¹परमेस्सर क पूत ईसू मसीह क सुसमाचार क सुरुआत।

¹The beginning of the gospel of Jesus Christ, the Son of God.

²जइसा अगवा होई, यसायाह नबी क किताब मँ लिखा अहइ: उ कहेस, “सुन ल्या! मइँ (परमेस्सर) अपने सहायक क तोसे पहिले पठवत अही। उ तोहरे बरे रस्ता बनाई।” मलाकी 3:1

²Even as it is written in Isaiah the prophet, Behold, I send my messenger before thy face, Who shall prepare thy way.

³“एक ठु मनई के चिल्लाय क अवाज उसरे मँ सुनि लीन्ह: ‘पर्भू क बरे रस्ता बनवा अउर सोझ रस्ता तइयार करा।”‘ यसायाह 40:3

³The voice of one crying in the wilderness, Make ye ready the way of the Lord, Make his paths straight;

⁴यूहन्ना उसरे मँ बपतिस्मा देत आइ। उ लोगन स बपतिस्मा लेने क कहेस कि उ आपन मनफिराव क दिखा सकइँ। अउर ओनके पापन्क छमा होइ।

⁴John came, who baptized in the wilderness and preached the baptism of repentance unto remission of sins.

⁵यरूसलेम अउ यहूदिया देस क सब जने ओकरे निअरे गएन। जइसे उ सब आपुन्हि पापन्क कबूलेन्ह, उ सब यरदन नदिया मँ ओसे बपतिस्मा पाएन।

⁵And there went out unto him all the country of Judaea, and all they of Jerusalem; And they were baptized of him in the river Jordan, confessing their sins.

⁶यूहन्ना ऊँटन्क बारेन्स बनवा बस्तर पहिरत रहा, अउर करिहाउँ प खालि क पेटी बाँधत रहा। उ टिड्डन्क अुर जंगली सहद खात रहा।

⁶And John was clothed with camel's hair, and [had] a leathern girdle about his loins, and did eat locusts and wild honey.

⁷उ इ बात क प्रचार करत रहा: “मोरे पाछे मोसे जिआदा एक ठु बरिआर मनई आई। मइँ ऍतना जोग्य नाहीं कि ओकरे सोझे खड़ा होइके अउर निहुरिके ओकरे बधियउरी क फीता तलक खोलि सकउँ।

⁷And he preached, saying, There cometh after me he that is mightier than I, the latchet of whose shoes I am not worthy to stoop down and unloose.

⁸मइँ तू पचन्क पानी स बपतिस्मा देत अही मुला उ तू पचन्क पवित्तर आतिमा स बपतिस्मा देई।”

⁸I baptized you in water; But he shall baptize you in the Holy Spirit.

⁹उ समइ ईसू नासरत स गलील आवा। हुवाँ यूहन्ना रहा। ईसू ओसे यरदन नदिया मँ बपतिस्मा लिहस।

⁹And it came to pass in those days, that Jesus came from Nazareth of Galilee, and was baptized of John in the Jordan.

¹⁰जइसे ही पानी स बाहेर आवत रह, उ खुला भवा अकास देखेस। अउर पवित्तर आतिमा कबूतरे क नाईं ओह प उतरी।

¹⁰And straightway coming up out of the water, he saw the heavens rent asunder, and the Spirit as a dove descending upon him:

¹¹फिन अकासबानी भइ: “तू मोर पूत, जेहका मइँ पियार करत हउँ। मइँ तोहसे बहोत खुस हउँ।”

¹¹And a voice came out of the heavens, Thou art my beloved Son, in thee I am well pleased.

¹²तब तुरंतहि आतिमा ईसू क उसरे मँ पठएस।

¹²And straightway the Spirit driveth him forth into the wilderness.

¹³अउ उ उसरे मँ चालीस दिन तइँ रहा। उहइ समइया मँ सइतान ओका भरमावत भवा रहा। हुवाँ ईसू जंगली जनावर क संग रहा। जहाँ सरगदूतन आइ क ओकर सेवा किहेन।

¹³And he was in the wilderness forty days tempted of Satan; And he was with the wild beasts; And the angels ministered unto him.

¹⁴ओकरे बाद यूहन्ना जेली मँ धाँध दीन्ह गवा। फिन ईसू गालील मँ गवा अउर परमेस्सर क सुसमाचार क प्रचार करत रहा।

¹⁴Now after John was delivered up, Jesus came into Galilee, preaching the gospel of God,

¹⁵उ कहेस, “समइ पूरा होइ गवा परमेस्सर क राज्य नगिचे अहइ। सब जने मनफिरावा अउर सुसमाचार मँ बिसवास करा।”

¹⁵and saying, The time is fulfilled, and the kingdom of God is at hand: repent ye, and believe in the gospel.

