole world, and lose or forfeit his own self?

²⁵Ai so nirila o manush te avel leske sa e lumia, ai te xasarela pe pes?

²⁶For whosoever shall be ashamed of me and of my words, of him shall the Son of man be ashamed, when he cometh in his own glory, and [the glory] of the Father, and of the holy angels.

²⁶Ke kon godi lazhala mandar ai katar murhe vorbi, o Shav le Manushesko avela lestar lazhal, kana avela anda pesko barimos, ai ande barimos le Dadesko, ai le Swuntsi angeluria.

²⁷But I tell you of a truth, There are some of them that stand here, who shall in no wise taste of death, till they see the kingdom of God.

²⁷Phenav tumenge chachimasa, uni kai si katse, chi merena mai anglal sar te dikhen o rhaio le Devlesko."

²⁸And it came to pass about eight days after these sayings, that he took with him Peter and John and James, and went up into the mountain to pray.

²⁸Oxto jes pala kodia kana phendia kadala vorbi, O Jesus lia pesa O Petri ai o Iovano ai o Iakov, ai anklisto po plai te rhuginpe.

²⁹And as he was praying, the fashion of his countenance was altered, and his raiment [became] white [and] dazzling.

²⁹Sar O Jesus rhugilaspe, lesko mui pharhudilo, ai leske tsalia parnile zurales.

³⁰And behold, there talked with him two men, who were Moses and Elijah;

³⁰Eta, dui manush denas duma lesa, kai sas o Moses, ai o Elijah,

³¹who appeared in glory, and spake of his decease which he was about to accomplish at Jerusalem.

³¹Kai dichonas ande barimos, ai denas duma pai leski martia ando Jerusalem kai trobul te kerdiol.

³²Now Peter and they that were with him were heavy with sleep: but when they were fully awake, they saw his glory, and the two men that stood with him.

³²O Petri, ai kodola kai sas lesa sovenas, numa sar beshenas vushtiarde, dikhle o barimos le Jesusoske, ai le dui manush kai sas lesa.

³³And it came to pass, as they were parting from him, Peter said unto Jesus, Master, it is good for us to be here: and let us make three tabernacles; one for thee, and one for Moses, and one for Elijah: not knowing what he said.

³³Sar le manush zhanastar katar O Jesus, o Petri phendia leske, "Gazda, mai mishto ke sam tusa. Keras trin tseri, tuke, iek le Mosesoske, iek o Elijahoske." Chi zhanelas so motholas.

³⁴And while he said these things, there came a cloud, and overshadowed them: and they feared as they entered into the cloud.

³⁴Sar divinilas kadia, ek nuvero vulisto pe lende; ai le disipluria daraile kana dikhle sar o nuvero vulisto pe lende.

³⁵And a voice came out of the cloud, saying, This is my Son, my chosen: hear ye him.

³⁵Ai anda nuvero avilo ek glaso, phenenas, "Kako si murho Shav kai si mange mai drago; ashunen leste."

³⁶And when the voice came, Jesus was found alone. And they held their peace, and told no man in those days any of the things which they had seen.

³⁶Kana ashundilo kodo glaso, O Jesus korkorho sas. Le disipluria chi mothonas kanch, ai ande kodia vriama chi phende kanikaske so dikhle.

³⁷And it came to pass, on the next day, when they were come down from the mountain, a great multitude met him.

³⁷Pe terharin kana vuliste pai plaiin, but narodo avelas karing O Jesus.

³⁸And behold, a man from the multitude cried, saying, Teacher, I beseech thee to look upon my son; for he is mine only child:

³⁸Ai mashkar o narodo ek manush tsipisardia, "Gazda, rhugiv ma tute, dikh pe murho shav, ke ferdi kado si ma!

³⁹and behold, a spirit taketh him, and he suddenly crieth out; and it teareth him that he foameth, and it hardly departeth from him, bruising him sorely.

³⁹O beng lia kodo raklorho ai kerelas les te tsipil; ai drechinilas les zurales, ai zhala leske spuma anda mui. Chinuilas les ai chi mekelas les vushoro.

⁴⁰And I besought thy disciples to cast it out; and they could not.

⁴⁰Rhugisailem ka che disipluria te gonin le benges; ai nashtisarde."

⁴¹And Jesus answered and said, O faithless and perverse generation, how long shall I be with you, and bear with you? bring hither thy son.

⁴¹O Jesus phendia, "Tume kai chi pachan tume ai chorhe kai san! Sode virama trobul te beshav tumensa? Sode vriama rhevdiv tumen? An che shaves katse."

⁴²And as he was yet a coming, the demon dashed him down, and tare [him] grievously. But Jesus rebuked the unclean spirit, and healed the boy, and gave him back to his father.

⁴²Sar o shav pasholas karing O Jesus, o beng shudia les pe phuv, ai drechinisardia les zurales. Numa O Jesus gonisardia le benges, ai sastiardia le raklorhes, ai dia les palpale ka pesko dat.

