¹And he arose from thence and cometh into the borders of Judaea and beyond the Jordan: and multitudes come together unto him again; and, as he was wont, he taught them again.

¹O Jesus gelotar andai Capernaum, ai avilo ande them Judea ai gelo inchal o pai Jordon: ai bare naroduria gele pala leste, ai sichardia len sar kerelas sa data.

²And there came unto him Pharisees, and asked him, Is it lawful for a man to put away [his] wife? trying him.

²Ai le Farizeanuria avile leste, ai phushle les, "Dar vorta ai slobodo ando zakono te mekel o manush peska rhomnia anda vari soste godi?" te zumaven les.

³And he answered and said unto them, What did Moses command you?

³O Jesus phendia lenge, "So phendiasas o Moses tumenge?"

⁴And they said, Moses suffered to write a bill of divorcement, and to put her away.

⁴Phende leske, "O Moses meklias ke sai mekel o manush peska rhomnia te dela la lil anda vas."

⁵But Jesus said unto them, For your hardness of heart he wrote you this commandment.

⁵O Jesus phendia lenge, "O Moses ramosardia o zakono tumenge, ke zuradian tumaro ilo.

⁶But from the beginning of the creation, Male and female made he them.

⁶Numa de anda gor la lumiaki, O Del kerdias le mursh ai zhuvli.

⁷For this cause shall a man leave his father and mother, and shall cleave to his wife;

⁷Anda kodia o mursh si te mekel peske dades ai peska da, ai avela astardo ka peski rhomni,

⁸and the two shall become one flesh: so that they are no more two, but one flesh.

⁸ai le dui avena iek stato: pala kadia na mai dui numa iek stato.

⁹What therefore God hath joined together, let not man put asunder.

⁹So Del thodias andek than o manush te na hulavel.

¹⁰And in the house the disciples asked him again of this matter.

¹⁰Kana gele palpale ando kher, le disipluria phushle katar O Jesus pa leske vorbi.

¹¹And he saith unto them, Whosoever shall put away his wife, and marry another, committeth adultery against her:

¹¹Ai phendia lenge, "Kon godi mekela peska rhomnia, ai te lela avria kerdias kurvimos.

¹²and if she herself shall put away her husband, and marry another, she committeth adultery.

¹²Ai sakadia ek zhuvli mekela pesko rhom, ai te lela avria kerdias kurvimos."

¹³And they were bringing unto him little children, that he should touch them: and the disciples rebuked them.

¹³Ai andine tsinorhe glaten ka Jesus te thol peske vas pe lende: numa peske disipluria dine trad kodolenge kai andine le.

¹⁴But when Jesus saw it, he was moved with indignation, and said unto them, Suffer the little children to come unto me; forbid them not: for to such belongeth the kingdom of God.

¹⁴Kana O Jesus ashundia kadia, xoliariko sas ai phendia peske displonge, "Mek te aven le glate mande, ai na aterdion le, ke e amperetsia le Devleski kodolenge si kai si sar lende."

¹⁵Verily I say unto you, Whosoever shall not receive the kingdom of God as a little child, he shall in no wise enter therein.

¹⁵Chachimasa phenav tumenge, "Kon godi kai chi primil e amperetsia le Devleski sar ek glata, nashti dela ando rhaio."

¹⁶And he took them in his arms, and blessed them, laying his hands upon them.

¹⁶Ai wo lia le glate ande leske vas, thodia leske vas pe lende, ai rhugisardia lenge.

¹⁷And as he was going forth into the way, there ran one to him, and kneeled to him, and asked him, Good Teacher, what shall I do that I may inherit eternal life?

¹⁷Ai kana O Jesus phirelas pel drom, iek manush nashelas karing leste ai dia le changa angla leste, ai phushlia les, "Lasho Gazda, che lashimos trobul te kerav te avel ma o traio kai chi mai getolpe?"

¹⁸And Jesus said unto him, Why callest thou me good? none is good save one, [even] God.

¹⁸O Jesus phendia leske, "Sostar mothos mange lasho? Ke nai khonik lasho, O Del ferdi si lasho.

¹⁹Thou knowest the commandments, Do not kill, Do not commit adultery, Do not steal, Do not bear false witness, Do not defraud, Honor thy father and mother.

¹⁹Zhanes le zakonuria, na ker kurvimos, na mudar, na phen xoxaimos pa vari kon, na chor, na atsaimos, na pupuiimos, preznaisar che dades ai cha da."

²⁰And he said unto him, Teacher, all these things have I observed from my youth.

²⁰O manush phendia leske, "Gazda, sa kadala zakonuria ankerdem de sar simas terno."

