¹These things spake Jesus; and lifting up his eyes to heaven, he said, Father, the hour is come; glorify thy Son, that the son may glorify thee:

¹ Bi mu waxee loolu ba noppi, Yeesu dafa xool ci kaw, ne jàkk asamaan, ñaan Yàlla ne: «Baay, waxtu wi tax ma ñëw ci àddina agsi na. Feeñalal ndamu Doom ji, ngir moom itam mu man a feeñal sa ndam.

²even as thou gavest him authority over all flesh, that to all whom thou hast given him, he should give eternal life.

² Ndaxte jox nga ko sañ-sañ ci bépp mbindeef, ngir mu may dund gu dul jeex gi ñi nga ko dénk.

³And this is life eternal, that they should know thee the only true God, and him whom thou didst send, [even] Jesus Christ.

³ Dund gu dul jeex gi nag, mooy ñu xam la, yaw jenn Yàlla ju wóor ji am, te ñu xam it ki nga yónni, muy Yeesu Kirist.

⁴I glorified thee on the earth, having accomplished the work which thou hast given me to do.

⁴ Wone naa sa ndam ci àddina, ndax li ma matal liggéey, bi nga ma santoon.

⁵And now, Father, glorify thou me with thine own self with the glory which I had with thee before the world was.

⁵ Léegi nag Baay, ci sa teewaay, feeñalal ci man ndam, li ma amoon ci sa wet, laata àddina di sosu.

⁶I manifested thy name unto the men whom thou gavest me out of the world: thine they were, and thou gavest them to me; and they have kept thy word.

⁶ «Xamal naa sa tur nit, ñi nga tànne ci àddina te dénk ma leen. Bokkoon nañu ci yaw, nga dénk ma leen, te sàmm nañu sa kàddu.

⁷Now they know that all things whatsoever thou hast given me are from thee:

⁷ Xam nañu léegi ne, loo ma joxaan, ci yaw la jóge,

⁸for the words which thou gavest me I have given unto them; and they received [them], and knew of a truth that I came forth from thee, and they believed that thou didst send me.

⁸ ndaxte xamal naa leen kàddu yi nga ma jox, te nangu nañu ko. Wóor na leen ne, ci yaw laa jóge, te gëm nañu ne yaa ma yónni.

⁹I pray for them: I pray not for the world, but for those whom thou hast given me; for they are thine:

⁹ Ñoom laay ñaanal. Ñaanaluma waa àddina, waaye maa ngi ñaanal ñi nga ma dénk, ndaxte ci yaw lañu bokk.

¹⁰and all things that are mine are thine, and thine are mine: and I am glorified in them.

¹⁰ Lu ma am, yaa ko moom, te loo am, maa ko moom; te ñoom ñoo feeñal sama ndam.

¹¹And I am no more in the world, and these are in the world, and I come to thee. Holy Father, keep them in thy name which thou hast given me, that they may be one, even as we [are].

¹¹ Nekkatuma ci àddina, waaye ñoom ñu ngi ci; man, ci yaw laa jëm. Baay bu sell bi, sàmm leen ci sa dooley tur woowu nga ma jox, ngir ñu nekk benn, ni nu nekke benn, man ak yaw.

¹²While I was with them, I kept them in thy name which thou hast given me: and I guarded them, and not one of them perished, but the son of perdition; that the scripture might be fulfilled.

¹² Bi ma nekkee ak ñoom, daan naa leen sàmm ci sa dooley tur, tur wi nga ma jox. Wottu naa leen, ba kenn ci ñoom sànkuwul, lu dul kiy aji réer ji, ngir li Mbind mi waxoon am.

¹³But now I come to thee; and these things I speak in the world, that they may have my joy made full in themselves.

¹³ «Waaye léegi maa ngi jëmsi ci yaw, te maa ngi wax nii ci bi may nekk àddina, ngir ñu fees ak sama mbég.

¹⁴I have given them thy word; and the world hated them, because they are not of the world, even as I am not of the world.

¹⁴ Jottali naa leen sa kàddu, te àddina bañ leen, ndax li ñu mel ni man, bañ a bokk ci àddina soosu.

¹⁵I pray not that thou shouldest take them from the world, but that thou shouldest keep them from the evil [one].

¹⁵ Ñaanuma nga jële leen àddina, waaye nga yiir leen ci Ibliis.

¹⁶They are not of the world even as I am not of the world.

¹⁶ Dañoo mel ni man; bokkuñu ci àddina.

¹⁷Sanctify them in the truth: thy word is truth.

¹⁷ Samp leen ci dëgg, ngir ñu sell. Sa kàddu mooy dëgg.

¹⁸As thou didst send me into the world, even so sent I them into the world.

¹⁸ Ni nga ma yónnee àddina, noonu laa leen yónnee ci nit ñi.

¹⁹And for their sakes I sanctify myself, that they themselves also may be sanctified in truth.

¹⁹ Sellal naa sama bopp ngir ñoom, ngir ñu sampu ci dëgg te sell.

²⁰Neither for these only do I pray, but for them also that believe on me through their word;

²⁰ «Ñaanaluma leen ñoom rekk, waaye itam ñi may gëm ëllëg ndax seen wax.

²¹that they may all be one; even as thou, Father, [art] in me, and I in thee, that they also may be in us: that the world may believe that thou didst send me.

²¹ Damay ñaan ngir ñépp doon benn. Baay, na ñooñu nekk benn ci nun, ni nga nekke ci man te ma nekke ko ci yaw. Nañu ànd, ba àddina gëm ne, yaa ma yónni.

²²And the glory which thou hast given me I have given unto them; that they may be one, even as we [are] one;

²² Boole naa leen ci ndam, li nga ma sol, ngir ñu àndandoo, ni nu ànde man ak yaw.

²³I in them, and thou in me, that they may be perfected into one; that the world may know that thou didst send me, and lovedst them, even as thou lovedst me.

²³ Man ci ñoom, yaw it ci man, ngir ñu gën a ànd, nekk benn, ba àddina xam ne yaa ma yónni, xam ne bëgg nga leen, ni nga ma bëgge.

²⁴Father, I desire that they also whom thou hast given me be with me where I am, that they may behold my glory, which thou hast given me: for thou lovedst me before the foundation of the world.

²⁴ «Baay, bëgg naa, ñi nga ma dénk nekk ak man fa ma jëm, ngir ñu gis sama ndam, li nga ma sol, ndaxte bëgg nga ma, laata àddina di sosu.

²⁵O righteous Father, the world knew thee not, but I knew thee; and these knew that thou didst send me;

²⁵ «Baay, yaw ku jub ki, waa àddina xamuñu la, waaye man xam naa la, te ñii xam nañu ne, yaa ma yónni.

²⁶and I made known unto them thy name, and will make it known; that the love wherewith thou lovedst me may be in them, and I in them.

²⁶ Xamal naa leen sa tur te dinaa ko gën a xamle, ngir mbëggeel, gi nga am ci man, nekk ci ñoom, te man it ma nekk ci ñoom.»