⁴³And they were all astonished at the majesty of God. But while all were marvelling at all the things which he did, he said unto his disciples,

⁴³Ai savorhe chudisaile anda barimos le Devlesko. Ai sar savorhe dikhenas o lashimos kai kerelas O Jesus, phendia leske disiplonge.

⁴⁴Let these words sink into your ears: for the Son of man shall be delivered up into the hands of men.

⁴⁴"Tumenge ashunen mishto so mothav; O Shav le Manushesko trobul te avel dino andal vas le manushenge."

⁴⁵But they understood not this saying, and it was concealed from them, that they should not perceive it; and they were afraid to ask him about this saying.

⁴⁵Numa won chi haliarde kadia vorba, ke garado sas lendar, saxke te na haliaren; ai daraile te phushen lestar pa kadia vorba.

⁴⁶And there arose a reasoning among them, which of them was the greatest.

⁴⁶Le disipluria marenas mui mashkar pende, te zhanen savo sas mai baro anda lende.

⁴⁷But when Jesus saw the reasoning of their heart, he took a little child, and set him by his side,

⁴⁷O Jesus zhanglia so gindinaspe, lia ieke raklorhes, ai thodia les pasha peste,

⁴⁸and said unto them, Whosoever shall receive this little child in my name receiveth me: and whosoever shall receive me receiveth him that sent me: for he that is least among you all, the same is great.

⁴⁸Ai phendia lenge, "Kon godi primila ande murho anav kakala glata primil man, primil kodoles kai tradia ma. Ke kodo kai si o mai tsinorho mashkar tumende, kodo si o baro."

⁴⁹And John answered and said, Master, we saw one casting out demons in thy name; and we forbade him, because he followeth not with us.

⁴⁹O Iovano phendia, "Gazda, dikhliam ieke manushes kai gonil le bengen ande cho anav; ai ame aterdiardiam les, ke chi lelpe pala amende.

⁵⁰But Jesus said unto him, Forbid [him] not: for he that is not against you is for you.

⁵⁰"Na aterdiaren les: O Jesus phendia leske ai le kolaver disipluria, "Ke kon chi rimol tumaro zakono tumensalo."

⁵¹And it came to pass, when the days were well-nigh come that he should be received up, he stedfastly set his face to go to Jerusalem,

⁵¹E vriama pasholas kana O Jesus avela lino ando rhaio, wo manglia te zhal ande Jerusalem.

⁵²and sent messengers before his face: and they went, and entered into a village of the Samaritans, to make ready for him.

⁵²Tradia angla peste slugen kai gele; ai dine ande gav le Samaritanongo te lasharen lesko than,

⁵³And they did not receive him, because his face was [as though he were] going to Jerusalem.

⁵³numa chi primisarde les, ke zhanas karing e Jerusalem.

⁵⁴And when his disciples James and John saw [this], they said, Lord, wilt thou that we bid fire to come down from heaven, and consume them?

⁵⁴Kana le disipluria o Iakov, ai o Iovano dikhle so kerdiolas, phende, "Devla, mangas te akharas iag anda cheri te phabarel les, sar kerdias o Elijah?"

⁵⁵But he turned, and rebuked them.

⁵⁵O Jesus boldiape karing lende, ai tsipisardia pe lende; ai phendia, "Chi zhanen savestar chorho duxo avilo pe tumende.

⁵⁶And they went to another village.

⁵⁶Ke O Shav le manushesko chi avilo te xasarel le manushen, numa te skepil le."

⁵⁷And as they went on the way, a certain man said unto him, I will follow thee whithersoever thou goest.

⁵⁷Ai gele ando aver foro. Sar zhanas po drom, iek manush phendia ka Jesus, "Devla, lav pala tute kai godi zhasa."

⁵⁸And Jesus said unto him, The foxes have holes, and the birds of the heaven [have] nests; but the Son of man hath not where to lay his head.

⁵⁸O Jesus phendia leske, "Le Renard si le gropi, ai le chiriklia si le kuiburia, numa O Shav le Manushes nai les chi iek than kai te thol pesko shero.

⁵⁹And he said unto another, Follow me. But he said, Lord, suffer me first to go and bury my father.

⁵⁹Mai phendia avreske, "Aidi pala mande." Numa wo phendia, "Devla, mek mai anglal te gropov murhe dades."

⁶⁰But he said unto him, Leave the dead to bury their own dead; but go thou and publish abroad the kingdom of God.

⁶⁰O Jesus phendia leske, "Mukh le mulen te gropon penge mulen, ai te zhan phen pa rhaio le Devlesko."

⁶¹And another also said, I will follow thee, Lord; but first suffer me to bid farewell to them that are at my house.

⁶¹Aver manush phendia, "Lava ma pala tute, Devla; numa mek ma te zhav mai anglal te dikhav murhe naimon."

⁶²But Jesus said unto him, No man, having put his hand to the plow, and looking back, is fit for the kingdom of God.

⁶²O Jesus phendia leske, "Kon godi thol o vas ka wurdon, ai dikhel palpale, nai vuzho ka rhaio le Devlesko."