¹⁶जब ईसू गलील झील क निअरे स होइ के जात रहा। उ समौन अउर समौन भाई अन्द्रियास क निहारेस। उ दुइनउँ मछुआरा रहेन, एह बरे उ सब जलिया क झीले मँ डारत रहेन।

¹⁶And passing along by the sea of Galilee, he saw Simon and Andrew the brother of Simon casting a net in the sea; for they were fishers.

¹⁷ईसू ओनसे कहेस, “आवा, अउर मोरे पाछे आवा। मइँ तू पचन क कइसे मनई बटोरा जात हीं इ बात सिखाउब।”

¹⁷And Jesus said unto them, Come ye after me, and I will make you to become fishers of men.

¹⁸तबहिं फउरन उ सब आपनि जालिन्ह क छाँड़ि दिहन अउर ओकरे पाछे आएन।

¹⁸And straightway they left the nets, and followed him.

¹⁹तबहिं ईसू तनिक आगे झिलिया क तीरे चलत-चलत जब्दी क बेटवा याकूब अउर ओकर भाई यूहन्ना क निहारेस। उ सबइ आपन आपन नाउ मँ आपन जालि क मरम्मत करत रहेन।

¹⁹And going on a little further, he saw James the [son] of Zebedee, and John his brother, who also were in the boat mending the nets.

²⁰उ तबहिं फउरन उ सबन्क बोलॉएस। एह बरे कि उ सबइ नाउ मँ आपन बाप जब्दी क छाँड़ि कइ ओके संग ओकरे पाछे आएन।

²⁰And straightway he called them: and they left their father Zebedee in the boat with the hired servants, and went after him.

²¹ओकरे बाद उ पचे कफरनहूम गएन। फुन अगवा ईसू आवइवाला सबित क दिन आराधनालय मँ जाइके लोगन्क सिच्छा देइ लाग।

²¹And they go into Capernaum; and straightway on the sabbath day he entered into the synagogue and taught.

²²सिरिफ धरम सास्तिरियन क जानइवाला क तरह नाहीं मुला एक ठु मुड्ढ क नाईं सिच्छा देत रहा। एह बरे उ सब मनइयन ओकरे सिच्छा स अचरजे मँ पड़ि गएन।

²²And they were astonished at his teaching: For he taught them as having authority, and not as the scribes.

²³ओनकर यहूदी पराथना सभा मँ एक ठू अइसा मनई रहा जेका दुस्ट आतिमा धरे रही। उ मनई चिजिआन अउर कहेस,

²³And straightway there was in their synagogue a man with an unclean spirit; and he cried out,

²⁴“मोसे तू का चाहत बाट्या, नासरत क ईसू? का हम पचन्क बरिबाद करइ क आइ बाट्या? मइँ जानत हउँ तू का अहा, तू अहा परमेस्सर क पवित्तर मनई!”

²⁴saying, What have we to do with thee, Jesus thou Nazarene? art thou come to destroy us? I know thee who thou art, the Holy One of God.

²⁵मुला एह पइ ईसू पटकारेस, “खामोस रह, ओहका छाँड़िके चला आव।”

²⁵And Jesus rebuked him, saying, Hold thy peace, and come out of him.

²⁶तबहिं दुस्ट आतिमा उ मनई क हिलाइस अउर खूब जोर स चिचिआन। फिन ओहमाँ स बाहेर आइ गइ।

²⁶And the unclean spirit, tearing him and crying with a loud voice, came out of him.

²⁷ऍहसे हर मनई अचरज मँ पड़ि गवा। सब मनइयन आपुस मँ पूछइ पछोरे लागेन, “हिआँ इ कावा? इ मनई एक ठु नई सिच्छा देत बाटइ। उ मुड्ढ गियान स सिखवत अहइ। उ दुस्ट आतिमा क हुकुम देत हय अउर उ पचे ओहका मानत हीं।”

²⁷And they were all amazed, insomuch that they questioned among themselves, saying, What is this? a new teaching! with authority he commandeth even the unclean spirits, and they obey him.

²⁸एह बरे गलील अउ ओह के चारिउँ कइँती ईसू क नाउँ तुरंतइ फइल गइ।

²⁸And the report of him went out straightway everywhere into all the region of Galilee round about.

²⁹ईसू अउर ओकर चेलन आराधनालय तजि दिहन अउर सोझे याकूब अउ यूहन्ना क संग समौन अउर अन्द्रियास क घरे गएन।

²⁹And straightway, when they were come out of the synagogue, they came into the house of Simon and Andrew, with James and John.

