¹There is therefore now no condemnation to them that are in Christ Jesus.

¹Akana ma nai chi iek kris pe kodola kai traiin le Jesus Kristosa, kai chi phiren na pala stato, numa pala Swunto Duxo.

²For the law of the Spirit of life in Christ Jesus made me free from the law of sin and of death.

²Ke o zakono le Swuntone Duxosko kai del o traio ando Jesus Kristo, skepisardia ma anda zakono le bezexesko ai katar e martia.

³For what the law could not do, in that it was weak through the flesh, God, sending his own Son in the likeness of sinful flesh and for sin, condemned sin in the flesh:

³O Del kerdia so o zakono le Mosesosko nashti kerelas, ke o stato le manushesko nai zuralo. Doshardia le bezexes kai si ando stato le manushesko kana tradia peske shaves saikfialo sar andek stato kai si sar o bezex le manushesko te ankalavel o bezex.

⁴that the ordinance of the law might be fulfilled in us, who walk not after the flesh, but after the Spirit.

⁴Ai O Del kerdia kodia saxke e kris le zakonoski te kerdiol anda amende kai phiras na pala stato, numa pala Swunto Duxo.

⁵For they that are after the flesh mind the things of the flesh; but they that are after the Spirit the things of the Spirit.

⁵Ke kodola kai traiin pala stato, roden le dieli kai mangel o stato. Numa kodola kay traiin pala Swunto Duxo lenpe pala so mangel o Swunto Duxo.

⁶For the mind of the flesh is death; but the mind of the Spirit is life and peace:

⁶Te lesa tu pala le dieli kai mangel o stato kodia angerel kai martia; numa te lesa tu pala so mangel o Swunto Duxo kodia angerel ando traio ai kai pacha.

⁷because the mind of the flesh is enmity against God; for it is not subject to the law of God, neither indeed can it be:

⁷Ke kodola kai lenpe pala le dieli le statoske, won si le duzhmaia le Devleske; ke chi lenpe pala zakono le Devlesko, ai vi nashtin.

⁸and they that are in the flesh cannot please God.

⁸Kodola kai traiin le statoske nashtin te aven drago le Devleske.

⁹But ye are not in the flesh but in the Spirit, if so be that the Spirit of God dwelleth in you. But if any man hath not the Spirit of Christ, he is none of his.

⁹Numa tume chi traiin le statoske, numa traiin pala Swunto Duxo, ke o Swunto Duxo le Devlesko traiil ande tumende. Kodo kai nai o Swunto Duxo le Kristosko ande leste, nai lesko.

¹⁰And if Christ is in you, the body is dead because of sin; but the spirit is life because of righteousness.

¹⁰Te si o Kristo ande tumende, marka ke tumaro stato mulo lo pala bezex, o Swunto Duxo si traio ande tumende ke O Del kerdia anda tumende te aven vorta angla leste.

¹¹But if the Spirit of him that raised up Jesus from the dead dwelleth in you, he that raised up Christ Jesus from the dead shall give life also to your mortal bodies through his Spirit that dwelleth in you.

¹¹Te si o Swunto Duxo le Devlesko, kai zhuvindisardia le Kristos andai martia ai andia les ka traio, te si ke traiil vi ande tumende, dela vi o traio ka tumare staturia la phuviake peske Swuntone Duxosa kai traiil ande tumende.

¹²So then, brethren, we are debtors, not to the flesh, to live after the flesh:

¹²Murhe phral, chi mangas kanchi le statoske te keras so mangel amendar.

¹³for if ye live after the flesh, ye must die; but if by the Spirit ye put to death the deeds of the body, ye shall live.

¹³Ke te traiina le statoske, si te meren; numa le Swuntone Duxosa te mudarena so mangel o stato, traiina.

¹⁴For as many as are led by the Spirit of God, these are sons of God.

¹⁴Sa kodola kai lenpe pala Swunto Duxo le Devlesko si shave Devleske.

¹⁵For ye received not the spirit of bondage again unto fear; but ye received the spirit of adoption, whereby we cry, Abba, Father.

¹⁵Ke o Swunto Duxo kai sas tume dino nai iek duxo kai inkerel tume sar rhobuvria ai te thol pale e dar ande tumende; numa kado Swunto Duxo kerel anda tumende shave le Devleske, ai kai kerel ame te tsipisaras po Del ai te mothas leske, "Dat! Murho Dat!"

¹⁶The Spirit himself beareth witness with our spirit, that we are children of God:

¹⁶O Swunto Duxo le Devlesko mothol amare Duxoske ke shave Devleske sam.

¹⁷and if children, then heirs; heirs of God, and joint-heirs with Christ; if so be that we suffer with [him], that we may be also glorified with [him].

¹⁷No te sam leske shave, liam ame avela dino o lashimos le Devlesko, kai O Del shinadia peske narodoske, liam ame avela dino le Kristosa; ke te chinuisarasa lesa, avasa lesa luvudime.

¹⁸For I reckon that the sufferings of this present time are not worthy to be compared with the glory which shall be revealed to us-ward.

¹⁸Gindiv ke o chino kai dikhas akana nashtil te avel iekfialo ke sar o luvudimos le Devlesko kai O Del sikavela amenge.

¹⁹For the earnest expectation of the creation waiteth for the revealing of the sons of God.

¹⁹Sai e lumia azhukerel sar mai sigo e vriama kai O Del sikavela peske shaven.

²⁰For the creation was subjected to vanity, not of its own will, but by reason of him who subjected it, in hope

²⁰Ke e lumia sas thodini kal dieli kai chi mon kanch, na ke won mangle, numa ke O Del manglia kadia. Numa sai azhukeren vari so.

