¹Would that ye could bear with me in a little foolishness: but indeed ye do bear with me.

¹ Céy bu ngeen ma manoon a muñal, ma wax leen tuuti waxi dof! Waaw muñal-leen ma sax.

²For I am jealous over you with a godly jealousy: for I espoused you to one husband, that I might present you [as] a pure virgin to Christ.

² Dama leen di fiire ak fiiraange gu jóge ca Yàlla, ndaxte dama leen a bëgg a jébbal jenn jëkkër kepp, muy Kirist, ngeen set ni janq.

³But I fear, lest by any means, as the serpent beguiled Eve in his craftiness, your minds should be corrupted from the simplicity and the purity that is toward Christ.

³ Waaye ni jaan ja naxe woon Awa ci pexeem, ragal naa yéen itam ñu lëmbaaje ni seen xel, ba ngeen dëddu xol bu laab, bi ngeen amoon ci seen diggante ak Kirist.

⁴For if he that cometh preacheth another Jesus, whom we did not preach, or [if] ye receive a different spirit, which ye did not receive, or a different gospel, which ye did not accept, ye do well to bear with [him].

⁴ Ndaxte bu kenn ñëwee, di leen waar ci Yeesu ci lu juuyoo ak li nu leen yégal, walla ngeen jot meneen xel mu wuute ak Xel mi ngeen jot, walla ngeen nangu beneen xebaar bu wuute ak bi ngeen dégg, dingeen ko dékku bu baax.

⁵For I reckon that I am not a whit behind the very chiefest apostles.

⁵ Moona foog naa ne, seen ndaw yooyu ngeen yékkati, ba ñu ëpp ndaw sax, ëpplewuñu ma dara.

⁶But though [I be] rude in speech, yet [am I] not in knowledge; nay, in every way have we made [this] manifest unto you in all things.

⁶ Bu ma dul jàmbaari wax it, néewuma xam-xam, te won nanu leen ko ci bépp mbir ak ci bépp fànn.

⁷Or did I commit a sin in abasing myself that ye might be exalted, because I preached to you the gospel of God for nought?

⁷ Walla boog ndax dama leen a tooñ ci li ma suufeel sama bopp ngir yékkati leen, ba ma leen di yégal xebaar bu baax bi te laajuma leen genn pey?

⁸I robbed other churches, taking wages [of them] that I might minister unto you;

⁸ Xanaa kay damaa tooñ ci li ma dunde alalu yeneen mboolooy ñi gëm, ba futti leen, ngir dimbali leen, yéen.

⁹and when I was present with you and was in want, I was not a burden on any man; for the brethren, when they came from Macedonia, supplied the measure of my want; and in everything I kept myself from being burdensome unto you, and [so] will I keep [myself].

⁹ Te ba ma nekkee ci yéen te soxla dab ma, wéeruwuma ci kenn ci yéen, ndaxte bokk ya jóge Maseduwan ñoo ma indil li ma soxla woon. Ci lépp moytu naa nekk yen ci yéen, te dinaa ko gën a def.

¹⁰As the truth of Christ is in me, no man shall stop me of this glorying in the regions of Achaia.

¹⁰ Ni mu wóore ne, dëggug Kirist nekk na ci man, ni la wóore ne loolii may damoo, kenn du ko teggi ci diiwaanu Akayi gépp.

¹¹Wherefore? because I love you not? God knoweth.

¹¹ Lu tax? Ndax dama leen a bëggul? Yàlla xam na ne, bëgg naa leen!

¹²But what I do, that I will do, that I may cut off occasion from them that desire an occasion; that wherein they glory, they may be found even as we.

¹² Noonu may doxale nag dinaa ci sax, ngir ñiy damu, di wut yoon wu ñu aw ba yemale seen bopp ak nun, duñu ko am.

¹³For such men are false apostles, deceitful workers, fashioning themselves into apostles of Christ.

¹³ Ay ndawi naaféq lañu, di ay liggéeykat yu njublaŋ yuy mbubboo turu ndawi Kirist.

¹⁴And no marvel; for even Satan fashioneth himself into an angel of light.

¹⁴ Te loolu jaaxalu nu, ndaxte Seytaane moom ci boppam day mbubboo malaakam leer.

¹⁵It is no great thing therefore if his ministers also fashion themselves as ministers of righteousness, whose end shall be according to their works.

¹⁵ Kon nag ay ndawam mbubboo ndawi njub, loolu du nu jaaxal. Dees na leen fey seeni jëf.

¹⁶I say again, let no man think me foolish; but if [ye do], yet as foolish receive me, that I also may glory a little.

¹⁶ Maa ngi leen koy waxaat: bu ma kenn jàpp nib dof. Walla boog bu ngeen ma ko jàppee, séddleen ma céru dof, ngir ma damu tuuti, man itam.