³⁰समौन क सास बोखॉरे स बिछउना प पहुड़ी रही। तउ उ सब तुरंतहि ईसू क ओकरे बारे मँ बताऍन।

³⁰Now Simon's wife's mother lay sick of a fever; and straightway they tell him of her:

³¹तइसे उ ओकरे नगिचे गवा। ओकर हथवा पकरि के ओका उठाएस। बोखॉर ओहका छाँड़ि दिहस अउर उ सबन्क सेवॅकाई करइ लाग।

³¹and he came and took her by the hand, and raised her up; and the fever left her, and she ministered unto them.

³²सूरज बूड़े क बाद सांझ होइ जाए प उ सब लोग ढेर बेरमियन्क अउर जेनका दुस्ट आतिमन बियाधत रहा, ईसू क नगिचे लिवाइ लाऍन।

³²And at even, when the sun did set, they brought unto him all that were sick, and them that were possessed with demons.

³³अउर समूचा सहर दुआरे प जम गवा।

³³And all the city was gathered together at the door.

³⁴उ तरह तरह क रोग स बेरमिया रहेन ओन सबन्क बेमारी स जरटुट किहेस अउर बहोत स दुस्ट आतिमन भगाय दिहस। उ दुस्ट आतिमन बोलइ दिहस नाहीं, एह बरे कि उ सब ओहका जान गइन।

³⁴And he healed many that were sick with divers diseases, and cast out many demons; and he suffered not the demons to speak, because they knew him.

³⁵बड़े भिन्सारे जब मुँह अँधियार रहा, ईसू जागि गवा। ओकरे बाद घरवा स बाहेर अकेल्ले मँ अउर उजाड़े मँ गवा, हुवाँ उ पराथना करेस।

³⁵And in the morning, a great while before day, he rose up and went out, and departed into a desert place, and there prayed.

³⁶पाछे समौन अउ ओकर साथी ईसू क हेरत-हेरत बाहेर गएन।

³⁶And Simon and they that were with him followed after him;

³⁷उ पचे ओहका हेरि के ओसे कहेन, “हर मनई तोहका हेरत अहइ।”

³⁷and they found him, and say unto him, All are seeking thee.

³⁸फिन ईसू ओनसे कहेस, “हमका दूसर क नगरन मँ जाइ चाही। तबहिं उ सबन ठउरन मँ मइँ उपदेस दइ सकत हउँ। एह बरे मइँ आइ हउँ।”

³⁸And he saith unto them, Let us go elsewhere into the next towns, that I may preach there also; for to this end came I forth.

³⁹अइसे उ गलील क सब ठउरन मँ ओनके आराधनालयन मँ उपदेस देत अउर संग संग दुस्ट आतिमा क भगावत रहा।

³⁹And he went into their synagogues throughout all Galilee, preaching and casting out demons.

⁴⁰फिन एक ठु कोढ़ी ओकरे निअरे आवा अउर उ निहुरि क ईसू स बिनती किहेस, “जउ तू चाहा, तू मोका चंगा कइ सकत ह।”

⁴⁰And there cometh to him a leper, beseeching him, and kneeling down to him, and saying unto him, If thou wilt, thou canst make me clean.

⁴¹ओकर जिअरा दाया स भरि गवा। फिन उ आपन हथवा फइलावत ओका छुइके कहेस, “मइँ चाहत हउँ, तू नीक ह्वा।”

⁴¹And being moved with compassion, he stretched forth his hand, and touched him, and saith unto him, I will; be thou made clean.

⁴²तबहिं फउरन ओकर कोढ़ जरटुट होइ ग अउर उ नीक होइ ग।

⁴²And straightway the leprosy departed from him, and he was made clean.

⁴³ईसू ओका जाइक बरे कहेस मुला ओका एक करी चिताउनी दिहेस,

⁴³And he strictly charged him, and straightway sent him out,

⁴⁴“देखा, तू ऍकरे बारे मँ कउनो स कछुहि जिन कह्या। फिन याजक क लगे जा अउर ओका आपन क देखावा। परमेस्सर क भेंट द्या जेह बरे तू नीक होइ गया। अउर जइसा मूसा क व्यवस्था बताएस, वइसा आपन नीक होइ क भेंट द्या। जइसे इ एक सनद रहइ।”

⁴⁴and saith unto him, See thou say nothing to any man: but go show thyself to the priest, and offer for thy cleansing the things which Moses commanded, for a testimony unto them.

⁴⁵फिन उ मनई चला गवा, अउर बेधड़क बतावइ लाग अउर खबरिया क प्रचार करइ लाग। ऍहसे ईसू अजादी स कस्बन मँ जाइ न सका। आखिर उ अकेल्ॅले मँ अउर उजड़े ठउरन मँ टिकइ लाग। सब मिला ठउर ठउर सा ओकरे नगिचे आवत रहेन।

⁴⁵But he went out, and began to publish it much, and to spread abroad the matter, insomuch that Jesus could no more openly enter into a city, but was without in desert places: and they came to him from every quarter.