¹And they came to the other side of the sea, into the country of the Gerasenes.

¹Ai aresle pe kaver rig le paieske, ando them kai bushol Gadarenes.

²And when he was come out of the boat, straightway there met him out of the tombs a man with an unclean spirit,

²Ai kana anklisto avri anda chuno, strazo ek manush anklisto avri andal kaplitsi kai sas les ek bi vuzho ande leste.

³who had his dwelling in the tombs: and no man could any more bind him, no, not with a chain;

³Kado manush beshelas andel kaplitsi; ai khonik nashti phandel les le lansuriansa.

⁴because that he had been often bound with fetters and chains, and the chains had been rent asunder by him, and the fetters broken in pieces: and no man had strength to tame him.

⁴Ke butivar le manush phandesas les lantsonsa ai sastrensa pel punrhe, numa wo pharhadia le lantsuria ai le sastri kai sas pel punrhe ai vas. Khonik nashtil te aterdiol les ke sas les pra but zor.

⁵And always, night and day, in the tombs and in the mountains, he was crying out, and cutting himself with stones.

⁵Swako riat ai swako dies phirelas andel kaplitsi ai po plaia, tsipilas, ai shinelaspe le baxensa.

⁶And when he saw Jesus from afar, he ran and worshipped him;

⁶Kana o manush kai sas les ek bi vuzho ande leste dikhlian O Jesus dur lestar, nashlia ai dia le changa angle leste.

⁷and crying out with a loud voice, he saith, What have I to do with thee, Jesus, thou Son of the Most High God? I adjure thee by God, torment me not.

⁷Ai tsipisardia zurales, ai phendias, "So manges mandar, Jesus, tu, Shav le Devlesko? Phushav tut ando anav le Devlesko, na chinuisar ma."

⁸For he said unto him, Come forth, thou unclean spirit, out of the man.

⁸Ke O Jesus phenelas leske, "Tu, bi vuzho, ankles avri anda leste."

⁹And he asked him, What is thy name? And he saith unto him, My name is Legion; for we are many.

⁹O Jesus phushlia le bi vuzhesko, "Sar bushos?" Wo dia atweto, phenel, "Le Legion, ke but sam."

¹⁰And he besought him much that he would not send them away out of the country.

¹⁰Ai wo rhugilaspe ka Jesus te na tradel le bi vuzhe avri anda them.

¹¹Now there was there on the mountain side a great herd of swine feeding.

¹¹Nas dur but bale kai xanas.

¹²And they besought him, saying, Send us into the swine, that we may enter into them.

¹²Le beng rhugisaile ka Jesus, "Te gonisa ame avri trade ame andel bale."

¹³And he gave them leave. And the unclean spirits came out, and entered into the swine: and the herd rushed down the steep into the sea, [in number] about two thousand; and they were drowned in the sea.

¹³O Jesus phendia lenge te zhan andel bale, ai le bi vuzhe ankliste avri ai gele andel bale. Ai sa le bale shudepe pai xar ande maria, ai tasule ando pai. Sas pashte dui mi bale.

¹⁴And they that fed them fled, and told it in the city, and in the country. And they came to see what it was that had come to pass.

¹⁴Le manush kai lenas sama katar le bale sigo gele ando foro ai avrial le gave, ai phende so kerdilia. Ai sa le manush avile te dikhen so kerdilia.

¹⁵And they come to Jesus, and behold him that was possessed with demons sitting, clothed and in his right mind, [even] him that had the legion: and they were afraid.

¹⁵Avile ka Jesus ai dikhle o manush kai sas les but beng ande leste, ai beshelas tele, ai vuriardo, ai leske goji vorta; ai daraile.

¹⁶And they that saw it declared unto them how it befell him that was possessed with demons, and concerning the swine.

¹⁶Kudola kai dikhle les, phende le manush so kerdilia pa o manush kai sas le beng ande leste, ai vi pa le bale.

¹⁷And they began to beseech him to depart from their borders.

¹⁷Ai phushle les te zhaltar anda lengo them.

¹⁸And as he was entering into the boat, he that had been possessed with demons besought him that he might be with him.

¹⁸Ai kana O Jesus anklisto ando chuno, o manush kai sas les le beng ande leste manglia te zhal lesa.

¹⁹And he suffered him not, but saith unto him, Go to thy house unto thy friends, and tell them how great things the Lord hath done for thee, and [how] he had mercy on thee.

¹⁹Numa O Jesus chi meklia les te zhal, ai phendia leske, "Zha khere ai phenes lenge so godi kerdia tuke O Del, ai sar sas les mila pe tute."

²⁰And he went his way, and began to publish in Decapolis how great things Jesus had done for him: and all men marvelled.

²⁰Kodo manush gelotar ai phendia sa le manush ande Decapolis so godi kerdia leske O Jesus; ai sa le manush chudisaile.

²¹And when Jesus had crossed over again in the boat unto the other side, a great multitude was gathered unto him; and he was by the sea.

²¹Antunchi O Jesus gelo palpale inchal e maria ando chuno, ai but narodo chidinisaile angla leste: ai wo sas po berego.