²¹that the creation itself also shall be delivered from the bondage of corruption into the liberty of the glory of the children of God.

²¹Kodia si ke e lumia avela skepime andek dies katar e putiera le nasulimaski kai ankerel le, ai vi won avela len o skepimos sar le shave le Devleske.

²²For we know that the whole creation groaneth and travaileth in pain together until now.

²²Zhanas ke akana e lumia inker tsipil ai chinuil sar iek zhuvli kana si la glata.

²³And not only so, but ourselves also, who have the first-fruits of the Spirit, even we ourselves groan within ourselves, waiting for [our] adoption, [to wit], the redemption of our body.

²³Numa na ferdi e lumia; ame kai si ame vunzhe O Swunto Duxo sar o pervo andal podarki le Devleski, iame suspinisaras andral zhi kai azhukeras te kerel O Del peske shave anda amende, ai te ankalavel amaro stato anda bezex.

²⁴For in hope were we saved: but hope that is seen is not hope: for who hopeth for that which he seeth?

²⁴Ke O Del skepisardia ame; numa inker azhukeras te dikhasa so azhukeras; ma nai so azhukeras; savo mai azhukerel so vunzhi?

²⁵But if we hope for that which we see not, [then] do we with patience wait for it.

²⁵Numa te azhukerasa so chi dikhas, azhukeras vriamasa.

²⁶And in like manner the Spirit also helpeth our infirmity: for we know not how to pray as we ought; but the Spirit himself maketh intercession for [us] with groanings which cannot be uttered;

²⁶Sakadia o Swunto Duxo avel te zhutil ame, ame kai sam kovle. Ke chi zhanas te rhugisavas sar trobul pe; Numa O Swunto Duxo rhugilpe ka Del amenge, tsipilimasa kai nashti phenas le vorbensa.

²⁷and he that searcheth the hearts knoweth what is the mind of the Spirit, because he maketh intercession for the saints according to [the will of] God.

²⁷Ai O Del, kai dikhel andel ile, aliarel so mangel O Swunto Duxo; ke O Swunto Duxo rhugilpe anda kodola kai si le Devleske sar O Del mangel.

²⁸And we know that to them that love God all things work together for good, [even] to them that are called according to [his] purpose.

²⁸Zhanas ke O Del kerel buchi ande soste godi po mishtimos kodolenge kai drago le Devles , kodola kai akhardia le te keren so mangel.

²⁹For whom he foreknew, he also foreordained [to be] conformed to the image of his Son, that he might be the firstborn among many brethren:

²⁹Ke kodola kai O Del alosardia le mai anglal manglia vi mai anglal te miazon sar lesko shav, saxke lesko shav te avel o mai baro bute phralengo.

³⁰and whom he foreordained, them he also called: and whom he called, them he also justified: and whom he justified, them he also glorified.

³⁰Kodolenge kai O Del mai anglal manglia kadia; vi akhardia le kodolen kai akhardia, vi kerdia anda lende vorta angla leste; anda kodola kai kerdia vorta vi dia le te aven luvudime lesa.

³¹What then shall we say to these things? If God [is] for us, who [is] against us?

³¹So te mothas mai but? Te si O Del amensa, kon sai avel pe amende?

³²He that spared not his own Son, but delivered him up for us all, how shall he not also with him freely give us all things?

³²Wo kai chi spasaisardia peske shaves, numa dia les amenge savorhenge, sar te na del ame vi le kolaver dieli lesa?

³³Who shall lay anything to the charge of God's elect? It is God that justifieth;

³³Kon thola dosh pe kodola kai O Del alosardia?

³⁴who is he that condemneth? It is Christ Jesus that died, yea rather, that was raised from the dead, who is at the right hand of God, who also maketh intercession for us.

³⁴Khonik ke O Del mothol ke nai doshale! Kon sai dosharel antunchi? Khonik ke O Jesus Kristo si kodo kai mulo, inker mai but zhuvindisailo, pe chachi rik le Devleski lo, ai rhugilpe anda amende!

³⁵Who shall separate us from the love of Christ? shall tribulation, or anguish, or persecution, or famine, or nakedness, or peril, or sword?

³⁵Kon sai duriarel ame katar e dragostia le Kristoski? o chino sai dashtil, vai o nekazo, vai te chinuin ame, vai e bokh, o chorimos, e dar, vai e martia?

³⁶Even as it is written, For thy sake we are killed all the day long; We were accounted as sheep for the slaughter.

³⁶Ke E Vorba le Devleske mothol, "Pala tute sam thodine kai martia antrego dies; ai keren amensa sar le bakriorhansa kai angeren le kamasari." (Ps 44:22).

³⁷Nay, in all these things we are more than conquerors through him that loved us.

³⁷Numa ande sa kadala dieli sam mai but ke sar zurale ande kodo kai manglia amen!

³⁸For I am persuaded, that neither death, nor life, nor angels, nor principalities, nor things present, nor things to come, nor powers,

³⁸Ke pachav ma ke kanchi nashtil te duriarel amen katar e dragostia le Devleski; chi e martia, chi o traio; chi le angeluria, chi iek aver zor, vai putiera chereske; chi so si akana ai chi so avel;

³⁹nor height, nor depth, nor any other creature, shall be able to separate us from the love of God, which is in Christ Jesus our Lord.

³⁹chi e zor kai si opre, chi e zor kai si tele - ai chi iek aver diela kai si, kanch shoxar nashtila te duriarel ame katar e dragostia le Devleski kai dia ame O Del ando Jesus Kristo amaro Del.