²¹And Jesus looking upon him loved him, and said unto him, One thing thou lackest: go, sell whatsoever thou hast, and give to the poor, and thou shalt have treasure in heaven: and come, follow me.

²¹O Jesus dikhlia pe leste, drago leske les, ai phendia leske, "Mai trobul te keres vari so, zha bichin so si tu, de kal chorhe, ai avela tu manjin ando rhaio: antunchi aidi pala mande."

²²But his countenance fell at the saying, and he went away sorrowful: for he was one that had great possessions.

²²Kana o terno manush ashundia kodia tristosailo ai gelotar, ke but barvalimos sas les.

²³And Jesus looked round about, and saith unto his disciples, How hardly shall they that have riches enter into the kingdom of God!

²³O Jesus dikhlia le ai phendia peske disiplononge, "Ke trutno kodolenge kai si le barvalimos te zhan ande amperetsia le Devleski."

²⁴And the disciples were amazed at his words. But Jesus answereth again, and saith unto them, Children, how hard is it for them that trust in riches to enter into the kingdom of God!

²⁴Ai le disipluria chudisaile kana ashunde kadia. Ai O Jesus pale phendia lenge, "Shave, ke trutno kodolenge kai pachanpe ande barvalimos te zhan ande amperetsia le Devleski."

²⁵It is easier for a camel to go through a needle's eye, than for a rich man to enter into the kingdom of God.

²⁵Mai vushoro te nakhel iek gemula andai iakh suviaki, de sar iek barvalo manush te zhal ande amperetsia le Devleski."

²⁶And they were astonished exceedingly, saying unto him, Then who can be saved?

²⁶Ai chudisailo de sa shodo sas lenge, ai phenenas mashkar pende, "Apo, kon sai avela skepime?"

²⁷Jesus looking upon them saith, With men it is impossible, but not with God: for all things are possible with God.

²⁷O Jesus dikhlias pe lende, ai phendia lenge, "Le manush anda pende nashtin, numa le Devlesa vari so sai kerdiol.

²⁸Peter began to say unto him, Lo, we have left all, and have followed thee.

²⁸Antunchi o Petri phendia leske, "Ashun, ame mekliam swako fielo ai liam ame pala tute."

²⁹Jesus said, Verily I say unto you, There is no man that hath left house, or brethren, or sisters, or mother, or father, or children, or lands, for my sake, and for the gospel's sake,

²⁹O Jesus phendia lenge, "Chachimasa, phenav tumenge, kon godi meklia khera, vai phralen, vai pheian, vai dades, vai da, vai rhomni, vai glaten, vai phuvia pala mande, ai pala e lashi viasta,

³⁰but he shall receive a hundredfold now in this time, houses, and brethren, and sisters, and mothers, and children, and lands, with persecutions; and in the world to come eternal life.

³⁰lela iek shelvar mai but akana pe kadia phuv, khera, ai phralen, ai pheian, ai deian, ai glaten, ai phuvia, ai but chinuimos, ai avela le o traio kai chi mai getolpe ande lumia kai si te avel.

³¹But many [that are] first shall be last; and the last first.

³¹Numa but anda le perve avena le palune, ai but kai sas le palune aven le perve."

³²And they were on the way, going up to Jerusalem; and Jesus was going before them: and they were amazed; and they that followed were afraid. And he took again the twelve, and began to tell them the things that were to happen unto him,

³²Sar le desh u dui disipluria zhanas ando Jerusalem, O Jesus gelo angla lende: chudisaile, ai sar lenas pe pala leste, daraile. Ai lia le desh u dui disiplon pa drom ai phendia lenge so musai avel leste.

³³[saying], Behold, we go up to Jerusalem; and the Son of man shall be delivered unto the chief priests and the scribes; and they shall condemn him to death, and shall deliver him unto the Gentiles:

³³Phenel, "Ashun, zhas ande Jerusalem kai O Shav le Manushesko avela dino ando vas le bare rasha ai le Gramnoturia, ai won kerena leski kris te mudaren les, ai dena les kal manush kai Nai Zhiduvuria.

³⁴and they shall mock him, and shall spit upon him, and shall scourge him, and shall kill him; and after three days he shall rise again.

³⁴Ai won maren mui lestar, ai maren les le bichosa, ai chungaren pe leste, ai karfon les po trushul: ai o trito dies si te zhuvindil."

³⁵And there come near unto him James and John, the sons of Zebedee, saying unto him, Teacher, we would that thou shouldest do for us whatsoever we shall ask of thee.

³⁵O Iakov ai o Iovano, le shave le Zebedeske, avile peste, phenenas, "Gazda, ame mangas tu te keres amenge so mangas."

³⁶And he said unto them, What would ye that I should do for you?