¹⁷That which I speak, I speak not after the Lord, but as in foolishness, in this confidence of glorying.

¹⁷ Loolu may wax nag, waxuma ko ci turu Boroom bi. Bu ma ñemee damoo nii, maa ngi wax ni dof.

¹⁸Seeing that many glory after the flesh, I will glory also.

¹⁸ Ndegam ñu bare dañuy damu ni nit kese, man itam kon dinaa damu.

¹⁹For ye bear with the foolish gladly, being wise [yourselves].

¹⁹ Yéen boroom xel yi, aka ngeen a man a muñal ñi dof,

²⁰For ye bear with a man, if he bringeth you into bondage, if he devoureth you, if he taketh you [captive], if he exalteth himself, if he smiteth you on the face.

²⁰ nde yéena ngi muñ ñi leen di jaamloo, di lekk seen alal, di leen nax, di leen xeeb, di leen talaata!

²¹I speak by way of disparagement, as though we had been weak. Yet whereinsoever any is bold (I speak in foolishness), I am bold also.

²¹ Sunu néew doole mayu nu, nu dem ba jëfe noonu; rus naa ci lool de! Ma wax waxi dof; moona lépp lu waay ñemee damoo, ñeme naa ko, man it.

²²Are they Hebrews? so am I. Are they Israelites? so am I. Are they the seed of Abraham? so am I.

²² Ndax Ibrë lañu? Man it Ibrë laa. Ndax bànni Israyil lañu? Man itam ci laa. Ndax sëti Ibraayma lañu? Man itam moom laa.

²³Are they ministers of Christ? (I speak as one beside himself) I more; in labors more abundantly, in prisons more abundantly, in stripes above measure, in deaths oft.

²³ Ndax surgay Kirist lañu? --maa ngi wax waxi ku tàggoo ak sagoom nag — maa leen ko gën a doon. Bu dee ci liggéey, maa leen ci man. Bu dee ci li ñu nu tëj ci kaso, maa leen ko gën a miin. Bu dee ci li ñu nu dóor ay yar, maa leen ëpple. Leru naa dee ba tàyyi.

²⁴Of the Jews five times received I forty [stripes] save one.

²⁴ Juróomi yoon Yawut yi dóor nañu ma fanweeri yar ak juróom-ñeent.

²⁵Thrice was I beaten with rods, once was I stoned, thrice I suffered shipwreck, a night and a day have I been in the deep;

²⁵ Ñetti yoon dóorees na ma ay yet, te mas nañu maa sànni ay xeer, bëgg maa rey. Ñetti yoon dugg naa gaal, mu suux. Mas naa yendu ci ndox, fanaan ci.

²⁶[in] journeyings often, [in] perils of rivers, [in] perils of robbers, [in] perils from [my] countrymen, [in] perils from the Gentiles, [in] perils in the city, [in] perils in the wilderness, [in] perils in the sea, [in] perils among false brethren;

²⁶ Ci sama tukki yu bare yi daan naa faral di daje ak musiba ci dex yi, ak musiba ci sàcc yi, musiba mu jóge ci sama xeet walla ci ñi dul Yawut, musiba ci biir dëkk yi, ci màndiŋ yi, ci géej gi, ci biir bokki taalibe yu naaféq yi.

²⁷[in] labor and travail, in watchings often, in hunger and thirst, in fastings often, in cold and nakedness.

²⁷ Sonn naa, di ñaq, di fanaane xool, di xiif ak a mar tey fande, di dékku liw te rafle,

²⁸Besides those things that are without, there is that which presseth upon me daily, anxiety for all the churches.

²⁸ waxaalewuma li ci des nag: bés bu nekk maa ngi xalaat mboolooy ñi gëm.

²⁹Who is weak, and I am not weak? who is caused to stumble, and I burn not?

²⁹ Ana ku ci néew doole, te wàlluma ko? Ana ku ci bàkkaar, te awma naqar wu tiis?

³⁰If I must needs glory, I will glory of the things that concern my weakness.

³⁰ Su ma damu waree kon, ci sama néew doole laay damoo.

³¹The God and Father of the Lord Jesus, he who is blessed for evermore knoweth that I lie not.

³¹ Yàlla Baayu sunu Boroom Yeesu, moom mi màgg ba fàww, xam na ne, du ay fen ci man.

³²In Damascus the governor under Aretas the king guarded the city of the Damascenes in order to take me:

³² Ba ma nekkee dëkku Damas, boroom dëkk ba, di jawriñu buur ba Aretas, dafa santaane woon ñuy wottu dëkk ba, ngir man maa jàpp.

³³and through a window was I let down in a basket by the wall, and escaped his hands.

³³ Waaye dugalees na ma ci dàmba, jaarale ma ci palenteeru miiri dëkk ba, yoor ma ci suuf. Noonu ma rëcc ko.