¹What shall we say then? Shall we continue in sin, that grace may abound?

¹ Lu nu war a wax léegi nag? Xanaa nu sax ci bàkkaar, ngir yiwu Yàlla gën a bare?

²God forbid. We who died to sin, how shall we any longer live therein?

² Mukk! Nun ñi dee, ba rëcc ci kàttanu bàkkaar, naka lanu manatee sax ci di ko def?

³Or are ye ignorant that all we who were baptized into Christ Jesus were baptized into his death?

³ Xanaa dangeen a xamul ne, képp ku ñu sóob ci ndox, ngir wone ne, mu ngi bokk ci Yeesu Kirist, ci deewu Yeesu la bokk.

⁴We were buried therefore with him through baptism unto death: that like as Christ was raised from the dead through the glory of the Father, so we also might walk in newness of life.

⁴ Bi ñu nu sóobee ci ndox moomu nag, day misaal ne, dañu noo suul ak Kirist, nu dee ni mu deeye woon; ba tax nu dekki it, ni mu dekkee woon ci dooley Yàlla Baay bi, te nu sóobu ci dund gu bees.

⁵For if we have become united with [him] in the likeness of his death, we shall be also [in the likeness] of his resurrection;

⁵ Kon nag gannaaw benn lanu ak Kirist, dee ni mu deeye woon, kon dinanu nekk it benn ak moom, dekki ni mu dekkee woon.

⁶knowing this, that our old man was crucified with [him], that the body of sin might be done away, that so we should no longer be in bondage to sin;

⁶ Ndegam xam nanu ne, daajoon nañu Kirist ca bant ba, xam nanu it ne, jikko ju bon ji nu judduwaale, daajaale nañu ko ak Kirist ca bant ba. Te Yàlla def na loolu, ngir nguuru bàkkaar, gi nekkoon ci sunu yaram tas, nu rëcc ci dooleem.

⁷for he that hath died is justified from sin.

⁷ Ndaxte ku dee, bàkkaar mënatul dara ci yaw.

⁸But if we died with Christ, we believe that we shall also live with him;

⁸ Gannaaw nag dee nanu ak Kirist, gëm nanu ne, dinanu dekki it ni moom,

⁹knowing that Christ being raised from the dead dieth no more; death no more hath dominion over him.

⁹ xam ne Kirist mi dekki dootul dee mukk, dee mënatul dara ci moom.

¹⁰For the death that he died, he died unto sin once: but the life that he liveth, he liveth unto God.

¹⁰ Dee na benn yoon, ba bàkkaar mënul ci moom dara; te mi ngi dund léegi, di ànd ak Yàlla ba fàww.

¹¹Even so reckon ye also yourselves to be dead unto sin, but alive unto God in Christ Jesus.

¹¹ Ci noonu nag yéen itam tegleen seen bopp ni ñu dee ak Kirist, ba rëcc ci dooley bàkkaar, di dund, ànd ak Yàlla ba fàww ndax seen bokk ci Yeesu Kirist.

¹²Let not sin therefore reign in your mortal body, that ye should obey the lusts thereof:

¹² Buleen mayati bàkkaar nag, mu yilif seeni yaram yu néew doole, bay topp ay bëgg-bëggam.

¹³neither present your members unto sin [as] instruments of unrighteousness; but present yourselves unto God, as alive from the dead, and your members [as] instruments of righteousness unto God.

¹³ Te buleen jébbalati seeni cér bàkkaar, mu def leen jumtukaayam ngir jëfam yu jubadi; waaye gannaaw rëcc ngeen ci dooley dee, bay dundaat, jébbaluleen ci Yàlla te jébbal ko seeni cér, mu def leen jumtukaayam ngir jëfam yu jub.

¹⁴For sin shall not have dominion over you: for ye are not under law, but under grace.

¹⁴ Ndaxte bàkkaar dootu leen manal dara, yéen ñi génn ci yoonu Musaa, dugg ci yiwu Yàlla.

¹⁵What then? shall we sin, because we are not under law, but under grace? God forbid.

¹⁵ Lan lanu war a wax nag léegi? Gannaaw génn nanu ci yoonu Musaa, dugg ci yiwu Yàlla, ndax danoo war a sax ci def bàkkaar? Mukk!

¹⁶Know ye not, that to whom ye present yourselves [as] servants unto obedience, his servants ye are whom ye obey; whether of sin unto death, or of obedience unto righteousness?

¹⁶ Ndax dangeen a xamul ne, koo jébbalu ci moom te déggal ko, jaamam nga? Naka noonu, mbaa ngeen nekk jaami bàkkaar, mu jëme leen ci dee, mbaa ngeen déggal Yàlla, mu sóob leen ci yoonu njub.

¹⁷But thanks be to God, that, whereas ye were servants of sin, ye became obedient from the heart to that form of teaching whereunto ye were delivered;

¹⁷ Waaye sant naa Yàlla ci lii: yéen ñi doon jaami bàkkaar, bi ngeen déggee mboolem dëgg gi, nangu ngeen ko ak seen xol bépp.

¹⁸and being made free from sin, ye became servants of righteousness.

¹⁸ Te ci noonu rëcc ngeen ci nootaangeg bàkkaar te jébbalu ci Yàlla, sóobu ci njub.

¹⁹I speak after the manner of men because of the infirmity of your flesh: for as ye presented your members [as] servants to uncleanness and to iniquity unto iniquity, even so now present your members [as] servants to righteousness unto sanctification.

¹⁹ Xam naa ne, seen xam-xam ci mbir mii sorewul, moo tax ma yombal wax ji, awale ko ci baat yii. Ni ngeen jële woon seeni cér, jébbal leen, ñu nekk jaami lu selladi ak lu bon, di gën a jur lu bon, noonu itam léegi jébbal-leen seeni cér, ñu nekk jaami njub, ngeen door a sell.

²⁰For when ye were servants of sin, ye were free in regard of righteousness.

²⁰ Ndaxte keroog ba ngeen nekkee jaami bàkkaar, séquleen woon dara ak lu jub.

²¹What fruit then had ye at that time in the things whereof ye are now ashamed? for the end of those things is death.

²¹ Ban njariñ ngeen ci jële nag? Dara lu dul gàcce, ndaxte ci dee la leen doon jëmale.

²²But now being made free from sin and become servants to God, ye have your fruit unto sanctification, and the end eternal life.

²² Waaye léegi Yàlla goreel na leen ci kilifteefu bàkkaar, def leen ay jaamam, ba jural leen sell, jëme leen ci dund gu dul jeex.

²³For the wages of sin is death; but the free gift of God is eternal life in Christ Jesus our Lord.

²³ Ndaxte peyu bàkkaar mooy dee, waaye mayu Yàlla mooy dund gu dul jeex ci Yeesu Kirist sunu Boroom.