¹For freedom did Christ set us free: stand fast therefore, and be not entangled again in a yoke of bondage.

¹Sa kalayaan ay pinalaya tayo ni Cristo: magsitibay nga kayo, at huwag na kayong pasakop na muli sa pamatok ng pagkaalipin.

²Behold, I Paul say unto you, that, if ye receive circumcision, Christ will profit you nothing.

²Narito, akong si Pablo ay nagsasabi sa inyo, na, kung inyong tinatanggap ang pagtutuli, ay wala kayong mapapakinabang na anoman kay Cristo.

³Yea, I testify again to every man that receiveth circumcision, that he is a debtor to do the whole law.

³Oo, pinatotohanan kong muli sa bawa't taong tumatanggap ng pagtutuli, na siya'y may kautangang tumupad ng buong kautusan.

⁴Ye are severed from Christ, ye would be justified by the law; ye are fallen away from grace.

⁴Kayo'y hiwalay kay Cristo, kayong nangagiibig na ariing-ganap ng kautusan; nangahulog kayo mula sa biyaya.

⁵For we through the Spirit by faith wait for the hope of righteousness.

⁵Sapagka't tayo sa pamamagitan ng Espiritu sa pananampalataya ay naghihintay ng pangako ng katuwiran.

⁶For in Christ Jesus neither circumcision availeth anything, nor uncircumcision; but faith working through love.

⁶Sapagka't kay Cristo Jesus, kahit ang pagtutuli ay walang kabuluhan, kahit man ang di-pagtutuli; kundi ang pananampalataya na gumagawa sa pamamagitan ng pagibig.

⁷Ye were running well; who hindered you that ye should not obey the truth?

⁷Nagsisitakbo kayong mabuti nang una; sino ang gumambala sa inyo upang kayo'y huwag magsisunod sa katotohanan?

⁸This persuasion [came] not of him that calleth you.

⁸Ang paghikayat na ito ay hindi nagmula doon sa tumawag sa inyo.

⁹A little leaven leaveneth the whole lump.

⁹Ang kaunting lebadura ay nagpapakumbo sa buong limpak.

¹⁰I have confidence to you-ward in the Lord, that ye will be none otherwise minded: but he that troubleth you shall bear his judgment, whosoever he be.

¹⁰Ako'y may pagkakatiwala sa inyo sa Panginoon, na hindi kayo nagsipagisip ng ibang paraan: datapuwa't ang gumagambala sa inyo ay magtataglay ng kaniyang kahatulan, maging sinoman siya.

¹¹But I, brethren, if I still preach circumcision, why am I still persecuted? then hath the stumbling-block of the cross been done away.

¹¹Nguni't ako, mga kapatid, kung ipinangangaral ko pa ang pagtutuli, bakit ako'y pinaguusig pa? kung gayon ay natapos na ang katitisuran sa krus.

¹²I would that they that unsettle you would even go beyond circumcision.

¹²Ibig ko sana na ang mga nagsisigulo sa inyo ay gumawa ng higit sa pagtutuli.

¹³For ye, brethren, were called for freedom; only [use] not your freedom for an occasion to the flesh, but through love be servants one to another.

¹³Sapagka't kayo, mga kapatid, ay tinawag sa kalayaan; huwag lamang gamitin ang inyong kalayaan, upang magbigay kadahilanan sa laman, kundi sa pamamagitan ng pagibig ay mangaglingkuran kayo.

¹⁴For the whole law is fulfilled in one word, [even] in this: Thou shalt love thy neighbor as thyself.

¹⁴Sapagka't ang buong kautusan ay natutupad sa isang salita, sa makatuwid ay dito: Iibigin mo ang inyong kapuwa na gaya ng inyong sarili.

¹⁵But if ye bite and devour one another, take heed that ye be not consumed one of another.

¹⁵Nguni't kung kayo-kayo rin ang nangagkakagatan at nangagsasakmalan, magsipagingat kayo na baka kayo'y mangaglipulan sa isa't isa.

¹⁶But I say, walk by the Spirit, and ye shall not fulfil the lust of the flesh.

¹⁶Sinasabi ko nga, Magsilakad kayo ayon sa Espiritu, at hindi ninyo gagawin ang mga pita ng laman.

¹⁷For the flesh lusteth against the Spirit, and the Spirit against the flesh; for these are contrary the one to the other; that ye may not do the things that ye would.

¹⁷Sapagka't ang laman ay nagnanasa ng laban sa Espiritu, at ang Espiritu ay laban sa laman; sapagka't ang mga ito ay nagkakalaban; upang huwag ninyong gawin ang bagay na inyong ibigin.

¹⁸But if ye are led by the Spirit, ye are not under the law.

¹⁸Datapuwa't kung kayo'y pinapatnubayan ng Espiritu, ay wala kayo sa ilalim ng kautusan.

¹⁹Now the works of the flesh are manifest, which are [these]: fornication, uncleanness, lasciviousness,

¹⁹At hayag ang mga gawa ng laman, sa makatuwid ay ang mga ito: pakikiapid, karumihan, kalibugan,

²⁰idolatry, sorcery, enmities, strife, jealousies, wraths, factions, divisions, parties,

²⁰Pagsamba sa diosdiosan, pangkukulam, mga pagtataniman, mga pagtatalo, mga paninibugho, mga pagkakaalitan, mga pagkakampikampi, mga pagkakabahabahagi, mga hidwang pananampalataya,

²¹envyings, drunkenness, revellings, and such like; of which I forewarn you, even as I did forewarn you, that they who practise such things shall not inherit the kingdom of God.

²¹Mga kapanaghilian, mga paglalasing, mga kalayawan, at ang mga katulad nito; tungkol sa mga bagay na ito ay aking ipinagpapaunang ipaalaala sa inyo, tulad sa aking pagpapaalaala nang una sa inyo, na ang mga nagsisigawa ng gayong mga bagay ay hindi magsisipagmana ng kaharian ng Dios.

²²But the fruit of the Spirit is love, joy, peace, longsuffering, kindness, goodness, faithfulness,

²²Datapuwa't ang bunga ng Espiritu ay pagibig, katuwaan, kapayapaan, pagpapahinuhod, kagandahang-loob, kabutihan, pagtatapat,

²³meekness, self-control; against such there is no law.

²³Kaamuan, pagpipigil; laban sa mga gayong bagay ay walang kautusan.

²⁴And they that are of Christ Jesus have crucified the flesh with the passions and the lusts thereof.

²⁴At ipinako sa krus ng mga na kay Cristo Jesus ang laman na kasama ang mga masasamang pita at mga kahalayan nito.

²⁵If we live by the Spirit, by the Spirit let us also walk.

²⁵Kung tayo'y nangabubuhay sa pamamagitan ng Espiritu, ay mangagsilakad naman tayo ayon sa Espiritu.

²⁶Let us not become vainglorious, provoking one another, envying one another.

²⁶Huwag tayong maging mga palalo, na tayo-tayo'y nangagmumungkahian sa isa't isa, nangagiinggitan sa isa't isa.