²²And there cometh one of the rulers of the synagogue, Jairus by name; and seeing him, he falleth at his feet,

²²Ai, eta, iek baro andai synagogue avilo kai busholas Jairus, ai kana dikhlia O Jesus, shudiape kal punrhe,

²³and beseecheth him much, saying, My little daughter is at the point of death: [I pray thee], that thou come and lay thy hands on her, that she may be made whole, and live.

²³ai dia duma zurales leske, phenel, "Murhi shei merel akana; aidi ai tho cho vas pe late, te avela sasti ai woi traiila.

²⁴And he went with him; and a great multitude followed him, and they thronged him.

²⁴O Jesus gelo lesa; ai but manush lenaspe pala leste, ai pashonas pasha leste katar swako rig.

²⁵And a woman, who had an issue of blood twelve years,

²⁵Sas ek zhuvli kai xasarelas pesko rat de desh u dui bersh,

²⁶and had suffered many things of many physicians, and had spent all that she had, and was nothing bettered, but rather grew worse,

²⁶ai chinuisardia but. Geli ka but dokxturia, xaliasas sa peske love, numa chi iek chi sastiardia la, ai mai nasul sas.

²⁷having heard the things concerning Jesus, came in the crowd behind, and touched his garment.

²⁷Kana ashundia pa Jesus, avili palal pala Jesus ai azbadia e tivala leske raxamaki.

²⁸For she said, If I touch but his garments, I shall be made whole.

²⁸Ke phendiape, "Te sai azbava leske tsalia avava sasti."

²⁹And straightway the fountain of her blood was dried up; and she felt in her body that she was healed of her plague.

²⁹Ai strazo o rat kai xasarelas aterdilo; ai woi zhanglia ke sastilisas katar o naswalimos.

³⁰And straightway Jesus, perceiving in himself that the power [proceeding] from him had gone forth, turned him about in the crowd, and said, Who touched my garments?

³⁰Ai O Jesus, strazo zhanelaspe kai putiera ankliste avri anda leste, amboldiape ai phendia ka le manush, "Kon azbadia murhe tsalia?"

³¹And his disciples said unto him, Thou seest the multitude thronging thee, and sayest thou, Who touched me?

³¹Leske disipluria phende leske, "Tu dikhes but narodo pashon pasha tute katar swako rig, ai tu mothos, "Kon azbadia ma?"

³²And he looked round about to see her that had done this thing.

³²O Jesus amboldiape ai dikhlia pe late kai azbadia leske tsalia.

³³But the woman fearing and trembling, knowing what had been done to her, came and fell down before him, and told him all the truth.

³³Numa e zhuvli daralas ai izdralas, zhanelas so kerdia O Jesus lake, avili ai dia le changa angla leste, ai phendia leske sa o chachimos.

³⁴And he said unto her, Daughter, thy faith hath made thee whole; go in peace, and be whole of thy plague.

³⁴Ai phendia lake, "Murhi shei, cho pachamos sastiardia tu; zha pachasa, sasti san katar cho naswalimos."

³⁵While he yet spake, they come from the ruler of the synagogue's [house] saying, Thy daughter is dead: why troublest thou the Teacher any further?

³⁵Sar delas duma inker, avile manush katar o kher le baresko andai synagogue ai phende, "Chi sheiorhi muli. Sostar mai dziliares o gazda?"

³⁶But Jesus, not heeding the word spoken, saith unto the ruler of the synagogue, Fear not, only believe.

³⁶Kana O Jesus ashundia kadala vorbi, phendia le baresko andai synagogue, "Na dara, ferdi pacha tu."

³⁷And he suffered no man to follow with him, save Peter, and James, and John the brother of James.

³⁷Ai O Jesus chi meklia khonik te zhal lesa, ferdi o Petri, ai Iakov, ai Iovano o phral le Iakovosko.

³⁸And they come to the house of the ruler of the synagogue; and he beholdeth a tumult, and [many] weeping and wailing greatly.

³⁸Aresle ka kher le baresko andai synagogue, ai O Jesus dikhlia baro narodo buntuime, but mui kerenas, ai rovenas. Wo gelo andre ai phushlia le,

³⁹And when he was entered in, he saith unto them, Why make ye a tumult, and weep? the child is not dead, but sleepeth.

³⁹"Sostar keren kadia, ai roven? E sheiorhi nai muli, numa sovel!"

⁴⁰And they laughed him to scorn. But he, having put them all forth, taketh the father of the child and her mother and them that were with him, and goeth in where the child was.

⁴⁰Won asaie lestar, kana gonisardia le narodos, wo angerdia o dat ai e dei la sheiake, ai won kai sas lesa, ai gele ande soba kai pashliolas.

⁴¹And taking the child by the hand, he saith unto her, Talitha cumi; which is, being interpreted, Damsel, I say unto thee, Arise.

⁴¹Ai lia la vastestar, ai phendia lake, "Talitha cumi" kai si "Sheiorhio, phenav tuke, Wushti opre."

⁴²And straightway the damsel rose up, and walked; for she was twelve years old. And they were amazed straightway with a great amazement.

⁴²Ai strazo e sheiorhi wushtili, ai phiradia. Desh u dui bershengi sas. Ai chudisaile but!

⁴³And he charged them much that no man should know this: and he commanded that [something] should be given her to eat.

⁴³Wo dias le trad te na mothon kanikaske; ai phendia lenge, "De la vari so te xal."