³⁶Ai wo phendia lenge, "So mangen te kerav tumennge?"

³⁷And they said unto him, Grant unto us that we may sit, one on thy right hand, and one on [thy] left hand, in thy glory.

³⁷Won phende leske, "Mek te beshel iek ka cho chacho vas, ai iek ka cho stingo vas ande chiri amperetsia."

³⁸But Jesus said unto them, Ye know not what ye ask. Are ye able to drink the cup that I drink? or to be baptized with the baptism that I am baptized with?

³⁸Numa O Jesus phendia lenge, "Chi zhanen so mangen, amboldiaspe ka Iakov ai o Iovano ai phushlia le, "Sai pen andai kuchi kai me si te piiav?"

³⁹And they said unto him, We are able. And Jesus said unto them, The cup that I drink ye shall drink; and with the baptism that I am baptized withal shall ye be baptized:

³⁹Ai won phende leske, "Sai". Ai O Jesus phendia lenge, "Si te phen anda murhi kuchi:

⁴⁰but to sit on my right hand or on [my] left hand is not mine to give; but [it is for them] for whom it hath been prepared.

⁴⁰Numa te beshen ka murho chacho vas ai ka murho stingo, nai mandar te dav. Kodo than avela dino ka kodola kaske getosardias le murho Dat.

⁴¹And when the ten heard it, they began to be moved with indignation concerning James and John.

⁴¹Kana le kolaver desh disipluria ashunde kodia, xoliale le Iakovosa ai le Iovanosa.

⁴²And Jesus called them to him, and saith unto them, Ye know that they who are accounted to rule over the Gentiles lord it over them; and their great ones exercise authority over them.

⁴²O Jesus akhardia le peste, ai phendia, "Tume zhanen ke le bare le manushenge kai Nai Zhiduvuria gazdin len, ai keren lensa so mange.

⁴³But it is not so among you: but whosoever would become great among you, shall be your minister;

⁴³Nai kadia mashkar tumende, numa savo godi mangel te avel baro mashkar tumende, avela tumaro podaitori.

⁴⁴and whosoever would be first among you, shall be servant of all.

⁴⁴Ai savo godi mangel te avel o mai baro mashkar tumende, avela tumari sluga.

⁴⁵For the Son of man also came not to be ministered unto, but to minister, and to give his life a ransom for many.

⁴⁵Sakadia O Shav le Manushesko, chi avilo te podail pes, numa avilo te podail ai te del pesko traio te pochinel anda but te skepil les."

⁴⁶And they come to Jericho: and as he went out from Jericho, with his disciples and a great multitude, the son of Timaeus, Bartimaeus, a blind beggar, was sitting by the way side.

⁴⁶Ai aresle ando Jericho; kana zhanas avri anda Jericho le disiplonsa ai but manushensa, iek korho kai bushol Bartimaeus, o shav le Timaeusosko, beshelas tele pasha drom, ai mangelas xabe vai love.

⁴⁷And when he heard that it was Jesus the Nazarene, he began to cry out, and say, Jesus, thou son of David, have mercy on me.

⁴⁷Wo ashundia ke O Jesus andai Nazareth nakhelas, ai tsipisardia, phenel, "Jesus, tu Shav le Davidosko, al tuke mila anda mande!"

⁴⁸And many rebuked him, that he should hold his peace: but he cried out the more a great deal, Thou son of David, have mercy on me.

⁴⁸Ai but manush tsipinas pe leste ai phenenas leske te ashel: numa wo tsipilas mai zurales, "Tu Shav le Davidosko, al tuke mila anda mande."

⁴⁹And Jesus stood still, and said, Call ye him. And they call the blind man, saying unto him, Be of good cheer: rise, he calleth thee.

⁴⁹Ai O Jesus aterdilo, ai phendia lenge te akharen les. Won akharen o korho manush, ai phenen leske, "Aves veselo, wushti, O Jesus akharel tu."

⁵⁰And he, casting away his garment, sprang up, and came to Jesus.

⁵⁰Ai wo lia tele leske bunda, wushtilo, ai avilo karing O Jesus.

⁵¹And Jesus answered him, and said, What wilt thou that I should do unto thee? And the blind man said unto him, Rabboni, that I may receive my sight.

⁵¹O Jesus phendia leske, "So manges te kerav tuke?" O korho manush phendia leske, "Devla, phuter murhe iakha te dikhav."

⁵²And Jesus said unto him, Go thy way; thy faith hath made thee whole. And straightway he received his sight, and followed him in the way.

⁵²O Jesus phendia leske, "Zha, cho pachamos sastilia tu." Ai strazo dikhlia, ai liape pala Jesus.